Sabirabad Rayon Məhkəməsi Hökm — İş №1(056)-192/2024

Azərbaycan Respublikası adından HÖKM Sabirabad rayon İş № 1(056)-192/2024 29.10.2024 SABİRABAD RAYON MƏHKƏMƏSİ X1 Bağırovun sədrliyi, Anar Neymət oğlu Qafarovun katibliyi, dövlət ittihamçısı-Azərbaycan Respublikası Baş Prokurorluğunun Dövlət ittihamının müdafiəsi üzrə İdarəsinin rayon (şəhər) məhkəmələrində dövlət ittihamının müdafiəsi üzrə şöbəsinin prokuroru Dövlət ittihamçısı, Zərərçəkmiş şəxs, Təqsirləndirilən şəxs və onun müdafiəçisi - Sabirabad rayonunda fərdi qaydada fəaliyyət göstərən vəkil Müdafiəçi iştirakları ilə, xx.xx.1990-cı il tarixdə Sabirabad rayonu, Nəsimi kəndində anadan olmuş, Azərbaycan Respublikası vətəndaşı, orta təhsilli, evli, əvəllər məhkum olunmamış, Sabirabad rayon Suvrama sistemləri idarəsində tənzimləyici vəzifəsində işləyən, Sabirabad rayonu, Nəsimi kəndində qeydiyyatda olmaqla yaşayan Təqsirləndirilən şəxs Azərbaycan Respublikası Cinayət Məcəlləsinin 128-ci maddəsi ilə təqsirləndirilməsinə dair məhkəməyədək sadələşdirilmiş icraat materialına açıq məhkəmə iclasında baxaraq MÜƏYYƏN ETDİ: Təqsirləndirilən şəxs Azərbaycan Respublikası CM-nın 128-ci maddəsi ilə elan edilən ittihama görə, o, 12 sentyabr 2024-cü il tarixə keçən gecə, saat 01 radələrində, Sabirabad rayonu, Nəsimi kəndində yaşadıqları evdə, arvadı Zərərçəkmiş şəxs ilə ailə məişət zəmnində aralarında baş vermiş mübahisə zamanı, qəsdən sonuncunu yumruq və təpiklə üz və sağ ayaq nahiyyələrinə vuraraq ona, sol gözün alt və üst qapağında, sağ budun orta 1/3-də ön səthdə hematomalar, burnun belində qançırlardan ibarət sağlamlığın qısa müddətə pozulmasına səbəb olan qəsdən sağlamlığına yüngül zərər vurmuşdur. Məhkəmə iclasında təqsirləndirilən şəxs qismində dindirilmiş Təqsirləndirilən şəxs ona Azərbaycan Respublikası Cinayət Məcəlləsinin 128-ci maddəsi ilə elan edilmiş ittiham üzrə özünü təqsirli bilərək ifadəsində göstərmişdir ki, hazırda Suvarma sistemləri İdarəsində tənzimləyici vəzifəsində işləyir. Yazgülü Əhmədova onun arvadıdır. 2015-ci ildə ailə həyatı qurmuş, birgə nikahdan dörd övladı olmuşdur. Münasibətləri normal olmuşdur. xx.xx.2024-cü il tarixdə, təxminən saat 22 radələrində toy şənliyindən yaşadığı evə gəlmiş, toyda spirtli içki qəbul etdiyi üçün həmin vaxt sərxoş vəziyyətində olmuşdur. Sonra xx.xx.2024-cü il tarixə keçən gecə, saat 01 radələrində, arvadı Yazgülü ilə aralarında mübahisə yaranmış və bu zaman arvadı Yazgülünün üz nahiyyəsinə sillə ilə vurmuş, sonra o otaqdan çölə çıxan zaman arvadı ona cavab qaytardığı üçün onun sol gözünün üstünə bir dəfə yumruqla zərbə endirmiş və saçından tutub dartmışdır. Sonra otağa gedib yatmış, səhərisi gün arvadı Yazgülünün onun barəsində şikayət etdiyini öyrənmişdir. İfadəsinin sonunda Təqsirləndirilən şəxs əməlindən peşmançılıq hissi keçirdiyini, bir daha bu cür hallara yol verməyəcəyini və ilk dəfə olaraq cinayət əməlini törətdiyini qeyd edərək, ona yüngül cəza təyin edilməsini məhkəmədən xahiş etmişdir. Məhkəmə iclasında zərərçəkmiş şəxs qismində dindirilmiş Zərərçəkmiş şəxs ifadəsində göstərmişdir ki, Təqsirləndirilən şəxsla 2015-ci ildə ailə həyatı qurmuş, birgə nikahdan dört övladı olmuşdur. Münasibətləri əvvəllər normal olmuş, lakin sonradan Hüseyn mütəmadi olaraq spirtli içki qəbul etdiyi üçün heç bir səbəb olmadan dəfələrlə onu döymüş, şiddət göstərmişdir. xx.xx.2024-cü il tarixdə, gecə saat 01 radələrində yaşadığı evdə olan zaman əri Hüseyn sərxoş halda heç bir səbəb olmadan onunla mübahisə etməyə başlamış, o, buna öz iradını bildirsə də, lakin Hüseyn onun ünvanına nalayiq ifadələr işlətmiş, sonra yumruqla bir dəfə gözünün üstünə və təpiklə isə sağ ayağına zərbə vurmuşdur. Həmin vaxt o, yerə yıxılmış, yerdə olan zaman Hüseyn təpiklə qarnına və bədəninin müxtəlif nahiyyələrinə vurmağa başlamışdır. Sonra Hüseyn yataq otağına keçərək uzanmışdır. Bundan sonra o, əri Hüseynin yatmasını gözləmiş və evdən çıxaraq anası Zeynəbin evinə getmişdir. Anasının evində olan zaman bu barədə DİN-in 102 xidmətinə zəng vuraraq məlumat vermişdir. Hazırda Təqsirləndirilən şəxsla barışmadığını və ona sərt cəza verilməsini məhkəmədən xahiş etmişdir. Məhkəmə iclasında şahid qismində dindirilmiş Şahid ifadəsində göstərmişdir ki, Zərərçəkmiş şəxs onun gəlinidir. Yazgülü 2015-ci il tarixdə oğlu Hüseyn ilə evlənmiş, birgə nikaharında 4 övladları olmuşdur. xx.xx.2024-cü il tarixdə oğlu Hüseyn ilə gəlini Yazgülü arasında mübahisə yaranmış, həmin vaxt o, öz otağında olduğu üçün oğlu Hüseynin Yazgülü döyməsini görməmişdir. İş materiallarında olan məhkəmə-tibbi ekspertizasının 19 sentyabr 2024-cü il tarixli, 566 nömrəli rəyində göstərilmişdir ki, Zərərçəkmiş şəxs bədəni üzərində aşkar olunan xəsarətlər - sol gözün alt və üst qapağında, sağ budun orta 1/3-də ön səthdə hematomalar, burnun belində qançır-küt əşyanın/əşyaların/ təsirindən əmələ gəlmiş, əmələ gəlmə müddəti xx.xx.2024-cü tarixə uyğun gəlir, dərəcəsinə görə sağlamlığın qısa müddətə pozulmasına səbəb olan sağlamlığa YÜNGÜL zərər vurmaya aiddir. İş materiallarında olan DİN-in Baş Əməliyyat və Statistik İnformasiya İdarəsi tərəfindən verilmiş tələbnamədən görünür ki, Təqsirləndirilən şəxs əvvəllər məhkum olunmamışdır. Beləliklə məhkəmə ittiham və müdafiə tərəfini dinləyib, iş üzrə toplanmış sübutların məcmusuna qiymət verərək hesab edir ki, Təqsirləndirilən şəxs CM-nın 128-ci maddəsində nəzərdə tutulan cinayət əməlini törətməsi toplanmış və məhkəmə iclasında tədqiq edilmiş obyektiv sübutların məcmusu, təqsirləndirilən və zərərçəkmiş şəxslərin məhkəmədə verdikləri ifadələri, ekspertiza rəyi, həmçinin məhkəməyədək sadələşdirilmiş icraatın digər materialları ilə məhkəmə istintaqında tamamilə sübuta yetirildi. Qeyd edilən əməlin cinayət olmasını aradan qaldıran hallar, həmçinin Təqsirləndirilən şəxs cinayət məsuliyyətindən azad edilməsi üçün əsaslar yoxdur. Onun əməli düzgün olaraq Azərbaycan Respublikası Cinayət Məcəlləsinin 128-ci maddəsi ilə tövsif edilmişdir. Odur ki Cinayət-Prosessual Məcəlləsinin 44.2.4-cü maddəsinə müvafiq olaraq təqsirləndirilən Təqsirləndirilən şəxs barəsində ittiham hökmü çıxarılmalı və ona Cinayət Məcəlləsinin ümumi hissəsinin müddəaları nəzərə alınmaqla xüsusi hissəsinin təqsirli bilindiyi maddənin sanksiyası həddində ədalətli cəza təyin edilməlidir. Məhkəmə cəza təyin edərkən CM-nın 58.3-cü maddəsinə uyğun olaraq, törədilmiş cinayətin xarakteri və ictimai təhlükəlilik dərəcəsini, təqsirkarın şəxsiyyətini, o cümlədən cəzanı yüngülləşdirən və ağırlaşdıran halları, habelə təyin olunmuş cəzanın şəxsin islah olunmasına və onun ailəsinin həyat şəraitinə təsirini nəzərə alır. Məhkəmə Təqsirləndirilən şəxs cəza təyin edərkən, onun əməlindən peşmançılıq hissi keçirdiyini və ilk dəfə olaraq böyük ictimai təhlükə törətməyən cinayət əməlini törətdiyini ona təyin ediləcək cəzanın yüngülləşdirən halları kimi qiymətləndirir. Məhkəmə Təqsirləndirilən şəxs əməlində CM-nın 61-ci maddəsi ilə nəzərdə tutulmuş cəzanı ağırlaşdıran halları müəyyən etmədi. «Məhkəmələr tərəfindən cinayət cəzalarının təyin edilməsi haqqında» Azərbaycan Respublikası Ali Məhkəməsi Plenumunun 25 iyun 2003-cü il tarixli 04 saylı qərarının 1-ci bəndində qeyd olunmuşdur ki, məhkəmələr hər bir konkret halda təqsirləndirilən şəxslərə cəzaların təyin edilməsinə fərdi yanaşmalı, cinayət qanununun vəzifələri və cəzanın məqsədindən bəhs edən Cinayət Məcəlləsinin 2 və 41-ci maddələrinin müddəalarının həyata keçirilməsini sözsüz təmin etməlidirlər. Qeyd olunan Qərarın 3-cü bəndində göstərilmişdir ki, məhkəmələr böyük ictimai təhlükə törətməyən və ya az ağır cinayət törətmiş, cəmiyyətdən təcrid edilməsinə ehtiyac olmayan şəxs barəsində işin konkret hallarını, şəxsiyyəti barədə məlumatları nəzərə almaqla daha yüngül cəza təyin edilməsi məsələsini müzakirə etməlidirlər. Həmçinin cinayət qanununun ədalət prinsipindən bəhs edən Cinayət Məcəlləsinin 8ci maddəsinə görə cinayət törətmiş şəxs haqqında tətbiq edilən cəza cinayətin xarakterinə və ictimai təhlükəlilik dərəcəsinə, onun törədilməsi hallarına, cinayət törətməkdə təqsirli bilinən şəxsin şəxsiyyətinə uyğun olmalıdır. Məhkəmə təqsirləndirilən şəxsə cəza təyini məsələsini müzakirə edib, törədilmiş cinayətin xarakterini, ictimai təhlükəlilik dərəcəsini, onun törədilməsi hallarını, cəzanın fərdiləşdirilməsi prinsipini, təyin olunacaq cəzanın şəxsin islah olunmasına təsirini, cəzanın ağırlaşdıran hallarının olmamasını, cəzanı yüngülləşdirən halları nəzərə alıb hesab edir ki, təqsirləndirilən Təqsirləndirilən şəxs azadlıqdan məhrum etmə ilə bağlı olmayan cəza təyin etməklə və cəmiyyətdən təcrid etmədən onun islah olunması mümkündür və ona təqsirli bilindiyi maddənin sanksiyası həddində 01 (bir) il müddətinə azadlığın məhdudlaşdırılması növündə cəzanın təyin edilməsi qanuni və ədalətli olmaqla yanaşı, həm də cəzanın məqsədinə daha uyğun olardı. Həmçinin məhkəmə Azərbaycan Respublikası Cinayət Məcəlləsinin 52-1-ci maddəsinə əsaslanaraq Təqsirləndirilən şəxs üzərinə cəzaçəkmə müddəti ərzində yaşayış yerini hər gün saat 23:00-dan növbəti gün saat 06:00-dək tərk etməmək, elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək, yaşadığı Sabirabad rayonunun inzibati ərazisinin hüdudlarını tərk etməmək, müvafiq məhkəmə qərarı olmadan yaşayış yerini dəyişdirməmək, habelə cəzanın icrasına nəzarət edən orqanı iş yerinin dəyişdirilməsi barədə əvvəlcədən məlumatlandırmaq, kütləvi və digər tədbirlər təşkil etməmək və belə tədbirlərdə iştirak etməmək vəzifələrinin qoyulmasını məqsədə müvafiq hesab edir. İş üzrə maddi sübutun, məhkəmə xərclərinin və mülki iddianın olmaması nəzərə alınmalıdır. Göstərilənlərə əsaslanaraq və Azərbaycan Respublikası CPM-nin 347-349, 351-353, 381-384-cü maddələrinin tələblərini rəhbər tutaraq, məhkəmə HÖKM ETDİ: Təqsirləndirilən şəxs Azərbaycan Respublikası Cinayət Məcəlləsinin 128-ci maddəsi ilə nəzərdə tutulmuş cinayət əməlini törətməkdə təqsirli bilinsin və ona 01 (bir) il müddətinə azadlığın məhdudlaşdırılması cəzası təyin edilsin. Təyin edilmiş cəza müddəti ərzində Təqsirləndirilən şəxs üzərinə yaşayış yerini hər gün saat 23:00-dan növbəti gün saat 06:00-dək tərk etməmək, elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək, yaşadığı Sabirabad rayon inzibati ərazisinin hüdudlarını tərk etməmək, müvafiq məhkəmə qərarı olmadan yaşayış yerini dəyişdirməmək, habelə cəzanın icrasına nəzarət edən orqanı iş yerinin dəyişdirilməsi barədə əvvəlcədən məlumatlandırmaq, kütləvi və digər tədbirlər təşkil etməmək və belə tədbirlərdə iştirak etməmək vəzifələri qoyulsun. Təqsirləndirilən şəxs cəzaçəkməsi müddətinin başlanğıcı cəzanı icra edən orqanda qeydiyyata alındığı vaxtdan hesablansın. İş üzrə maddi sübutun, məhkəmə xərclərinin və mülki iddianın olmaması nəzərə alınsın. Hökmün icrası Təqsirləndirilən şəxs qeydiyyatda olduğu və yaşadığı yer üzrə Sabirabad rayon İcra və Probasiya Şöbəsinə həvalə edilsin. Hökmdən 20 (iyirmi) gün müddətində Sabirabad Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti və protesti verilə bilər.