Bakı Şəhəri Nizami Rayon Məhkəməsi Qərar — İş №1(007)-259/2022

Azərbaycan Respublikası adından QƏRAR Bakı şəhəri İş № 1(007)-259/2022 16.06.2022 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami rayon Məhkəməsinin hakimi Əhmədov Rauf Tağı oğlunun sədrliyi, məsləhətçi İmanov Nizami Bəxtiyar oğlunun katibliyi, xüsusi ittiham qaydasında şikayət vermiş şəxs X2 iştirakları ilə, X3 Azərbaycan Respublikası CM-nin 147.1-ci maddəsi ilə cinayət məsuliyyətinə cəlb edilməsinə dair X4 tərəfindən xüsusi ittiham qaydasında verilmiş şikayətə məhkəmənin hazırlıq iclasında baxaraq, MÜƏYYƏN E T D İ: X4 xüsusi ittiham qaydasında şikayət ərizəsi ilə məhkəməyə müraciət edərək, X3 Azərbaycan Respublikası CM-nin 147.1-ci maddəsi ilə cinayət məsuliyyətinə cəlb edilməsini xahiş etmişdir. Azərbaycan Respublikası CPM-nin 299.3.1-ci maddəsinə əsasən cinayət prosesi tərəflərinin iştirakı ilə məhkəmənin hazırlıq iclasında məhkəməyə daxil olmuş cinayət işinin, məhkəməyədək sadələşdirilmiş icraatın materiallarının və ya xüsusi ittiham qaydasında şikayətin ona aid olub-olmaması barədə məsələlərə baxılır. X4 şikayət ərizəsini onunla əsaslandırmışdır ki, tərəfindən xüsusi ittiham qaydasında verilmiş şikayətdə göstərilən məlumatlara görə, onun keçmiş arvadı Aynur Abdunova guya sonuncunun adına saxta şəxsiyyət vəsiqəsi düzəldib və “Ata-bank”ın Yevlax filialının müdir əvəzi vəzifəsini icra edən X1 ilə saxta etibarnamə tərtib edərək həmin saxta şəxsiyyət vəsiqəsi və etibarnamə əsasında Aynur Abdunovaya məxsus hesabdan 300.000 manat məbləğində pulu ələ keçirdiyini barədə sonuncu "xxxx"-ya müraciət edərək göstərmiş, daha sonra “BAKU.WS”, “gapp.az”, “Day.Az”, “AZE.NEWS” və digər xəbər saytları "xxxx"-ya istinadən həmin məlumatları sosial şəbəkələrdə yaymışlar. Məhkəmə iclasında xüsusi ittiham qaydasında şikayət vermiş şəxs X4 xüsusi ittiham qaydasında şikayətin icraata götürülərək, məhkəmə baxışına təyin edilməsini xahiş etdi. Məhkəmə xüsusi ittiham qaydasında şikayət vermiş şəxsi dinləyib, xüsusi ittiham qaydasında şikayəti sənədlərlə əlaqəli yoxlayıb hesab edir ki, xüsusi ittiham qaydasında şikayət baxılması üçün aidiyyəti məhkəməyə göndərilməlidir. Belə ki, X4 tərəfindən xüsusi ittiham qaydasında verilmiş şikayətə səbəb olmuş məlumatların məhs X5 tərəfindən "xxxx" MMC vasitəsi ilə sosial şəbəkələrdə yayımlandığı qeyd olunmuşdur. Azərbaycan Respublikasının İqtisadiyyat Nazirliyi yanında Dövlət Vergi Xidməti, Kommersiya qurumlarının dövlət reyestri məlumatları haqqında internet portalından əldə edilmiş məlumatdan görünür ki, "xxxx" MMC ünvan 1 ünvanında yerləşir. Azərbaycan Respublikası CPM-nin 74.1-ci maddəsinə əsasən cinayət işinə və digər materiala cinayətin törədildiyi yerin yurisdiksıyasına aid olan birinci instansiya məhkəməsində baxılır. Həmin Məcəllənin 75.1-ci maddəsinə əsasən cinayət işinin, məhkəməyədək sadələşdirilmiş icraat üzrə materialın, xüsusi ittiham qaydasında şikayətin, habelə digər materialın məhkəmənin icraatına qəbul edilməsi məsələsi həll edilərkən onların məhkəmə aidiyyəti mütləq yoxlanılmalıdır. Məhkəməyə daxil olmuş cinayət işinin və ya digər materialın həmin məhkəməyə aid olmadığı müəyyən edildikdə, məhkəmə onu aidiyyəti üzrə göndərməlidir. Həmin Məcəllənin 300.1.4-cü maddəsinə əsasən məhkəmənin hazırlıq iclasının keçirilməsi nəticəsində müvafiq olaraq cinayət işinin, məhkəməyədək sadələşdirilmiş icraat materiallarının və ya xüsusi ittiham qaydasında şikayətin məhkəmə aidiyyəti üzrə göndərilməsi barədə qərar qəbul edilir. Məhkəmə yuxarıda qeyd olunan xüsusatları və qanunvericiliyin tələblərini nəzərə alaraq hesab edir ki, X3 Azərbaycan Respublikası CM-nin 147.1-ci maddəsi ilə cinayət məsuliyyətinə cəlb olunması barədə X4 tərəfindən xüsusi ittiham qaydasında verilmiş şikayətə səbəb olmuş məlumatlar ünvan 1 ünvanda yerləşən "xxxx" MMC-də yayımlandığından xüsusi ittiham qaydasında şikayət aidiyyəti üzrə baxılması üçün Bakı şəhəri Nərimanov Rayon Məhkəməsinə göndərilməlidir. Azərbaycan Respublikası CPM-nin 300.5-ci maddəsinə əsasən bu Məcəllənin 300.1.3, 300.1.6 və 300.1.7-ci maddələrində nəzərdə tutulmuş qərarlardan bu Məcəllənin 381, 383 və 384-cü maddələrinin müddəalarına uyğun olaraq apellyasiya şikayəti və ya apellyasiya protesti verilə bilər. Məhkəmə hesab edir ki, xüsusi ittiham qaydasında şikayətin adiyyəti məhkəməyə göndərilməsi barədə qərar CPM-nin 300.1.4-cü maddəsinin müddəalarına uyğun tənzimləndiyinə və CPM-nin 300.5-ci maddəsinin təsiri altına düşmədiyindən hazırkı qərardan şikayət verilə bilməz. Şərh olunanları və Azərbaycan Respublikası CPM-nin 74, 75, 299 və 300-cü maddələrini rəhbər tutaraq, məhkəmə QƏRARA A L D İ: X3 Azərbaycan Respublikası CM-nin 147.1-ci maddəsi ilə cinayət məsuliyyətinə cəlb olunması barədə X4 tərəfindən xüsusi ittiham qaydasında verilmiş şikayət aidiyyəti üzrə baxılması üçün Bakı şəhəri Nərimanov Rayon Məhkəməsinə göndərilsin. Qərardan şikayət verilə bilməz. Hakim Rauf Əhmədov