Biləsuvar Rayon Məhkəməsi Qərar — İş №1(022)-22/2025

Azərbaycan Respublikası adından QƏRAR Biləsuvar rayonu İş № 1(022)-22/2025 06.01.2025 BİLƏSUVAR RAYON MƏHKƏMƏSİ Biləsuvar Rayon Məhkəməsinin sədri Əliyev Rəfayil Əfraddin oğlunun sədrliyi, məsləhətçi (məhkəmə iclas katibi) X2 oğlunun katibliyi, dövlət ittihamçısı, Azərbaycan Respublikası Baş Prokurorluğunun Dövlət ittihamının müdafiəsi üzrə idarənin Rayon (şəhər) məhkəmələrində dövlət ittihamının müdafiəsi üzrə şöbənin prokuroru Dövlət ittihamçısı, Zərərçəkmiş şəxs, barəsində ittiham irəli sürülmüş şəxs Təqsirləndirilən şəxs, onun müdafiəçisi, Biləsuvar rayon vəkil bürosunun vəkili Müdafiəçi iştirakı ilə, Təqsirləndirilən şəxs, xx xxxxxxx 1985-ci il tarixdə Biləsuvar rayonunda anadan olmuş, Azərbaycan Respublikası vətəndaşı, orta təhsilli, faktiki nikah münasibətlərində olan, himayəsində 2 uşağı olan, əvvəllər məhkum olunmamış, fərdi əməklə məşğul olan, Biləsuvar rayonu, Günəşli kəndində qeydiyyatda olan və həmin ünvanda yaşayan, barəsində Azərbaycan Respublikası CM-nin 128-ci maddəsi ilə ittiham irəli sürülməsinə dair məhkəməyədək sadələşdirilmiş icraat materiallarına məhkəmə hazırlıq iclasında baxaraq, MÜƏYYƏNETDİ: Təqsirləndirilən şəxs 02 dekabr 2024-cü il tarixdə, saat 15 radələrində yaşadıqları Biləsuvar rayonu, Ağalıkənd kəndində yerləşən fərdi yaşayış evində faktiki nikah münasibətlərində olduğu Zərərçəkmiş şəxs ilə aralarında yaranmış şəxsi münasibətlər zəminində mübahisə edərək, sonuncunun sifət nahiyəsinə yumruqla zərbə vurmaqla, Zərərçəkmiş şəxs sağ gözyuvası əytafında qançır və sağ gözün ağlı qişasına yayılmış qansızma ilə nəticələnən xəsarətlər yetirərək, zərərçəkmiş şəxsin sağlamlığının qısa müddətə pozulmasına səbəb olan qəsdən sağlamlığına yüngül zərər vurmuşdur. Barəsində ittiham irəli sürülmüş şəxs Təqsirləndirilən şəxs ona elan olunmuş ittihamda özünü məhkəmədə tam təqsirli bilərək və yazılı vəsatətlə məhkəməyə müraciət edərək, bildirdi ki, o, 2012-ci ildə Zərərçəkmiş şəxs ilə el adətinə uyğun olaraq dini nikah bağlamaqla evlənsə də, onlar faktiki nikahlarını rəsmiləşdirməmişlər. Onların faktiki nikhaından iki uşaqları doğulmuşdur. O, ailə qurduqdan sonra Zərərçəkmiş şəxs yaşadığı Biləsuvar rayonu, Ağalıkənd kəndində yerləşən evinə köçmüş və onlar həmin kənddə yaşamışlar. Birgə yaşayışlarının ilk vaxtlarında onlar arasında münasibətlər normal olsa da, sonradan hər iksinin xasiyyəti uyuşmadığı üçün aralarında narazılıqlar yaranmış və tez-tez mübahisələri baş vermişdir. Sonuncu dəfə o, 01 dekabr 2024-cü il tarixdə iş yerindən Biləsuvar rayonu, Ağalıkənd kəndinə - ailəsinin yanma gəlmiş və gecə orada qalmışdır. Növbəti gün saat 15 radələrində evdə onunla Zərərçəkmiş şəxs arasında səbəbsiz yerə mübahisə yaranmış və mübahisə zamanı o, Zərərçəkmiş şəxs işlətdiyi nalayiq ifadələrdən hiddətlənərək, həmin şəxsə bir dəfə sifət nahiyəsindən sillə ilə vurmuşdur. Bundan sonra o, yaşadığı həmin evi tərk edərək, Biləsuvar rayonu, Günəşli kəndinə getmişdir. O, həmçinin bildirdi ki, hazırda o, əməlindən peşmançılıq hissi keçirir, buna görə də Zərərçəkmiş şəxs üzr istəyib, sonuncuya dəymiş ziyanı aradan qaldırmış və arvadı ilə barışığa nail olmuşdur. Bununla əlaqədar Təqsirləndirilən şəxs böyük ictimai təhlükə törətməyən cinayət törətdiyinə, zərərçəkmişə vurulmuş zərəri aradan qaldırdığına və sonuncu ilə barışıq əldə etdiyinə görə onu cinayət məsuliyyətindən azad edilməsini və iş üzrə icraata xitam verilməsini məhkəmədən xahiş etdi. Məhkəmə iclasında Zərərçəkmiş şəxs məhkəməyə yazılı vəsatət təqdim edərək bildirdi ki, o və Təqsirləndirilən şəxs təxminən 10 il əvvəl qeyri-rəsmi olaraq ailə həyatı qursalar da, onlar nikahlarını rəsmiləşdirməmişlər. Onların faktiki münaisbətlərindən iki uşağı doĞulmuşdur. Onlar faktiki nikha münasibətlərinə daxil olduqdan sonra Təqsirləndirilən şəxs onun Biləsuvar rayonu, Ağalıkənd kəndində yerləşən evinə köçmüş və onlar həmin kənddə birlikdə yaşamışlar. 02 dekabr 2024-cü il tarixdə, saat 15 radələrində Təqsirləndirilən şəxs səbəbsiz yerə onunla mübahisə etməyə başlamış və həmin münaqişə vaxtı onun sifət və baş nahiyələrinə sillə və yumruq zərbələri ilə vurmuşdur. Lakin Təqsirləndirilən şəxs sonradan ondan üzr istəyib, dəymiş ziyanı aradan qaldırmış və onunla barışığa nail olmuşdur. Buna görə də Zərərçəkmiş şəxs barəsində ittiham irəli sürülmüş şəxs Təqsirləndirilən şəxs ilk dəfə böyük ictimai təhlükə törətməyən cinayət törətdiyini, ona vurulmuş zərəri aradan qaldıraraq, onunla barışmasını nəzərə alaraq, sonuncunun cinayət məsuliyyətindən azad olunmasını və iş üzrə icraata xitam verilməsini məhkəmədən xahiş etdi. Məhkəmədə Dövlət ittihamçısı, barəsində ittiham irəli sürülmüş şəxs Təqsirləndirilən şəxs cinayət məsuliyyətindən azad edilməsinə və iş üzrə icraata xitam verilməsinə razı olduğunu bildirdi. İşdə olan canlı şəxsin ekspertizasının 03 dekabr 2024-cü il tarixli, 482 saylı rəyindən görünür ki, Zərərçəkmiş şəxs aşkar edilmiş sağ gözyuvası ətafında qançır və sağ gözün ağlı qişasına yayılmış qansızma xəsarətləri bərk küt əşyanın (əşyaların) təsirindən əmələ gəlmişdir, əmələ gəlmə müddəti 02 dekabr 2024-cü il tarixə uyğun gəlir və sağlamlığın qısa müddətə pozulmasına səbəb olduğu üçün sağlamlığa yüngül zərər vurmaya aiddir. İşdə olan Azərbaycan Respublikası Daxili İşlər Nazirliyi Baş X1 İdarəsi tərəfindən verilmiş 10 dekabr 2024-cü il tarixli arayışdan görünür ki, Təqsirləndirilən şəxs əvvəllər Azərbaycan Respublikası CM-nin 128-ci maddəsi ilə nəzərdə tutulmuş cinayət törətməyə görə məhkum olunmamışdır və hazırda məhkumluğu yoxdur. Məhkəmə məhkəməyədək sədələşdirilmiş icraatın materiallarını tədqiq edərək, barəsində ittiham irəli sürülmüş şəxsi, onun müdafiəçisini, zərərçəkmiş şəxsi və dövlət ittihamçısını dinləyərək hesab edir ki, vəsatətlər əsaslı olduqlarına görə təmin edilməli, Təqsirləndirilən şəxs cinayət məsuliyyətindən azad olunmalı və məhkəməyədək sadələşdirilmiş icraat materialı üzrə icraata aşağıdakı əsaslara görə xitam verilməlidir. Azərbaycan Respublikası CM-nin 73.1 və 73.2-ci maddələrinin tələbinə görə böyük ictimai təhlükə törətməyən cinayət törətmiş şəxs zərərçəkmiş şəxslə barışdıqda və ona dəymiş ziyanı ödədikdə və ya vurulmuş zərəri aradan qaldırdıqda cinayət məsuliyyətindən azad edilə bilər. CM-nin 127.1, 128, 129, 130, 131.2, 133.1, 134, 142.1, 143, 156.1, 157.1 və 158.1-ci maddələrində nəzərdə tutulmuş əməli (əməlləri) törətmiş şəxs zərərçəkmiş şəxslə barışdıqda və ona dəymiş ziyanı tamamilə ödədikdə cinayət məsuliyyətindən azad edilir. İş materiallarından görünür ki, Təqsirləndirilən şəxs Azərbaycan Respublikası CMnin 128-ci maddəsi ilə nəzərdə tutulan cinayəti ilk dəfə törətmişdir. Hal-hazırda o, zərərçəkmişə vurduğu zərəri aradan qaldırmış və sonuncu ilə barışmışdır. Azərbaycan Respublikası CPM-nin 40.2 və 40.2.2-ci maddələrinə əsasən cinayət qanunu ilə nəzərdə tutulmuş əməli törətmiş şəxs zərərçəkmişlə barışdıqda onun cinayət məsuliyyətindən azad edilməsi üçün Azərbaycan Respublikası CM-nin 72-74-cü maddələrində nəzərdə tutulmuş hallar mövcud olduqda işin icraatına xitam verilə bilər. Azərbaycan Respublikası CPM-nin 300.1.7-ci maddəsinə görə məhkəmənin hazırlıq iclasının keçirilməsi nəticəsində cinayət işi və ya məhkəməyədək sadələşdirilmiş icraatın materialları üzrə icraata xitam verilməsi barədə qərar qəbul edilə bilər. Təqsirləndirilən şəxs yazılı vəsatətindən görünür ki, o, zərərçəkmiş şəxslə barışdığına görə barəsində Azərbaycan Respublikası Cinayət Məcəlləsinin 128-ci maddəsi ilə ittiham irəli sürülməsinə dair məhkəməyədək sədələşdirilmiş icraat materialları üzrə icraata xitam verilməsinə razıdır. Yuxarıda göstərilənlərə əsasən və Azərbaycan Respublikası CPM-nin 321, 346, 347, 381, 383-385-ci maddələrini rəhbər tutaraq, məhkəmə QƏRARA ALDİ: Təqsirləndirilən şəxs zərərçəkmiş şəxslə barışdığına və vurulmuş zərəri aradan qaldırdığına görə, cinayət məsuliyyətindən azad edilsin və onun barəsində Azərbaycan Respublikası Cinayət Məcəlləsinin 128-ci maddəsi ilə ittiham irəli sürülməsinə dair məhkəməyədək sədələşdirilmiş icraat materialları üzrə icraata xitam verilsin. Qərar elan olunduğu andan 20 (iyirmi) gün müddətində Biləsuvar rayon məhkəməsinin vasitəsi ilə Şirvan Apellyasiya Məhkəməsinə ondan apellyasiya şikayəti və ya protesti verilə bilər. Biləsuvar Rayon Məhkəməsinin sədri R.Ə.Əliyev