Sumqayıt Şəhər Məhkəməsi Qərar — İş №1(060)-245/2023

Azərbaycan Respublikası adından QƏRAR Sumqayıt şəhəri İş № 1(060)-245/2023 05.01.2023 SUMQAYIT ŞƏHƏR MƏHKƏMƏSİ Hakim Əliyev Fikrət Hüseyn oğlunun sədrliyi, Aslanova İradə Allahverdi qızının katibliyi, Barəsində xüsusi ittiham qaydasında şikayət verilən şəxslər:X2 və X6 iştirakı ilə, X2 və X6 cinayət məsuliyyətinə cəlb edilməsi barədə X3 xüsusi ittiham qaydasında şikayətinə məhkəmənin hazırlıq iclasında baxaraq MÜƏYYƏN ETDİ: X7 xüsusi ittiham qaydasında şikayətlə (ərizə ilə) Sumqayıt şəhər məhkəməsinə müraciət edərək X4 və X10 haqqında qanunla nəzərdə tutulmuş tədbirlər görülməsi barədə qərar qəbul edilməsini xahiş etmişdir. Məhkəmə iclasında barəsində xüsusi ittiham qaydasında şikayət verilən şəxs X8 şikayətin icraata götürülməməsini xahiş etdi. Məhkəmə iclasında barəsində xüsusi ittiham qaydasında şikayət verilən şəxs X10 şikayətin icraata götürülməməsini xahiş etdi. Məhkəmə iclasının vaxtı və yeri barədə lazımi qaydada məlumatlandırılmasına baxmayaraq xüsusi ittiham qaydasında şikayət vermiş şəxs X9 məhkəmə iclasına gəlməmiş və gəlməməsinin səbəbləri barədə heç bir məlumat verməmişdir. Məhkəmə şikayəti və ona əlavə edilmiş sənədləri araşdıraraq hesab edir ki, xüsusi ittiham qaydasında şikayətin icraata qəbul edilməsindən imtina edilməsi barədə qərar çıxarılmalıdır. Azərbaycan Respublikası Ali Məhkəməsi Plenumunun “Xüsusi ittiham qaydasında şikayətlərə dair işlərə baxılması üzrə məhkəmə təcrübəsi haqqında” 21 fevral 2014-cü il tarixli Qərarının 11-ci bəndində məhkəmələrə tövsiyə edilmişdir ki, xüsusi ittiham qaydasında şikayətə məhkəmənin hazırlıq iclasında baxılması mərhələsində şikayətin məzmununun CPM-nin 293.3.1-293.3.7-ci maddələrinin tələblərinə uyğun olubolmamasını yoxlasınlar. Xüsusi ittiham qaydasında şikayət bu tələblərə cavab vermədikdə, habelə CPM-nin 302.1.2-302.1.4 və 302.1.6-302.1.8-ci maddələrində nəzərdə tutulmuş halları müəyyən etdikdə məhkəmə hazırlıq iclasında şikayətin öz icraatına qəbul edilməsindən imtina haqqında əsaslandırılmış qərar qəbul edir. Azərbaycan Respublikası CPM-nin 302.1.3-cü və 302.2.3-cü maddələrinin mahiyyətindən görünür ki, şikayətin məzmunu Məcəllənin 293.1-293.3.7-ci maddələrində nəzərdə tutulmuş tələblərə uyğun olmadıqda məhkəmə xüsusi ittiham qaydasında şikayət üzrə məhkəmənin hazırlıq iclasının nəticələri əsasında məhkəmə baxışının keçirilməsindən imtina edərək xüsusi ittiham qaydasında şikayətin öz icraatına qəbul edilməsindən imtina edilməsi barədə qərar çıxarır. Azərbaycan Respublikasının CPM-nin 293.3.1-293.3.4-cü maddələrinə əsasən böyük ictimai təhlükə törətməyən aşkar cinayət üzrə yazılı şikayətdə şikayət vermiş şəxs haqqında məlumatlar (soyadı, adı, atasının adı, doğulduğu il, yaşayış yeri və məşğuliyyət növü, vəzifəsi), törədilmiş cinayət barədə məlumatlar (cinayət qanunu ilə nəzərdə tutulmuş məhz hansı əməlin törədilməsi, onun harada, nə vaxt və necə törədilməsi, bu zaman zərər vurulmuşdursa, məhz hansı zərərin vurulduğu, o cümlədən maddi ziyanın məbləği), cinayət qanunu ilə nəzərdə tutulmuş əməlin kim tərəfindən törədilməsi (şəxsin soyadı, adı, atasının adı və yaşayış yeri) və əməlin məhz həmin şəxs tərəfindən törədilməsinin nə ilə təsdiq edildiyi, şikayətdə göstərilən cinayətin törədilmə hallarının hansı şahid ifadələri ilə və konkret olaraq hansı şəxslərin ifadələri ilə (şəxsin soyadı, adı, atasının adı və yaşayış yeri), hansı sənədlərlə, habelə hansı digər sübutlarla təsdiq edildiyi göstərilməlidir. Məhkəmənin hazırlıq iclası zamanı müəyyən edildi ki, X7 xüsusi ittiham qaydasında ərizə ilə xx.xx.2022-ci il, xx.xx.2022-ci il, xx.xx.2022-ci il tarixlərdə məhkəməyə müraciət etmiş, Sumqayıt Şəhər Məhkəməsinin xx.xx.2022-ci il tarixli, 1(060)-742/2022 saylı, xx.xx.2022-ci il tarixli, 1(060)-774/2022 saylı, 1(060)-803/2022 saylı, xx.xx.2022-ci il tarixli və 1(060)-842/2022 saylı, xx.xx.2022-ci il tarixli qərarları ilə X2 və X6 barələrində X3 xüsusi ittiham qaydasında şikayətinin icraata qəbul edilməsindən imtina edilmişdir. İmtinaya əsas kimi qərarlarda xüsusi ittiham qaydasında şikayət vermiş şəxs tərəfindən qanunvericiliyin yuxarıda göstərilən tələblərinə riayət edilməməsi göstərilmişdir. Belə ki, Sumqayıt Şəhər Məhkəməsinin xx.xx.2022-ci il tarixli, 1(060)-742/2022 saylı qərarı ilə xx.xx.2022-ci il taixdə verilmiş şikayətin icraat götürülməsindən ona görə imtina olunmuşdur ki, X8 və X10 barəsində Azərbaycan Respublikası CM-nin 147.1 və 147.2-ci maddəsi ilə cinayət məsuliyyətinə cəlb edilməsi xahiş edilsə də, onların Azərbaycan Respublikası CM-nin həmin maddələrində nəzərdə tutulan əməllərinin ayrıayrılıqda hər birinin konkret hansı sübutlarla təsdiq edilməsi, hansı hərəkətin Azərbaycan Respublikası CM-nin 147.1-ci, hansı hərəkətin Azərbaycan Respublikası CM-nin 147.2-ci maddəsində nəzərdə tutulan əməl oması ayrılıqda göstərilməmişdir. Xüsusi ittiham qaydasında şikayət verən şəxsin tələbi məlum deyildir. Şikayətin məzmununda CM-nin maddəsi göstərilsə də nəticədə məhkəmədən nəyin istənildiyi məlum deyildir. Barəsində xüsusi ittiham qaydasında şikayət verilmiş şəxs X1 hansı əməli törətməsi şikayətçi tərəfindən bildirilməmişdir. Həmçinin barələrində xüsusi ittiham qaydasında şikayət verilmiş şəxslərin ünvanı da düzgün qeyd edilməmişdir. Şikayətin məzmunu CPM-nin 293.1-293.3.7-ci maddələrində nəzərdə tutulmuş tələblərə uyğun deyildir. Sumqayıt Şəhər Məhkəməsinin xx.xx.2022-ci il tarixli, 1(060)-774/2022 saylı qərarı ilə xx.xx.2022-ci il tarixdə verilmiş şikayətin icraat götürülməsindən ona görə imtina olunmuşdur ki, X7 həmin ərizənin əvvəlində barəsində xüsusi ittiham qaydasında şikayət verilən şəxslərin ünvanını qeyd etməklə yenidən məhkəməyə müraciət etmişdir. Xüsusi ittihamçı xüsusi ittiham qaydasında şikayətinin icraata qəbul edilməsindən imtina edilməsinə əsas olmuş nöqsanları aradan qaldırmamış, məhkəmədən nə istədidiyini aydın şəkildə ifadə etmədən, X1 hansı əməli törətməsi barədə sübutları şikayətə əlavə etmədən yenidən həmin ərizəni məhkəməyə təqdim etmişdir. Sumqayıt Şəhər Məhkəməsinin xx.xx.2022-ci il tarixli 1(060)-803 saylı qərarı ilə xx.xx.2022-ci il tarixdə verilmiş şikayətin icraat götürülməsindən ona görə imtina olunmuşdur ki, ərizənin əvvəlində ərizənin xüsusi ittiham qaydasında verildiyi göstərilsə də, yenə də xüsusi ittiham qaydasında şikayətin forma və məzmunu ilə bağlı tələblərə əməl etməmiş, əvvəlki qərarlarda göstərilən nöqsanları aradan qaldırmamışdır. Şikayətçinin nə istədiyi, kimin Azərbaycan Respublikası CM-nin hansı maddəsi ilə məsuliyyətə mcəlb edilməsini istəməsi, bunun üçün hansı sübutların olması və s. məlum deyildir. Müraciətin ancaq adından xüsusi ittiham qaydasında şikayət olduğunu güman etmək olur, mətnində isə şikayətçi məruz qaldığı hadisələri nəql edir və kömək istəyir. Məhkəmədən istədiyi köməyin nədən ibarət olduğu, barələrində şikayət verilmiş şəxslərlə bağlı hansı tələbinin olması, onlar barəsində hansı cinayət-hüquqi tədbirlərin görülməli olması başa düşülmür. Əvvəlki qərarlarda da göstərildiyi kimi, yenə də şikayətin məzmunu CPM-nin 293.1-293.3.7-ci maddələrində nəzərdə tutulmuş tələblərə uyğun deyildir. Sumqayıt Şəhər Məhkəməsinin 1(060)-842/ 2022 saylı, xx.xx.2022-ci il tarixli qərarı ilə şikayətin icraata qəbul edilməsindən ona görə imtina edilmişdir ki, xüsusi ittham qaydasında şikayət verən şəxsin tələbi məlum deyildir, şikayətin məzmununda CM-nin maddələri göstərilsə də, nəticədə məhkəmədən nəyin istənildiyi məlum deyildir. Şikayətin məzmunu CPM-nin 293.1-293.3.7-ci maddələrində nəzərdə tutulmuş tələblərə uyğun deyildir. X7 xüsusi ittiham qaydasında ərizə ilə xx.xx.2022-ci il tarixdə üçüncü dəfə məhkəməyə müraciət etmiş, ərizənin əvvəlində ərizənin xüsusi ittiham qaydasında verildiyi göstərilsə də, yenə də xüsusi ittiham qaydasında şikayətin forma və məzmunu ilə bağlı tələblərə əməl etməmiş, əvvəlki qərarlarda göstərilən nöqsanları aradan qaldırmamışdır. Şikayətçinin nə istədiyi, kimin Azərbaycan Respublikası CM-nin hansı maddəsi ilə məsuliyyətə cəlb edilməsini istəməsi, bunun üçün hansı sübutların olması və s. məlum deyildir. Müraciətin ancaq adından xüsusi ittiham qaydasında şikayət olduğunu güman etmək olur, mətnində isə şikayətçi məruz qaldığı hadisələri nəql edir və kömək istəyir. Məhkəmədən istədiyi köməyin nədən ibarət olduğu, barələrində şikayət verilmiş şəxslərlə bağlı hansı tələbinin olması, onlar barəsində hansı cinayət-hüquqi tədbirlərin görülməli olması başa düşülmür. Əvvəlki qərarlarda da göstərildiyi kimi, yenə də şikayətin məzmunu CPM-nin 293.1-293.3.7-ci maddələrində nəzərdə tutulmuş tələblərə uyğun deyildir. Belə ki, həmin şikayətdə X8 və X6 cinayət məsuliyyətinə cəlb edilməsi xahiş edilsə də, onların Azərbaycan Respublikası CM-nin hansı maddələrində nəzərdə tutulan əməllərini törətmələri, ayrı-ayrılıqda hər birinin konkret hansı sübutlarla təsdiq edilməsi göstərilməmişdir. Xüsusi ittiham qaydasında şikayət verən şəxsin tələbi məlum deyildir. Şikayətin məzmununda CM-nin maddəsi göstərilsə də nəticədə məhkəmədən nəyin istənildiyi məlum deyildir. Barəsində xüsusi ittiham qaydasında şikayət verilmiş şəxs X1 hansı əməli törətməsi şikayətçi tərəfindən bildirilməmişdir. Şikayətin məzmunu CPM-nin 293.1-293.3.7-ci maddələrində nəzərdə tutulmuş tələblərə uyğun deyildir. X7 həmin ərizənin əvvəlində barəsində xüsusi ittiham qaydasında şikayət verilən şəxslərin ünvanını qeyd etməklə yenidən məhkəməyə müraciət etmişdir. Xüsusi ittihamçı xüsusi ittiham qaydasında şikayətinin icraata qəbul edilməsindən imtina edilməsinə əsas olmuş nöqsanları aradan qaldırmamış, məhkəmədən nə istədidiyini aydın şəkildə ifadə etmədən, X1 hansı əməli törətməsi barədə sübutları şikayətə əlavə etmədən yenidən həmin ərizəni məhkəməyə təqdim etmişdir. Göstərilənlər ümumilikdə xüsusi ittiham qaydasında şikayətin icraata götürülməsindən imtina üçün əsasdır. Məhkəmə xüsusi ittihamçıya bir daha izah edir ki, xüsusi ittiham qaydasında şikayətin forma və məzmunu ilə, həmçinin icraata götürülməsi ilə bağlı Qanunda konkret tələblər mövcuddur, buna əməl edilməlidir. Xüsusi ittiham qaydasında şikayətin icraata götürülməsi üçün qanuni əsaslar yoxdur. Yuxarıda göstərilənləri və Azərbaycan Respublikası CPM-nin 293, 302, 321 və 384.1.7-ci maddələrini rəhbər tutaraq, məhkəmə QƏRARA ALDİ: X4 və X10 haqqında qanunla nəzərdə tutulmuş tədbirlər görülməsi barədə X5 xüsusi ittiham qaydasında şikayətinin icraata qəbul edilməsindən imtina edilsin. Qərardan elan olunandan 20 gün müddətində Sumqayıt Şəhər Məhkəməsi vasitəsi ilə Sumqayıt Apellyasiya Məhkəməsinə apellyasiya şikayəti verilə bilər. HAKİM FİKRƏT ƏLİYEV