Balakən Rayon Məhkəməsi Hökm — İş №1(019)-76/2025

Azərbaycan Respublikası adından HÖKM Balakən Rayonu İş № 1(019)-76/2025 08.10.2025 BALAKƏN RAYON MƏHKƏMƏSİ (Başlandı saat 11:30-da, qurtardı saat 12:10-da) Hakim Səlimov Hümbət Qamuna oğlunun sədrliyi, məhkəmə iclas katibi X13 qızının katibliyi, dövlət ittihamçısı-Azərbaycan Respublikası Baş prokurorluğunun Dövlət ittihamının müdafiəsi üzrə idarəsinin rayon (şəhər) məhkəmələrində dövlət ittihamının müdafiəsi üzrə şöbəsinin prokuroru vəzifəsini icra edən, İİ dərəcəli hüquqşünas Dövlət ittihamçısı, Təqsirləndirilən şəxs, onun müdafiəçisi-Balakən rayon Vəkil Bürosunun vəkili Müdafiəçi iştirakları ilə, TƏQSİRLƏNDİRİLƏN ŞƏXS- xx xxxx 1988-ci ildə Balakən rayonunun Hənifə kəndində anadan olmuş, Azərbaycan Respublikasının vətəndaşı, FİN xxxxxxx, orta təhsilli, ailəli, fərdi əməklə məşğul olan, əvvəllər məhkum olunmamış, Balakən rayonunun Hənifə kəndində qeydiyyatda olan və həmin ünvanda yaşayan, barəsində 12 avqust 2025-ci il tarixdə başqa yerə getməmək haqqında iltizam qətimkan tədbiri seçilmiş Təqsirləndirilən şəxs Azərbaycan Respublikası Cinayət Məcəlləsinin 306.1-ci maddəsində nəzərdə tutulan cinayət əməlini törətməkdə təqsirləndirilməsinə dair cinayət işinə Balakən Rayon Məhkəməsinin inzibati binasında açıq məhkəmə iclasında baxaraq, müəyyənetdi Təqsirləndirilən şəxs cavabdeh kimi ondan 05 aprel 2021-ci il tarixdən başlayaraq 19 aprel 2012-ci ildə doğulmuş X3 və 02 iyun 2017-ci ildə doğulmuş X6 yetkinlik yaşına çatana kimi saxlanılmaları üçün hər ay hər bir uşaq üçün 120 (bir yüz iyirmi) manat olmaqla, hər ay cəmi 240 (iki yüz qırx) manat sabit pul məbləğində alimentin tutularaq Əhmədova (Mamedova) Aynur Ənvər qızına ödənilməsinə dair Balakən Rayon Məhkəməsinin 05 aprel 2021-ci il tarixli, 2(019)-357/2021 saylı qanuni qüvvəyə minmiş qətnaməsini üzrsüz səbəbdən müəyyən olunmuş müddət ərzində icra etmədiyinə və icra məmurunun qanuni tələblərini yerinə yetirmədiyinə görə Balakən Rayon Məhkəməsinin 23 iyun 2022-ci il tarixli, 3(019)-235/2022 saylı qərarı ilə Azərbaycan Respublikası İXM-in 528.1-ci maddəsində nəzərdə tutulan inzibati xətanı törətməkdə təqsirli bilinərək 8 (səkkiz) gün və 23 yanvar 2024-cü il tarixli, 3(019)-51/2024 saylı qərarı ilə 10 (on) gün müddətə inzibati qaydada həbs edilməsinə və icra sənədindəki tələbi icra etmədiyi üçün ona 28 iyun 2024-cü il və 08 yanvar 2025-ci il tarixlərdə məsuliyyəti elan olunmaqla rəsmi qaydada xəbərdarlıq edilməsinə baxmayaraq cinayət təqibi başlanılması məsələsinə baxılması üçün təqdimat verilən 11 aprel 2025-ci il tarixədək şəxsi maraq niyyəti ilə zərər çəkmiş şəxs Əhmədova (Mamedova) Aynur Ənvər qızına məhkəmə qətnaməsi üzrə ümumilikdə 8915 (səkkiz min doqquz yüz on beş) manat məbləğində aliment borcunu ödəməməklə sonuncuya qeyd edilən məbləğdə maddi ziyan vurmaqla yanaşı qanuni qüvvəyə minmiş məhkəmə qətnaməsini qərəzli olaraq qəsdən icra etməməklə ədalət mühakiməsinin nüfuzuna xələl gətirmişdir. Təqsirləndirilən şəxs həmin cinayət əməlini törətməsi məhkəmə iclasında özünün etirafedici ifadəsi, zərərçəkmiş şəxsin və şahidin ifadələri, eləcə də işdə olan digər sübutların tədqiqi əsasında aşağıdakı qaydada tam sübuta yetirildi. Məhkəmə iclasında təqsirləndirilən şəxs qismində dindirilən Təqsirləndirilən şəxs,ona Azərbaycan Respublikası CM-nin 306.1-ci maddəsi ilə elan edilmiş ittiham üzrə özünü təqsirli bilərək və ibtidai istintaq zamanı verdiyi ifadəsini təsdiq edərək ifadəsində göstərmişdir ki, xeyli müddətdir ki, yaşadığı Balakən rayonunun ərazisində fəhləliklə məşğul olaraq aylıq gəliri orta hesabla 300 (üç yüz) – 350 (üç yüz əlli) manat təşkil edir. 16 dekabr 2010-cu il tarixdə Əhmədova (Mamedova) Aynur Ənvər qızı ilə rəsmi nikaha daxil olaraq ailə həyatı qurmuş və nikahları Balakən rayon İcra Hakimiyyətinin Hənifə kənd İnzibati Ərazi Dairəsi üzrə Nümayəndəliyi tərəfindən rəsmiləşdirilmişdir. Birgə yaşadıqları dövr ərzində rəsmi nikahlarından 19 aprel 2012-ci il tarixdə Tunar adlı və 02 iyun 2017-cı il tarixdə Raul adlı iki övladları doğulmuşdur. Zərərçəkmiş şəxs (Mamedova) ilə birgə yaşadıqları müddət ərzində aralarında səmimi ailə münasibətləri olmuşdur. Bir müddət mehriban yaşamaqlarına baxmayaraq aralarında ailə münasibətlərinin pozulması nəticəsində keçmiş həyat yoldaşı Zərərçəkmiş şəxs (Mamedova) iki azyaşlı uşaqları ilə birlikdə valideynlərinin yaşadığı ünvana gedərək onların himayəsində yaşamağa başlamışdır. Həmin vaxtdan bir müddət keçəndən sonra keçmiş arvadı Zərərçəkmiş şəxs (Mamedova) 2021-ci ilin əvvəllərində ondan boşanmağa görə və iki azyaşlı uşaqlarının saxlanılmasından ötrü aliment pulunun alınması üçün aidiyyəti üzrə Balakən Rayon Məhkəməsinə iddia ərizəsi ilə müraciət etmiş və məhkəmə tərəfindən aralarında bağlanmış rəsmi nikahları ləğv olunaraq 05 aprel 2021-ci il tarixdən başlayaraq 19 aprel 2012-ci ildə doğulmuş Tunar Mamedovun və 02 iyun 2017-ci ildə doğulmuş Raul Mamedovun yetkinlik yaşına çatana kimi saxlanılmaları üçün hər ay hər bir uşaq üçün 120 (bir yüz iyirmi) manat olmaqla,hər ay cəmi 240 (iki yüz qırx) manat sabit pul məbləğində alimentin ondan tutularaq keçmiş həyat yoldaşı Əhmədova (Mamedova) Aynur Ənvər qızına ödənilməsinə dair 05 aprel 2021-ci il tarixli, 2(019)-357/2021 saylı qətnamə çıxarılmışdır. Həmin qətnamə qanuni qüvvəsini aldıqdan sonra icrasının təşkili üçün aidiyyəti üzrə Balakən rayon İcra və Probasiya Şöbəsinə göndərilmiş və icra dövründə alimentə görə borclu olduğu məbləğdən keçmiş həyat yoldaşı Zərərçəkmiş şəxs (Mamedovaya) tam olaraq ödəniş etmədiyi üçün icra məmuru tərəfindən barəsində inzibati xəta haqqında protokol tərtib edilərək baxılması üçün aidiyyəti üzrə məhkəməyə göndərilmişdir.Balakən Rayon Məhkəməsi tərəfindən Azərbaycan Respublikası İXM-in 528.1-ci maddəsində nəzərdə tutulan inzibati xətanı törətməkdə təqsirli bilinərək 23 iyun 2022-ci il tarixli, 3(019)-235/2022 saylı qərarı ilə 8 (səkkiz) gün və 23 yanvar 2024-cü il tarixli, 3(019)-51/ 2024 saylı qərarı ilə 10 (on) gün müddətə inzibati qaydada həbs edilmişdir. Bundan sonra icra məmurunun təqdimatı əsasında Balakən Rayon Məhkəməsi tərəfindən ölkədən çıxışının müvəqqəti olaraq məhdudlaşdırılması barədə qərar qəbul edilmişdir. Bütün bunlardan sonra icra sənədindəki tələbi icra etməyi üçün icra məmuru tərəfindən yeni müddət təyin edilmiş, qeyd edilən qətnaməni qərəzli olaraq icra etməyəcəyi təqdirdə barəsində Azərbaycan Respublikası CM-in 306.1-ci maddəsi ilə cinayət işi başlanılması üçün təqdimat veriləcəyi haqqında xəbərdarlıq edilmişdir. İcra dövründə Balakən Rayon Məhkəməsinin 05 aprel 2021-ci il tarixli, 2(019)-357/2021 saylı qətnaməsi üzrə keçmiş həyat yoldaşı Zərərçəkmiş şəxs (Mamedovaya) alimentə görə 3085 (üç min səksən beş) manat məbləğində ödəniş etmiş və 11 aprel 2025-ci il tarixədək 8915 (səkkiz min doqquz yüz on beş) manat məbləğində ödənməmiş aliment borcu yaranmışdır.Zərərçəkmiş şəxs ilə rəsmi olaraq ayrılandan sonra 2024-cü ilin iyul ayında X7 ilə el adətilə toy edərək faktiki nikaha daxil olaraq ailə həyatı qurmuş və faktiki nikahlarından 2025-ci ilin aprel ayının 12-də Yusif adlı bir oğlan övladları dünyaya gəlmişdir. O,ailə vəziyyətinə və maddi vəziyyəti aşağı olduğuna görə alimenti tam ödəyə bilməmişdir.Barəsində yüngül cəza təyin edilməsini xahiş etdi. Məhkəmə iclasında şahid qismində dindirilmiş Balakən rayon İcra və probasiya şöbəsinin rəisi Şahid ibtidai istintaq zamanı verdiyi ifadəsini təsdiq edərək ifadəsində göstərdi ki, şöbəyə daxil olmuş Balakən Rayon Məhkəməsinin 05 aprel 2021-ci il tarixli, 2(019)-357/2021 saylı qanuni qüvvəyə minmiş qətnaməsi üzrə verilmiş icra vərəqəsinə əsasən Təqsirləndirilən şəxs 05 aprel 2021-ci il tarixdən başlayaraq 19 aprel 2012-ci ildə doğulmuş X3 və 02 iyun 2017-ci ildə doğulmuş X6 yetkinlik yaşına çatana kimi saxlanılmaları üçün hər ay hər bir uşağa görə 120 (yüz iyirmi) manat olmaqla hər ay cəmi 240 (iki yüz qırx) manat sabit pul məbləğində aliment tutularaq X4 verilməlidir. Həmin icra sənədi üzrə 12 aprel 2021-ci il tarixli qərarla icraata başlanılaraq tələbin könüllü icrası barədə borcluya bildiriş verilmiş, borclu tələbin könüllü icrasını təmin etmədiyindən məcburi icra tədbirlərinə başlanılmışdır. Məcburi icra tədbirləri çərçivəsində borclunun adına tələbin yönəldilə biləcək əmlakının və gəlirlərinin olub-olmaması öyrənilmiş, nəticədə hər hansı bir əmlak və gəlirləri aşkar edilməmişdir. Həmçinin borclu icra şöbəsinə dəvət olunaraq icra sənədinin mahiyyəti ona izah olunmuş, müəyyən edilmiş aliment məbləğİnin ödənilməsi ondan tələb olunmuşdur. Lakin borclu maddi imkanının olmadığını əsas gətirərək ödəniş etməkdən yayınmışdır. Odur ki, borclu barəsində inzibati xəta haqqında protokol tərtib edilərək aidiyyəti üzrə məhkəməyə göndərilmiş və Balakən Rayon Məhkəməsinin 23 iyun 2022-ci il tarixli, 3(019)-235/2022 saylı qərarı ilə borclu Təqsirləndirilən şəxs Azərbaycan Respublikası İXM-in 528.1-ci maddəsi ilə təqsirli bilinərək 8 (səkkiz) gün müddətinə inzibati qaydada həbs edilmişdir. Bundan sonra məcburi icra tədbirləri davam etdirilmiş və borcludan yaranmış aliment borcunun ödənilməsi tələb olunmuşdur.Lakin borclu tərəfindən müəyyən edilmiş aliment məbləğinin ödənilməsi təmin edilməmişdir.Həmçinin görülmüş tədbirlər nəticəsində borclunun olduğu yeri müəyyən etmək mümkün olmadığı üçün barəsində 10 yanvar 2024-cü il tarixli qərarla axtarış elan edilmiş və 23 yanvar 2024-cü il tarixdə Balakən RPŞ-nin əməkdaşları tərəfindən saxlanılaraq icra şöbəsinə təhvil verilmişdir. İcra şöbəsində borcludan bir daha qətnamənin icrası tələb olunmuş, məsuliyyəti barədə xəbərdarlıq edilmişdir. Borclu izahat verərək işlədiyini bildirsə də, aliment borcundan heç bir ödəniş etməmişdir. Odur ki, borclu barəsində yenidən inzibati xəta haqqında protokol tərtib edilərək baxılması üçün aidiyyəti üzrə məhkəməyə göndərilmiş və Balakən Rayon Məhkəməsinin 23 yanvar 2024-cü il tarixli qərarı ilə borclu Təqsirləndirilən şəxs Azərbaycan Respublikası İXM-in 528.1-ci maddəsi ilə təqsirli bilinərək 10 (on) gün müddətinə inzibati qaydada həbs edilmişdir. Borclu inzibati məsuliyyətə cəlb edildikdən sonra ona yeni icra müddəti təyin edilərək yaranmış aliment borcunun ödənilməsi ondan tələb olunaraq məsuliyyəti barədə xəbərdarlıq verilmişdir. Eyni zamanda icra sənədinin icrası ilə bağlı borclu ilə fərdi söhbətlər aparılmış, məsuliyyəti şəxsən diqqətinə çatdırılmışdır. Lakin icra sənədinin icraya yönəldilməsindən uzun müddət keçməsinə, iki dəfə inzibati qaydada məsuliyyətə cəlb edilməsinə, cinayət məsuliyyəti barədə xəbərdarlıqlar verilməsinə baxmayaraq borclu Təqsirləndirilən şəxs öz hərəkətlərində dönüş yaratmamış və təqdimat verilən 11 aprel 2025-ci il tarixədək 8915 (səkkiz min doqquz yüz on beş) manat alimenti ödəməməklə qətnamənin icrasından qərəzli olaraq yayınmışdır.Borclu Təqsirləndirilən şəxs xəbərdarlıq olunmasına və barəsində bir neçə dəfə inzibati tənbeh tətbiq ediməsinə baxmayaraq məhkəmə qətnaməsinin icrasını təmin etmədiyi üçün Azərbaycan Respublikasının CM-in 306.1-ci maddəsi ilə cinayət məsuliyyətinə cəlb olunmasına dair təqdimat və əlavə edilmiş materiallar baxılması üçün Ədliyyə Nazirliyinin İstintaq idarəsinə göndərilmişdir. Məhkəmə iclasının vaxtı və yeri haqqında təkrarən lazımi qaydada xəbərdarlıq olunmasına baxmayaraq,iş üzrə zərərçəkmiş şəxs Əhmədova (Mamedova) Aynur Ənvər qızı məhkəmə iclasına gəlməmişdir.O, məhkəməyə teleqram göndərərək səhhəti ilə bağlı məhkəmə iclasında iştirak edə bilməyəcəyini, istintaqda verdiyi ifadəsini təsdiq etdiyini,keçmiş əri Təqsirləndirilən şəxs ona alimentə görə borclu olduğu məbləği ödəməsini xahiş etmişdir.Azərbaycan Respublikası Cinayət Prosessual Məcəlləsinin 317.1-ci maddəsinə əsasən bu Məcəllənin 226.1-226.3-cü maddələrinin müddəalarına uyğun olaraq məhkəmə iclasına çağırılmış şahid, ekspert və mütəxəssisdən hər hansı biri məhkəmə iclasına gəlmədikdə, məhkəmə növbə ilə cinayət prosesi tərəflərindən hər birinin fikrini dinlədikdən sonra məhkəmə baxışının davam etdirilməsi və ya onun təxirə salınması haqqında qərar çıxarır. Göstərilən şəxslərdən hər hansı birinin gəlməməsi cinayət təqibi ilə bağlı olan bütün halların hərtərəfli, tam və obyektiv tədqiq edilməsinə mane olmadıqda məhkəmə baxışı davam etdirilə bilər. Azərbaycan Respublikası CPM-nin 329.1-ci maddəsinə əsasən şahid tərəfindən məhkəməyədək icraat, davam edən məhkəmə baxışı zamanı əvvəllər keçirilmiş məhkəmə iclasında və ya cari məhkəmə iclasında verilmiş ifadələrin şahidin məhkəmə iclasında iştirakı olmadan elan edilməsinə, habelə həmin ifadələrin audio yazısının səsləndirilməsinə, video və kino çəkilişinin göstərilməsinə yalnız şahidin məhkəmə baxışına gəlməsini istisna edən səbəblərə görə, həmçinin bu Məcəllənin 327.1-ci maddəsində nəzərdə tutulmuş digər hallarda yol verilir. Məhkəmə, yuxarıda göstərilən qanun normalarına istinad edib, ittiham və müdafiə tərəflərinin razılığını nəzərə alaraq, hazırki iş üzrə zərərçəkmiş şəxs Əhmədova (Mamedova) Aynur Ənvər qızının ibtidai istintaqda zərərçəkmiş şəxs qismində verdiyi ifadəsinin elan olunmasını zəruri hesab etmişdir. Məhkəmə iclasında ifadəsi elan olunmaqla tədqiq edilmiş zərərçəkmiş şəxs Əhmədova (Mamedova) Aynur Ənvər qızı ibtidai istintaq zamanı verdiyi ifadəsində göstərmişdir ki,o,16 dekabr 2010-cu il tarixdə Təqsirləndirilən şəxs ilə rəsmi nikaha daxil olaraq ailə həyatı qurmuşdur. Birgə yaşadıqları dövr ərzində rəsmi nakahlarından 19 aprel 2012-ci il tarixdə Tunar adlı və 02 iyun 2017-ci il tarixdə Raul adlı iki övladları dünyaya gəlmişdir.Ailə qurduqdan sonra bir müddət səmimi ailə münasibətləri olsa da, sonradan keçmiş həyat yoldaşı Təqsirləndirilən şəxs təqsiri ucbatından ailə münasibətləri pozulmuşdur. Belə ki, keçmiş həyat yoldaşı Təqsirləndirilən şəxs əsassız qısqanclıqları ucbatından aralarında tez-tez söz-söhbətlər yarandığından sonuncu ilə faktiki olaraq ayrılaraq uşaqları ilə birlikdə gəlin getdiyi evdən çıxaraq valideynlərinin yaşadığı ünvana gəlmişdir. Ayrı yaşadıqları müddət ərzində keçmiş həyat yoldaşı Təqsirləndirilən şəxs azyaşlı uşaqları ilə maraqlanmayaraq onların saxlanılması üçün maddi köməklik göstərməmişdir.Sonradan məcburiyyət qarşısında qalaraq aralarında bağlanmış rəsmi nikahın pozulması və aliment tələbi ilə aidiyyəti üzrə məhkəməyə iddia ərizəsi ilə müraciət etmiş və Balakən Rayon Məhkəməsi iddiasını təmin edərək aralarında olan rəsmi nikahın pozulması, həmçinin keçmiş həyat yoldaşı Təqsirləndirilən şəxs 05 aprel 2021-ci il tarixdən başlayaraq 19 aprel 2012-ci ildə doğulmuş X3 və 02 iyun 2017-ci ildə doğulmuş X6 yetkinlik yaşına çatana kimi saxlanılmaları üçün hər ay hər bir uşağa görə 120 (yüz iyirmi) manat olmaqla hər ay cəmi 240 (iki yüz qırx) manat sabit pul məbləğində alimentin tutularaq ona verilməsinə dair 05 aprel 2021-ci il tarixli qətnamə çıxarmışdır.Qətnamənin çıxarılmasından xeyli müddət keçməsinə baxmayaraq keçmiş həyat yoldaşı Təqsirləndirilən şəxs məhkəmə qətnaməsinə məhəl qoymamış və məhkəmə tərəfindən müəyyən edilmiş aliment məbləğini ödəməkdən yayınmışdır. Halbuki, keçmiş həyat yoldaşı Təqsirləndirilən şəxs birgə yaşadıqları müddət ərzində və hazırda da fərdi qaydada sürücülüklə və təsərrüfatla məşğul olaraq qazanc əldə etdiyi üçün alimentə görə borcunu ödəməyə maddi imkanı vardır. Buna baxmayaraq Təqsirləndirilən şəxs qərəzli olaraq aliment borcunu ödəməkdən yayınmışdır. O, məhkəmə qətnaməsi üzrə yaranmış aliment borcundan 2400 (iki min dörd yüz) manat hissəsindən imtina etdiyini bildirərək 11 aprel 2025-ci il tarixədək yaranmış 8915 (səkkiz min doqquz yüz on beş) manat alimentin keçmiş həyat yoldaşı Təqsirləndirilən şəxs tam şəkildə alınaraq ona qaytarılmasında köməklik göstərilməsini xahiş etmişdir. İşin 20-ci vərəqəsində olan və məhkəmə istintaqında elan edilməklə tədqiq edilən Balakən Rayon Məhkəməsinin 05 aprel 2021-ci il tarixli 2(019)-357/2021 nömrəli icra sənədindən görünür ki, həmin icra sənədinə əsasən 05 aprel 2021-ci il tarixdən başlayaraq tərəflərin birgə nikahından xx.xx.2012-ci ildə doğulmuş X3 və xx.xx.2017-ci ildə doğulmuş X6 yetkinlik yaşına çatana kimi saxlanması üçün cavabdeh Təqsirləndirilən şəxs hər ay hər bir uşaq üçün 120 (bir yüz iyirmi) manat olmaqla hər ay cəmi 240 (iki yüz qırx) manat sabit pul məbləğində aliment tutulub, iddiaçı X5 verilməlidir. İşin 10-17-ci vərəqələrində olan və məhkəmə istintaqında elan edilməklə tədqiq edilən Balakən Rayon Məhkəməsinin xx.xx.2021-ci il tarixli, 2(019)-357/2021 nömrəli qətnaməsindən görünür ki, iddianın təmin edilməsi, iddiaçı X9 ilə cavabdeh Təqsirləndirilən şəxs arasında 16 dekabr 2010-cu il tarixdə Balakən rayon İHB-nın Hənifə kənd İnzibati Ərazi Dairəsi üzrə nümayəndəliyində 30 nömrə ilə qeydə alınmış nikahın pozulması;nikah pozularkən tərəflərin birgə nikahından xx.xx.2012-ci ildə doğulmuş X11 və xx.xx.2017-ci ildə doğulmuş X6 anaları X2 yanında saxlanılmaları;05 aprel 2021-ci il tarixdən başlayaraq tərəflərin birgə nikahından xx.xx.2012-ci ildə doğulmuş X3 və xx.xx.2017-ci ildə doğulmuş X6 yetkinlik yaşına çatana kimi saxlanmaları üçün cavabdeh Təqsirləndirilən şəxs hər ay hər bir uşaq üçün 120 (bir yüz iyirmi) manat olmaqla hər ay cəmi 240 (iki yüz qırx) manat sabit pul məbləğində aliment tutulub, iddiaçı X5 verilməsi;qətnamənin alimentin alınması hissəsində dərhal icra olunması; cavabdeh Təqsirləndirilən şəxs 20 manat məbləğində dövlət rüsumunun tutularaq, iddiaçı X4 ödənilməsi qət edilmişdir. İşin 18-ci vərəqəsində olan və məhkəmə istintaqında elan edilməklə tədqiq edilən Balakən Rayon İcra və Probasiya Şöbəsinin xx.xx.2021-ci il tarixli “icraata başlamaq haqqında” qərarından görünür ki, Balakən Rayon Məhkəməsinin 2(019)-357/2021 nömrəli, xx.xx.2021-ci il tarixli icra sənədi Şöbənin icraatına qəbul edilmişdir. İşin 30-34-cü vərəqələrində olan və məhkəmə istintaqında elan edilməklə tədqiq edilən Balakən Rayon Məhkəməsinin xx.xx.2022-ci il tarixli 3(019)-235/2022 nömrəli inzibati xəta haqqında iş üzrə qərarından görünür ki, Mamedov X10 Rayon Məhkəməsinin 2(019)-357/2021 saylı xx.xx.2021-ci il tarixli qətnaməsi əsasında verilmiş icra sənədinin icrası ilə bağlı icra məmurunun qanuni tələblərini yerinə yetirmədiyinə görə Azərbaycan Respublikası İXM-nın 528.1-ci maddəsi ilə nəzərdə tutulan inzibati xətanı törətməkdə təqsirli bilinərək 08 gün müddətə inzibati qayda həbs edilmişdir. İşin 19,39,66,93-cü vərəqələrində olan və məhkəmə istintaqında elan edilməklə tədqiq edilən cinayət işinin materiallarına əlavə edilmiş bildirişdən və xəbərdarlıqlardan görünür ki, Təqsirləndirilən şəxs müəyyən edilmiş aylıq alimentin və yaranmış aliment borcunun ödənilməklə məhkəmə qətnaməsinin icrası tələb edilmiş, məsuliyyət diqqətinə çatdırılmışdır. İşin 37-ci vərəqəsində olan və məhkəmə iclasında elan olunmaqla tədqiq edilmiş 10 yanvar 2024-cü il tarixli borclunun axtarışı haqqında qərardan görünür ki, həmin qərarla borclu, xx.xx.1988-ci il təvəllüdlü ünvan 2i ünvanında qeydiyyatda olan Təqsirləndirilən şəxs barəsində axtarış elan edilməsi qərara alınmışdır. İşin 50-55-ci vərəqələrində olan və məhkəmə istintaqında elan edilməklə tədqiq edilən Balakən Rayon Məhkəməsinin xx.xx.2024-cü il tarixli 3(019)-51/2024 nömrəli inzibati xəta haqqında iş üzrə qərarından görünür ki, Mamedov X10 Rayon Məhkəməsinin 2(019)-357/2021 saylı xx.xx.2021-ci il tarixli qətnaməsi əsasında verilmiş icra sənədinin icrası ilə bağlı icra məmurunun qanuni tələblərini yerinə yetirmədiyinə görə Azərbaycan Respublikası İXM-nın 528.1-ci maddəsi ilə nəzərdə tutulan inzibati xətanı törətməkdə təqsirli bilinərək 10 gün müddətə inzibati qaydada həbs edilmişdir. İşin 133-cü vərəqəsində olan və məhkəmə iclasında elan olunmaqla tədqiq olunmuş Azərbaycan Respublikası Daxili İşlər Nazirliyi tərəfindən verilmiş tələbnamədən görünür ki, Təqsirləndirilən şəxs əvvəllər məhkum olunmamışdır. İşin 62-ci vərəqəsində olan və məhkəmə iclasında elan olunmaqla tədqiq edilmiş Balakən rayon Hənifə kənd inzibati ərazi dairəsi tərəfindən verilmiş arayışdan görünür ki, Mamedov X10 rayonunun Hənifə kənd sakinidir. İşin 63-cü vərəqəsində olan və məhkəmə iclasında elan olunmaqla tədqiq edilmiş Balakən rayon Hənifə kənd inzibati ərazi dairəsi tərəfindən verilmiş xasiyyətnamədə Təqsirləndirilən şəxs müsbət cəhətdən xarakterizə olunur, onun haqqında nümayəndəliyə heç bir şikayət və narazılıq daxil olmadığı göstərilmişdir. İşdə olan və məhkəmə iclasında tədqiq edilən Balakən Regional “ASAN xidmət” mərkəzində Ədliyyə Nazirliyinin Qeydiyyat Şöbəsi tərəfindən 21 aprel 2025-ci il tarixdə verilmiş AZ-V № 100177 nömrəli doğum haqqında şəhadətnamənin surətindən görünür ki, X12 12 aprel 2025-ci il tarixdə anadan olmuş, atası Təqsirləndirilən şəxs, anası X7 göstərilmişdir. Azərbaycan Respublikası Cinayət-Prosessual Məcəlləsinə əsasən: Maddə 124.1-ci maddəsinə əsasən məhkəmənin və ya cinayət prosesi tərəflərinin əldə etdiyi mötəbər dəlillər (məlumatlar, sənədlər, əşyalar) cinayət təqibi üzrə sübutlar hesab olunur. Maddə 124.1.2-ci maddəsinə əsasən bu sübutlarla hadisənin cinayət hadisəsi olubolmaması, törədilmiş əməldə cinayətin əlamətlərinin olub-olmaması, bu əməlin təqsirləndirilən şəxs tərəfindən törədilib-törədilməməsi, onun təqsirli olub-olmaması, habelə ittihamın düzgün həll edilməsi üçün əhəmiyyət kəsb edən hallar göstərilməlidir. Maddə 125.1-ci maddəsinə əsasən məlumatların, sənədlərin və digər əşyaların həqiqiliyinə, yaranma mənbəyinə və əldə edilməsi hallarına şübhələr olmadıqda onlar sübut kimi qəbul edilə bilərlər. Maddə 125.2.1-ci maddəsinə əsasən insan və vətəndaşların konstitusiya hüquqlarının və azadlıqlarının, yaxud bu Məcəllənin digər tələblərinin pozulması ilə cinayət prosesi iştirakçılarının qanunla təminat verilən hüquqlarından məhrum etmə və ya onları məhdudlaşdırmaqla bu sübutların həqiqiliyinə hər hansı yolla təsir göstərəcəyi və ya göstərə biləcəyi halda, Azərbaycan Respublikası CPM-nin 125.2.3-cü maddəsinə əsasən şübhəli və təqsirləndirilən şəxsin müdafiə hüquqlarının… pozulması ilə, Azərbaycan Respublikası CPM-nin 125.2.7-ci maddəsinə əsasən istintaq və ya digər prosessual hərəkətlərin icraat qaydaları kobud pozuntularla aparıldıqda… əldə edilmiş məlumatların, sənədlərin və digər əşyaların cinayət işi üzrə sübut kimi qəbul edilməsinə yol verilmir. Maddə 125.3-cü maddəsinə əsasən bu Məcəllənin 125.2-ci maddəsində nəzərdə tutulmuş hallarda alınmış məlumatlar, sənədlər və əşyalar hüquqi qüvvəsi olmayan hesab edilir və onlar ittihamın düzgün həlli üçün hər hansı halın sübut olunmasında istifadə edilə bilməz. Maddə 137-ci maddəsinə əsasən əməliyyat-axtarış fəaliyyəti nəticəsində əldə edilmiş materiallar «Əməliyyat-axtarış fəaliyyəti haqqında» Azərbaycan Respublikasının Qanununa uyğun əldə olunduqda və bu Məcəllənin tələblərinə uyğun təqdim edildikdə və yoxlanıldıqda, cinayət təqibi üzrə sübut kimi qəbul edilir. Maddə 144-cü maddəsinə əsasən cinayət təqibi üzrə toplanmış sübutlar tam, hərtərəfli və obyektiv yoxlanılmalıdır. Yoxlama zamanı cinayət təqibi üzrə toplanmış sübutlar təhlil olunur və bir-biri ilə müqayisə edilir, yeni sübutlar toplanır, əldə olunmuş sübutların mənbəyinin mötəbərliliyi müəyyənləşdirilir. Maddə 145.1-ci maddəsinə əsasən hər bir sübut mənsubiyyəti, mümkünlüyü, mötəbərliliyi üzrə qiymətləndirilməlidir. Cinayət təqibi üzrə toplanmış bütün sübutların məcmusuna isə ittihamın həlli üçün onların kifayət etməsinə əsasən qiymət verilməlidir. Məhkəmə iş üzrə zərərçəkmiş şəxs X2, Şahid ifadələrini, məhkəmə və ibtidai istintaq hərəkətlərinin protokollarını və sair sənədləri tam, hərtərəfli və obyektiv yoxlayıb, hər bir sübutu mənsubiyyəti, mümkünlüyü və mötəbərliliyi üzrə qiymətləndirib, həmin sübutları inandırıcı, məntiqli olduqları, ziddiyyət təşkil etmədikləri, əksinə bir-biri ilə uyğun şəkildə işin faktiki hallarını təsdiq etdikləri üçün mötəbər sübutlar kimi qəbul edir. Məhkəmə, eyni zamanda Azərbaycan Respublikası Cinayət-Prosessual Məcəlləsinin 126.6-cı maddəsinin tələbinə əsasən Təqsirləndirilən şəxs ittiham olunduğu əməldə öz təqsirini etiraf etməsini iş üzrə bütün sübutların məcmuyu ilə təsdiq edildiyi üçün ona qarşı ittihamı təsdiq edən əsas kimi qəbul edir. Beləliklə məhkəmə iclasında tədqiq olunmuş mümkün və mötəbər sübutların məcmuyu ilə müəyyən edildi ki, Təqsirləndirilən şəxs cavabdeh kimi Balakən Rayon Məhkəməsinin qanuni güvvəyə minmiş 2(019)-357/2021 saylı 05 aprel 2021-ci il tarixli qətnaməsini qərəzli olaraq qəsdən icra etməmişdir. Qanuni qüvvəyə minmiş məhkəmə qətnaməsini, hökmünü, qərardadını, qərarını və ya əmrini qərəzli olaraq icra etməmə və ya həmin məhkəmə aktlarının icrasına maneçilik törətməyə görə Azərbaycan Respublikası Cinayət Məcəlləsinin 306.1-ci maddəsində cinayət məsuliyyəti nəzərdə tutulmuşdur. Azərbaycan Respublikası Konstitusiya Məhkəməsi Plenumunun “Azərbaycan Respublikası Cinayət Məcəlləsinin 306.1-ci maddəsinin şərh edilməsinə dair” 02 oktyabr 2012-ci il tarixli qərarında göstərilmişdir ki, məhkəmə aktlarını icra etməmə yalnız qərəzli olduqda CM-in 306-cı maddəsində nəzərdə tutulmuş cinayət tərkibini yaradır. İcra etməmə o halda qərəzli olur ki, təqsirkar şəxsə yazılı şəkildə xəbərdarlıq edildikdən sonra da o, məhkəmə aktının tələbini icra etmir və ya məhkəmə aktlarının icrasını mümkünsüz etməyə yönələn hərəkətlərini davam etdirir. X1 Məhkəməsinin Plenumu tərəfindən qərara alınmışdır ki, Azərbaycan Respublikası Cinayət Məcəlləsinin 306-cı maddəsində nəzərdə tutulmuş cinayət tərkibi məhkəmə aktını icra etməməsinə görə Azərbaycan Respublikası İnzibati Xətalar Məcəlləsinin 313-1.1-ci maddəsi (qüvvədə olan İnzibati Xətalar Məcəlləsinin 528.1-ci) maddəsi) ilə inzibati məsuliyyətə cəlb edildikdən sonra şəxs tərəfindən həmin icra sənədinin yenidən qərəzli olaraq icra edilmədiyi hallarda yaranır. Məhkəmə Azərbaycan Respublikasının Konstitusiyasının 63-cü maddəsində təsbit edilmiş təqsirsizlik prezumpsiyasını rəhbər tutaraq, məhkəmə baxışında ittihamın baxılması nəticələrinə, məhkəmə istintaqında tədqiq edilmiş mötəbər və mümkün sübutlara əsaslanaraq, tədqiq olunan sübutların ittihamın qiymətləndirilməsi üçün kifayət etməsini nəzərə alaraq bu nəticəyə gəlir ki,Təqsirləndirilən şəxs ittiham olunduğu cinayət hadisəsi baş vermişdir.Həmin əməldə Azərbaycan Respublikası Cinayət Məcəlləsinin 306.1-ci maddəsinin tərkibi vardır, həmin əməl təqsirləndirilən şəxs tərəfindən törədilmişdir, təqsirləndirilən şəxs həmin cinayətin törədilməsində təqsirlidir,onun cinayət əməli Azərbaycan Respublikası Cinayət Məcəlləsinin 306.1-ci maddəsi ilə düzgün tövsif edilmişdir,əməlin cinayət olmasını aradan qaldıran hallar, təqsirləndirilən şəxsin cinayət məsuliyyətindən azad edilməsi üçün əsaslar yoxdur, təqsirləndirilən şəxs törətdiyi əmələ görə cəzalanmalıdır. Azərbaycan Respublikasının Cinayət Məcəlləsinin: 41 -ci maddəsinə görə cəza məhkəmə hökmü ilə təyin edilən cinayət-hüquqi xarakterli tədbirdir. Cəza cinayət törətməkdə təqsirli hesab edilən şəxsə tətbiq olunur və həmin şəxs barəsində bu Məcəllə ilə müəyyən edilən məhrumiyyətlər yaradılmasından və ya onun hüquq və azadlıqlarının məhdudlaşdırılmasından ibarətdir.Cəza sosial ədalətin bərpası, məhkumun islah edilməsi və həm məhkumlar, həm də başqa şəxslər tərəfindən yeni cinayətlərin törədilməsinin qarşısını almaq məqsədi ilə tətbiq edilir. 8.1-ci maddəsinə görə cinayət törətmiş şəxs haqqında tətbiq edilən cəza və ya digər cinayət-hüquqi xarakterli tədbirlər ədalətli olmalıdır, yəni cinayətin xarakterinə və ictimai təhlükəlilik dərəcəsinə, onun törədilməsi hallarına və cinayət törətməkdə təqsirli bilinən şəxsin şəxsiyyətinə uyğun olmalıdır. 58.1 və 58.3-cü maddələrinə görə cinayət törətməkdə təqsirli bilinən şəxsə, bu Məcəllənin Ümumi hissəsinin müddəaları nəzərə alınmaqla Xüsusi hissəsinin müvafiq maddələrində nəzərdə tutulmuş hədlərdə ədalətli cəza təyin edilir. Törədilmiş cinayətə görə nəzərdə tutulmuş cəzalardan daha ciddi cəza növü yalnız o halda təyin edilir ki, az ciddi cəza növü cəzanın məqsədlərini təmin edə bilmir. Cəza təyin edilərkən törədilmiş cinayətin xarakteri və ictimai təhlükəlilik dərəcəsi, təqsirkarın şəxsiyyəti, o cümlədən cəzanı yüngülləşdirən və ağırlaşdıran hallar, habelə təyin olunmuş cəzanın şəxsin islah olunmasına və onun ailəsinin həyat şəraitinə təsiri nəzərə alınır. Təqsirləndirilən şəxs himayəsində bir azyaşlı uşağının olması onun cəzasını yüngülləşdirən haldır və onun cəzasını ağırlaşdıran hallar yoxdur. Məhkəmə Təqsirləndirilən şəxs cəza təyin edərkən ona hansı növ cəzanın təyin olunması məsələsinə baxaraq,törədilmiş cinayətin xarakterini və ictimai təhlükəlilik dərəcəsini,onun şəxsiyyətini,əvvəllər məhkum olunmamasını,yaşayış yeri üzrə müsbət cəhətdən xarakterizə olunmasını,cəzanı yüngülləşdirən halı, cəzanı ağırlaşdıran halların olmamasını, habelə təyin olunacaq cəzanın onun islah olunmasına və ailəsinin həyat şəraitinə təsirini,eyni zamanda onun barəsində cinayət işi başlandıqdan sonra da qazancı olmasına baxmayaraq alimenti ödəməməkdə davam etməsini, onun təqsirli bilindiyi maddənin sanksiyasında nəzərdə tutulmuş cərimə, ictimai işlər, islah işləri və azadlığın məhdudlaşdırılması cəza növlərinin cəzanın məqsədlərini təmin edə bilməyəcəyini, onun cəmiyyətdən təcrid edilmədən islah olunmasının mümkün olmayacağını nəzərə alaraq Təqsirləndirilən şəxs təqsirli bilindiyi maddənin sanksiyasında nəzərdə tutulan həddə azadlıqdan məhrumetmə cəzasının təyin edilməsini qanuni və əsaslı hesab edir. Məhkəmə Azərbaycan Respublikası Cinayət Prosessual Məcəlləsinin 346.1.12-ci maddəsinə uyğun olaraq Təqsirləndirilən şəxs tərəfindən ona təyin ediləcək cəzanın çəkilməli olub-olmaması məsələsinə baxaraq, işin hallarını, təqsirləndirilən şəxsin cəzadan azad edilməsi, yaxud barəsində Cinayət Məcəlləsinin 70-ci maddəsinin tətbiq olunması üçün əsasların olmamasını nəzərə alaraq hesab edir ki, təqsirləndirilən şəxs ona təyin ediləcək cəzanı çəkməlidir. Cinayət Məcəlləsinin 56.1.2-ci maddəsinə əsasən o,azadlıqdan məhrumetmə növündə cəzanı ümumi rejimli cəzaçəkmə müəssisəsində çəkməlidir. Təqsirləndirilən şəxs cəzaçəkmə müddətinin əvvəli həbsə alındığı gündən hesablanmalıdır. Təqsirləndirilən şəxs barəsində azadlıqdan məhrumetmə növündə cəza təyin ediləcəyindən,onun barəsində seçilmiş başqa yerə getməmək haqqında iltizam qətimkan tədbiri dəyişdirilməli,onun barəsində həbs qətimkan tədbiri seçilməli,məhkəmə iclas zalında həbs edilməlidir.Barəsində seçilmiş həbs qətimkan tədbiri hökm qanuni qüvvəsini alana kimi dəyişdirilmədən saxlanmalıdır. Azərbaycan Respublikası Cinayət Prosessual Məcəlləsinin 346.1-ci və 346.1.19-cu maddələrinə uyğun olaraq məhkəmə müsadirə edilməli əmlakın olub-olmaması məsələsinə baxaraq, təqsirləndirilən şəxsin hazırkı cinayəti törətdiyi zaman cinayət yolu ilə hər hansı əmlak əldə etməməsini nəzərə alaraq hesab edir ki, Təqsirləndirilən şəxs Azərbaycan Respublikası Cinayət Məcəlləsinin 99-1.1-ci maddəsində nəzərdə tutulan xüsusi müsadirə edilməli olan əmlak mövcud deyildir. İş üzrə maddi sübut və mülki iddia yoxdur. İş materiallarından həmçinin görünür ki, Balakən rayon Vəkil Bürosunun vəkili- Müdafiəçi məhkəmə icraat zamanı Təqsirləndirilən şəxs hüquqlarının müdafiəsinə 09 iş saatı sərf etmişdir. Azərbaycan Respublikası CPM-nin 193.2-193.3-cü maddələrinə əsasən şübhəli və ya təqsirləndirilən şəxsin müdafiəçinin xidmətlərini ödəməyə kifayət qədər vəsaiti yoxdursa və müdafiəçinin cinayət prosesində iştirakı bu Məcəllənin 92.3-cü maddəsində nəzərdə tutulmuş hallarda təmin olunmalıdırsa, cinayət prosesini həyata keçirən orqan həmin şəxsə hüquqi yardımın göstərilməsini Azərbaycan Respublikasının dövlət büdcəsi vəsaiti hesabına təmin etməlidir. Məhkəmə şübhəli və ya təqsirləndirilən şəxsin orta aylıq gəlirini, maddi, əmlak və ailə vəziyyətini, habelə digər halları nəzərə alaraq həmin şəxsin müdafiəçi tərəfindən göstərilən hüquqi yardımı ödəməkdən azad edilməsi və ödəmənin Azərbaycan Respublikasının dövlət büdcəsi vəsaiti hesabına həyata keçirilməsi barədə əsaslandırılmış qərar qəbul edir. Azərbaycan Respublikası Nazirlər Kabinetinin 28 aprel 2025-ci il tarixli, 141 №-li qərarı əsasında “Müdafiəçilərə, tərcüməçilərə, mütəxəssislərə və ekspertlərə ödənilməli olan məbləğlərin miqdarı haqqında” Azərbaycan Respublikası Nazirlər Kabinetinin 2001-ci il 1 fevral tarixli,11 №-li qərarına edilmiş dəyişikliklərə uyğun olaraq təqsirləndirilən şəxslərin hüquqlarını müdafiə etmələrinə görə müdafiəçilərə hər iş saatı üçün 11 manat məbləğində haqq ödənilməlidir. Məhkəmə hesab edir ki,Təqsirləndirilən şəxs məhkəmə icraatı zamanı göstərilən hüquqi yardımla bağlı Azərbaycan Respublikası Dövlət büdcəsinin vəsaiti hesabından 99 manat tutulub vəkil Müdafiəçi ödənilməsi üçün Balakən rayon Vəkil Bürosunun nəfinə, "xxxx" X8 Rekvizitləri: VÖEN **********, kod 201382, Müxbir hesab AZ37NABZ******************** hesaba köçürülməlidir. Azərbaycan Respublikası CPM-nin 349-cü maddəsinin tələblərinə görə məhkəmənin hökmü qanuni və əsaslı olmalıdır. Məhkəmənin hökmü Azərbaycan Respublikası Konstitusiyasının, bu Məcəllənin, Azərbaycan Respublikasının cinayət və digər qanunlarının tələblərinə riayət edilməklə çıxarıldıqda qanuni hesab edilir. Məhkəmənin hökmü məhkəmənin gəldiyi nəticələr yalnız məhkəmə istintaqında tədqiq edilmiş sübutlara əsaslandıqda, bu sübutlar ittihamın qiymətləndirilməsi üçün kifayət etdikdə və məhkəmənin müəyyən etdiyi hallar onun tədqiq etdiyi sübutlara uyğun gəldikdə əsaslı hesab edilir. Kondraşinanın Rusiya Federasiyasına qarşı iş üzrə qərarında Avropa Məhkəməsi göstərmişdir ki, məhkəmələr qərar qəbul edərkən hüququn aliliyinə əməl etməlidirlər. Hüququn aliliyinin əsas cəhətlərindən biri hüquqi müəyyənlik prinsipidir ki, onun tələbinə görə məhkəmələr yekun qərarı elə qəbul etməlidirlər ki, o mübahisə olunmasın. Göstərilənlərə əsasən və Azərbaycan Respublikası CPM-nin 344-347, 349, 351-353, 356 və 384.1-ci maddələrini rəhbər tutaraq, məhkəmə hökmetdi: Təqsirləndirilən şəxs Azərbaycan Respublikası Cinayət Məcəlləsinin 306.1-ci maddəsində nəzərdə tutulan əməli törətməkdə təqsirli bilinsin,09 (doqquz) ay müddətə azadlıqdan məhrumetmə cəzasına məhkum edilsin.Cəzasını ümumi rejimli cəzaçəkmə müəssisəsində çəksin. Cəza çəkmə müddətinin əvvəli 08 oktyabr 2025-ci il tarixdən hesablansın. Təqsirləndirilən şəxs barəsində seçilmiş başqa yerə getməmək haqqında iltizam qətimkan tədbiri dəyişdirilsin, onun barəsində həbs qətimkan tədbiri seçilsin. O, məhkəmə iclas zalında həbs edilsin, barəsində seçilmiş həbs qətimkan tədbiri hökm qanuni qüvvəsini alana kimi dəyişdirilmədən saxlansın. Təqsirləndirilən şəxs məhkəmə icraatı zamanı göstərilən hüquqi yardımla bağlı Azərbaycan Respublikası Dövlət büdcəsinin vəsaiti hesabından 99 (doxsan doqquz) manat tutulub vəkil Müdafiəçi ödənilməsi üçün Balakən rayon Vəkil Bürosunun nəfinə, "xxxx" ASC-in X8 Rekvizitləri: VÖEN-**********, kod 201382, Müxbir hesab AZ37NABZ******************** hesaba köçürülsün. Hökmdən elan olunduğu andan (həbsdə olan məhkum hökmün surəti ona verildiyi andan) 20 gün müddətində Balakən Rayon Məhkəməsi vasitəsi ilə Şəki Apellyasiya Məhkəməsinin Cinayət kollegiyasına apellyasiya şikayəti və ya apellyasiya protesti verilə bilər. Hökm göstərilən müddətdə apellyasiya şikayəti və ya protesti verilmədikdə, həmin müddət başa çatdığı vaxtdan sonrakı gün qanuni qüvvəyə minir. Sədrlik edən H.Q.Səlimov