Bakı Şəhəri Nizami Rayon Məhkəməsi Qərar — İş №1(007)-171/2021

Azərbaycan Respublikası adından QƏRAR Bakı şəhəri İş № 1(007)-171/2021 27.04.2021 BAKI ŞƏHƏRİ NİZAMİ RAYON MƏHKƏMƏSİ Hakim Hacıyeva Mətanət İsfəndiyar qızının sədrliyi, Seyfullayeva Şəbnəm Əfqan qızının katibliyi, xüsusi ittiham qaydasında şikayət vermiş şəxs X4 nümayəndəsi – “Ədalət” Vəkil Bürosunun vəkili X3, barəsində xüsusi ittiham qaydasında şikayət verilmiş şəxs X2 müdafiəçisi - Bakı şəhəri 6 saylı Vəkil Bürosunun vəkili Müdafiəçi iştirakları ilə, X2 Azərbaycan Respublikası CM-nin 147.1 və 147.2-ci maddələri ilə cinayət məsuliyyətinə cəlb edilməsi barədə X4 xüsusi ittiham qaydasında şikayətinə məhkəmə iclasında baxaraq, MÜƏYYƏN E T D İ: X1 Xədicəxanım Elman qızının Azərbaycan Respublikası CM-nin 147.1 və 147.2-ci maddələri ilə cinayət məsuliyyətinə cəlb edilməsi barədə xüsusi ittiham qaydasında şikayət ərizəsi ilə Bakı şəhəri Nizami Rayon Məhkəməsinə müraciət etmişdir. Məhkəmə hazırlıq iclasında xüsusi ittiham qaydasında şikayət vermiş X4 nümayəndəsi X7 məhkəmədən X2 barəsində xüsusi ittiham qaydasında verilmiş ərizənin geri qaytarılmasını xahiş etmişdir. Məhkəmə hazırlıq iclasında barəsində xüsusi ittiham qaydasında şikayət verilmiş şəxsin müdafiəçisi Müdafiəçi X2 barəsində xüsusi ittiham qaydasında verilmiş ərizənin geri qaytarılmasına etiraz etmədiyini bildirmişdir. Məhkəmə hesab edir ki, xüsusi ittiham qaydasında şikayət vermiş X4 nümayəndəsi X7 şikayəti geri götürdüyündən xüsusi ittiham qaydasında verilmiş şikayət geri qaytarılmalıdır. Azərbaycan Respublikası Cinayət Prosessual Məcəlləsinin 302.1.8-ci maddəsinə əsasən şikayəti vermiş şəxs şikayətindən imtina etdikdə və təqsirləndirilən şəxslə barışdıqda və ya məhkəmənin hazırlıq iclasına üzrlü səbəb olmadan təkrarən gəlmədikdə xüsusi ittiham qaydasında şikayət üzrə məhkəmənin hazırlıq iclasının nəticələri əsasında məhkəmə baxışının keçirilməsindən imtina edilir. Göstərilənlərə əsasən və Azərbaycan Respublikası Cinayət Prosessual Məcəlləsinin 302-ci maddəsini rəhbər tutaraq, məhkəmə QƏRARA A L D İ: X2 Azərbaycan Respublikası CM-nin 147.1 və 147.2-ci maddələri ilə cinayət məsuliyyətinə cəlb edilməsi barədə X4 xüsusi ittiham qaydasında şikayəti geri qaytarılsın. Sədrlik edən Mətanət Hacıyeva