Gədəbəy Rayon Məhkəməsi Qərar — İş №1(042)-70/2025

Azərbaycan Respublikası adından QƏRAR Gədəbəy rayonu İş № 1(042)-70/2025 05.02.2026 GƏDƏBƏY RAYON MƏHKƏMƏSİ Gədəbəy Rayon Məhkəməsi hakim Mirzəquliyev Fizuli Balağa oğlunun sədrliyi məhkəmə iclas katibi X5 qızının katibliyi, xüsusi ittihamçı Həşimov MehmanBəhman oğlunun nümayəndəsi Nümayəndə və təqsirləndirlən şəxs X3 müdafiçisi X1 iştirkaları ilə X3 Аzərbaycan Respublikasının CM-nin 148-ci maddəsi ilə təqsirləndirilməsinə dair xüsusi ittiham qaydasında şikayətə hazırlıq iclasında baxaraq, müəyyən etdi: Xüsusi ittihamçı X2 xüsusi ittiham qaydasında X3 Azərbaycan Respublikası CM-nin 148-ci maddəsi ilə ittiham olunması barədə şikayətlə müraciət etmişdir. Məhkəmə xüsusi ittiham qaydasında şikayətdə irəli sürülmüş ittihamın mahiyyəti üzrə məhkəmə baxışının təyin edilməsinin mümkünlüyünü cinayət prosessi tərəflərinin iştirakı ilə ilkin dinləmələr vasitəsilə yoxlayıb belə nəticəyə gəlir ki, xüsusi ittiham qaydasında şikayətin icraata qəbul edilməsindən imtina olunmalıdır. Belə ki, xüsusi ittiham qaydasında şikayətin məzmununda şikayət vermiş şəxsin və ittiham olunan şəxsin anket məlumatları tam göstərilməmişdir. Bununla da Azərbaycan Respublikasının CPM-nin 293.3.1-ci maddəsinin tələbləri pozulmuşdur. İkincisi, xüsusi ittiham qaydasında şikayətin məzmununda törədilmiş cinayət barədə məlumatlar (cinayət qanunu ilə nəzərdə tutulmuş məhz hansı əməlin törədilməsi, onun harada, nə vaxt və necə törədilməsi, bu zaman zərər vurulmuşdursa, məhz hansı zərərin vurulduğu, o cümlədən maddi ziyanın məbləği göstərilməmişdir. Bununla da CPM-nin 293.3.2-ci maddəsinin tələbi pozulmuşdur. Üçüncüsü, şikayətdə göstərilən cinayətin törədilmə hallarının hansı şahid ifadələri ilə və konkret olaraq hansı şəxslərin ifadələri ilə (şəxsin soyadı, adı, atasının adı və yaşayış yeri), hansı sənədlərlə, habelə hansı digər sübutlarla təsdiq edildiyi əks olunmamışdır. Bununla da CPM-nin 293.3.4-cü maddəsinin tələbi pozulmuşdur. “Xüsusi ittiham qaydasında şikayətlərə dair işlərə baxılması üzrə məhkəmə təcrübəsi haqqında” Аzərbaycan Respublikasının Аli Məhkəməsinin Plenumunun 21 fevral 2014-cü il tarixli, 3 №-li Qərarında nəzərdə tutulur ki, Məhkəmələrə tövsiyə edilsin ki, xüsusi ittiham qaydasında şikayətə məhkəmənin hazırlıq iclasında baxılması mərhələsində şikayətin məzmununun CPM-nin 293.3.1-293.3.7-ci maddələrinin tələblərinə uyğun olub-olmamasını yoxlasınlar. Xüsusi ittiham qaydasında şikayət bu tələblərə cavab vermədikdə, habelə CPM-nin 302.1.2-302.1.4 və 302.1.6-302.1.8-ci maddələrində nəzərdə tutulmuş halları müəyyən etdikdə məhkəmə hazırlıq iclasında şikayətin öz icraatına qəbul edilməsindən imtina haqqında əsaslandırılmış qərar qəbul edir. Azərbaycan Respublikası CPM-nin 299.3.3-cü maddəsinə əsasən cinayət prosesi tərəflərinin iştirakı ilə məhkəmənin hazırlıq iclasında müəyyən edilməli olan məsələlərdən biri də xüsusi ittiham qaydasında şikayətin məzmununun CPM-nin 293.3.1—293.3.7-ci maddələrinin müddəalarına uyğun olub-olmamasıdır. Həmin Məcəllənin 302.1.3-cü maddəsinə əsasən şikayətin məzmunu bu Məcəllənin 293.3.1-293.3.7-ci maddələrində nəzərdə tutulmuş tələblərə uyğun olmadıqda məhkəmə xüsusi ittiham qaydasında şikayət üzrə məhkəmənin hazırlıq iclasının nəticələri əsasında məhkəmə baxışının keçirilməsindən imtina edir. Məcəllənin 300.1.3. maddəsinə əsasən məhkəmənin hazırlıq iclasının keçirilməsi nəticəsində xüsusi ittiham qaydasında şikayətin öz icraatına qəbul edilməsindən imtina olunması barədə qərar qəbul edilə bilər. Beləliklə, xüsusi ittiham qaydasında şikayətin icraata qəbul edilməsindən imtina edilməlidir. Məhkəmə yuxarıda göstərilənləri nəzərə alaraq və Azərbaycan Respublikası CPMnin 300.1.3, 300.5, 302.1.3 və 321-ci maddələrini rəhbər tutaraq, qərara aldı: X3 barəsində Аzərbaycan Respublikasının Cinayət Məcəlləsinin 148-ci maddəsi ilə olan xüsusi ittiham qaydasında şikayətin məhkəmənin icraatına qəbul edilməsindən imtina edilsin. Qərardan 20 iyirmi gün müddətində Gədəbəy Rayon Məhkəməsi vasitəsi ilə Azərbaycan Respublikası Gəncə Apellyasiya Məhkəməsinə apellyasiya şikayəti verilə bilər. Sədrlik edən : Fizuli Mirzəquliyev