Quba Rayon Məhkəməsi Qərar — İş №1(027)-149/2021

Azərbaycan Respublikası adından QƏRAR Quba şəhəri İş № 1(027)-149/2021 26.10.2021 QUBA RAYON MƏHKƏMƏSİ Hakim Həsənov Rahim Təşəkkül oğlunun sədrliyi, X10 oğlunun katibliyi, Dövlət ittihamçısı, Zərərçəkmiş şəxs, Cinayət qanunu ilə nəzərdə tutulmuş əməli törətmiş Təqsirləndirilən şəxs, X1 iştirakı ilə xx.xx.1989-cu ildə Quba rayonunun, Rustov kəndində anadan olmuş, azərbaycanlı, Azərbaycan Respublikası vətəndaşı, evli, orta təhsilli, məhkum olunmayan, fərdi əməklə məşğul olan, Quba rayonu, Rustov kəndində yaşayan– Təqsirləndirilən şəxs barəsində Azərbaycan Respublikası Cinayət Məcəlləsinin 128-ci maddəsi ilə olan məhkəməyədək sadələşdirilmiş icraat materiallarına Quba Rayon Məhkəməsinin binasında açıq məhkəmə iclasında baxaraq müəyyən etdi: Təqsirləndirilən şəxs 22 sentyabr 2021-ci il tarixdə, saat 16 radələrində Quba rayonu, Rustov kəndindəki yaşadığı evin həyətində, şəxsi münasibətlər zəminində aralarında yaranmış mübahisə zamanı qonşusu olan əmisi oğlu Zərərçəkmiş şəxs sol qulaq və alt dodaq nahiyyəsinə qəsdən yumruq zərbələri vuraraq ona sol qulaq seyvanında əzilmiş yara, alt dodağın selikli qişasında sağda və solda əzilmiş-cırılmış yaralarla nəticələnən sağlamlığın qısa müddətə pozulmasına səbəb olan sağlamlığa yüngül zərər vurmaya aid bədən xəsarətləri yetirməklə sonuncunun qəsdən sağlamlığına yüngül zərər vurmuşdur. Məhkəmənin əsaslandığı sübutlar aşağıdakılardır: Məhkəmədə cinayət qanunu ilə nəzərdə tutulmuş əməli törətmiş Təqsirləndirilən şəxs verdiyi ifadəsində təqsirini etiraf edərək göstərmişdir ki o, Quba rayonunun Rustov kəndində arvadı Gülçöhrə, 10 və 8 yaşında olan iki oğlu ilə birlikdə yaşayır. Evinin yaxınlığında yaşayan əmisi oğlu Zərərçəkmiş şəxs təsərrüfatında iki baş dişi keçi və dörd baş qoyun heyvanı var. Eldost heyvanları açıq saxladığı üçün onlar tez-tez onun həyətinə girirlər. 22 sentyabr 2021-ci il tarixdə saat 16 radələrində evə gəldikdə Eldostun heyvanlarını həyətində görüb Eldostu həyətlərinə çağırmışdır. Söhbət zamanı onların aralarında mübahisə yaranmışdır. Mübahisə zamanı Eldost onun yaxasından tutaraq başı ilə onun sifət nahiyyəsinə zərbə vurmuşdur. Həmin vaxt onlar əlbəyaxa olaraq yerə yıxılmşılar. Səs küyə onlarla qonşuluqda yaşayan atası Mülkümlə anası Mətanət gəlib onları ayırmışlar. İfadəsinin sonunda Təqsirləndirilən şəxs əməlindən peşman olmasını və zərərçəkmiş şəxslə barışmasını bildirib məhkəmədən onun barəsində olan məhkəməyədək sadələşdirilmiş icraat materiallarına xitam verməsini xahiş etmişdir. Məhkəmədə zərərçəkmiş şəxs qismində dindirilmiş Zərərçəkmiş şəxs ifadəsində göstərmişdir ki, Quba rayonunun Rustov kəndində arvadı X5 və üç azyaşlı övladı ilə birlikdə yaşayır. Əmisi oğlu Təqsirləndirilən şəxs evi onun evinin alt tərəfindədir. Miracın həyətinin çəpərlərinin açıq olması səbəbilə onun küçəyə otlamağa buraxdığı iki baş keçi və dörd baş qoyun tez-tez Miracın həyətinə girmişdir. 22 sentyabr 2021-ci il tarixdə gündüz vaxtı Miracın oğlanları onun heyvanlarını döyə-döyə həyətlərindən çıxarmışlar. Saat 16 radələrində heyvanlar yenidən Miracın həyətinə girmişdir. Həmin vaxt o, Miracın həyətinə gedib heyvanlarını aparanda onların aralarında mübahisə yaranmışdır. Mübahisə zamanı Mirac başı ilə onun sifət nahiyyəsinə vurmuşdur. Bundan sonra onlar əlbəyaxa olaraq yerə yıxılmışlar. Həmin vaxt arvadı Cəvahir və Miracın valideyinləri gəlib onları ayırmışlar. Bundan sonra o, evinə getmişdir. Sonradan ona məlum olmuşdur ki, Miracın ondan polisə şikayət emişdir. İfadəsinin sonunda Zərərçəkmiş şəxs əməli törətmiş şəxs Təqsirləndirilən şəxs ilə barışdığını və ona qarşı şikayət və tələbinin olmadığını bildirmişdir. İş materiallarında olan Məhkəmə-tibb ekspertizasının 22.09.2021-ci il tarixli, 989 saylı rəyindən görünür ki, Zərərçəkmiş şəxs bədəni üzərində aşkar olunmuş xəsarətlərsol qulaq seyvanında əzilmiş yara, alt dodağın selikli qişasında sağda və solda əzilmişcırılmış yaralar küt əşyanın (əşyaların) təsirindən törənməklə, yetirilmə müddətləri 22.09.2021-ci il tarixə uyğun gəlir, dərəcəsinə görə sağlamlıqda qısa müddətə pozğunluq törətdiyindən sağlamlığa yüngül zərər vurmaya aiddirlər. İş materiallarında olan Azərbaycan Respublikası DİN-in BƏSİİ-dən verilmiş tələbnamədən görünür ki, Təqsirləndirilən şəxs əvvəllər məhkum olunmamışdır. İş materiallarında olan Quba RMX-dan daxil olmuş 28.09.2021-ci il tarixli, 2881 saylı məktubdan görünür ki, Təqsirləndirilən şəxs Quba RMX-nin Konsultativ Poliklinika şöbəsinin psixiatrik kabentlərində qeydiyyatda yoxdur. İş materiallarında olan X12 Təsərrüfatı Mərkəzi tərəfindən verilmiş 23 sentyabr 2021-ci il tarixli, 758 nömrəli məktubdan görünür ki, Təqsirləndirilən şəxs 14.01.20219-cu ildən hal-hazıra kimi Rustov meşəbəyliyində meşə gözətçisi işləyir, işlədiyi yerdə müsbət xarakterizə olunur. Beləliklə, məhkəmə iş üzrə toplanmış subutların məcmusuna qiymət verərək bu qənaətə gəlir ki, təqsirəndirilən Təqsirləndirilən şəxs istinad edilən ittiham onun özünün məhkəmədə verdiyi ifadə ilə yanaşı zərərçəkmiş şəxsin ifadəsi, məhkəm-tibb ekspertizasının müvafiq rəyi və məhkəmə istintaqı zamanı təhqiqi olunmuş digər mötəbər subutlarla tam sübuta yetir. Təqsirəndirilən Təqsirləndirilən şəxs ərizə ilə məhkəməyə müraciət edərək Zərərçəkmiş şəxs ilə barışmasını nəzərə alıb barəsində olan məhkəməyədək sadələşdirilmiş icraat materialları üzrə icraata xitam verilməsini məhkəmədən xahiş etmişdir. Zərərçəkmiş şəxs məhkəməyə daxil olmuş ərizəsindən görünür ki o, təqsirəndirilən Təqsirləndirilən şəxs ilə barışmışdır və ona qarşı heç bir şikayət və tələbi yoxdur. Azərbaycan Respublikasının CM-nin 73.2-ci maddəsinə əsasən, “Bu Məcəllənin 127.1, 128, 129, 130, 131.2, 133.1, 134, 142.1, 143, 156.1, 157.1 və 158.1-ci maddələrində nəzərdə tutulmuş əməli (əməlləri) törətmiş şəxs zərərçəkmiş şəxslə barışdıqda və ona dəymiş ziyanı tamamilə ödədikdə cinayət məsuliyyətindən azad edilir.” Azərbaycan Respublikasının CM-nin 72-ci maddəsinin Qeyd hissəsinə əsasən, “Şəxs bu Məcəllənin 72-73-2 və 74-1-ci maddələrində nəzərdə tutulmuş qaydada cinayət məsuliyyətindən yalnız bir dəfə azad edilir.” Azərbaycan Respublikası Cinayət Prosessual Məcəlləsinin 39.1.11-ci maddəsinə əsasən, cinayət qanunu müddəalarının qüvvəsinə görə şəxsin cinayət məsuliyyətindən azad edilməsi üçün əsaslar olduqda cinayət təqibi başlanıla bilməz, başlanılmış cinayət təqibinə isə xitam verilməlidir (o cümlədən cinayət işi başlanıla bilməz, başlanılmış cinayət işi üzrə icraata xitam verilməlidir). Həmin Məcəllənin 43.1.2-ci maddəsinə əsasən, məhkəmə baxışı gedişində 39.1.11ci maddəsində nəzərdə tutulmuş hallar olduqda təqsirləndirilən şəxsə qarşı cinayət təqibinə xitam verilməsi barədə qərar çıxarır. Beləliklə, məhkəmə hesab edir ki, Təqsirləndirilən şəxs Azərbaycan Respublikası Cinayət Məcəlləsinin 128-ci maddəsi ilə təqsirləndirilməsinə dair məhkəməyədək sadələşdirilmiş icraat materialı üzrə icraata Cinayət Məcəlləsinin 73.2-ci maddəsinə, Azərbaycan Respublikası Cinayət Prosessual Məcəlləsinin 39.1.11 və 43.1.2-ci maddələrinə əsasən xitam verilməli və o, cinayət məsuliyyətindən azad edilməlidir. Şərh edilənləri nəzərə alaraq, Təqsirləndirilən şəxs barəsində cinayət təqibinin həyata keçirilməməsinə imkan verən hallar olduğundan, onun haqqında cinayət təqibinə xitam verilməli və o, Azərbaycan Respublikası Cinayət Məcəlləsinin 73.2-cü maddəsinə əsasən cinayət məsuliyyətindən azad edilməlidir. Məhkəmə təqsirləndirilən şəxsin hüquqlarının müdafiəsi məqsədi ilə Quba rayon Vəkil Bürosunun vəkili X6 tərəfindən təqsirləndirilən Təqsirləndirilən şəxs hüquqlarının məhkəmədə müdafiə edilməsinə görə üçün 06 saat üçün 36 manat pulun Azərbaycan Respublikası CPM-in 193.2 və 193.3-cü maddələrinə, “Müdafiəçilərə, tərcüməçilərə, mütəxəssislərə və ekspertlərə ödənilməli olan məbləğlərin miqdarı haqqında” Azərbaycan Respublikası Nazirlər Kabinetinin 2001-ci il 1 fevral tarixli qərarına əsasən dövlət büdcəsindən tutulub Quba rayon Vəkil Bürosunun hesabına ödənilməsini əsaslı hesab edir. İş üzrə mülki iddia və maddi sübut yoxdur. Göstərilənləri nəzərə alaraq və Azərbaycan Respublikası CPM-in 39.1.11, 43.1.2, 321, 346-347, 356, 358-ci maddələrini rəhbər tutaraq, məhkəmə Q ə r a r a a l d ı: Təqsirləndirilən şəxs Azərbaycan Respublikası CM-nin 128-ci maddəsi ilə təqsirləndirilməsinə dair məhkəməyədək sadələşdirilmiş icraat materialı üzrə icraata xitam verilsin və o, cinayət məsuliyyətindən azad edilsin. Təqsirləndirilən şəxs məhkəmə iclaslarında dövlət hesabına hüquqlarını müdafiə etmiş Quba rayon Vəkil Bürosunun vəkili X2 etdiyi hər iş saatına görə 6 (altı) manat hesab edilməklə, 06 (altı) iş saatına görə 36 (otuz altı) manat məbləğində vəsait Azərbaycan Respublikası Dövlət büdcəsindən Quba rayon Vəkil Bürosunun hesabına (H/h AZ62İBAZ********************, Bank rekvizitləri: ABB Quba filialı, VÖEN: **********, Kod: 805476) köçürülsün. İş üzrə mülki iddia və maddi sübut yoxdur. Qərardan 20 gün müddətində Quba Rayon Məhkəməsi vasitəsilə Sumqayıt Apelyasiya Məhkəməsinə apelyasiya şikayəti və protesti verilə bilər. Sədrlik edən: Rahim Həsənov