Göyçay Rayon Məhkəməsi Qərar — İş №1(046)-28/2021

Azərbaycan Respublikası adından QƏRAR Göyçay rayonu İş № 1(046)-28/2021 02.02.2021 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədrliyi, Xanbutov Elşən Aleksandr oğlunun katibliyi, Dövlət ittihamçısı, Müdafiəçi, zərərçəkmiş Zərərçəkmiş şəxs və Təqsirləndirilən şəxs iştirakı ilə, xx.xx.1978-ci ildə Göyçay rayonunda anadan olmuş, Azərbaycan Respublikasının vətəndaşı, evli, orta təhsilli, əvvəllər məhkum olunmamış, fərdi əməklə məşğul olan, Göyçay rayon Xəlitli kəndində qeydiyyatda olan və yaşayan, barəsində başqa yerə getməmək haqqında iltizam qətimkan tədbiri seçilmiş, Təqsirləndirilən şəxs Azərbaycan Respublikası CM-nin 128-ci maddəsi ilə təqsirləndirilməsinə dair cinayət işinə Göyçay şəhərində xx xxxxxx 2021-ci il tarixdə açıq məhkəmə iclasında baxaraq, məhkəmə MÜƏYYƏN ETDİ Təqsirləndirilən şəxs xx.xx.2020-ci il tarixdə saat 17 radələrində həmkəndlisi Zərərçəkmiş şəxs ilə Göyçay rayon Xəlitli kəndində yaşadığı evin yaxınlığında küçədə aralarında şəxsi münasibətlər zəminində baş vermiş mübahisə zamanı qəsdən sonuncunun sifət və sağ qabırğa nahiyələrindən yumruqla vurmuş, həmçinin yaxınlıqdakı kolluqlarına üzərinə yıxması nəticəsində ona, sağ göz yuvası altı nahiyyədə qançır, gövdənin arxa və ön səthində hər iki kürək sümüyü və döş sümüyü proyeksiyalarında sıyrıqlar, boyun yumşaq toxmasının əzilməsi, belin aşağı hissəsində dərinin epidermis qatının səthi cızıqları ilə nəticələnən sağlamlığına zərər vurmayan xəsarətlər olduğu üçün dərəcəsi təyin edilməyən həmçinin, döş qəfəsinin sağ yarsında Vİİİ qabrğanın yerdəyişmiş sınığı ilə müşayət edilən sağlamlığın qısa müddətdə pozulmasına səbəb olan qəsədən sağlamlığına yüngül zərər vuran xəsarətlər yetirməklə Azərbaycan Respublikası CM-nin 128-ci maddəsi ilə nəzərdə tutulan cinayət əməlini törətmişdir. Məhkəmədə təqsirləndirilən şəxs qismində ifadə vermiş Təqsirləndirilən şəxs elan olunmuş ittiham üzrə özünü təqsirli bilərək göstərmişdir ki, xx.xx.2020-ci il tarixdə saat 17 radələrində kənddə yaşadığı evin qarşısına küçəyə çıxanda görmüşdür ki, əmisi Əlvanla həmkəndlisi Səmid mübahisə edirlər. Belə ki, Səmid idarə etdiyi traktorla küçəyə taxta qırıntıları boşaltmaq istəyirmiş, əmisi Əlvan da ona demişdir ki, həmin yerə zibil boşaltmasın. Çünki əvvəlcədən kənd sakinləri həmin yerə zibil boşaldırmış, sonradan həmin yerə daş qrabel tökdürüb təmizlətmişdirlər ki, daha kənd sakinləri həmin yerə zibil boşaltmasınlar. Bu zaman Səmidin qardaşı Eldəniz gəlmiş və Eldəniz Səmidə demişdir ki, çıx traktora zibili boşalt, Səmid də traktora çıxmış, lakin Səmidin üstünə qışqıraraq traktoru işə salmasına icazə verməmişdir. Bundan sonra Səmid traktordan yerə düşmüş və onunla aralarında mübahisə yaranmışdır. Mübahisə zamanı Səmid bir dəfə kəllə ilə onun sifət nahiyəsindən vurmuşdur. Həmin vaxt ağzında olan qabaq dişləri yerə düşmüşdür. Bundan sonra Səmidlə aralarına dava-dalaş olmuş və yumruqla Səmidin sifət və sağ qabırğa nahiyəsindən vurmuşdur. Həmin zaman biri-birilərini tutub dartıqlarından hər ikisi də kolluğun üzərinə yıxılaraq müxtəlif yerlədindən kol cızıqları xəsarətlərini almışlar. Daha sonra Səmid ayağa qalxıb DİN-nin 102 xidmətinə zəng vurub məlumat vermiş və hadisə yerindən çıxıb getmişlər. Hadisə zamanı orada kənar heç kəs olmamış, hadisə zamanı hər hansı bir səs küy olmadığından kənar heç kəs toplaşmamışdır. Törətdiyi əməldən peşmandır. Hazırda Təqsirləndirilən şəxs ilə barışmış, ona dəymiş ziyanı tam ödəmişdir. Buna görə də məhkəmədən xahiş etmişdir ki, zərərçəkmişlə barışması barədə ərizəsi nəzərə alınsın və barəsində olan cinayət işi üzrə cinayət təqibinə xitam verilsin. Məhkəmədə zərərçəkmiş şəxs qismində ifadə vermiş Zərərçəkmiş şəxs göstərmişdir ki, xx.xx.2020-ci il tarixdə saat 17 radələrində özünə məxsus traktorla yaşadığı kəndin aşağı hissəsində qardaşı Yasinin hasarının kənarına traktorda olan taxta qırıntılarının tozunu tökmüş, bu zaman həmkəndlisi Əlvan ona tərəf gələrək “niyə bu zibili bura tökürsən” demişdir. Həmin vaxt ona demişdir ki, öz qardaşımın hasarının dibinə tökürəm. Bu zaman Əlvan da ona zibilini götür burdan rədd ol. Bundan sonra Əlvana ağsaqqal adam olduğu üçün ona heç bir söz deməmişdir. Həmin vaxt Əlvanın qardaşı oğlu Siyavuş gəlmiş, Siyavuş da ona əmisinin sözlərini deyərək zibili oraya tökməməyini bildirmişdir. Bu zaman qardaşı Eldəniz həmin yerə yaxınlaşıb ona demişdir ki, traktoru işə sal mən darvazanı açmışam, gətir zibili həyətə boşalt. Həmin zaman Siyavuş qardaşının həyətinə boşaltmağa da icazə vermədiyi üçün traktordan yerə düşmüş, Siyavuşla bunun üstündə aralarında mübahisə yaranmışdır. Mübahisə zamanı əsəbləşib bir dəfə kəllə ilə Siyavuşun sifət nahiyəsindən vurmuşdur. Kəllə nəticəsində onun ağzında olan iki ədəd dişi yerə düşmüş, bundan sonra Siyavuş onun boyun nahiyəsindən bərk tutub yumruqla sifət və sağ qabırğa nahiyələrindən vurmuşdur. Həmin vaxt Siyavuşla biri-birilərini qucaqlayıb dava edərkən yaxınlıqdakı kolluqların üzərinə yıxılmışlar. Kolluqların üzərinə yıxılan zaman da bədənlərinin müxtəlif yerlərindən kol cızmaları zamanı sıyrıq xəsarətləri almışlar. Daha sonra yerdən durub 102 zəng xidmətinə zəng vurub bu barədə məlumat vermişdir. Siyavuşla Əlvan isə hadisə yerindən getmişdirlər. Hadisə zamanı orada hər hansı bir səs-küy yaranmamış, dava-dalaş zamanı ətrafda heç kim olmadığı üçün heç kim toplaşmamışdır. Aralarında olan dava-dalaş 1-2 dəqiqə davam etmişdir. Hazırda Siyavuş baş vermiş hadisəyə görə ondan üzr istəmiş, ona dəymiş ziyanı ödəmiş və barışmışlar. Buna görə də məhkəmədən xahiş edir ki, Təqsirləndirilən şəxs ilə barışdığını nəzərə alınaraq Təqsirləndirilən şəxs barəsində cinayət təqibinə xitam verilsin. Cinayət işinə əlavə olunmuş məhkəmə-tibbi ekspertizanın xx.xx.2020-ci il tarixli 428 saylı ekspert rəyindən görünür ki, Zərərçəkmiş şəxs bədənində olan xəsarətlər – sağ göz yuvası altı nahiyyədə qançır, gövdənin arxa və ön səthində hər iki kürək sümüyü və döş sümüyü proyeksiyalarında sıyrıqlar, boyun yumşaq toxmasının əzilməsi küt-bərk əşyanın (əşyaların),belin aşağı hissəsində dərinin epidermis qatının səthi cızıqları iti uclu əşya (ola bilsin kol tikanlarının) təsirindən törənmişlər, törənmə müddətləri qərarın təsviri hissəsində göstərilən xx.xx.2020-ci il tarixinə uyğun gəlir, sağlamlığına zərər vurmayan xəsarətlər olduqları üçün dərəcələri təyin edilmir. Döş qəfəsinin sağ yarsında Vİİİ qabrğanın yerdəyişmiş sınığı küt-bərk əşyanın (əşyaların) təsirindən törənmişlər, törənmə müddətləri qərarın təsviri hissəsində göstərilən xx.xx.2020-ci il tarixinə uyğun gəlir və dərəcəsinə görə səhhətin uzun müddətə pozulmasına səbəb olan sağlamlığa yüngül zərər vurmaya aiddirlər. Azərbaycan Respublikası DİN-in BƏSİİ-dən alınmış tələbnamədən görünür ki, Təqsirləndirilən şəxs məhkum olunmamışdır. Cinayət işinə əlavə olunmuş Göyçay rayon Mərkəzi Xəstəxanası tərəfindən verilmiş xx.xx.2020-ci il tarixli 4643 saylı məktubdan görünür ki, Göyçay rayon Xəlitli kənd sakini Təqsirləndirilən şəxs Göyçay RMX-nın psixiatrik kabinetlərdə qeydiyyatda yoxdur. Məhkəmə, məhkəmə baxışı zamanı tədqiq olunmuş sübutlara qiymət verərək hesab edir ki, Təqsirləndirilən şəxs xx.xx.2020-ci il tarixdə saat 17 radələrində həmkəndlisi Zərərçəkmiş şəxs ilə Göyçay rayon Xəlitli kəndində yaşadığı evin yaxınlığında küçədə aralarında şəxsi münasibətlər zəminində baş vermiş mübahisə zamanı qəsdən sonuncunun sifət və sağ qabırğa nahiyələrindən yumruqla vurmuş, həmçinin yaxınlıqdakı kolluqlarına üzərinə yıxması nəticəsində ona, sağ göz yuvası altı nahiyyədə qançır, gövdənin arxa və ön səthində hər iki kürək sümüyü və döş sümüyü proyeksiyalarında sıyrıqlar, boyun yumşaq toxmasının əzilməsi, belin aşağı hissəsində dərinin epidermis qatının səthi cızıqları ilə nəticələnən sağlamlığına zərər vurmayan xəsarətlər olduğu üçün dərəcəsi təyin edilməyən həmçinin, döş qəfəsinin sağ yarsında Vİİİ qabrğanın yerdəyişmiş sınığı ilə müşayət edilən sağlamlığın qısa müddətdə pozulmasına səbəb olan qəsədən sağlamlığına yüngül zərər vuran xəsarətlər yetirməklə, Azərbaycan Respublikası CM-nin 128-ci maddəsi ilə nəzərdə tutulan cinayət əməlini törətməsi tam sübuta yetir. Təqsirləndirilən şəxs, zərərçəkmiş Zərərçəkmiş şəxs məhkəməyə təqdim etdikləri barışdıqları ilə bağlı ərizələrini nəzərə alan məhkəmə hesab edir ki, təqsirləndirilən şəxsə qarşı cinayət təqibinə xitam verilməsi barədə qərar qəbul etməlidir. Azərbaycan Respublikası CPM-nin 43.3-cü maddəsinə əsasən məhkəmə baxışının gedişində, təqsirləndirilən şəxsə qarşı cinayət təqibinə, həmin Məcəllənin 40.2-ci maddəsində nəzərdə tutulmuş hallarda məhkəmə müdafiə tərəfinin razılığı ilə xitam verilməsi barədə qərar çıxarmağa haqlıdır. Azərbaycan Respublikası CM-nin 73.2-ci maddəsinə əsasən bu məcəllənin 127.1, 128, 129, 130, 131.2, 133.1, 134, 142.1, 143, 156.1, 157.1 və 158.1-ci maddələrində nəzərdə tutulmuş əməli (əməlləri) törətmiş şəxs zərərçəkmiş şəxslə barışdıqda və ona dəymiş ziyanı tamamilə ödədikdə cinayət məsuliyyətindən azad edilir. Sadalananlara əsasən məhkəmə hesab edir ki, Təqsirləndirilən şəxs Azərbaycan Respublikası CM-nin 128-ci maddəsi ilə təqsirləndirilməsinə dair cinayət təqibinə xitam verilməli və o, cinayət məsuliyyətindən azad edilməlidir. Məhkəmə hesab edir ki, Təqsirləndirilən şəxs məhkəməyədək icraat dövründə və məhkəmə iclaslarında dövlət hesabına hüquqlarını müdafiə etmiş Göyçay rayon vəkil bürosunun vəkili Müdafiəçi dövlət büdcəsi hesabına əmək haqqı ödənilməlidir. Azərbaycan Respublikasının Cinayət-Prosessual Məcəlləsinin 193.2-ci maddəsinə əsasən şübhəli və ya təqsirləndirilən şəxsin müdafiəçinin xidmətlərini ödəməyə kifayət qədər vəsaiti yoxdursa və müdafiəçinin cinayət prosesində iştirakı bu Məcəllənin 92.3-cü maddəsində nəzərdə tutulmuş hallarda təmin olunmalıdırsa, cinayət prosesini həyata keçirən orqan həmin şəxsə hüquqi yardımın göstərilməsini Azərbaycan Respublikasının dövlət büdcəsi vəsaiti hesabına təmin etməlidir. «Müdafiəçilərə, tərcüməçilərə, mütəxəssislərə və ekspertlərə ödənilməli olan məbləğlərin miqdarı haqqında» Azərbaycan Respublikası Nazirlər Kabinetinin 2001-ci il 1 fevral tarixli 31 nömrəli qərarının 1-ci bəndinə əsasən vəkilin sərf etdiyi hər saat üçün 6 manat miqdarında əmək haqqı ödənilməlidir. Vəkil tərəfindən dövlət hesabına göstərilən hüquqi yardım barədə hesabatdan görünür ki, Göyçay rayon Vəkil Bürosunun vəkili Müdafiəçi Təqsirləndirilən şəxs məhkəməyədək icraat dövründə və məhkəmə baxışı dövründə hüquqlarını 07 saat müddətində müdafiə etmişdir. Odur ki, Təqsirləndirilən şəxs göstərilmiş 07 saat hüquqi xidmətə görə vəkil Müdafiəçi 42 manat məbləğində pul dövlət büdcəsindən Göyçay rayon Vəkil Bürosunun hesabına köçürülməlidir. İş üzrə mülki iddia, məhkəmə xərci və maddi sübut yoxdur. Yuxarıda göstərilənlərə əsasən və Azərbaycan Respublikası CPM-nin 40.2, 43.3, 344, 381, 383, 384-cü maddələrini rəhbər tutaraq, məhkəmə QƏRARA A L D İ: Təqsirləndirilən şəxs Azərbaycan Respublikası CM-nin 128-ci maddəsi ilə təqsirləndirilməsinə dair cinayət təqibinə xitam verilsin və o, cinayət məsuliyyətindən azad edilsin. Təqsirləndirilən şəxs barəsində seçilmiş başqa yerə getməmək haqqında iltizam qətimkan tədbiri ləğv edilsin. Təqsirləndirilən şəxs göstərilmiş 07 saat hüquqi xidmətə görə vəkil Müdafiəçi 42 manat məbləğində pul dövlət büdcəsindən Göyçay rayon Vəkil Bürosunun (Azərbaycan Respublikası Beynəlxalq Bankın Göyçay filialı, Bankın kodu 805294, VÖEN ********** M/h AZ03NABZ********************, SWİFT kodu İBAZAZ2X, hesablaşma hesabı AZ83İBAZ******************** (VÖEN **********) hesabına köçürülsün. Qərar elan olunduğu gündən hesablanmaqla 20 (iyirmi) gün sonra qanuni qüvvəyə minir, hökmdən 20 (iyirmi) gün müddətində Göyçay Rayon Məhkəməsi vasitəsi ilə Şəki Apelyasiya Məhkəməsinə apellyasiya şikayəti və protesti verilə bilər. Qərardan protest və ya şikayət verilməmişsə 20 (iyirmi) gün başa çatdığı vaxtdan sonrakı gün qanuni qüvvəyə minir. Hakim: İbrahim Fəttahov