Kürdəmir Rayon Məhkəməsi Qərar — İş №1(041)-27/2023

Azərbaycan Respublikası adından QƏRAR Kürdəmir rayon İş № 1(041)-27/2023 04.04.2023 KÜRDƏMİR RAYON MƏHKƏMƏSİ Azərbaycan Respublikası Kürdəmir rayon məhkəməsinin hakimi Bayramov Müseyib Seyfəddin oğlunun sədrliyi, Cəbrayılzadə Fərid Bəybala oğlunun katibliyi, Azərbaycan Respublikası Baş X1 Müdafiəsi üzrə İdarəsinin Rayon (şəhər) məhkəmələrində dövlət ittihamının müdafiəsi üzrə şöbəsinin prokuroru, ədliyyə müşaviri Dövlət ittihamçısı, cinayət qanunu ilə nəzərdə tutulan əməli törətmiş şəxs Təqsirləndirilən şəxs və onun müdafiəçisi, Azərbaycan Respublikası Vəkillər Kollegiyasının üzvü, vəkil X3, Zərərçəkmiş şəxs iştirakı ilə xx xxxxx 1972-ci il tarixdə Kürdəmir rayonu Qaraqocalı kəndində anadan olmuş, Azərbaycan Respublikasının vətəndaşı, subay, orta təhsilli, fərdi əməklə məşğul olan, əvvəllər məhkum olunmamış, Kürdəmir rayonu Qaraqocalı kəndində yaşayan, Təqsirləndirilən şəxs Azərbaycan Respublikası Cinayət Məcəlləsinin 128-ci maddəsi ilə təqsirləndirilməsinə dair məhkəməyədək sadələşdirilmiş icraat materialına Kürdəmir şəhəri, Heydəır Əliyev prospekti, 22 ünvanda məhkəmənin inzibati binasında açıq məhkəmə iclasında baxaraq, MÜƏYYƏN ETDİ: Təqsirləndirilən şəxs xx.xx.2023-cü il tarixdə saat 19.30 radələrində yaşadıqları Kürdəmir rayonunun Qaraqocalı kəndindəki evlərinin həyətində qardaşı arvadı Zərərçəkmiş şəxs həyətdən uca səslə xəstə anası Nübar Qurbanovanı çölə çağırması səbəbindən şəxsi münasibətlər zəminində aralarında yaranmış mübahisə zamanı qəsdən sillə ilə başına bir dəfə vuraraq ona başın alın-təpə sərhədində hematoma, sol göz almasında qansızma və sol gözün nahiyədə qançırla müşayət olunan sağlamlığın qısa müddət pozulmasına səbəb olan qəsdən sağlamlığa yüngül zərərvurmaya aid edilən xəsarətlər yetirmişdir. Məhkəmə iclasında cinayət qanunu ilə nəzərdə tutulan əməli törətmiş şəxs Təqsirləndirilən şəxs törətdiyi əməlini etiraf edərək göstərdi ki, Rövşanə onun qardaşı arvadıdır və münasibətləri normal olmuş aralarında heç bir ədavətləri olmamışdır. Onlar bir həyətdə ayrı-ayrı evlərdə yaşayırlar. Anası Nüybar yataq xəstəsi olduğu üçün daim yataqdadır. xx.xx.2023-cüil tarixdə saat təxminən 19.30 radəərində o, anası Nüybar və digər qardaşıgildə olarkən Rövşanə həyətdən anası Nüybarı çağırdığını eşitmiş, hirslənərək evdən çölə çıxıb Rövşanənin yanına gəlib Rövşanəyə “sənə tapşırmışam ki, həyətdən anamı çağırma, xəstə arvaddır, yataqdan qalxa bilmir” demiş, Rövşanə isə sənlik deyil, mən qaynanamı çağırıram demiş və buna görə də aralarında mübahisə yaranmışdır. Mübahisə zamanı əsəbləşərək Rövşanənin sol qolundan tutub sillə ilə onun başına bir dəfə vurmuşdur. Hazırda törətdiyi cinayət əməlindən səmimi peşmandır. O, zərərçəkmiş şəxs qardaşı arvadı Zərərçəkmiş şəxs ilə barışmış və ondan üzr istəmişdir. Zərərçəkmiş şəxs da onu bağışlamışdır. Cinayət qanunu ilə nəzərdə tutulan əməli törətmiş şəxs Təqsirləndirilən şəxs ərizə ilə məhkəməyə müraciət edərək, zərərçəkmiş şəxs Rövşanə ilə barışmasını və sonuncuya vurduğu ziyanı tamamilə ödəməsini nəzərə alaraq, onun barəsində olan məhkəməyədək sadələşdirilmiş icraat materialı üzrə icraata xitam verilməsini və cinayət məsuliyyətindən azad edilməsini məhkəmədən xahiş edir. Məhkəmə iclasında Zərərçəkmiş şəxs ifadə verərək göstərdi ki, Mürsəl onun qaynıdır, münasibətləri normal olmuş, aralarıanda heç bir ədavətləri olmamışdır. Onlar bir həyətdə, lakin ayrı-ayrı evlərdə yaşayırlar. xx.xx.2023-cü il tarixdə saat təxminən 19.30 radələrində həyətdən qaynanası Nüybarı səsləmiş, həmin vaxt Mürsəl evdən çölə çıxaraq anamı niyə çağırırsan, bilmirsən o, xəstədir demiş və bu səbəbdən mübhisə etməyə başlamış, mübahisə zamanı sillə ilə başına bir dəfə vuraraq ona xəsarət yetirmişdir. Hazırda əməli törətmiş şəxs qaynı Mürsəl üzr istəyib onunla barışmış, ona vurduğu ziyanı tamamilə ödəmişdir. Ona görə də Mürsələ qarşı heç bir şikayət və tələbinin olmadığını nəzərə alıb, Mürsəl barəsində olan məhkəməyədək sadələşdirilmiş icraat materialı üzrə icraata xitam verilməsini xahiş etdi. Zərərçəkmiş şəxs ərizə ilə məhkəməyə müraciət edərək, əməli törətmiş şəxs Mürsəllə barışmasını və Mürsəlin ona vurduğu ziyanı tamamilə ödəməsini nəzərə alaraq, onun barəsində olan məhkəməyədək sadələşdirilmiş icraat materialı üzrə icraata xitam verilməsini xahiş etdi. İş üzrə təyin olunmuş məhkəmə tibbi ekspertizasının xx.xx.2023-cü il tarixli 77 nömrəli rəyindən görünür ki, 1982-ci il təvəllüdlü Zərərçəkmiş şəxsnun məhkəmə-tibbi müayinəsi zamanı bədəni üzərində müəyyən olunmuş xəsarətlər: başın alın-təpə sərhəddində hematoma, sol göz almasına qansızma,sol gözaltı nahiyədə qnçırın küt əşyanın təsirindən törənməsi, törəmə müddətinin xx.xx.2023-cü il tarixə uyğun gəldiyi, ağırlıq dərəcəsinə görə ümumilikdə sağlamlığın qısa müddət pozulmasına səbəb olan sağlamlığa yüngül zərərvurmaya aid edilən göstərilmişdir. (bax iş vər. 09-10). İş materiallarına əlavə olunmuş Kürdəmir RİHB-nın Topalhəsənli kənd İnzibati Ərazi Dairəsi üzrə nümayəndəliyinin xx.xx.2023-cü il tarixli, 448 nömrəli arayışından görünür ki, Qurbanov X2 rayonu Qaraqocalı kəndində yaşayır. (bax iş vər.24) İş materiallarında olan və Kürdəmir rayon İHB-nın Topalhəsənli kənd İnzibati Ərazi Dairəsi üzrə Nümayəndəliyinin Təqsirləndirilən şəxs verilmiş xasiyyətnamədən görünür ki, o, yaşayış yeri üzrə müsbət xarakterizə olunur. (bax iş vər. 25) İş materiallarında olan Azərbaycan Respubliaksı DİN BƏSİİ-nin xx.xx.2023-cü tarixli tələbnaməsindən görünür ki, Təqsirləndirilən şəxs məhkum olunmamışdır. (bax iş vər.34). Məhkəmə iclasında tədqiq edilmiş mötəbər sübutlarla müəyyən edildi ki, əməli törətmiş şəxs Təqsirləndirilən şəxs xx.xx.2023-cü il tarixdə saat 19.30 radələrində yaşadıqları Kürdəmir rayonunun Qaraqocalı kəndindəki evlərinin həyətində qardaşı arvadı Zərərçəkmiş şəxs həyətdən uca səslə xəstə anası Nübar Qurbanovanı çölə çağırması səbəbindən şəxsi münasibətlər zəminində aralarında yaranmış mübahisə zamanı qəsdən sillə ilə başına bir dəfə vuraraq ona başın alın-təpə sərhəddində hematoma, sol göz almasında qansızma və sol gözün nahiyədə qançırla müşayət olunan sağlamlığın qısa müddət pozulmasına səbəb olan qəsdən sağlamlığa yüngül zərərvurmaya aid edilən xəsarətlər yetirmişdir. Qeyd edilən əsaslara görə məhkəmə hesab edir ki, Təqsirləndirilən şəxs törətdiyi cinayət əməli təhqiqat orqanı tərəfindən düzgün olaraq Azərbaycan Respublikası Cinayət Məcəlləsinin 128-ci maddəsi ilə tövsif edilmişdir. Azərbaycan Respublikası Cinayət Prosessual Məcəlləsinin 41.3-cü maddəsinə əsasən dövlət ittihamçısı məhkəmədə cinayət təqibini istisna edən halları aşkar edərsə, təqsirləndirilən şəxs barəsində cinayət təqibindən imtina edilməsini bildirməlidir. Həmin Məcəllənin 43.1 və 43.1.1-ci maddələrinə əsasən məhkəmə baxışı gedişində dövlət ittihamçısı və xüsusi ittihamçı cinayət təqibindən imtina etdikdə təqsirləndirilən şəxsə qarşı cinayət təqibinə xitam verilməsi barədə məhkəmə qərarı çıxarılır. Azərbaycan Respublikası Cinayət Məcəlləsinin 73.1-ci maddəsinə əsasən böyük ictimai təhlükə törətməyən cinayət törətmişşəxs zərərçəkmiş şəxslə barışdıqda və ona dəymiş ziyanı tamamilə ödədikdə və ya vurulmuş zərəri aradan qaldırdıqda cinayət məsuliyyətindən azad edilə bilər. Həmin Məcəllənin 127.1, 128, 129, 130, 131.2, 133.1, 134, 142.1, 143, 156.1, 157.1 və 158.1-ci maddələrində nəzərdə tutulmuş əməli (əməlləri) törətmiş şəxs zərərçəkmiş şəxslə barışdıqda və ona dəymiş ziyanı tamamilə ödədikdə cinayət məsuliyyətindən azad edilir. Həmin Məcəllənin 15.2-ci maddəsinə görə Təqsirləndirilən şəxs törətdiyi cinayət əməli böyük ictimai təhlükə törətməyən cinayət hesab olunur. Cinayət qanunu ilə nəzərdə tutulan əməli törətmiş şəxs Təqsirləndirilən şəxs və Zərərçəkmiş şəxs məhkəməyə ərizə təqdim edərək, barışdıqlarını və Təqsirləndirilən şəxs tərəfindən ona dəymiş ziyanın tamamilə ödənildiyini bildirmişdir. Məhkəmə, cinayət qanunu ilə nəzərdə tutulan əməli törətmiş şəxsin zərər çəkmiş şəxslə barışmasını, zərər çəkmiş şəxsə dəymiş ziyanı tamamilə ödəməsini və əməli törətmiş şəxs Təqsirləndirilən şəxs onun barəsində olan məhkəməyədək sadələşdirilmiş icraat materialı üzrə icraata xitam verilməsi haqqında ərizə ilə məhkəməyə müraciət etməsini nəzərə alaraq, Təqsirləndirilən şəxs Azərbaycan Respublikası Cinayət Məcəlləsinin 128-ci maddəsi ilə təqsirləndirilməsinə dair məhkəməyədək sadələşdirilmiş icraat materialı üzrə icraata xitam verilməsini məqsədəmüvafiq hesab edir. İş üzrə maddi sübut, mülki iddia tələbi, ekspertiza və məhkəmə xərcləri yoxdur. Yuxarıda göstərilənləri və Azərbaycan Respublikası Cinayət Prosessual Məcəlləsinin 41, 43, 321.2.1, 346, 347 və 356-cı maddələrini rəhbər tutaraq, məhkəmə QƏRARA ALDİ: Təqsirləndirilən şəxs zərər çəkmiş şəxslə barışması və zərər çəkmiş şəxsə dəymiş ziyanı tamamilə ödəməsi ilə əlaqədar onun barəsində Azərbaycan Respublikası Cinayət Məcəlləsinin 128-ci maddəsi ilə olan məhkəməyədək sadələşdirilmiş icraat materialı üzrə icraata xitam verilsin və o, cinayət məsuliyyətindən azad edilsin. İş üzrə maddi sübut, mülki iddia tələbi, ekspertiza və məhkəmə xərclərinin olmaması nəzərə alınsın. Qərar elan olunduğu andan 20 (iyirmi) gün müddətində Kürdəmir Rayon Məhkəməsi vasitəsilə və ya bilavasitə Şirvan Apelyasiya Məhkəməsinə apelyasiya şikayəti və ya apelyasiya protesti verilə bilər. Qərar apelyasiya şikayəti və ya apelyasiya protesti verilmədiyi halda, elan olunduğu andan 20 (iyirmi) gün keçdikdə qüvvəyə minir. Hakim Müseyib Bayramov