Gədəbəy Rayon Məhkəməsi Qərar — İş №1(042)-64/2022

Azərbaycan Respublikası adından QƏRAR Gədəbəy rayonu İş № 1(042)-64/2022 22.12.2022 GƏDƏBƏY RAYON MƏHKƏMƏSİ Gədəbəy Rayon Məhkəməsi hakim Mirzəquliyev Fizuli Balağa oğlunun sədrliyi, məhkəmə iclas katibi Orucov Anar Möhübbət oğlunun katibliyi, dövlət ittihamçısı Azərbaycan Respublikası Baş X1 Müdafiəsi üzrə İdarəsinin Rayon(Şəhər) Məhkəmələrində Dövlət İttihamının Müdafiəsi üzrə Şöbəsinin prokuroru Dövlət ittihamçısı, zərərçəkmiş X3 nümayəndəsi Şahid1, Təqsirləndirilən şəxs və onun müdafiəçisi Müdafiəçi iştirakları ilə, xx xxxx 1989-cu ildə Gədəbəy rayonu, Yenikənd kəndində doğulmuş, Azərbaycan Respublikası vətəndaşı, məhkumluğu olmayan, orta təhsilli, subay, fərdi işlə məşğul olan, Gədəbəy rayonu, Yenikənd kəndində yaşayan, barəsində 23 sentyabr 2022-ci il tarixdə başqa yerə getməmək haqqında iltizam qətimkan tədbiri seçilmiş Təqsirləndirilən şəxs Azərbaycan Rеspublikası CM-nin 127.1-ci maddəsi ilə təqsirləndirilməsinə dair cinayət işinə Gədəbəy Rayon Məhkəməsinin inzibati binasında açıq məhkəmə iclasında baxaraq, MÜƏYYƏNETDİ Təqsirləndirilən şəxs Azərbaycan Respublikası CM-nin 127.1-ci maddəsi ilə ittiham edilir ona görə ki, o, 16 may 2022-ci il tarixdə saat 17 radələrində Gədəbəy rayonu, Maarif kəndində yerləşən anbar deyilən yerdə Zərərçəkmiş şəxs ona olan pul borcunu qaytarmaması səbəbindən aralarında şəxsi münasibətlər zəminində yaranmış münaqişə və mübahisə zamanı əli ilə Zərərçəkmiş şəxs baş və sifət nahiyyələrinə vuraraq, ona alın nahiyyəsinin sağ yarısının, sol almacıq nahiyyəsinin, sağ gözün bayır qurtaracağının, boyunun sağ yan səthinin sıyrıqları, sağ almacıq nahiyyəsinin, sağ qulaq seyvanının arxa səthinin qançırları və sağ almacıq sümüyünün qovsunda yerdəyişməyən sınığı ilə nəticələnən Azərbaycan Rеspublikası CМ-nin 126-cı maddəsində nəzərdə tutulan nəticələrə səbəb оlmayan, lakin sağlamlığının uzun müddətə pоzulmasına səbəb оlan хəsarət yеtirməklə qəsdən sağlamlığa az ağır zərər vurmuşdur. Məhkəmə iclasında təqsirləndirilən şəхs Təqsirləndirilən şəxs Azərbaycan Rеspublikası CM-nin 127.1-ci maddəsi ilə ona elan edilmiş ittiham üzrə özünü təqsirli bilmiş, ifadə verərək, göstərmişdir ki, о, Gədəbəy rayonu, Yenikənd kəndində ailə üzvləri ilə birlikdə yaşayır. Rəsmi olaraq heç bir yerdə işləmir, fərdi əməklə, yəni heyvandarlıqla və ot bağlaması alğı-satqısı ilə məşğul olur. Zərərçəkmiş Zərərçəkmiş şəxs həmkəndlisidir, onunla heç bir düşmənçiliyi və ədavəti olmamışdır. 2020-ci ilin payız aylarında Zərərçəkmiş şəxs ondan 270 manat dəyərində ot bağlaması almış, lakin dəyərini tam ödəməmiş, ona 60 manat borclu qalmışdır. Bundan sonra isə Rusiya Federasiyasına getmiş, xeyli müddət keçməsinə baxmayaraq, dəfələrlə tələb etsə də, Zərərçəkmiş şəxs borcu verməmişdir. Rusiyadan qayıdandan sonra da zərərçəkmişdən pulunu tələb etmiş, o, borcunu 16 may 2022-ci il tarixdə verəcəyinə söz vermişdir. 16 may 2022-ci il tarixdə saat 17 radələrində atasına məxsus Vaz 21074 markalı, 21–438 dövlət nömrə nişanlı avtomobillə yaşadığı evdən çıxıb Gədəbəy şəhərindən heyvan yemi almaq üçün gedərkən yaşadığı kənddə yerləşən “Əli” marketin qarşısında zərərçəkmişi görmüş, avtomobili saxlayıb onu çağırmışdır. Zərərçəkmişə sakit tərzdə avtomobilə əyləşib birlikdə Gədəbəy şəhərinə gedib-gəlməyi təklif etmiş, zərərçəkmiş avtomobilinin qabaq oturacağında əyləşmişdir. Avtomobili idarə edərək Gədəbəy şəhəri istiqamətində getmiş, həmin vaxtı avtomobildə zərərçəkmişlə pulunu verməsi barədə söhbət etmişdir. Ona pula ehtiyyacı olduğunu, həmin günə pulunu qaytaracağına söz verdiyini xatırlatmışdır. Lakin zərərçəkmiş yenə də pulunu verməsi üçün 3-4 gün vaxt istəmişdir. Zərərçəkmişin bu sözündən əsəbləşib, asfalt yoldan çıxaraq torpaq yola getmişdir. Həmin yerdə avtomobili saxlayıb, zərərçəkmişə iradını bildirmiş, ona əli ilə 3-4 dəfə başına və sifətinə vuraraq xəsarət yetirmişdir. Zərərçəkmiş yalvarıb onu vurmamasını istədiyi üçün, daha vurmamış, avtomobili idarə edərək kəndə qayıtmış, zərərçəkmişi “Əli” marketin qarşısında düşürüb yaşadığı evə getmişdir. Hadisə təxminən 3-4 dəqiqə ərzində baş vermişdir. Hadisə yerində kənar şəxslər toplaşmamış, mübahisəni kənar şəxslər də görməmişdir. Hazırda zərərçəkmişə vurduğu ziyanı ödəmiş, onunla barışmışdır. Ona görə də cinayət işi üzrə icraata xitam verilməsini xahiş edir. Məhkəmə iclasında elan edilmiş zərərçəkmiş X3 dindirmə protokolundan görünür ki, o, Gədəbəy rayonu, Yenikənd kəndində ailə üzvləri ilə birgə yaşayır, rəsmi olaraq heç yerdə işləmir, fərdi əməklə məşğul olur. Təqsirləndirilən şəxs həmkəndlisidir, onu xeyli müddətdir tanıyır, onunla heç bir ədavəti və düşmənçiliyi olmamışdır. 16 may 2022-ci il tarixdə saat 17 radələrində yaşadığı kənddə yol kənarında yerləşən marketin qarşısında olduğu zaman Təqsirləndirilən şəxs istifadəsində olan mobil nömrədən ona zəng edib, onu görmək istədiyini bildirərək, harada olduğunu soruşmuşdur. Bir qədər sonra Vüqar avtomobili ilə onun olduğu yerə gələrək, avtomobilinə əyləşib onunla birgə getməsini xahiş etmiş, o, avtomobilə əyləşib Vüqarla birlikdə getmişdir. Vüqar avtomobili Gədəbəy rayonu, Maarif kəndi istiqamətində idarə edərək, həmin kəndin ərazisində yerləşən anbar deyilən yerin yaxınlığında saxlamış, avtomobildən düşüb ona yaxınlaşmış, onu yumruqla vurub boğazından sıxaraq həmkəndliləri Aliyə adlı qadınla münasibəti olub-olmadığını soruşmuşdur. O, Vüqara Aliyə adlı qadınla heç bir münasibəti olmadığını, Aliyəni yalnız həmkəndli kimi tanıdığını söyləmişdir. Lakin Vüqar onu yerə yıxaraq, yumruqla başına vurub xəsarət yetirmiş, cibindən bıçaq çıxarıb boğazına sıxaraq, Aliyə ilə münasibəti olduğunu etiraf etməsini tələb etmiş, Vüqardan qorxduğu üçün yalandan Aliyə ilə münasibəti olduğunu söyləmişdir. Vüqar onun səsini öz telefonuna yazmış, daha sonra isə onu yerdən qaldırmış, onlar avtomobilə əyləşib kəndə qayıtmışlar. Vüqar onu götürdüyü yerdə düşürüb getmişdir. Onu qəsdən döyüb sağlamlığıma az-ağır dərəcəli xəsarət yetirdiyi üçün Təqsirləndirilən şəxs cinayət məsuliyyətinə cəlb edilməsini xahiş etmişdir. Vüqarla aralarında olan dava-dalaş hadisəsi Gədəbəy rayonu, Maarif kəndi ərazisində yerləşən anbar adlanan ərazinin yaxınlığında baş vermişdir. Hadisə cəmi 5-10 dəqiqə ərzində baş vermiş, həmin vaxt ətrafda heç kim olmamışdır. Kənar şəxs və ya şəxslər Vüqarın onu döyməsini görməmişdir. Ötən il Vüqardan ot presi almış, pulunun bir hissəsini qaytarsa da, qalan hissəsini qaytara bilməmiş, mübahisə zamanı Vüqar ondan pulunu da tələb etmiş, ancaq Vüqar onu Aliyə ilə münasibəti olmadığını bildirdiyi üçün döyüb xəsarət yetirmişdir. Aliyə Vüqarın qeyri rəsmi münasibətdə olduğu qadındır. Hadisə zamanı Vüqarın əlində sarı rəngli çörək bıçağı olmuş, ancaq bıçağın əlamətlərini tam olaraq xatırlamamış, Vüqar onu hədələsə də, bıçaqla xəsarət yetirməmiş, onu hədələyərkən telefona qeydə aldığı səs yazısını kiməsə göstərməmiş, nə də yaymamış, səs yazısı onda olmadığı üçün təqdim edə bilməmişdir. Məhkəmə baxışı iclasında zərərçəkmiş X3 nümayəndəsi Şahid1 şahid qismində ifadə verərək, bildirmişdir ki, o, ailə üzvləri ilə birlikdə Gədəbəy rayonu, Yenikənd kəndində yaşayır. Rəsmi olaraq heç yerdə işləmir. Zərərçəkmiş onun oğludur. Təqsirləndirlən şəxs Təqsirləndirilən şəxs həmkəndlisidir. Təqsirləndirilən şəxslə heç bir ədavəti və düşmənçiliyi olmamışdır. 16 may 2022-ci il tarixdə saat 18 radələrində anasının evində olduğu zaman arvadı Rahilə zəng edib, həmkəndlisi Vüqarın oğlu Bayraməlini döyüb xəsarət yetirdiyini bildirmiş, o, dərhal yaşadığı evə gedib, Bayraməlinin üzü-başı qanlı olduğunu görmüş, hadisə barədə arvadı Rahilə polisə məlumat vermişdir. O, Bayraməlini Gədəbəy Rayon Mərkəzi Xəstəxanasına aparmışdır. X2 döyməsi nəticəsində onun almacıq sümüyünün sındığı məlum olmuşdur. Hadisədən bir müddət sonra oğlu Bayraməli işləmək üçün Rusiya Federasiyasının Moskva şəhərinə getmişdir. O, özü sonrakı istintaq hərəkətlərində iştirak edə bilməyəcəyi üçün ona istintaq hərəkətlərində iştirak etməsi üçün etibarnamə göndərmişdir. Zərərçəkmiş təqsirləndirlən şəxslə barışmış və ondan məhkəmyə bu barədə ərizə verməsini xahiş etmişdir. Zərərçəkmişin təqsirləndirlən şəxsdən şikayət və tələbi yoxdur, dəymiş ziyan ödənilmişdir. Ona görə də iş üzrə icraata xitam verilməsini və təqsirləndirlən şəxsin cinayət məsuliyyətindən azad edilməsini xahiş edir. Məhkəmə iclasında şahid qismində dindirilmiş Şahid2 ifadə verərək, bildirmişdir ki, o, ailə üzvləri ilə birlikdə Gədəbəy rayonu, Yenikənd kəndində yaşayır. Zərərçəkmiş Zərərçəkmiş şəxs onun oğludur. Bayraməli onunla eyni evdə yaşayır. Təqsirləndirlən şəxs Təqsirləndirilən şəxs həmkəndlisidir. Təqsirləndirilən şəxslə heç bir ədavəti və düşmənçiliyi olmamışdır. 16 may 2022-ci il tarixdə saat 18 radələrində yaşadığı evdə olarkən Bayraməli ona zəng edib həmkəndlisi Təqsirləndirilən şəxs onu döyüb xəsarət yetirdiyini bildirmişdi. Bayraməli gələrkən sifətində çoxsaylı yaralar olduğunu görmüş, bundan sonra polisin 102 xidmətinə zəng edib hadisə barədə məlumat vermişdir. Həmin gün Bayraməlini Gədəbəy Rayon Mərkəzi Xəstəxanasına aparmış, Vüqarın tərəfindən döyülməsi nəticəsində Bayraməlinin almacıq sümüyünün sındığı məlum olmuşdur. O, əvvəlcədən Vüqarla Bayraməli arasında pul üstündə narazılıq olduğunu bilmiş, Bayraməlidən hadisənin necə başa verməsini soruşmuşdur. Bayraməli hadisədən əvvəl kənddə yerləşən mağazanın qarşısında olarkən Vüqarın ona zəng etdiyini, daha sonra Vüqarın onu həmin yerdən avtomobili ilə Gədəbəy rayonu, Maarif kəndində yerləşən anbar ərazisinə apardığını, ondan Aliyə adlı qadınla münasibəti olub-olmadığını soruşduğunu və onu vuraraq, xəsarət yetirdiyini bildirmişdir. İşdə olan Ərizədən görünür ki, zərərçəkmiş Təqsirləndirilən şəxs ilə barışmış, ona qarşı şikayət və tələbinin olmadığını bildirmiş və onun barəsində Azərbaycan Rеspublikası Cinayət Məcəlləsinin 127.1-ci maddəsi ilə cinayət işinin icraatına хitam vеrilməsini хahiş еtmişdir. İşdə olan Ərizədən görünür ki, Təqsirləndirilən şəxs zərərçəkmiş şəхs X4 ilə barışdığını bildirmiş, iş üzrə icraata хitam vеrilməsini xahiş etmişdir. İşdə olan Gədəbəy Rayon MTE və PA Şöbəsindən verilmiş 18 may 2022-ci il tarixli, 491 saylı ekspert rəyindən görünür ki, Zərərçəkmiş şəxs bədən səthində aşkar edilmiş xəsarətlər: –alın nahiyyəsinin sağ yarısının, sol almacıq nahiyyəsinin, sağ gözün bayır qurtaracağının, boyunun sağ yan səthinin sıyrıqları, sağ almacıq nahiyyəsinin, sağ qulaq seyvanının arxa səthinin qançırları və sağ almacıq sümüyünün qovsunda yerdəyişməyən sınığı küt əşyanın təsirindən törənmiş, törənmə müddətləri qərarın təsviri hissəsində göstərilən 16 may 2022-ci il tarixə uyğun gəlir. Ağırlıq dərəcəsinə görə sağ almacıq sümüyünün qovsunda yerdəyişməyən sınığı sağlamlığın uzun müddətə pozulmasına səbəb olan sağlamlığa az ağır zərər vurmaya aiddir, alın nahiyyəsinin sağ yarısının, sol almacıq nahiyyəsinin, sağ gözün bayır qurtaracağının, boyunun sağ yan səthinin sıyrıqları, sağ almacıq nahiyyəsinin, sağ qulaq seyvanının arxa səthinin qançırları isə sağlamlığa zərər vurmayan xəsarətlər olduğu üçün ağırlıq dərəcələri təyin edilmir. - Vət. Zərərçəkmiş şəxs bədən səthində özü-özünə yetirilməyə və öz boyu hündürlüyündən yıxılmağa xarakterik xəsarətlər aşkar edilmədi. İşdə olan X7 Keçirilməsi Haqqında 17 may 2022-ci il tarixli Protokoldan görünür ki, 16 may 2022-ci il tarixdə baş vermiş hadisə yeri Gədəbəy rayonu, Maarif kəndi ərazisində asfalt yoldan təxminən 500-600 metr məsafədə yerləşən, yaşayış evləri olmayan əkin sahəsidir. Zərərçəkmiş şəxs hadisə zamanı Təqsirləndirilən şəxs onu döyüb xəsarət yetirməsi ilə nəticələnən hadisə yerini əyani olaraq göstərmişdir. İşdə olan Azərbaycan Rеspublikası Daхili İşlər Nazirliyinin Baş Əməliyyat və Statistik İnformasiya İdarəsindən alınmış Tələbnamədən görünür ki, Təqsirləndirilən şəxs barəsində Gədəbəy RPŞ-də Azərbaycan Respublikası CM-nin 128-ci maddəsi ilə ********* nömrəli iş üzrə cinayət təqibi aparılmaqla, onun barəsində Azərbaycan Respublikası CPMnin 40.2.2-ci maddəsinə əsasən xx.xx.2012-ci il tarixdə cinayət təqibinə xitam verilmişdir. Bundan başqa Təqsirləndirilən şəxs Gədəbəy Rayon Məhkəməsinin xx.xx.2014-cü il tarixli hökmü ilə Azərbaycan Respublikası CM-nin 221.2.1-ci maddəsi ilə təqsirli bilinib, 01 il 06 ay azadlıqdan məhrumetmə cəzasına məhkum edilmiş, Gəncə Apellasiya məhkəməsinin xx.xx.2014-cü il tarixli qərarı ilə cəzası 1 il 2 ay islah işləri cəzası ilə əvəz edilməklə azad edilmişdir. Bundan başqa Təqsirləndirilən şəxs barəsində Gədəbəy RPŞ-də Azərbaycan Respublikası CM-nin 128-ci maddəsi ilə ********* nömrəli cinayət işi üzrə cinayət təqibi aparılmaqla, onun barəsində Azərbaycan Respublikası CPM-nin 39.1.12-ci maddəsinə əsasən xx.xx.2021-ci il tarixdə cinayət təqibinə xitam verilmişdir. İşdə olan Gədəbəy Rayon İcra və Probasiya Şöbəsindən alınmış 08 noyabr 2022-ci il tarixli məktubdan görünür ki, Təqsirləndirilən şəxs Gəncə Apellasiya Məhkəməsinin xx.xx.2014-cü il tarixli 1(104)-78\2014 saylı qərarı Azərbaycan Respublikası CM-nin 221.2.1-ci maddəsi ilə təqsirli bilinib 1 il 02 ay islah işləri cəzasına məhkum edilmişdir. Məhkum barəsində olan qərar xx.xx.2014-cü il tarixdə Gədəbəy RİPŞ-ə daxil olmuş, həmin tarixdən barəsində probasiya nəzarəti həyata keçirilmiş, xx.xx.2015-ci il tarixdə cəzası başa çatdığından probasiya nəzarətindən çıxarılmışdır. İşdə olan Gədəbəy RİHB-nın Şəhər İƏD üzrə Nümayəndəliyi tərəfindən verilmiş Xasiyyətnamədən görünür ki, Təqsirləndirilən şəxs yaşayış yeri üzrə müsbət хaraktеrizə оlunur. Azərbaycan Respublikası Cinayət Məcəlləsinin 15.2. və 127.1-ci maddələrindən görünür ki, Təqsirləndirilən şəxs böyük ictimai təhlükə törətməyən cinayətin törədilməsində ittiham edilir. Həmin Məcəllənin 73.1-ci maddəsinə əsasən böyük ictimai təhlükə törətməyən cinayət törətmiş şəxs zərərçəkmiş şəxslə barışdıqda və ona dəymiş ziyanı ödədikdə və ya vurulmuş zərəri aradan qaldırdıqda cinayət məsuliyyətindən azad edilə bilər. Məcəllənin 73.2-ci maddəsinə əsasən və Məcəllənin 127.1, 128, 129, 130, 131.2, 133.1, 134, 142.1, 143, 156.1, 157.1 və 158.1-ci maddələrində nəzərdə tutulmuş əməli (əməlləri) törətmiş şəxs zərərçəkmiş şəxslə barışdıqda və ona dəymiş ziyanı tamamilə ödədikdə cinayət məsuliyyətindən azad edilir. Azərbaycan Rеspublikası CPM-nin 39.1.11-ci maddəsinə əsasən cinayət qanunu müddəalarının qüvvəsinə görə şəxsin cinayət məsuliyyətindən azad edilməsi üçün əsaslar olduqda cinayət təqibi başlanıla bilməz, başlanmış cinayət təqibinə isə xitam verilməlidir (o cümlədən cinayət işi başlana bilməz, başlanılmış cinayət işi üzrə icraata isə xitam verilməlidir). Bеləliklə, məhkəmə iclasında təhqiq edilmiş sübutlarla müəyyən edilmişdir ki, Təqsirləndirilən şəxs Azərbaycan Respublikası CM-nin 127.1-ci maddəsində nəzərdə tutulan cinayət əməlini törətmişdir. Lakin həm təqsirləndirilən şəxs, həm də zərərçəkmiş şəxsin nümayəndəsi məhkəməyə ərizələrlə müraciət etmiş, barışdıqlarını, zərərçəkmişə vurulmuş zərərin aradan qaldırıldığını bildirmiş və təqsirləndirilən şəxsin cinayət məsuliyyətindən azad edilməsini xahiş etmişlər. Məhkəmə bu halları və həmçinin, Azərbaycan Respubluikası CM-ə 20 oktyabr 2017-ci il tarixdə edilmiş dəyişiklikdən sonra Azərbaycan Respublikası CM-nin 73.2-ci maddəsinə əsasən təqsirləndirlən şəxsin barəsində cinayət məsuliyyətinə Qeyddə nəzərdə tutulmuş qaydada bu vaxta qədər başqa işlərlə əlaqədar xitam verilmədiyini nəzərə alaraq, belə nəticəyə gəlir ki, təqsirləndirilən şəxs cinayət məsuliyyətindən azad еdilməli və barəsində оlan cinayət işi üzrə cinayət təqibinə хitam vеrilməlidir. Məhkəmə cinayət prosessual qanunvericiliyin tələblərini nəzərə alaraq, təqsirləndirilən şəxsin barəsində seçilmiş başqa yerə getməmək haqqında iltizam qətimkan tədbirinin ləğv edilməsini əsaslı hesab edir. İş üzrə maddi sübut, məhkəmə xərcləri və mülki iddia yохdur. Məhkəmə yuxarıda göstərilənlərə əsasən və Azərbaycan Rеspublikası CPM-nin 346-347, 356 və 358-ci maddələrini rəhbər tutaraq, QƏRARA ALDİ : Təqsirləndirilən şəxs Azərbaycan Rеspublikası CM-nin 127.1-ci maddəsi ilə təqsirləndirilməsinə dair cinayət işi üzrə cinayət təqibinə zərərçəkmiş şəxslə barışdığına, vurulmuş zərəri aradan qaldırdığına görə xitam verilsin və o, cinayət məsuliyyətindən azad еdilsin. Təqsirləndirilən şəxs barəsində sеçilmiş başqa yerə getməmək haqqında iltizam qətimkan tədbiri ləğv еdilsin. Qərardan еlan еdildiyi andan 20 (iyirmi) gün müddətində Gədəbəy Rayоn Məhkəməsi vasitəsilə Gəncə Apеllyasiya Məhkəməsinə apеllyasiya şikayəti və prоtеsti vеrilə bilər. Sədrlik еdən: Fizuli Mirzəquliyev