Tovuz Rayon Məhkəməsi Qərar — İş №1(062)-155/2025

Azərbaycan Respublikası adından QƏRAR Tovuz rayon İş № 1(062)-155/2025 01.12.2025 TOVUZ RAYON MƏHKƏMƏSİ Hakim Hünmətov Zaur Adil oğlunun sədrliyi Məhkəmə iclasının katibi İsmayılov Emil İsrayıl oğlunun katibliyi ilə X2 Azərbaycan Respublikasının Cinayət Məcəlləsinin 147.1 və 148-ci maddələri ilə cinayət məsuliyyətinə cəlb edilməsinə dair X1 xüsusi ittiham qaydasında şikayətinə Tovuz Rayon Məhkəməsinin inzibati binasında qapalı məhkəmə iclasında baxaraq məhkəmə, M ü ə y y ə n e t d i: Xüsusi ittihamçı X3 xüsusi ittiham qaydasında şikayətlə məhkəməyə müraciət edərək, X2 barəsində Azərbaycan Respublikasının Cinayət Məcəlləsinin 147.1 və 148-ci maddələri ilə azadlıqdan məhrum etmə növündə cəza təyin edilməklə ittiham hökmü çıxarılmasını xahiş etmişdir. Məhkəmə baxışı iclası təkrarən xx.xx.2025-ci il tarixə saat 10:25-ə təyin edilmiş, lakin xüsusi ittihamçı X3 və barəsində xüsusi ittiham qaydasında şikayət olunmuş şəxs X4 məhkəmə iclasına gəlməmişlər. Məhkəmə baxışı iclası xx.xx.2025-ci il tarixə saat 10:50-ə təyin edilmiş, tərəflərə rəsmi qaydada məhkəmə iclasının vaxtı və yeri barədə məlumat verilmiş, lakin xüsusi ittihamçı X3 məhkəmə iclasına gəlməmişdir. İş təkrarən xx.xx.2025-ci il tarixə saat 10:25-ə təyin edilmiş, lakin xüsusi ittihamçı ikinci dəfə məhkəmə iclasına gəlməmişdir. Məhkəmə iş materiallarını araşdıraraq və xüsusi ittihamçının ikinci dəfə məhkəmə iclasına gəlməməsini nəzərə alaraq hesab edir ki, xüsusi ittiham qaydasında şikayət üzrə məhkəmə baxışının keçirilməsindən imtina edilməlidir. Azərbaycan Respublikası CPM-nin 302.1.8-ci maddəsinə əsasən, şikayəti vermiş şəxs şikayətindən imtina etdikdə və təqsirləndirilən şəxslə barışdıqda və ya məhkəmənin hazırlıq iclasına üzrlü səbəb olmadan təkrarən gəlmədikdə məhkəmə məhkəmə baxışının keçirilməsindən imtina edir. Həmin Məcəllənin 302.2.3-cü maddəsinə əsasən, bu Məcəllənin 302.1.2—302.1.4, 302.1.6—302.1.8-ci maddələrində nəzərdə tutulmuş hallarda xüsusi ittiham qaydasında şikayətin öz icraatına qəbul edilməsindən imtina edilməsi barədə qərar qəbul çıxarılır. Yuxarıda göstərilənlərə və Azərbaycan Respublikası CPM-nin 302, 321, 344-347, 356, 358 və 384-cü maddələrin tələblərini rəhbər tutaraq, məhkəmə Q ə r a r a a l d ı: Barəsində xüsusi ittiham qaydasında şikayət olunmuş şəxs X2 barəsində Azərbaycan Respublikasının Cinayət Məcəlləsinin 147.1 və 148-ci maddələri ilə ittiham hökmü çıxarılmasına dair şikayət üzrə məhkəmə baxışının keçirilməsindən imtina edilsin. Qərardan 20 (iyirmi) gün müddətində Tovuz Rayon Məhkəməsi vasitəsilə Gəncə Apellyasiya Məhkəməsinə apellyasiya şikayəti verilə bilər. Hakim Zaur Hünmətov