Bakı Şəhəri Suraxanı Rayon Məhkəməsi Qərar — İş №1(010)-406/2023

Azərbaycan Respublikası adından QƏRAR Bakı şəhəri İş № 1(010)-406/2023 22.06.2023 BAKI ŞƏHƏRİ SURAXANI RAYON MƏHKƏMƏSİ Hakim Nuriyev Elnur Aləm oğlunun sədrliyi, məhkəmə iclas katibi Nayıbov Pərviz Şakir oğlunun katibliyi ilə, barəsində xüsusi ittiham qaydasında şikayət verilmiş şəxs X1 iştirakı ilə, Barəsində xüsusi ittiham qaydasında şikayət verilmiş şəxs X1 Azərbaycan Respublikası CM-nin 147.2 və 148-ci maddələri ilə cinayət məsuliyyətinə cəlb olunmasına dair xüsusi ittihamçı Bakı şəhəri Suraxanı Rayonu İcra Hakimiyyəti başçısı X3 şikayətinə məhkəmənin açıq hazırlıq iclasında baxaraq MÜƏYYƏN ETDİ: Bakı şəhəri Suraxanı Rayonu İcra Hakimiyyəti başçısı X5 xüsusi ittiham qaydasında şikayətlə məhkəməyə müraciət edərək X1 Azərbaycan Respublikası CM-nin 147.2 və 148ci maddələri ilə cinayət məsuliyyətinə cəlb edilib cəzalandırılması barədə ittiham hökmü çıxarılmasını xahiş etmişdir. Bakı şəhəri Suraxanı Rayonu İcra Hakimiyyəti başçısı X5 16 iyun 2023-cü il tarixdə ərizə ilə məhkəmə müraciət edərək barəsində xüsusi ittiham qaydasında şikayət verdiyi X1 səmimi peşmançılığını və üzr istəməsini nəzərə alaraq cinayət işini geri götürülmüş hesab etdilməsini xahiş etmişdir. Məhkəmə iclasında xüsusi ittihamçı barəsində xüsusi ittiham qaydasında şikayət verilmiş şəxs X2 xüsusi ittiham şikayətin icraata qəbul edilməsindən imtina edilməsinə etiraz etmədiyini bildirmişdir. Məhkəmə xüsusi ittiham qaydasında verilmiş ərizəni tədqiq edərək və barəsində xüsusi ittiham qaydasında şikayət verilmiş şəxsi dinləyərək hesab edir ki, xüsusi ittihamçının ərizəsi təmin edilməli və xüsusi ittiham qaydasında verilmiş şikayətin məhkəmənin icraatına qəbul olunmasından imtina edilməlidir. Belə ki, Azərbaycan Respublikası Cinayət-Prosessual Məcəlləsinin 302.1 və 302.1.8ci maddələrinə əsasən şikayət vermiş şəxs şkayətindən imtina etdikdə və təqsirləndirilən şəxslə barışdıqda və ya məhkəmənin hazırlıq iclasına üzrlü səbəblər olmadan təkrarən gəlmədikdə məhkəmə xüsusi ittiham qaydasında şikayət üzrə məhkəmənin hazırlıq iclasının nəticələri əsasında məhkəmə baxışının keçirilməsindən imtina edir. Azərbaycan Respublikası Cinayət Prosessual Məcəlləsinin 302.2 və 302.2.3-cü maddələrinə əsasən məhkəmə xüsusi ittiham qaydasında şikayət üzrə məhkəmənin hazırlıq iclasının nəticələri əsasında məhkəmə baxışının keçirilməsindən imtina edərək bu Məcəllənin 302.1.2-302.1.4, 302.1.6-302.1.8-ci maddələrində nəzərdə tutulmuş hallarda xüsusi ittiham qaydasında şikayətin öz icraatına qəbul edilməsindən imtina edilməsi barədə qərar çıxarır. Yuxarıda göstərilənlərə əsasən və Azərbaycan Respublikası CPM-nin 293, 299, 300, 302, 381, 383, 384 və 385-ci maddələrini rəhbər tutaraq, məhkəmə QƏRARA ALDİ: Barəsində xüsusi ittiham qaydasında şikayət verilmiş şəxs X1 Azərbaycan Respublikası CM-nin 147.2 və 148-ci maddələri ilə cinayət məsuliyyətinə cəlb olunmasına dair xüsusi ittihamçı Bakı şəhəri Suraxanı Rayonu İcra Hakimiyyəti başçısı X3 şikayətinin icraata qəbul edilməsindən imtina edilsin. Qərardan, onun elan olunduğu gündən 20 gün müddətində Bakı şəhəri Suraxanı rayon Məhkəməsi vasitəsilə Bakı Apellyasiya Məhkəməsinə apellyasiya şikayəti və ya protesti verilə bilər. Qərardan apellyasiya şikayəti və ya protesti verilməmişsə, qərar həmin müddətin başa çatdığı vaxtdan sonrakı gün qanuni qüvvəyə minir. Sədrlik edən Elnur Nuriyev