Bakı Şəhəri Suraxanı Rayon Məhkəməsi Qərar — İş №1(010)-327/2023

Azərbaycan Respublikası adından QƏRAR Bakı şəhəri İş № 1(010)-327/2023 15.03.2023 BAKI ŞƏHƏRİ SURAXANI RAYON MƏHKƏMƏSİ hakim Kərimov Namiq Həsrət oğlunun sədrliyi, Hacıyev Gündüz Nizami oğlunun katibliyi, Dövlət ittihamçısı - Azərbaycan Respublikası Baş X1 Müdafiəsi İdarəsinin Bakı şəhərinin rayon məhkəmələrində dövlət ittihamının müdafiəsi üzrə şöbəsinin prokuroru Dövlət ittihamçısı, Zərərçəkmiş şəxs Təqsirləndirilən şəxs müdafiəçisi Müdafiəçi iştirakları ilə xx xxxxxxxx 1976-cı ildə Naxçıvan Muxtar Respublikası Şahbuz rayonunda doğulmuş, Azərbaycan Respublikasının vətəndaşı, orta təhsilli, evli, fərdi əmək fəaliyyəti ilə məşğul olan, əvvəllər məhkum olunmamış, Naxçıvan Muxtar Respublikası, Şahbuz rayonu, Kükü kəndində qeydiyyatda olan, faktiki ünvan 1 ünvanında yaşayan Təqsirləndirilən şəxs Azərbaycan Respublikası CM-nin 128-ci maddəsi ilə təqsirləndirilməsinə dair məhkəməyədək sadələşdirilmiş icraat materialına açıq məhkəmə iclasında baxaraq, M Ü Ə Y Y Ə N E T D İ: Təqsirləndirilən şəxs 17 fevral 2023-cü il tarixdə, saat 22:30 radələrində yaşadığı ünvan 2 ünvanında həyat yoldaşı Zərərçəkmiş şəxs ona sərxoş halda evə gəlməsinə irad tutması səbəbindən aralarında yaranmış mübahisə zamanı əsəbiləşib əli ilə qəsdən sonuncunun üz, baş və sol qol nahiyələrinə zərbələr vurmaqla sağ göz yuvası ətrafı nahiyəni və sifətin sağ yan səthini əhatə edən yumşaq toxumanın hematoması, burunun, sol üst göz qapağının, sağ qulaq seyvanının, başın sağ gicgah nahiyəsinin və sol mil-bilək oynağı nahiyəsinin qançırları ilə müşayiət olunan sağlamlığın qısa müddətə pozulmasına səbəb olan sağlamlığa yüngül zərərvurmaya aid edilən bədən xəsarətləri yetirmişdir. İşin məhkəmə baxışı zamanı təqsirləndirilən şəxs qismində dindirilmiş Təqsirləndirilən şəxs yuxarıda təsvir olunmuş cinayət əməlini törətməkdə özünü təqsirli bilərək qeyd etmişdir ki, Zərərçəkmiş şəxs onun bibisi qızıdır. Zərərçəkmiş şəxs ilə 2004cü il tarixdə ailə həyatı qurmuş, birgə nikahdan iki övladları olmuşdur. 13 fevral 2023-cü il tarixdə yaşadıqları evdə olan zaman aralarında mübahisə baş vermiş və həmin mübahisədən sonra onlar bir-birindən küsmüşlər. xx.xx.2023-cü il tarixdə saat 22:30 radələrində sərxoş halda yaşadığı evə gəlmiş, evə daxil olmamış, həyətdən evin qonaq otağına baxdıqda Zərərçəkmiş şəxs ilə bacısı qızı Şahid evin qonaq otağında əyləşərək televizora baxdıqlarını, qarşılarında çaxır şüşəsinin, stəkanlarda da süzülmüş çaxır olduğunu görmüşdür. Evin giriş qapısından daxil olub qonaq otağına gələnə qədər Zərərçəkmiş şəxs çaxır şüşəsini əyləşdiyi divanın üzərində olan Şahid yatmasından ötəri açılacaq yataq dəstinin arasında gizlətmişdir. Şahid ilə salamlaşaraq yataq dəstinin arasından çaxır şüşəsini çıxarıb onun nə olduğunu soruşduqda Vüsalə onu qabaqlayaraq evə sərxoş halda gəldiyinə görə irad tutmuşdur. O, da əsəbiləşib qəsdən Zərərçəkmiş şəxs saçlarından tutub dartaraq əli ilə başına, sifətinə və qoluna zərbələr vuraraq Zərərçəkmiş şəxs döymüşdür. Əməlindən peşmandır. Zərərçəkmiş şəxslə barışdığını nəzərə alaraq iş üzrə icraata xitam verilməsini məhkəmədən xahiş edir. İşin məhkəmə baxışı zamanı zərərçəkmiş şəxs qismində dindirilmiş Zərərçəkmiş şəxs təqsirləndirilən şəxsin bildirdiklərinə uyğun məzmunlu ifadə vermişdir. Həmçinin bildirir ki, təqsirləndirilən şəxslə barışıb. Təqsirləndirilən şəxs qarşı heç bir şikayəti və tələbi yoxdur. Göstərilənlərə əsasən iş üzrə icraata xitam verilməsini məhkəmədən xahiş edir. Təqsirləndirilən şəxs müvafiq cinayət əməlini törətməsi faktı, onun özünün səmimi etirafı, zərərçəkmiş şəxsin ifadəsi ilə yanaşı, iş üzrə toplanmış digər sübutlarla da təsdiq edilir. Canlı şəxsin ekspertizası ilə bağlı 20 fevral 2023-cü il tarixli 141 nömrəli rəyin nəticəvi hissəsində qeyd olunur ki, Zərərçəkmiş şəxs sağ göz yuvası ətrafı nahiyəni və sifətin sağ yan səthini əhatə edən yumşaq toxumanın hematoması; burunun sol üst göz qapağının, sağ qulaq seyvanının, başın sağ gicgah nahiyəsinin və sol mil-bilək oynağı nahiyəsinin qançırları müəyyən edildi. Xəsarətlər bərk küt əşyanın (əşyaların) təsirindən törənmişlər, qərarda göstərilmiş 17 fevral 2023-cü il tarixdə kənar şəxs tərəfindən yetirilə bilər, dərəcəsinə görə ümumilikdə sağlamlığın qısa müddətə pozulmasına səbəb olan sağlamlığa yüngül zərərvurmaya aid edilir. Xarakterinə və lokalizasiyasına görə həmin xəsarətlərin şəxsin özü tərəfindən özünə yetirilməsi nəticəsində əmələ gəlməsi inkar olunur. Beləliklə, Təqsirləndirilən şəxs Azərbaycan Respublikası CM-nin 128-ci maddəsində nəzərdə tutulmuş cinayət əməlini törətməsi faktı işin məhkəmə baxışı zamanı tam sübuta yetirilmişdir. Zərərçəkmiş şəxs ərizə ilə məhkəməyə müraciət edərək təqsirləndirilən şəxslə barışdığını, ona vurulmuş zərərin ödənildiyini, şikayət və tələbinin olmadığını bildirmiş və iş üzrə icraata xitam verilməsini xahiş etmişdir. Təqsirləndirilən şəxs də iş üzrə icraata xitam verilməsinə dair ərizə təqdim edib. Azərbaycan Respublikası CM-nin 73.2-ci maddəsinə əsasən «Bu Məcəllənin 127.1, 128, 129, 130, 131.2, 133.1, 134, 142.1, 143, 156.1, 157.1 və 158.1-ci maddələrində nəzərdə tutulmuş əməli (əməlləri) törətmiş şəxs zərərçəkmiş şəxslə barışdıqda və ona dəymiş ziyanı tamamilə ödədikdə cinayət məsuliyyətindən azad edilir». Azərbaycan Respublikası CPM-nin 43.1.2-ci maddəsinə əsasən «Bu Məcəllənin 39.1.4, 39.1.6–39.1.11, 40.3 və 40.4-cü maddələrində nəzərdə tutulmuş hallar olduqda» məhkəmə baxışı gedişində təqsirləndirilən şəxsə qarşı cinayət təqibinə xitam verilməsi barədə məhkəmə qərarı çıxarılır. Həmin Məcəllənin 40.3-cü maddəsinə əsasən «Şəxsin cinayət məsuliyyətindən azad edilməsi üçün Azərbaycan Respublikası Cinayət Məcəlləsinin 72.2-ci, 73.2-ci, 73.3cü, 73-1.1-ci və 73-1.2-ci maddələrində, habelə Xüsusi hissəsinin müvafiq maddələrində nəzərdə tutulmuş hallar müəyyən edildikdə təhqiqatçının və ya müstəntiqin prokurorla razılaşdırılmış qərarına əsasən cinayət təqibi başlanılmır və ya ona xitam verilir». Məhkəmə yuxarıda göstərilənləri nəzərə alaraq hesab edir ki, hazırkı vəziyyətdə təqsirləndirilən şəxs barəsində cinayət təqibinə xitam verilməli və o, cinayət məsuliyyətindən azad olunmalıdır. Göstərilənlərə əsasən və Azərbaycan Respublikası CPM-nin 43, 344 – 348, 356, 381, 383 – 385-ci maddələrini rəhbər tutaraq, məhkəmə Q Ə R A R A A L D İ: Təqsirləndirilən şəxs Azərbaycan Respublikası CM-nin 128-ci maddəsi ilə cinayət məsuliyyətindən azad edilsin və onun həmin maddə ilə təqsirləndirilməsinə dair cinayət təqibinə xitam verilsin. Təqsirləndirilən şəxs barəsində seçilmiş «başqa yerə getməmək barədə iltizam» növündə qətimkan tədbirinə Azərbaycan Respublikası CPM-nin 156.4-cü maddəsinə əsasən xitam verilsin. Qərardan 20 gün müddətində Suraxanı Rayon Məhkəməsi vasitəsilə Bakı Apelyasiya Məhkəməsinə apelyasiya şikayəti və protesti verilə bilər. Hakim Namiq Kərimov