Bakı Şəhəri Suraxanı Rayon Məhkəməsi Qərar — İş №1(010)-138/2020

Azərbaycan Respublikası adından QƏRAR Bakı şəhəri İş № 1(010)-138/2020 27.07.2020 BAKI ŞƏHƏRİ SURAXANI RAYON MƏHKƏMƏSİ SURAXANİ RAYON MƏHKƏMƏSİ hakim Qədimov Ceyhun Tofiq oğlunun sədrliyi, Mazanov Kamran Ramazan oğlunun katibliyi, Dövlət ittihamçısı, Zərərçəkmiş şəxs, təqsirləndirilən şəxsin müdafiəçisi Müdafiəçi iştirakı ilə xx xxxx 1983-cü ildəSaatlı rayonu, Şirinbəy kəndindədoğulmuş, Azərbaycan Respublikasının vətəndaşı, subay, orta təhsilli, “xxxxxx” ASC-də çilingər işləyən, əvvəllər məhkum olunmamış, Saatlı rayonu, Şirinbəykəndində qeydiyyatda olan, ünvan 1də yaşayan Təqsirləndirilən şəxs Azərbaycan Respublikası CM-nin 128-ci maddəsi ilə təqsirləndirilməsinə dair məhkəməyədək sadələşdirilmiş icraat materialına açıq məhkəmə iclasında baxaraq, MÜƏYYƏN ETDİ: Təqsirləndirilən şəxs xx xxxx 2020-ci ildə saat 01 radələrində yaşadığı ünvan 1 ünvanında yerləşən fərdi yaşayış evində yüngül dərəcəli alkoqol sərxoşluğu vəziyyətində olduğu vaxt qeyri-rəsmi ailə münasibətlərində olduğu X1 evin həyətyanı sahəsindəki toyuq hininin qapısını açıq vəziyyətdə saxladığına görə irad bildirib mübahisə edərək sonuncunun valideynlərinin ünvanına nalayiq ifadələr işlətmiş, buna baldızı (zərərçəkmiş şəxs) Zərərçəkmiş şəxs etiraz etdikdə isə qəsdən dəmir vedrəni onun üzərinə atmış, həmçinin qəsdən saçından tutub başını masanın üzərinə vuraraq ona sağlamlığın qısa müddətə pozulmasına səbəb olan, sağlamlığa yüngül zərər vurmaya aid edilən bədən xəsarəti yetirmişdir. İşin məhkəmə baxışı zamanı təqsirləndirilən şəxs qismində dindirilmiş Təqsirləndirilən şəxs yuxarıda təsvir olunmuş cinayət əməlini törətməkdə özünü təqsirli bilərək qeyd etmişdir ki, X3 ilə 2013-cü ildə qeyri-rəsmi olaraq ailə qurmuş, birgə ailə münasibətlərindən X2 və X4 adlı uşaqları doğulmuşdur. Münasibətləri yaxşı olub. Lakin 2016-cı ildən baldızı Zərərçəkmiş şəxs onlarla birlikdə yaşamağa başlamış, həmin vaxtdan etibarən aralarında mübahisələr yaranmışdır. xx xxxx 2020-ci ildə saat 01 radələrində yaşadığı evə gəlmiş, həmin vaxt evin həyətyanı sahəsindəki toyuq hininin qapısının açıq olduğunu görüb bununla bağlı X1 irad bildirmiş, bu zəmində aralarında mübahisə yaranmışdır. Mübahisə zamanı Lalə Tağıyevanın valideynlərinin ünvanına nalayiq ifadələr işlətməsi səbəbindən baldızı Zərərçəkmiş şəxs da mübahisəyə qoşulmuş və ona etiraz etmişdir. Bundan əsəbiləşərək yerdəki dəmir vedrəni götürüb baldızı Zərərçəkmiş şəxs qoluna vurmuş, daha sonra saçından tutub başını masanın üstünə vurmuşdur. Əməlindən peşmandır. Hazırda baldızı ilə barışdığını nəzərə alaraq iş üzrə icraata xitam verilməsini məhkəmədən xahiş edir. İşin məhkəmə baxışı zamanı zərərçəkmiş şəxs qismində dindirilmiş Zərərçəkmiş şəxs təqsirləndirilən şəxsin bildirdiklərinə uyğun məzmunlu ifadə vermişdir. Həmçinin bildirir ki, təqsirləndirilən şəxslə barışıb. Təqsirləndirilən şəxs qarşı heç bir şikayəti və tələbi yoxdur. Göstərilənlərə əsasən iş üzrə icraata xitam verilməsini məhkəmədən xahiş edir. Təqsirləndirilən şəxs müvafiq cinayət əməlini törətməsi faktı, onun özünün səmimi etirafı və zərərçəkmiş şəxsin ifadəsi ilə yanaşı, iş üzrə toplanmış digər sübutlarla da təsdiq edilir. Canlı şəxsin ekspertizası ilə bağlı xx xxxx 2020-ci il tarixli 511 nömrəli rəyin nəticəvi hissəsində qeyd olunur ki, Zərərçəkmiş şəxs «bədən səthində aşkar edilmiş xəsarət – sol almacıq nahiyəsinin hematoması bərk küt əşya təsirindən törənmişdir, qərarda göstərilən xx.xx.2020-ci il tarixdə əmələ gələ bilərdi və dərəcəsinə görə sağlamlığın qısa müddətə pozulmasına səbəb olan sağlamlığa yüngül zərərvurmaya aiddir. Zərərçəkmiş şəxs aşkar olunmuş xəsarətin xarakterinə və lokalizasiyasına əsasən demək olar ki, həmin xəsarətin özü tərəfindən yetirilməsi inandırıcı deyildir». Beləliklə, Təqsirləndirilən şəxs Azərbaycan Respublikası CM-nin 128-ci maddəsində nəzərdə tutulmuş cinayət əməlini törətməsi faktı işin məhkəmə baxışı zamanı tam sübuta yetirilmişdir. Zərərçəkmiş şəxs ərizə ilə məhkəməyə müraciət edərək təqsirləndirilən şəxslə barışdığını ona vurulmuş zərərin ödənildiyini bildirmiş və iş üzrə icraata xitam verilməsini xahiş etmişdir. Təqsirləndirilən şəxs də iş üzrə icraata xitam verilməsinə dair ərizə təqdim edib. Azərbaycan Respublikası CM-nin 73.2-ci maddəsinə əsasən «Bu Məcəllənin 127.1, 128, 129, 130, 131.2, 133.1, 134, 142.1, 143, 156.1, 157.1 və 158.1-ci maddələrində nəzərdə tutulmuş əməli (əməlləri) törətmiş şəxs zərərçəkmiş şəxslə barışdıqda və ona dəymiş ziyanı tamamilə ödədikdə cinayət məsuliyyətindən azad edilir». Azərbaycan Respublikası CPM-nin 43.1.2-ci maddəsinə əsasən «Bu Məcəllənin 39.1.4, 39.1.6 – 39.1.11, 40.3 və 40.4-cü maddələrində nəzərdə tutulmuş hallar olduqda» məhkəmə baxışı gedişində təqsirləndirilən şəxsə qarşı cinayət təqibinə xitam verilməsi barədə məhkəmə qərarı çıxarılır. Həmin Məcəllənin 40.3-cü maddəsinə əsasən «Şəxsin cinayət məsuliyyətindən azad edilməsi üçün Azərbaycan Respublikası Cinayət Məcəlləsinin 72.2-ci, 73.2-ci, 73.3cü, 73-1.1-ci və 73-1.2-ci maddələrində, habelə Xüsusi hissəsinin müvafiq maddələrində nəzərdə tutulmuş hallar müəyyən edildikdə təhqiqatçının və ya müstəntiqin prokurorla razılaşdırılmış qərarına əsasən cinayət təqibi başlanılmır və ya ona xitam verilir». Məhkəmə yuxarıda göstərilənləri nəzərə alaraq hesab edir ki, hazırkı vəziyyətdə təqsirləndirilən şəxs barəsində cinayət təqibinə xitam verilməli və o, cinayət məsuliyyətindən azad olunmalıdır. Göstərilənlərə əsasən və Azərbaycan Respublikası CPM-nin 43, 344 – 348, 356, 381, 383 – 385-ci maddələrini rəhbər tutaraq, məhkəmə QƏRARA ALDİ: Təqsirləndirilən şəxs Azərbaycan Respublikası CM-nin 128-ci maddəsi ilə təqsirləndirilməsinə dair cinayət təqibinə xitam verilsin və o, cinayət məsuliyyətindən azad edilsin. Təqsirləndirilən şəxs barəsində seçilmiş «başqa yerə getməmək barədə iltizam» növündə qətimkan tədbirinə Azərbaycan Respublikası CPM-nin 156.4-cü maddəsinə əsasən xitam verilsin. Qərardan 20 gün müddətində Suraxanı Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti və protesti verilə bilər. Sədrlik edən Ceyhun Qədimov