Gəncə Şəhəri Kəpəz Rayon Məhkəməsi Qərar — İş №1(043)-128/2020

Azərbaycan Respublikası adından QƏRAR Gəncə şəhəri İş № 1(043)-128/2020 14.08.2020 GƏNCƏ ŞƏHƏRİ KƏPƏZ RAYON MƏHKƏMƏSİ Hakim Qocayev Tural Şəmsi oğlunun sədrliyi, məhkəmə iclas katibi Abdullayev İlkin Hafiz oğlunun katibliyi, Azərbaycan Respublikası Baş Prokurorluğu Dövlət İttihamının Müdafiəsi üzrə Birinci İnstansiya Məhkəmələrində Dövlət İttihamının Müdafiəsi üzrə Şöbəsinin prokuroru Dövlət ittihamçısı və Təqsirləndirilən şəxs iştirakı ilə, Təqsirləndirilən şəxs Azərbaycan Respublikası Cinayət Məcəlləsinin 234.1-ci maddəsi ilə təqsirləndirilməsinə dair cinayət işinə məhkəmənin hazırlıq iclasında baxaraq, məhkəmə MÜƏYYƏN ETDİ: Təqsirləndirilən şəxs Azərbaycan Respublikası Cinayət Məcəlləsinin 234.1-ci maddəsində nəzərdə tutulmuş ittihama görə o, istintaqa məlum olmayan tarixdə və mənbədən şəxsi istehlak miqdarından artıq miqdarda narkotik vasitə olan heroini qanunsuz olaraq əldə edib üzərində saxlayaraq daşıması və xx.xx.2020-ci il tarixdə, saat 19 radələrində Gəncə şəhər Baş Polis İdarəsinin CAİ-nin əməkdaşları tərəfindən keçirilmiş əməliyyat-axtarış tədbirləri ilə Gəncə şəhəri, Atatürk prospektində yerləşən “Şəfa” adlanan aptekin qarşısında saxlanılaraq Gəncə şəhər Baş Polis İdarəsinin inzibati binasına gətirilib üzərində şəxsi axtarış keçirilərkən əynində olan boz rəngli cins şalvarın sağ yan cibindən 1 ədəd polietilen kəsiyinə bükülü vəziyyətdə, ümumi təmiz çəkisi 0.226 qram, yəni şəxsi istehlak miqdarından artıq çəkidə narkotik vasitə sayılan heroin aşkar edilərək götürülməsi ilə bağlı Gəncə şəhər Baş Polis İdarəsinin İstintaq və Təhqiqat İdarəsinin TŞ-də toplanmış material olmuşdur. İşin məhkəmə hazırlıq iclası zamanı müəyyən edilmişdir ki, Təqsirləndirilən şəxs törədilməsində ittiham olunduğu cinayət hadisəsi Gəncə şəhəri, Nizami rayonu ərazisində törədilmişdir. Belə ki, ittiham aktından və cinayət işinə əlavə edilmiş sənədlərdən göründüyü kimi Təqsirləndirilən şəxs Gəncə Şəhər Baş Polis İdarəsinə gətirilmiş və üstünə baxış keçirilən zaman narkotik vasitə olan heroin onun üzərində aşkar edilmişdir. Beləliklə təqsirləndirilən şəxsin ittiham olunduğu cinayətin başa çatdığı yer Gəncə Şəhər Baş Polis İdarəsinin inizibati binasıdır. Cinayətin başa çatdığı yer Gəncə şəhərinin Nizami rayonunun ərazisində yerləşdiyi üçün cinayət işinə müvafiq olaraq Gəncə şəhəri Nizami Rayon Məhkəməsində baxılmalıdır. Azərbaycan Respublikası CPM-in 74.1-ci maddəsinə əsasən cinayət işinə və digər materiala cinayətin törədildiyi yerin yurisdiksıyasına aid olan birinci instansiya məhkəməsində baxılır. Həmin Məcəllənin 74.2.1-ci maddəsinə əsasən uzanan cinayətin başa çatdığı yer onun törədildiyi yer hesab olunur Həmin Məcəllənin 300.1.4-cü maddəsinə əsasən məhkəmə hazırlıq iclasında məhkəməyədək sadələşdirilmiş icraat materiallarının və ya xüsusi ittiham qaydasında şikayətin məhkəmə aidiyyəti üzrə göndərilməsi barədə qərar qəbul edir. Şərh olunanlara əsasən və Azərbaycan Respubikası Cinayət-Prosessual Məcəlləsinin 299-cu, 300.1.4-cü maddəsini rəhbər tutaraq, məhkəmə QƏRARA ALDİ: Təqsirləndirilən şəxs Azərbaycan Respublikası Cinayət Məcəlləsinin 234.1-ci maddəsi ilə təqsirləndirilməsinə dair cinayət işi baxılması üçün aidiyyəti üzrə Gəncə şəhəri Nizami rayon Məhkəməsinə göndərilsin. Sədrlik edən: Tural Qocayev