Lənkəran Rayon Məhkəməsi Qərar — İş №1(049)-90/2025

Azərbaycan Respublikası adından QƏRAR Lənkəran şəhəri İş № 1(049)-90/2025 22.04.2025 LƏNKƏRAN RAYON MƏHKƏMƏSİ Hakim Ələsgərov Elvin Əvəz oğlunun sədrliyi, məhkəmə iclas katibi Məmmədzadə Məhəmməd Valeh oğlunun katibliyi ilə, X1 X5 barəsində xüsusi ittiham qaydasında verdiyi şikayət ərizəsinə və ona əlavə edilmiş sənədlərə birlikdə məhkəmə hazırlıq iclasında baxaraq, MÜƏYYƏN ETDİ: X3 xüsusi ittiham qaydasında şikayət ərizəsi Lənkəran Rayon Məhkəməsinə müraciət edərək, Lənkəran RMX PHŞ-da pediatr vəzifəsində çalışan X2 ona qarşı alçaldıcı nalayiq ifadələr işlətdiyi üçün X2 AR CM-in 148-ci maddəsilə cinayət məsuliyyətinə cəlb edilməsini və barəsndə 6 (altı) ay müddətinə azadlıqdan məhrumetmə cəzasına məhkum edilməsinə dair ittihamedici hökm çıxarılmasını xahiş etmişdir. Məhkəmə iclasında şikayətçi X3 şikayətini müdafiə edib, X2 cinayət məsuliyyətinə cəlb olunmasını xahiş etmişdir. Xüsusi ittiham qaydasında şikayət ərizəsində göstərilmiş “X5” adlı şəxslə bağlı Elektron Məhkəmə İnformasiya Sistemi üzərində şəxsiyyət vəsiqəsi məlumatları üzrə sorğu verildiyi zaman ərizədə göstərilmiş S.A.A malik şəxs üzrə məlumatlar əldə olunmadığından məhkəmə iclasının yeri və vaxtı barədə bildiriş, xüsusi ittiham qaydasında şikayət ərizəsi və AR CPM-dən hüquq və vəzifələr dair çıxarış X2 ünvanı qismində şikayət ərizəsində göstərilən Astara rayonu, Pensər kəndinə göndərilmiş, lakin ünvançının ünvanda yaşamadığı qeyd olunaraq göndərilənlər geri qaytarılmış, bundan əlavə göstərilən mobil nömrəyə sms vasitəsilə bildiriş göndərilmişdir. Məhkəmə X1 fikirini dinləyib, daxil olmuş materialları araşdırıb, hesab edir ki, X1 Lənkəran Rayon Məhkəməsinə göndərmiş olduğu materialların xüsusi ittiham qaydasında baxılması üçün məhkəmənin icraata qəbul edilməsindən imtina edilməlidir. Belə ki, Azərbaycan Respublikası Cinayət Prosessual Məcəlləsinin (bundan sonra mətndə CPM-nin) 299.3.3-cü maddəsinə əsasən hər bir halda cinayət prosesi tərəflərinin iştirakı ilə məhkəmənin hazırlıq iclasında xüsusi ittiham qaydasında şikayətin məzmununun bu Məcəllənin 293.3.1-293.3.7-ci maddələrinin müddəalarına uyğun olubolmaması barədə məsələlərə baxılır. Həmin Məcəllənin 293.3-cü maddəsinə görə böyük ictimai təhlükə törətməyən aşkar cinayət üzrə yazılı şikayətdə və ya şifahi şikayətin qəbul edilməsi barədə protokolda aşağıdakılar göstərilir: 293.3.1. şikayət vermiş şəxs haqqında məlumatlar (soyadı, adı, atasının adı, doğulduğu il, yaşayış yeri və məşğuliyyət növü, vəzifəsi); 293.3.2. törədilmiş cinayət barədə məlumatlar (cinayət qanunu ilə nəzərdə tutulmuş məhz hansı əməlin törədilməsi, onun harada, nə vaxt və necə törədilməsi, bu zaman zərər vurulmuşdursa, məhz hansı zərərin vurulduğu, o cümlədən maddi ziyanın məbləği); 293.3.3. cinayət qanunu ilə nəzərdə tutulmuş əməlin kim tərəfindən törədilməsi (şəxsin soyadı, adı, atasının adı və yaşayış yeri) və əməlin məhz həmin şəxs tərəfindən törədilməsinin nə ilə təsdiq edildiyi; 293.3.4. şikayətdə göstərilən cinayətin törədilmə hallarının hansı şahid ifadələri ilə və konkret olaraq hansı şəxslərin ifadələri ilə (şəxsin soyadı, adı, atasının adı və yaşayış yeri), hansı sənədlərlə, habelə hansı digər sübutlarla təsdiq edildiyi; 293.3.5. cinayəti törətmiş şəxsin cinayət məsuliyyətinə cəlb edilməsi haqqında xahiş; 293.3.6. şikayətin verildiyi tarix (il, ay və gün) və yer; 293.3.7. şikayəti vermiş şəxsin imzası. «Xüsusi ittiham qaydasında şikayətlərə dair işlərə baxılması üzrə məhkəmə təcrübəsi haqqında» Azərbaycan Respublikası Ali Məhkəməsi Plenumunun 21 fevral 2014-cü il tarixli 3№-li Qərarının 12-ci bəndində göstərilmişdir ki, kütləvi informasiya vasitələrində dərc edilməklə və ya kütləvi nümayiş etdirildiyi halda internet informasiya ehtiyatlarında yerləşdirilməklə böhtan və ya təhqir xarakterli məlumatların yayılması ilə əlaqədar verilmiş şikayətlərə kütləvi informasiya vasitələrinin (internet informasiya ehtiyatlarının) hüquqi ünvanı üzrə birinci instansiya məhkəmələri tərəfindən baxılır. Hüquqi ünvan dedikdə kütləvi informasiya vasitələrinin (internet informasiya ehtiyatlarının) müvafiq icra hakimiyyəti orqanı tərəfindən qeydiyyata alınarkən müəyyən edilmiş ünvanı başa düşülür. Kütləvi informasiya vasitəsinin (internet informasiya ehtiyatının) hüquqi ünvanı məlum olmadıqda, yaxud da onlar xaricdə qeydiyyata alındıqda xüsusi ittiham qaydasında şikayətə təhqir və ya böhtan xarakterli məlumatları belə kütləvi informasiya vasitələrində (internet informasiya ehtiyatlarında) yaymış şəxsin Azərbaycan Respublikasında axırıncı yaşayış yeri üzrə fəaliyyət göstərən məhkəmə tərəfindən baxılır. Daxil olmuş materiallardan görünür ki, barəsində xüsusi ittiham qaydasında şikayət verilmiş “X7” qızı adlı şəxsə dair X4, vəsiqə nömrəsi və digər zəruri şəxsiyyət vəsiqəsinə dair məlumatlar göstərilmədiyindən xüsusi ittiham qaydasında şikayət vermiş X1 şikayəti AR CPM-in 293.3-cü maddəsinin göstərilən tələblərinə uyğun tərtib edilməmişdir. Azərbaycan Respublikası Cinayət Prosessual Məcəlləsinin 302.1.3-cü maddəsinə əsasən şikayətin məzmunu bu Məcəllənin 293.3.1-293.3.7-ci maddələrində nəzərdə tutulmuş tələblərə uyğun olmadıqda məhkəmə xüsusi ittiham qaydasında şikayət üzrə məhkəmənin hazırlıq iclasının nəticələri əsasında məhkəmə baxışının keçirilməsindən imtina edir. Həmin Məcəllənin 302.2.3-cü maddəsinə əsasən bu Məcəllənin 302.1.2—302.1.4, 302.1.6—302.1.8-ci maddələrində nəzərdə tutulmuş hallarda məhkəmə xüsusi ittiham qaydasında şikayətin öz icraatına qəbul edilməsindən imtina edilməsi barədə qərar qəbul edir. Göstərilənlərə əsasən və Azərbaycan Respublikası Cinayət Prosessual Məcəlləsinin 299, 300 və 302-ci maddələrini rəhbər tutaraq, məhkəmə QƏRARA ALDİ: X1 xüsusi ittiham qaydasında şikayət ərizəsinə toplanmış və Lənkəran Rayon Məhkəməsinə göndərilmiş materialların xüsusi ittiham qaydasında baxılması üçün məhkəmənin icraata qəbul edilməsindən imtina edilsin. Qərardan 20 gün müddətində Lənkaran Rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti verilə bilər. Hakim: Elvin Ələsgərov