Bakı Şəhəri Sabunçu Rayon Məhkəməsi Qərar — İş №1(008)-307/2023

Azərbaycan Respublikası adından QƏRAR Bakı şəhəri İş № 1(008)-307/2023 30.01.2023 BAKI ŞƏHƏRİ SABUNÇU RAYON MƏHKƏMƏSİ Hakim Rzayev Anar Zahid oğlunun sədrliyi, Vəliyeva Elnarə Fəxrəddin qızının katibliyi, Dövlət ittihamçısı - Azərbaycan Respublikası Baş prokurorluğunun Dövlət ittihamının müdafiəsi üzrə idarənin Bakı şəhərinin rayon məhkəmələrində dövlət ittihamının müdafiəsi üzrə şöbəsinin prokuroru Dövlət ittihamçısı, Zərərçəkmiş şəxs, Müdafiəçi - Bakı şəhəri 07 saylı vəkil bürosunun vəkili Müdafiəçi, Cinayət qanunu ilə nəzərdə tutulmuş əməli törətmiş şəxs – Təqsirləndirilən şəxs iştirakları ilə, xx xxxx 1985-ci il tarixdə Bakı şəhərində doğulmuş, Azərbaycan Respublikası vətəndaşı, evli, orta təhsilli, əvvəllər məhkum olunmamış, ünvan 1 ünvanında qeydiyyatda olmaqla yaşayan Təqsirləndirilən şəxs Azərbaycan Respublikasının Cinayət Məcəlləsinin 128-ci maddəsi ilə təqsirləndirilməsinə dair cinayət işinə açıq məhkəmə iclasında baxaraq, məhkəmə MÜƏYYƏNETDİ: Təqsirləndirilən şəxs 03 yanvar 2023-cü il tarixdə saat 20:30-da yaşadıqları ünvan 1 ünvanında şəxsi münasibətləri zəminində yaranmış münaqişə gedişində əri Zərərçəkmiş şəxs sol qolundan yumruqla vurub, baş və bədən nahiyələrini cırmaqlayıb ona sol bazu oynağı nahiyəsinin və sol bazu nahiyələrinin əzilmiş yaraları, sol almacıq nahiyəsinin qançırı, boyun və sol bazu nahiyələrinin sıyrıqları ilə müşayiət olunan sol bazu-sol çiyin qurşağı nahiyəsinin qançırı kimi ümumilikdə sağlamlığın qısa müddətə pozulmasına səbəb olmuş qəsdən sağlamlığa yüngül zərər vurmuşdur. Məhkəmə hazırlıq iclasında cinayət qanunu ilə nəzərdə tutulmuş əməli törətmiş şəxs Təqsirləndirilən şəxs özünü ona qarşı irəli sürülmüş ittihamda təqsirli bilərək izahatında göstərdi ki, təxminən 10 il əvvəl Zərərçəkmiş şəxs ilə ailə həyatı qurmuş, birgə nikahdan 1 övladları var. 03 yanvar 2023-cü il tarixdə, günorta saatlarında xalası qızı Xəyalə və az yaşlı qızı Aytacla birlikdə şəhərə gəzməyə getmişlər. Şəhərdə bir müddət gəzdikdən sonra Xəyalənin işi çıxdığı üçün getmiş, o, qızı ilə bir neçə mağazaya gedərək geyim əşyalarına baxmış, özünə gödəkcə alaraq yaşadığı evə getmişdir. Həmin gün, saat 19 radələrində o, evə çatmış, Zərərçəkmiş şəxs ondan evə gec gəlmələrinin və Xəyalənin onlarla birlikdə gəlməməsinin səbəbini soruşmuşdur. O, Hacıya Xəyalənin işi çıxdığı üçün getdiyini bildirmiş, Hacı ona inanmayaraq Xəyalənin onları aldatdığını, kiminləsə görüşə getdiyini bildirmişdir. Həmin saat 20:30 radələrində mübahisə əsnasında o, Hacının sözlərindən əsəbləşərək onu itələmiş, sol üz və çiyin nahiyəsindən yumruqla vurmuş, daha sonra dırnaqları ilə onun bədən nahiyəsini cırmaqlamışdır. Baş vermiş hadisə təxminən 5 dəqiqə davam etmiş, evdə onlardan başqa heçkim olmamışdır. Törətdiyi əməldən səmimi peşmandır. Hal-hazırda zərərçəkmiş şəxslə barışmış və iş üzrə icraata xitam verilməsini xahiş edir. Məhkəmə hazırlıq iclasında məhkəməyədək sadələşdirilmiş icraat zamanı zərərçəkmiş şəxs qismində dindirilmiş Zərərçəkmiş şəxs izahatında göstərmişdir ki, cinayət qanunu ilə nəzərdə tutulmuş əməli törətmiş şəxs Təqsirləndirilən şəxs onun arvadıdır. Onlar 10 il əvvəl ailə həyatı qurmuş, birgə nikahdan 1 övladları var. 03 yanvar 2023-cü il tarixdə həyat yoldaşı X2, az yaşlı qızı Aytac və Aytənin xalası qızı Xəyalə şəhərə gəzməyə getmiş, Aytən ona zəng edərək, Xəyalənin işi çıxdığından getməli olduğunu, Aytacla şəhərdə bir-iki mağazaya baxıb gödəkcə alıb gələcəyini bildirmişdir. Aytən və azyaşlı qızı Aytac avtobusla gəldikləri üçün evə saat təxminən 19:00-da çatmış, o, əsəbləşərək Aytəndən niyə gec gəldiklərini, xalası qızı Xəyalənin niyə onu evə gətirməyini soruşmuşdur. Aytən işi çıxdığı üçün Xəyalənin məcbur qalaraq getdiyini bildirdikdə, o, əsəbləşərək Xəyalənin heç bir işi olmadığını, onları qoyaraq kiminləsə görüşə getdiyini bildirmişdir. Mübahisə zamanı saat 20:30 radələrində Aytən onun sözlərindən əsəbləşərək onu itələmiş, sol üz və çiyin nahiyəsindən yumruqla vurmuş, daha sonra dırnaqları ilə onun bədən nahiyəsini cırmaqlamışdır. Bundan sonra, o, DİN-nin 102 zəng xidmətinə zəng edərək hadisə barədə məlumat vermişdir. Hal-hazırda Təqsirləndirilən şəxs ilə barışmış, ona qarşı heç bir şikayət və tələbi yoxdur. Məhkəmə iclasında Zərərçəkmiş şəxs ərizə ilə məhkəməyə müraciət edərək Təqsirləndirilən şəxs ilə barışdığını, ona qarşı heç bir şikayət və tələbinin olmadığını bildirərək cinayət təqibinə xitam verilməsini xahiş etmişdir. Cinayət işi materiallarında olan Azərbaycan Respublikası Səhiyyə Nazirliyi “Məhkəmə- Tibbi Ekspertiza və X1” X4 Sabunçu rayon şöbəsinin 07 yanvar 2023-cü il tarixli, 15 saylı ekspert rəyindən görünür ki, Zərərçəkmiş şəxs sol bazu oynağı nahiyəsinin və sol bazu nahiyələrinin əzilmiş yaraları, sol almacıq nahiyəsinin qançırı, boyun və sol bazu nahiyələrinin sıyrıqları müəyyən edilmişdir. Xəsarətlər bərk küt bərk-küt əşya (əşyalar) təsirindən törənmişlər, müddəti qərarda göstərilən xx.xx.2023-cü il tarixə uyğun gəlir və dərəcəsinə görə ümumilikdə sağlamlığın qısa müddətə pozulmasına səbəb olan sağlamlığa YÜNGÜL zərərvurmaya aiddir. Xarakter və lokalizasiyasına görə xəsarətlərin müayinə olunan şəxsin özü tərəfindən özünə yetirilməsi və yıxılma nəticəsində aınması inkar edilir. Cinayət işi materiallarında olan Azərbaycan Respublikası DİN-nin Baş Əməliyyat Statistika İnformasiya İdarəsi tərəfindən 22 yanvar 2023-cü il tarixdə verilmiş tələbnamədən görünür ki, Təqsirləndirilən şəxs əvvəllər məhkum olunmamışdır. Məhkəmə iş üzrə toplanmış sübutların məcmusuna tam, hərtərəfli və obyektiv baxılmasına əsaslanmaqla belə nəticəyə gəlir ki, Təqsirləndirilən şəxs Azərbaycan Respublikası Cinayət Məcəlləsinin 128-ci maddəsi ilə nəzərdə tutulan əməli törətmişdir. Məhkəmə hazırlıq iclası zamanı Təqsirləndirilən şəxs zərərçəkmiş şəxslə barışdığını göstərmiş, bunları ifadə edən ərizəni məhkəməyə təqdim edərək barəsində olan cinayət işinə xitam verilməsini məhkəmədən xahiş etmişdir. Eyni zamanda Zərərçəkmiş şəxs da, məhkəməyə yazılı ərizə təqdim edərək göstərmişdir ki, artıq Təqsirləndirilən şəxs ilə barışmış, ona qarşı heç bir şikayəti və tələbi yoxdur, bununla əlaqədar onun barəsində cinayət işi üzrə icraata xitam verilməsini xahiş edir. Məhkəmə cinayət qanunu ilə nəzərdə tutulmuş əməli törətmiş şəxsin cinayət məsuliyyətindən azad edilməsi ilə bağlı məsələni müzakirə edərək hesab edir ki, aşağıdakılara əsasən cinayət qanunu ilə nəzərdə tutulmuş əməli törətmiş şəxs cinayət məsuliyyətindən azad edilməli və barəsindəki cinayət təqibi üzrə icraata xitam verilməlidir. Təqsirləndirilən şəxs oğlunun törətdiyi cinayət əməli Azərbaycan Respublikasının Cinayət Məcəlləsinin 15.2-ci maddəsinə əsasən böyük ictimai təhlükə törətməyən cinayətlər kateqoriyasına aiddir. Azərbaycan Respublikası CPM-nin 43.1.2-ci maddəsinə əsasən bu Məcəllənin 39.1.4, 39.1.6-39.1.11, 40.3 və 40.4-cü maddələrində nəzərdə tutulmuş hallar olduqda məhkəmə baxışının gedişində cinayət qanunu ilə nəzərdə tutulan əməli törətmiş şəxsə qarşı cinayət təqibinə xitam verilməsi barədə qərar çıxarılır. Azərbaycan Respublikası CPM-nin 40.3-cü maddəsinə uyğun olaraq, şəxsin cinayət məsuliyyətindən azad edilməsi üçün Azərbaycan Respublikası Cinayət Məcəlləsinin 72.2- ci, 73.2-ci, 73.3-cü, 73-1.1-ci və 73-1.2-ci maddələrində, habelə Xüsusi hissəsinin müvafiq maddələrində nəzərdə tutulmuş hallar müəyyən edildikdə təhqiqatçının və ya müstəntiqin prokurorla razılaşdırılmış qərarına əsasən cinayət təqibi başlanılmır və ya ona xitam verilir. Azərbaycan Respublikası Cinayət Məcəlləsinin 73.1-ci maddəsinə müvafiq olaraq böyük ictimai təhlükə törətməyən cinayət törətmiş şəxs zərərçəkmiş şəxslə barışdıqda və ona dəymiş ziyanı ödədikdə və ya vurulmuş zərəri aradan qaldırdıqda cinayət məsuliyyətindən azad edilə bilər. Həmin Məcəllənin 73.2-ci maddəsinə əsasən bu Məcəllənin 127.1, 128, 129, 130, 131.2, 133.1, 134, 142.1, 143, 156.1, 157.1 və 158.1 -ci maddələrində nəzərdə tutulmuş əməli (əməlləri) törətmiş şəxs zərərçəkmiş şəxslə barışdıqda və ona dəymiş ziyanı tamamilə ödədikdə cinayət məsuliyyətindən azad edilir. Azərbaycan Respublikası CPM-nin 300.1.7-ci maddəsinə əsasən nəhkəmənin hazırlıq iclasının keçirilməsi nəticəsində məhkəmə tərəfindən cinayət işi və ya məhkəməyədək sadələşdirilmiş icraatın materialları üzrə icraata xitam verilməsi barədə qərar qəbul edilə bilər. Məhkəmə hesab edir ki, şəxs Azərbaycan Respublikası CM-nin 128-ci maddəsində nəzərdə tutulan böyük ictimai təhlükə törətməyən cinayət əməli törətdiyindən, zərərçəkmiş şəxslə barışdığından və iş üzrə maddi ziyan olmadığından Təqsirləndirilən şəxs qarşı cinayət təqibinə xitam verilməli, o, cinayət məsuliyyətindən azad edilməlidir. İş üzrə mülki iddia, maddi sübut və məhkəmə məsrəfi yoxdur. Yuxarıda göstərilənləri nəzərə alaraq və Azərbaycan Respublikası CPM-nin 40.3, 43.1.2, 300.1.7, 344-347, 356, 384-cü maddələrini rəhbər tutaraq, məhkəmə Q Ə R A R A A L D İ: Təqsirləndirilən şəxs Azərbaycan Respublikası Cinayət Məcəlləsinin 128-ci maddəsi ilə cinayət məsuliyyətindən azad edilsin və barəsində olan məhkəməyədək sadələşdirilmiş icraat materialı üzrə cinayət təqibinə xitam verilsin. Qərardan elan olunduğu andan 20 gün müddətində Bakı şəhəri Sabunçu Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti və apellyasiya protesti verilə bilər. Qərardan apellyasiya şikayəti və ya apellyasiya protesti verilmədikdə qərar həmin müddət başa çatdığı vaxtdan sonrakı gün qanuni qüvvəyə minir. Sədrlik edən: Anar Rzayev