Astara Rayon Məhkəməsi Qərar — İş №1(018)-73/2024

Azərbaycan Respublikası adından QƏRAR Astara rayonu İş № 1(018)-73/2024 02.07.2024 ASTARA RAYON MƏHKƏMƏSİ Astara Rayon Məhkəməsinin hakimi İbrahimov Zamin Vəliyəddin oğlunun sədrliyi, məhkəmə iclasının katibi X4 oğlunun katibliyi, dövlət ittihamçısı - Azərbaycan Respublikası Baş Prokurorluğunun Dövlət ittihamının müdafiəsi üzrə idarəsinin Rayon (şəhər) məhkəmələrində Dövlət ittihamının müdafiəsi üzrə şöbəsinin prokuroru Dövlət ittihamçısı, müdafiəçi - Astara Vəkil Bürosunun vəkili Müdafiəçi, Zərərçəkmiş şəxs və Təqsirləndirilən şəxs iştirakları ilə, Təqsirləndirilən şəxs – (xx xxxx 1967-ci ildə Astara rayonu Şahağac kəndində anadan olmuş, Azərbaycan Respublikası vətəndaşı, orta təhsilli, ailəli, məhkum olunmamış, fərdi əmək fəaliyyəti ilə məşğul olan, Astara rayonu Şahağac kəndində fərdi yaşayış evində qeydiyyatda olmaqla həmin ünvanda yaşayan) Azərbaycan Respublikası Cinayət Məcəlləsinin 128-ci maddəsi ilə olan məhkəməyədək sadələşdirilmiş icraat materialına Astara Rayon Məhkəməsinin binasında, açıq məhkəmə iclasında baxaraq, məhkəmə MÜƏYYƏN ETDİ: Təqsirləndirilən şəxs 03 iyun 2024-cü il tarixdə, saat 19 radələrində Astara rayonu Şahağacı kəndində, yaşadığı fərdi yaşayış evinin yerləşdiyi evin yaxınlığından keçən ara yolda, qonşusu Zərərçəkmiş şəxs ilə aralarında şəxsi münasibətlər zəminində baş verən mübahisə zamanı Zərərçəkmiş şəxs sol göz nahiyəsinə yumruqla zərbə vuraraq, sonuncuya sol göz almasına yayılmış qansızma, sol almacıq, sol göz qapaqları-gözaltı nzahiyələrində qançırlar kimi sağlamlığın qısa müddətə pozulmasına səbəb olan qəsdən sağlamlığa yüngül zərər vurmaya aid olan bədən xəsarəti yetirmişdir. İş üzrə Təqsirləndirilən şəxs məhkəmə baxışında verdiyi ifadəsində göstərdi ki, Astara rayonu Şahağac kəndində qeydiyyatda olmaqla həmin kənddə fərdi yaşayış evində yaşayır. Ailəlidir, fərdi əmək fəaliyyəti ilə məşğul olaraq, ailəsinin dolanışığını təmin edir. Zərərçəkmiş şəxs həmkəndlisi və qonşusu olmaqla yaxşı münasibətləri vardır. Ətrafil tikintidə fəhləlik etməklə ailəsinin dolanışığını təmin edir. Valideynlərinin həyətyanı sahəsində ev inşa etmək qərarına gəlmiş, bunun üçün 03 iyun 2024-cü il tarixdə, saat 10 radələrində Şahağacı kəndində yolda Ətrafillə rastlaşmış və yeni inşa etməyə başladığı evin içərisin daş və qumla doldurmaq üçün fəhləlik etməyini Ətrafilə təklif etmiş, həmçinin iki nəfər fəhlə də tapmasını ondan xahiş etmişdir. Oradan evinə gedəndən sonra Ətrafil fəhləliklə məşğul olan Şahağacı kənd sakinləri X2 və X3 ilə birlikdə onun həyətinə gəlmiş, Ətrafil üç nəfərə 100 manat zəhmət haqqı istəmiş, lakin Ətrafilə 80 manat verə biləcəyini bildirmişdir. Ətrafil onunla razılaşmamış, Ramin və Şamil isə işi görəcəklərinə razılaşmışlar. Onlar gedəndən təxminən 10-15 dəqiqədən sonra Ramin qayıtmış, Şamil və Ətrtafilin də gələcəklərini demiş, lakin onlar gəlmədikləri üçün Ramin də çıxıb getmişdir. 03 iyun 2024-cü il tarixdə, saat 19 radələrində evdən çıxıb fəhlə axtarmağa gedərkən, yolun kənarıında dayanan Ətrafili görmüş və ona “Ramin və Şamil qardaşlarını sən öyrətdin, onlar da işləməyə gəlmədilər” deyə ona iradını bildirmişdir. Bu səbəbdən də aralarında baş verən mübahisə zamanı qəsdən bir dəfə yumruqla Ətrafilin sol göz nahiyyəsindən zərbə vurmuş, Ətrafilin yerə yıxılmışdır. Mübahisə Astara rayonu Şahağac kəndində evinin qarşısındakı yolda baş vermiş, bir-iki dəqiqə davam etmiş və orada onlardan başqa heç kim olmamışdır. Hazırda Zərərçəkmiş şəxs ilə barışmışlar. Zərərçəkmiş şəxs onun barəsində cinayət təqibinə xitam verilməsini xahiş etmişdir. Ona görə də cinayət məsuliyyətindən azad edilməsi və barəsində olan məhkəməyədək sadələşdirilmiş icraat materialı üzrə icraata xitam verilməsi ilə razıdır, o da cinayət məsuliyyətindən azad olunması və barəsində cinayət təqibinə xitam verilməsini xahiş edir. İş üzrə Zərərçəkmiş şəxs məhkəmə baxışında verdiyi ifadəsində göstərdi ki, Təqsirləndirilən şəxs onun həmkədlisi və qonşusudur. Münasibətləri həmişə yaxşı olmuş, aralarında heç bir qərəzli münasibət olmamışdır. Fəhləliklə məşğul olaraq özünü və anasını dolandırır. 03 iyun 2024-cü il tarixdə, saat 10 radələrində Şahağacı kəndində yaşadığı evin yaxınlığında yolun kənarında durmuş və həmişəki kimi iş gözləmişdir. Həmin vaxt qonşusu Təqsirləndirilən şəxs ona yaxınlaşmış, yeni inşa etməyə başladığı evin içərisinin daş və qumla doldurmaq lazım olduğunu bildirmiş, həmçinin iki nəfər fəhlə də tapmağını ondan xahiş etmişdir. Habil gedəndən sonra onun kimi fəhləliklə məşğul olan Şahağacı kənd sakinləri X2 və X3 ona yaxınlaşmış, onun təklifi ilə Habilin həyətinə gəlmişlər. İşin görülməsinə görə Habildən üç nəfərə 100 manat zəhmət haqqı istəmiş, lakin Habil cəmi 80 manat verə biləcəyini demiş, buna görə də Habillə razılaşmamışdır. Ramin və Şamil isə işi görəcəklərinə razılaşmışdır. Buna görə də oradan ayrılmışdır. 03 iyun 2024-cü il tarixdə Raminlə Şahağacı kəndində onun tanıdığı şəxsin evində tövləyə ot yığmış, evə gələndən sonra saat 19 radələrində evdən çıxıb yolun kənarında durmuşdur. Həmin vaxt Habil oradan keçərkən onu görüb yaxınlaşmış, “Ramin və Şamil qardaşlarını sən öyrətdin, onlar da işləməyə gəlmədilər” deyə ona irad bildirmişdir. Habilə belə şey etmədiyini demiş, bu zaman aralarında mübahisə yaranmışdır. Baş verən mübahisə zamanı Habil bir dəfə yumruqla onun sol göz nahiyyəsindən zərbə vurmuş, zərbədən yerə yıxılmışdır. Dava-dalaş zamanı orada kənar şəxslər olmamış, hadisə ani baş vermiş və 2- 3 dəqiqə davam etmişdir. Hazırda Təqsirləndirilən şəxs ilə barışmışdır. Ona qarşı heç bir şikayət və tələbi yoxdur. Təqsirləndirilən şəxs ona dəyən zərəri ödəmişdir. Ona görə də Təqsirləndirilən şəxs cinayət məsuliyyətindən azad edib, barəsində olan məhkəməyədək sadələşdirilmiş icraat materialı üzrə cinayət təqibinə xitam verilməsini xahiş edir. İş materiallarına əlavə edilmiş Zərərçəkmiş şəxs tərəfindən məhkəməyə təqdim olunmuş ərizənin məzmunundan görünür ki, zərərçəkmiş şəxs Təqsirləndirilən şəxs ilə barışmışdır. Təqsirləndirilən şəxs ona dəyən zərəri tamamilə ödəmişdir. Ona qarşı heç bir şikayət və tələbi yoxdur. Ona görə də onun cinayət məsuliyyətindən azad edilməsini və barəsində olan məhkəməyədək sadələşdirilmiş icraat materialı üzrə cinayət təqibinə xitam verilməsini xahiş etmişdir. İş materiallarına əlavə edilmiş Təqsirləndirilən şəxs tərəfindən məhkəməyə təqdim olunmuş ərizənin məzmunundan görünür ki, təqsirləndirilən şəxs Zərərçəkmiş şəxs ilə barışdığından sonuncu onun cinayət məsuliyyətindən azad edilməsini və barəsində olan məhkəməyədək sadələşdirilmiş icraat materialı üzrə cinayət təqibinə xitam verilməsini xahiş etmişdir. O, barəsində olan sadələşdirilmiş icraat materialı üzrə cinayət təqibinə xitam verilməsinə razıdır və bunu məhkəmədən xahiş edir. Məhkəmə cinayət təqibi ilə bağlı mühüm əhəmiyyətə malik olan halların araşdırılmasına, həmçinin iş üzrə toplanmış sübutların və onların məcmusunun tam, hərtərəfli və obyektiv baxılmasına əsaslanmaqla belə nəticəyə gəlir ki, Təqsirləndirilən şəxs Azərbaycan Respublikası Cinayət Məcəlləsinin 128-ci maddəsində nəzərdə tutulan cinayət əməlini törətmişdir. Onun əməlində cinayət tərkibi vardır. Təqsirləndirilən şəxs cinayət əməli məhkəmə istintaqında sadələşdirilmiş icraat materialı üzrə toplanmış materiallar, təqsirləndirilən və zərərçəkmiş şəxsin ifadələri, ekspert rəyi və işin digər halları ilə kifayət qədər sübuta yetmişdir. İş materiallarında olan məhkəmə-tibb ekspertizasının 04 iyun 2024-cü il tarixli, 184 saylı ekspert rəyindən görünür ki, Zərərçəkmiş şəxs tibbi müayinəsi zamanı onun bədəni üzərində – sol göz almasına yayılmış qansızma, sol almacıq, sol göz qapaqları-gözaltı nahiyələrində qançırlar aşkar edilmişdir. Qeyd olunan xəsarət bərk küt əşyanın (əşyaların) təsirindən törənmişlər, müddəti müayinədən bir gün əvvələ uyğun gəlir və dərəcəsinə görə sağlamlığın qısa müddətə pozulmasına səbəb olan sağlamlığa yüngül zərər vurmaya aiddir. İş materiallarında olan Azərbaycan Respublikası Daxili İşlər Nazirliyi Baş X1 İdarəsi tərəfindən 12 iyun 2024-cü il tarixdə tərtib olunmuş tələbnamədən görünür ki, Təqsirləndirilən şəxs əvvəllər məhkum olunmamışdır. İş materiallarında olan Astara rayon İHB-nın Şahağac kənd inzibati ərazi dairəsi üzrə icra nümayəndəliyi tərəfindən verilmiş xasiyyətnamədən görünür ki, Təqsirləndirilən şəxs yaşayış yeri üzrə müsbət xarakterizə olunur. İş materiallarında olan Astara rayon İHB-nın Şahağac kənd inzibati ərazi dairəsi üzrə icra nümayəndəliyi tərəfindən verilmiş arayışdan görünür ki, Təqsirləndirilən şəxs ailəli olmaqla, həmin kənddə yaşayır. Dövlət ittihamçısı çıxışında tərəflərin barışdıqlarının, şikayət vermiş şəxsə cinayətlə vurulan ziyanın ödənilməsinin nəzərə alınıb Azərbaycan Respublikası Cinayət Məcəlləsinin 73.2-ci maddəsinə əsasən Təqsirləndirilən şəxs cinayət məsuliyyətindən azad edilməsini və onun barəsində Azərbaycan Respublikası Cinayət Məcəlləsinin 128-ci maddəsi ilə olan məhkəməyədək sadələşdirilmiş icraat materialı üzrə cinayət təqibinə xitam verilməsini xahiş etdi. Azərbaycan Respublikası Cinayət Məcəlləsinin 73.2-ci maddəsinə əsasən bu Məcəllənin 127.1, 128, 129, 130, 131.2, 133.1, 134, 142.1, 143, 156.1, 157.1 və 158.1-ci maddələrində nəzərdə tutulmuş əməli (əməlləri) törətmiş şəxs zərərçəkmiş şəxslə barışdıqda və ona dəymiş ziyanı tamamilə ödədikdə cinayət məsuliyyətindən azad edilir. Məhkəmə, Təqsirləndirilən şəxs və Zərərçəkmiş şəxs ərizələrini nəzərdən keçirib, iş materiallarını araşdırıb, Təqsirləndirilən şəxs törətdiyi əməli səmimi etiraf etməsini, Zərərçəkmiş şəxs ilə barışmalarını, işin digər hallarını nəzərə alaraq hesab edir ki, Təqsirləndirilən şəxs barəsində Azərbaycan Respublikası Cinayət Məcəlləsinin 73.2-ci maddəsi tətbiq olunmaqla, onun cinayət məsuliyyətindən azad edilməsi və barəsində olan məhkəməyədək sadələşdirilmiş icraat materialı üzrə cinayət təqibinə xitam verilməsini qanuni və əsaslı hesab edir. İş üzrə maddi sübut, mülki iddia və məhkəmə məsrəfləri yoxdur. Göstərilənlərə əsasən və Azərbaycan Respublikası Cinayət-Prosessual Məcəlləsinin 37.4, 43.3, 321, 321.2.1 və 384-cü maddələrini rəhbər tutaraq, məhkəmə QƏRARA ALDİ: Təqsirləndirilən şəxs Azərbaycan Respublikası Cinayət Məcəlləsinin 73.2-ci maddəsinə əsasən cinayət məsuliyyətindən azad edilsin və onun barəsində olan Azərbaycan Respublikası Cinayət Məcəlləsinin 128-ci maddəsi ilə məhkəməyədək sadələşdirilmiş icraat materialı üzrə cinayət təqibinə xitam verilsin. Qərardan, elan olunduğu andan 20 (iyirmi) gün müddətində Astara Rayon Məhkəməsi vasitəsi ilə Şirvan Apelyasiya Məhkəməsinə apelyasiya şikayəti və ya apelyasiya protesti verilə bilər. Hakim: Zamin İbrahimov