Sumqayıt Şəhər Məhkəməsi Qərar — İş №1(060)-454/2024

Azərbaycan Respublikası adından QƏRAR Sumqayıt şəhəri İş № 1(060)-454/2024 11.07.2024 SUMQAYIT ŞƏHƏR MƏHKƏMƏSİ Hakim Quliyev Ramiz Mübariz oğlunun sədrliyi, Məhkəmə iclas katibi Əkbərli Nicat Mais oğlunun katibliyi ilə, Dövlət ittihamçısı-Azərbaycan Respublikası Baş X1 Müdafiəsi üzrə İdarəsinin Rayon (şəhər) məhkəmələrində dövlət ittihamının müdafiəsi üzrə şöbəsinin prokuroru Dövlət ittihamçısı2, Zərərçəkmiş şəxs-Zərərçəkmiş şəxs, Təqsirləndirilən şəxs- Təqsirləndirilən şəxs, Müdafiəçi-Sumqayıt şəhər 1 saylı Vəkil Bürosunun vəkili Müdafiəçi iştirakları ilə xx.xx.1965-ci ildə Füzuli şəhərində anadan olmuş, Azərbaycan Respublikası vətəndaşı, evli, orta təhsilli, əvvəllər məhkum olunmamış, ünvan 1 ünvanında qeydiyyatda olmaqla ünvan 2 Təqsirləndirilən şəxs Azərbaycan Respublikası Cinayət Məcəlləsinin 128-ci maddəsi ilə təqsirləndirilməsinə dair məhkəməyədək sadələşdirilmiş icraat materiallarına açıq məhkəmə iclasında baxaraq, məhkəmə müəyyən etdi: Təqsirləndirilən şəxs Zərərçəkmiş şəxs sağlamlığın qısa müddətə pozulmasına səbəb olan qəsdən sağlamlığa yüngül zərər vumuşdur. Belə ki, X2 xx.xx.2024-cü il tarixdə, saat 15 radələrində Sumqayıt şəh., 10-cu mkr, 64 saylı binanın zirzəmisində Zərərçəkmiş şəxs ilə aralarında baş vermiş mübahisə zamanı sonuncuya 1 dəfə yumruqla vurmaqla ona sol göz qabaqları və gözaltı nahiyyəsinin qançır şişkinliyi, həmin gözün ağlı qişasına qansızması ilə müşayiət olunan dərəcəsinə görə sağlamlığın qısa müddətdə pozulmasına səbəb olmuş sağlamlığa Yüngül zərərvurmaya aid bədən xəsarəti yetirmişdir. Məhkəmədə Təqsirləndirilən şəxs özünü Azərbaycan Respublikası Cinayət Məcəlləsinin (bundan sonra CM-nin) 128-ci maddəsi ilə təqsirli bilərək qeyd etdi ki, xx.xx.2024-cü il tarixdə günorta saatlarında Sumqayıt şəhərində yaşadığı evdə olmuş, həmin vaxt evdən çıxıb Sumqayıt şəhəri ərazisində piyada gəzməyə başlamış, günorta saat təxminən 15 radələrində Sumqayıt şəhəri, 10-cu mikrorayon ərazisində olan zaman tanışı Zərərçəkmiş şəxs ilə üzbəüz gəlmiş, Abbasqulu ilə əvvəllər aralarında heç bir düşmənçilik və ədavət olmamışdır. Abbasqulu ilə bir qədər söhbət etdikdən sonra Abbasqulu onunla qeyri-etik sözlərlə danışmağa başlamışdır, o da Abbasquluya söyüşlə danışmamasını və zarafat etməməsini bildirmişdir. Lakin Abbasqulu söyüşlə zarafat etməyə davam etdiyi üçün o, Abbasquluya irad bildirəndə sonuncu onu qolundan tutub binanın kənarına çəkmişdir. Həmin vaxt şəhərin 10-cu mikrorayonunda 64 saylı binanın zirzəmisinə girmişlər, orada zirzəmidə onlardan başqa heç kim olmamışdır. Abbasqulu zirzəmidə niyə onun ilə kobud danışdığını soruşanda o, Abbasquluya söyüşlə zarafat etməməsini dəfələrlə irad tutduğunu, lakin qulaq asmayaraq onunla yenə də söyüşlə zarafata davam etməsini bildirmişdir. Bu zaman Abbasqulu ona təhqiredici söyüş söymüş, o da artıq buna dözməyib Abbasqulunun üzünə bir dəfə yumruq vurmuş, Abbasqulu geriyə tərəf gedib dayanmışdır. Həmin vaxt Abbasqulu ona heç nə etməmişdir, vurmamış, döyməmiş, o da Abbasquluya bir dəfə yumruq vurmaqdan başqa heçnə etməmişdir. Abbasqulunu vurduqdan sonra o, zirzəmidən çıxıb getmişdir, Abbasqulunu vuran zaman bu hadisəni heç kim görməmiş, mübahisə 5-6 dəqiqə davam eləmişdir. Əməlindən peşmandır. Hazırda zərərçəkmiş şəxslə barışmış, ona dəymiş ziyanı ödəmişdir. İş üzrə icraata xitam verilməsini xahiş edir. Təqsirləndirilən şəxs məhkəməyə təqdim etdiyi ərizəsində Zərərçəkmiş şəxs ilə barışdığını, dəymiş ziyanı ödədiyini, özünü təqsirli bildiyini qeyd edərək, cinayət işi üzrə icraata xitam verilməsini xahiş edir. Məhkəmə iclasında Zərərçəkmiş şəxs bildirdi ki,xx.xx.2024-cü il tarixdə təxminən 15 radələrində Sumqayıt şəhəri, 10-cu mikrorayon ərazisində olan zaman tanışı Təqsirləndirilən şəxs ilə üzbəüz gəlmişdir, Mahirlə əvvəllər aralarında heç bir düşmənçilik və ədavət olmamışdır. Mahir ilə bir qədər söhbət etdikdən sonra əvvəllər də aralarında zarafat olduğu üçün qeyri-etik sözlərlə zarafat etməyə başlamış, Mahir də ona söyüşlə danışmamağını və zarafat etməməyini bildirmişdir. Lakin o, Mahirlə zarafat etməyə davam etdiyi üçün Mahir ona irad bildirəndə o, Mahirin qolundan tutub binanın kənarına çəkmişdir. Həmin vaxt şəhərin 10-cu mikrorayonunda 64 saylı binanın zirzəmisinə girmişlər, orada zirzəmidə onlardan başqa heç kim olmamışdır. O, zirzəmidə Mahirin niyə onunla kobud danışdığını soruşanda Mahir ona söyüşlə zarafat etməməyini bildirmiş, bu zaman o, Mahirə söyüş söymüşdür, Mahir də onun üzünə bir dəfə yumruq vurmuş, o, geriyə tərəf gedib dayanmış, lakin Mahirə heç nə etməmiş, vurmamışdır. Hadisə zamanı bu döyməni kənardan heç kim görməmiş, mübahisə 5-6 dəqiqə davam eləmişdir. Hazırda Mahir ilə barışmış, ona dəymiş ziyan ödənilmiş, sonuncuya qarşı şikayəti və tələbi yoxdur. Bu səbəbdən iş üzrə icraata xitam verilməsini xahiş edir İş üzrə Zərərçəkmiş şəxs məhkəməyə ərizə ilə müraciət edərək Təqsirləndirilən şəxsla barışdığını, dəymiş ziyanın ona ödənildiyini, sonuncuya qarşı şikayət və tələbinin olmadığını bildirərək iş üzrə icraata xitam verilməsini xahiş etdi.. İş materiallarında olan AR SN-nin MTE və PAB X8 xx.xx.2024-cü il tarixli, 551 saylı ekspert rəyi ilə müəyyən edilmişdir ki, Zərərçəkmiş şəxs bədəni üzərində aşağıdakı xəsarətlər vardır: sol göz qabaqları və gözaltı nahiyyəsinin qançır şişkinliyi, həmin gözün ağlı qişasına qansızması. Qeyd oluan xəsarətlər küt əşyanın təsirindən yaranmışdırlar, qərarda göstərilən vaxtda və şəraitdə, yən xx.xx.2024-cü il tarixdə əl ilə yetirilə bilərdilər və dərəcəsinə görə sağlamlığın qısa müddətə pozulmasına səbəb olmuş sağlamlığa “YÜNGÜL” zərərvurmaya aiddir.(i.v.08-11). Məhkəməyədək sadələşdirilmiş icraat materiallarında olan ərizələrdən görünür ki, cinayət qanunu ilə nəzərdə tutulmuş əməli törətmiş Təqsirləndirilən şəxs və Zərərçəkmiş şəxs şikayət ərizəsi əsasında toplanmış material üzrə təhqiqatın sadələşdirilmiş icraat qaydasında aparılmasına etiraz etməmişlər. ( i.v.12-13) İş materiallarında olan xasiyyətnamədən görünür ki, Təqsirləndirilən şəxs barəsində heç bir şikayət daxil olmamışdır. İş materiallarında olan DİN-nin BƏSİİ tərəfindən verilmiş tələbnamədən görünür ki, Təqsirləndirilən şəxs əvvəllər məhkum olunmamışdır. (i.v.46) Beləliklə, Təqsirləndirilən şəxs verilmiş ittiham üzrə təqsiri iş üzrə toplanmış və tədqiq edilmiş sübutların məcmusu ilə tam sübuta yetirilmişdir. Təqsirləndirilən şəxs əməli CM-nin 128ci maddəsi ilə düzgün tövsif edilmişdir. CM-nin 73.2-ci maddəsinə görə, bu Məcəllənin 127.1, 128, 129, 130, 131.2, 133.1, 134, 142.1, 143, 156.1, 157.1 və 158.1-ci maddələrində nəzərdə tutulmuş əməli (əməlləri) törətmiş şəxs zərərçəkmiş şəxslə barışdıqda və ona dəymiş ziyanı tamamilə ödədikdə cinayət məsuliyyətindən azad edilir. CM-nin 73.2-ci maddəsinə görə, bu Məcəllənin 127.1, 128, 129, 130, 131.2, 133.1, 134, 142.1, 143, 156.1, 157.1 və 158.1-ci maddələrində nəzərdə tutulmuş əməli (əməlləri) törətmiş şəxs zərərçəkmiş şəxslə barışdıqda və ona dəymiş ziyanı tamamilə ödədikdə cinayət məsuliyyətindən azad edilir. CM-nin 72-ci maddəsinin “Qeyd” hissəsinin 1-ci bəndinə görə Şəxs bu Məcəllənin 72 – 73-2 və 74-1-ci maddələrində nəzərdə tutulmuş qaydada cinayət məsuliyyətindən yalnız bir dəfə azad edilir. İş materiallarından görünür ki, Təqsirləndirilən şəxs əvvələr CM-nin 73.2-ci maddəsində nəzərdə tutulmuş maddələr üzrə cinayət məsuliyyətinə cəlb edilməmişdir. Azərbaycan Respublikası Cinayət Prosessual Məcəlləsinin 39.1.8-ci maddəsinə əsasən zərərçəkmiş şəxsin şikayəti olmadıqda cinayət təqibi başlanıla bilməz, başlanmış cinayət təqibinə isə xitam verilməlidir (o cümlədən cinayət işi başlana bilməz, başlanılmış cinayət işi üzrə icraata isə xitam verilməlidir). Həmin Məcəllənin 43.1.2-ci maddəsinə əsasən bu Məcəllənin 39.1.4, 39.1.6-39.1.11-ci maddələrində nəzərdə tutulmuş hallar olduqda məhkəmə baxışı gedişində təqsirləndirilən şəxsə qarşı cinayət təqibinə xitam verilməsi barədə məhkəmə qərarı çıxarılır. Beləliklə, məhkəmə təqsirləndirilən şəxsin təqsirini etiraf etməsini, əməlindən səmimi peşmançılıq çəkməsini, zərərçəkmiş şəxsin onunla barışmasını, zərərçəkmiş şəxsin və təqsirləndirilən şəxsin hər ikisinin barışdıqları üçün işin icraatına xitam verilməsi barədə ərizələrini nəzərə alaraq belə nəticəyə gəlir ki, CM-nin 73.2-ci maddəsinə əsasən Təqsirləndirilən şəxs barəsində cinayət təqibinə xitam verilməlidir. Məhkəmədə Təqsirləndirilən şəxs müdafiəçi ilə müqavilə bağlamağa maddi imkanı olmadığı üçün ona dövlət büdcəsi hesabına müdafiəçi təyin edilmiş, hüquqlarının müdafiəsi üçün Sumqayıt Regional Vəkil Bürosunun vəkili X4 tərəfindən 6 (altı) iş saatı məsrəf olunmuşdur. Hüquqi yardımla bağlı Azərbaycan Respublikası CPM-nin 193.2 və 193.4-cü maddəsinin tələbləri nəzərə alınmaqla AR NK-nin “Müdafiəçilərə, tərcüməçilərə, mütəxəssislərə və ekspertlərə ödənilməli olan məbləğlərin miqdarı haqqında” 01 fevral 2001-ci il tarixli qərarına və həmin qərara 03 may 2018-ci il tarixdə edilmiş dəyişikliklərə əsasən hüquqi yardımla bağlı dövlət büdcəsinin hesabından Sumqayıt şəhər 1 saylı Vəkil Bürosunun vəkili Müdafiəçi 36 (otuz altı) manat məbləğində pul ödənilməlidir. İş üzrə mülki iddia və maddi sübut yoxdur. Yuxarıda göstərilənləri nəzərə alaraq və Azərbaycan Respublikası Cinayət Prosessual Məcəlləsinin 40, 43.3, 321, 346-347, 356 və 358-ci maddələrini rəhbər tutaraq, məhkəmə q ə r a r a a l d ı: Təqsirləndirilən şəxs Azərbaycan Respublikası CM-nin 128-ci maddəsi ilə təqsirləndirilməsinə dair məhkəməyədək sadələşdirilmiş icraat materialları üzrə cinayət təqibinə Azərbaycan Respublikası CM-nin 73.2-ci maddəsinə əsasən xitam verilsin və cinayət məsuliyyətindən azad edilsin. Sumqayıt şəhər 1 saylı Vəkil Bürosunun vəkili Müdafiəçi Təqsirləndirilən şəxs məhkəmə istintaqı zamanı göstərdiyi hüquqi yardıma görə 36 (otuz altı) manat məbləğində pul vəsaitinin dövlət büdcəsinin vəsaiti hesabına Sumqayıt şəhər 1 saylı Vəkil Bürosunun hesabına köçürülsün. Qərardan 20 gün müddətində Sumqayıt Şəhər Məhkəməsi vasitəsilə Sumqayıt Apellyasiya Məhkəməsinə apellyasiya şikayəti və protesti verilə bilər. Hakim: Ramiz Quliyev