Tovuz Rayon Məhkəməsi Qərar — İş №1(062)-95/2024

Azərbaycan Respublikası adından QƏRAR Tovuz rayon İş № 1(062)-95/2024 30.05.2024 TOVUZ RAYON MƏHKƏMƏSİ Hakim Baxşıyev Qafil Yavər oğlunun sədrliyi, İsayev Emin Arif oğlunun katibliyi, Azərbaycan Respublikasının Baş Prokurorluğunun Dövlət ittihamının müdafiəsi üzrə idarəsinin rayon (şəhər) məhkəmələrində dövlət ittihamının müdafiəsi üzrə şöbəsinin prokuroru Dövlət ittihamçısı, Zərərçəkmiş şəxs, Cinayət qanununda nəzərdə tutulmuş əməli törətmiş şəxs Təqsirləndirilən şəxs və onun müdafiəçisi X1 iştirakları ilə 30 may 2024-cü il tarixdə Tovuz şəhərində, xx xxx 1980-ci ildə Tovuz rayonunda anadan olmuş, Azərbaycan Respublikasının vətəndaşı, orta təhsilli, evli, işsiz, əvvəllər məhkum olunmamış, Tovuz rayonu Ağdam kəndində yaşayan, Təqsirləndirilən şəxs– Azərbaycan Respublikası CM-nin 128-ci maddəsi ilə təqsirləndirilməsinə dair məhkəməyədək sadələşdirilmiş icraat materialına məhkəmə hazırlıq iclası açıq məhkəmə iclasında baxaraq, MÜƏYYƏN ETDİ: Təqsirləndirilən şəxs 15 may 2024-cü il tarixdə saat 21 radələrində Tovuz rayonu Ağdam kəndində yaşadığı evin qarşısında qonşusu Zərərçəkmiş şəxs pəncərədən həyat yoldaşı Şahid baxması səbəbindən aralarında yaranmış şəxsi münasibətlər zəminində mübahisə zamanı Zərərçəkmiş şəxs sol ayaq nahiyəsinə təpiklə qəsdən zərbələr vuraraq ona sol bud nahiyəsinin sol aşağı ətrafda hərəkət məhdudluğu yaradan hematoması ilə müşayiət edilən sağlamlığın qısa müddətdə pozulmasına səbəb olan sağlamlığa yüngül zərər vurmaya aid xəsarətlər yetirmişdir. Cinayət qanununda nəzərdə tutulmuş əməli törətmiş şəxs Təqsirləndirilən şəxs izahatında bildirdi ki, yaşadığı evdə şəxsi münasibətlər zəminində mübahisə zamanı qonşusu Zərərçəkmiş şəxs təpiklə ayaq nahiyəsinə vurmuşdur. Hazırda Zərərçəkmiş şəxs ilə barışmışdır. Bir daha ona qarşı heç bir qeyri-qanuni hərəkətlər etməyəcək. Odur ki, məhkəmədən barəsində olan işin icraatına xitam verilməsini xahiş etdi. İş üzrə Zərərçəkmiş şəxs məhkəmə iclasında verdiyi ifadəsində göstərdi ki, hazırda Təqsirləndirilən şəxs ilə barışmışdır. Ona qarşı heç bir şikayət və tələbi qalmamış, odur ki, məhkəmədən Təqsirləndirilən şəxs barəsində olan cinayət işinin icraatına xitam verilməsini xahiş etdi. Məhkəmə tərəflərin ifadələrini, dövlət ittihamçısının fikrini dinləyib, işdə olan sənədləri araşdıraraq hesab edir ki, məhkəməyədək sadələşdirilmiş icraat materialının icraatına xitam verilməsi və Təqsirləndirilən şəxs cinayət məsuliyyətindən azad olunması üçün əsaslar vardır. İşin 6-ci vərəqəsində olan Azərbaycan Respublikası Səhiyyə Nazirliyinin Məhkəmə Tibbi Ekspertiza və Pataloji Anatomiya Birliyi X3 tərəfindən 15 may 2024-cü il tarixli 357 saylı ekspert rəyindən görünür ki, Zərərçəkmiş şəxs bədən səthində aşkar olunmuş xəsarət sol bud nahiyəsinin sol aşağı ətrafda hərəkət məhdudluğu yaradan hematoması küt əşyanın təsirindən əmələ gələ bilər və sağlamlığın qısa müddətdə pozulmasına səbəb olan sağlamlığa yüngül zərər vurmaya aiddir. İşin 43-cü vərəqəsində olan xasiyyətnamədən Təqsirləndirilən şəxs yaşayış yeri üzrə müsbət xarakterizə olunması müəyyən edilir. Məhkəməyədək sadələşdirilmiş icraat materialının 45-ci vərəqəsində olan tələbnamədən Təqsirləndirilən şəxs əvvəllər cinayət məsuliyyətinə cəlb olunmadığı müəyyən edilir. İşdə olan doğum haqqında şəhadətnamələrin surətindən görünür ki, Təqsirləndirilən şəxs 14 oktyabr 2006-cı il təvəllüdlü Könül və 22 mart 2008-ci il təvəllüdlü Ramal adlı yetkinlik yaşına çatmayan uşaqları vardır. İşə əlavə edilmiş, Zərərçəkmiş şəxs məhkəməyə təqdim etdiyi ərizədən görünür ki, o, Təqsirləndirilən şəxs ilə barışmış, ona qarşı heç bir şikayət və tələbi yoxdur və Təqsirləndirilən şəxs barəsində olan işin icraatına xitam verilməsini məhkəmədən xahiş etmişdir. Azərbaycan Respublikası CM-nin 73.1-ci maddəsinə görə böyük ictimai təhlükə törətməyən cinayət törətmiş şəxs zərərçəkmiş şəxslə barışdıqda və ona dəymiş ziyanı ödədikdə və ya vurulmuş zərəri aradan qaldırdıqda cinayət məsuliyyətindən azad edilə bilər. Həmin Məcəllənin 73.2-ci maddəsində bu Məcəllənin 127.1, 128, 130, 131.2, 133.1, 134, 142.1, 143, 156.1, 157.1 və 158.1-ci maddələrində nəzərdə tutulmuş əməli (əməlləri) törətmiş şəxs zərərçəkmiş şəxslə barışdıqda və ona dəymiş ziyanı tamamilə ödədikdə cinayət məsuliyyətindən azad edilir. Beləliklə, məhkəmə işin məhkəmə iclasında müəyyən olunmuş hallarını, təqsirləndirilən şəxslə zərərçəkmişin barışmasını və cinayət işinə xitam verilməsi barədə ərizələrini nəzərə alaraq hesab edir ki, işin icraatına xitam verilməlidir. Azərbaycan Respublikası CPM-nin 43.3-cü maddəsinə görə, məhkəmə gedişində təqsirləndirilən şəxsə qarşı cinayət təqibinə həmin Məcəllənin 40.2ci maddəsinə əsasən, məhkəmənin qərarı ilə xitam verilə bilər. Belə olan halda təqsirləndirilən şəxs cinayət məsuliyyətindən azad edilməlidir. İş üzrə maddi sübut, mülki iddia və ekspertiza xərci yoxdur. Şərh olunanlara əsasən və Azərbaycan Respublikası CPM-nin 37.4, 321, 344-347, 356, 358 və 384.1.3-cü maddələrini rəhbər tutaraq, məhkəmə QƏRARA ALDİ : Təqsirləndirilən şəxs Azərbaycan Respublikası CM-nin 128-ci maddəsi ilə təqsirləndirilməsinə dair məhkəməyədək sadələşdirilmiş icraat materialının icraatına xitam verilsin və o, cinayət məsuliyyətindən azad edilsin. Qərardan 20 (iyrimi) gün müddətində Tovuz Rayon Məhkəməsi vasitəsi ilə Gəncə Apelyasiya Məhkəməsinə apelyasiya protesti və şikayəti verilə bilər. Sədrlik edən Qafil Baxşıyev