Pirallahı Rayon Məhkəməsi Qərar — İş №1(094)-10/2025

Azərbaycan Respublikası adından QƏRAR Bakı şəhəri İş № 1(094)-10/2025 03.06.2025 PİRALLAHI RAYON MƏHKƏMƏSİ X1 Adil oğlunun sədrliyi, Məhkəmə iclasının katibi Əbilov Ülvi Adişirin oğlunun katibliyi, Dövlət ittihamçısı – Azərbaycan Respublikası Baş prokurorluğu Dövlət ittihamının müdafiəsi üzrə İdarəsinin Bakı şəhərinin rayon məhkəmələrində dövlət ittihamının müdafiəsi üzrə şöbəsinin prokuroru Dövlət ittihamçısı, Müdafiəçi – Bakı şəhəri 08 saylı Vəkil Bürosunun vəkili Müdafiəçi, Şikayət vermiş şəxs Zərərçəkmiş şəxs, Cinayət qanunu ilə nəzərdə tutulmuş əməli törətmiş şəxs Təqsirləndirilən şəxs iştirakları ilə, xx.xx.1969-cu il tarixdə Ermənistan Respublikasında doğulmuş, evli, işsiz, məhkum olunmamış, Bakı şəhəri Suraxanı rayon, Hövsan qəsəbəsi, MİDA yaşayış kompleksi, İnşaatçılar küçəsi, ev 2, mənzil 2 ünvanda qeydiyyatda olan və Bakı şəhəri, Suraxanı rayon, Hövsan qəsəbəsi, MİDA yaşayış kompleksi, İnşaatçılar küçəsi, ev 2, mənzil 2 ünvanında yaşayan Təqsirləndirilən şəxs Azərbaycan Respublikası Cinayət Məcəlləsinin (bundan sonra mətndə Azərbaycan Respublikası CM-nin) 128-ci maddəsi ilə təqsirləndirilməsinə dair sadələşdirilmiş icraat materialına Bakı şəhəri Pirallahı Rayon Məhkəməsinin inzibati binasında açıq məhkəmə iclasında baxaraq, müəyyənetdi: Təqsirləndirilən şəxs zərərçəkmiş şəxsin sağlamlığının qısa müddətə pozulmasına səbəb olan qəsdən sağlamlığına yüngül zərər vurmuşdur. Belə ki, Təqsirləndirilən şəxs xx.xx.2025-ci il tarixdə saat 10:00-da Pirallahı rayonu, Pirallahı qəsəbəsi, S.Vurğun küçəsində yerləşən “Göyçə” kafesinin arxasında Zərərçəkmiş şəxs ilə aralarında şəxsi münasibətlər zəminində yaranmış mübahisə zamanı sonuncunu sifət nahiyəsinə yumruq zərbəsi ilə qəsdən vuraraq ona sol göz almasının ağlı qişasının qansızması, sol gözün bayır bucağının sıyrığı, sol gözaltı nahiyənin qançırı ilə nəticələnən sağlamlığın qısa müddətə pozulmasına səbəb olmuş qəsdən sağlamlığına yüngül zərər vuran bədən xəsarətləri yetirmişdir. Məhkəmə iclasında iclasında cinayət qanunu ilə nəzərdə tutulmuş əməli törətmiş şəxs Təqsirləndirilən şəxs özünü təqsirli bilərək göstərdi ki, birinci Qarabağ döyüşlərində yaralanmış, 2ci qrup əlildir. xx.xx.2025-ci il tarixdə Qala istiqamətindən üzü Pirallahı qəsəbəsinə hərəkətdə olduğu zaman “Göyçə” kafesinin qarşısında dayanacaqda 2 nəfərin şəhər istiqamətinə dayandığını görmüş, o yolun əks istiqamətində dayanmış, həmin 2 nəfəri şəhərə aparmaq üçün çağırmış, həmin vaxtı dayanacağın qarşısında olan “KİA” markalı avtomobil sürücüsü sonradan adını bildiyi Ramil avtomomobilin içərisindən ona lazım olsa 2 nəfəri mən götürərəm sözlərini deyəndə, onların arasında söz mübahisəsi baş vermiş, həmin 2 nəfərdə başqa avtomobilə əyləşib ordan çıxıb getmiş, Ramil ona “dayan gəlirəm” deyib qarşıdan manevr edib onun yanına gəlmiş, avtomobili yolun kənarında saxlamış, yerə düşmüş, onu çağırmış, onların arasında yenə söz mübahisəsi olmuş, onlar “Göyçə” kafesinin arxasına çəkilmiş, kafenin arxasında mübahisə zamanı o, Ramilin sifət nahiyəsinə yumuruqla vurmuş, o, Ramili vurandan sonra ordan çıxıb getmişdir. Hazırda onlar barışmışlar, Zərərçəkmiş şəxs ona qarşı şikayəti və tələbi yoxdur. İş üzrə icraata xitam verilməsini xahiş etdi. Məhkəmə iclasında iclasında Zərərçəkmiş şəxs ifadəsində göstərmişdir ki, özünə məxsus “KİA SİD” markalı **-CS-*** dövlət qeydiyyat nişanlı avtomobili var. Həmin avtomobil ilə taksi fəaliyyəti ilə məşğul olur. xx.xx.2025-ci il tarixdə saat 10 radələrində Pirallahı rayon S.Vurğun küçəsində üzü Qala istiqamətinə hərəkət etmiş, Pirallahı rayonu S.Vurğun küçəsində “Göyçə” kafenin qarşısında dayanacaqda 2 nəfəri görüb avtomobili dayanacağın qarşısında saxlamış, həmin şəxsləri çağırmaq istəyəndə yolun əks istiqamətində “Mersedes” markalı avtomobil gəlib dayanmış və şəhərə 2 nəfər sərnişin çağırmış, o avtomobildən düşmədən sonradan adını bildiyi Məhəmməd adlı həmin sürücüyə “özüm burdayam, lazım gəlsə özüm həmin şəxsləri götürəcəm” sözlərini deyəndə, Məhəmməd ona “ged işinlə məşğul ol” sözünü demiş, söz ona acıqlı gəldiyindən, həmin 2 nəfərdə başqa bir maşına əyləşib getdiyinə görə o, Məhəmmədə “dayan gəlirəm” demiş və qarşı tərəfdən manevr edərək gəlib yolun kənarında saxlamış, Məhəmmədə “nəyə görə belə edirsən” deyən zaman Məhəmməd “əcəb edirəm” deyərək aralarında söz mübahisəsi düşmüşdür. Onlar həmin yerdən kənara “Göyçə” kafesinin arxasına görünməyən yerə keçmiş, orda aralarında yaranmış mübahisə zamanı, gözləmədiyi anda Məhəmməd onu söyərək yumuruq zərbəsi ilə sol sifət nahiyəsinə vurmuş, o xəsarət almış, hadisədən sonra Məhəmməd ordan uzaqlaşmış, o isə Pirallahı Rayon Polis İdarəsinə gəlib ərizə ilə müraciət etmişdir. Dava zamanı ikisi olmuş, yanlarında kənar heç bir şəxs olmamış, dava 1-2 dəqiqə davam etmiş, həmin vaxtı o, Məhəmmədi vurmadığını göstərmişdir. Hazırda o, Təqsirləndirilən şəxsyla barışmış, onu bağışlamış, ona qarşı heç bir şikayəti və tələbi yoxdur. İş materiallarına əlavə olunmuş Azərbaycan Respublikası Səhiyyə Nazirliyi MTE və PA Birliyi Publik hüquqi şəxsi tərəfindən verilmiş 28 aprel 2025-ci il tarixli, 38 nömrəli rəydən görünür ki, 1.Zərərçəkmiş şəxs bədəni üzərində sol göz almasının ağlı qişasının qansızması, sol gözün bayır bucağının sıyrığı, sol gözaltı nahiyənin qançırı aşkar edildi. Qeyd olunan xəsarətlər küt əşya (əşyalar) təsirindən onun məhkəmə-tibb müayinəsindən bir neçə saat əvvəl törənmişlər, qərarda göstərilən xx.xx.2025-ci il tarixdə törənmələri istisna olunmur və dərəcəsinə görə sağlamlığın qısa müddətə pozulmasına səbəb olan sağlamlığa YÜNGÜL zərərvurmaya aiddirlər. 2.Zərərçəkmiş şəxs bədən səthində aşkar olunmuş xəsarətlərin xarakterlərini və lokalizasiyalarını nəzərə alaraq demək olar ki, həmin xəsarətlərin bədənin əlçatan nahiyyələrində yerləşmələrinə baxmayaraq, şəxsin özü tərəfindən yetirilməsi və öz boyu hündürlüyündən yıxılaraq bərk küt əşyaya dəyməsi nəticəsində əmələ gəlmələri inandırıcı deyildir. İş materiallarında olan Azərbaycan Respublikası DİN-nin BƏSİİ-dən daxil olmuş tələbnamədən görünür ki, Təqsirləndirilən şəxs məhkum olunmamışdır. İş materiallarında olan və Zərərçəkmiş şəxs tərəfindən məhkəməyə təqdim edilmiş xx.xx.2024-cü il tarixli ərizədən görünür ki, o, Təqsirləndirilən şəxslə barışmış, onu bağışlamış, onun təqsirləndirilən şəxsə qarşı şikayət və tələb yoxdur. İş üzrə icraata xitam verilməsinə etirazı yoxdur. İş materiallarında olan Təqsirləndirilən şəxs tərəfindən məhkəməyə təqdim edilmiş xx.xx.2024-cü il tarixli ərizədən görünür ki, o, Zərərçəkmiş şəxslə barışmış, ona dəymiş ziyanı ödəmişdir. Barəsində olan işə xitam verilməsini xahiş etmişdir. Azərbaycan Respublikasının Cinayət-Prosessual Məcəlləsinin 145.2-ci maddəsinə təhqiqatçı, müstəntiq, prokuror, hakim qanunu və vicdanını rəhbər tutaraq sübutların məcmusunun hərtərəfli, tam və obyektiv baxılmasına əsaslanmaqla öz daxili inamına görə sübutları qiymətləndirirlər. Məhkəmə cinayət təqibi ilə bağlı mühüm əhəmiyyətə malik olan halları araşdıraraq, Azərbaycan Respublikasının Cinayət-Prosessual Məcəlləsinin 124-cü maddəsinin tələblərinə uyğun olaraq iş üzrə dindirilmiş şəxslərin ifadələrini, istintaq və məhkəmə hərəkətlərinin protokollarını, ekspert rəyini və digər sənədləri sübut növü kimi qəbul edib, həmin sübutlara və onların məcmusuna tam, obyektiv və hərtərəfli hüquqi qiymət verib, belə nəticəyə gəlir ki, Təqsirləndirilən şəxs əməlində cinayət tərkibi vardır. Onun törətmiş olduğu cinayət əməli düzgün olaraq Azərbaycan Respublikasının Cinayət Məcəlləsinin 128-ci maddəsi ilə tövsif olunmuşdur. Belə ki, Azərbaycan Respublikasının Cinayət Məcəlləsinin 128-ci maddəsinə əsasən sağlamlığın qısa müddətə pozulmasına və ya ümumi əmək qabiliyyətinin cüzi itirilməsinə səbəb olmuş qəsdən sağlamlığa yüngül zərər vurma cinayət məsuliyyəti yaradır. Təqsirləndirilən şəxs zərərçəkmiş şəxsin sağlamlığının qısa müddətə pozulmasına səbəb olan qəsdən sağlamlığına yüngül zərər vurması və bunu təqsirin qəsd formasında etməsi iş üzrə dindirilmiş şəxslərin ifadələri, ekspertiza rəyi və işə aid biri digərinə kifayət qədər uyğun gələn mötəbər sübutların məcmusu ilə tam sübuta yetirilmişdir. Azərbaycan Respublikasının Cinayət-Prosessual Məcəlləsinin 43.3-cü maddəsinə əsasən Məhkəmə baxışının gedişində təqsirləndirilən şəxsə qarşı cinayət təqibinə, həmçinin bu Məcəllənin 39.1.3, 39.1.12 və 40.2-ci maddələrində nəzərdə tutulmuş hallarda müdafiə tərəfinin razılığı ilə xitam verilməsi barədə məhkəmə qərar çıxarmağa haqlıdır. Azərbaycan Respublikasının Cinayət Məcəlləsinin 73.1-ci maddəsinə əsasən böyük ictimai təhlükə törətməyən cinayət törətmiş şəxs zərərçəkmiş şəxslə barışdıqda və ona dəymiş ziyanı ödədikdə və ya vurulmuş zərəri aradan qaldırdıqda cinayət məsuliyyətindən azad edilə bilər. Həmin Məcəllənin 73.2-ci maddəsinə əsasən bu Məcəllənin 127.1, 128, 129, 130, 131.2, 133.1, 134, 142.1, 143, 156.1, 157.1 və 158.1-ci maddələrində nəzərdə tutulmuş əməli (əməlləri) törətmiş şəxs zərərçəkmiş şəxslə barışdıqda və ona dəymiş ziyanı tamamilə ödədikdə cinayət məsuliyyətindən azad edilir. Həmin Məcəllənin 72-ci maddəsinin qeydinə əsasən şəxs şəxs bu Məcəllənin 72 – 73-2 və 74-1-ci maddələrində nəzərdə tutulmuş qaydada cinayət məsuliyyətindən yalnız bir dəfə azad edilir. İş materiallarında olan ərizədən və verilən ifadələrdən müəyyən olunur ki, Təqsirləndirilən şəxs ilə Zərərçəkmiş şəxs barışmışlar, Zərərçəkmiş şəxs Təqsirləndirilən şəxs qarşı şikayət, tələbi yoxdur. Təqsirləndirilən şəxs və Zərərçəkmiş şəxs iş üzrə icraata xitam verilməsini xahiş etmişlər. Məhkəmə belə nəticəyə gəlir ki, Təqsirləndirilən şəxs şikayət vermiş şəxslə barışdığından, şikayət vermiş şəxsin ona qarşı şikayət və tələbi olmadığından, barəsində olan iş üzrə icraata xitam verilməsinə razılıq verdiyindən onun barəsində olan iş üzrə icraata xitam verilməli və o, cinayət məsuliyyətindən azad edilməlidir. Məhkəmə həmçinin hesab edir ki, təqsirləndirilən şəxsin hüquqlarının məhkəmə iclaslarında müdafiəsi xərcləri Azərbaycan Respublikası CPM-in 193.2 və 193.3-cü maddələrinə, habelə “Müdafiəçilərə, tərcüməçilərə, mütəxəssislərə və ekspertlərə ödənilməli olan məbləğlərin miqdarı haqqında” Azərbaycan Respublikası Nazirlər Kabinetinin 1 fevral 2001-ci il tarixli 31 nömrəli Qərarına dəyişikliklər edilməsi haqqında 03 may 2018-ci il tarixli 202 saylı Qərarına əsasən hər iş saatı üçün 6 manat məbləğində müəyyən edilərək dövlət büdcəsindən ödənilməlidir. Cinayət qanunu ilə nəzərdə tutulmuş əməli törətmiş şəxs Təqsirləndirilən şəxs hüquqlarının ibtidai istintaqda və və məhkəmə baxışı zamanı müdafiə edilməsinə görə Bakı şəhəri 08 saylı Vəkil Bürosunun vəkili Müdafiəçi cəmi 363 manat məbləğində vəsait Azərbaycan Respublikasının Dövlət Büdcəsindən tutularaq Bakı şəhəri 08 saylı Vəkil Bürosunun hesabına köçürülməlidir. İş üzrə mülki iddia, maddi sübut və xüsusi müsadirə edilməli əmlak yoxdur. Yuxarıda göstərilənləri nəzərə alaraq və Azərbaycan Respublikasının Cinayət-Prosessual Məcəlləsinin 40.2.2, 43.3, 340-342, 344-347, 349, 356, 384-cü maddələrini rəhbər tutaraq, məhkəmə qəraraaldı: Təqsirləndirilən şəxs Azərbaycan Respublikası CM-nin 128-ci maddəsi ilə nəzərdə tutulmuş əməli törətməsinə dair sadələşdirilmiş icraat material üzrə icraata Zərərçəkmiş şəxs ilə barışdığına, ona qarşı şikayət və tələb olmaığına görə xitam verilsin və o, cinayət məsuliyyətindən azad edilsin. Təqsirləndirilən şəxs hüquqlarının ibtidai istintaqda və məhkəmə baxışı zamanı müdafiə edilməsinə görə Bakı şəhəri 08 saylı Vəkil Bürosunun vəkili Müdafiəçi ümumilikdə 363 manat məbləğində vəsait Azərbaycan Respublikasının Dövlət Büdcəsindən tutularaq Bakı şəhəri 08 saylı Vəkil Bürosunun hesabına ("xxxx" ASC Pirallahı filialı, kod 200178, VÖEN **********, m/h AZ 37NABZ********************, S.W.İ.F.T.BİK AİİB AZ2X, hesab AZ 35AİİB********************, VÖEN **********) köçürülsün. Qərardan elan olunduğu andan 20 (iyirmi) gün müddətində Bakı şəhəri Pirallahı Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti və ya apellyasiya protesti verilə bilər. Qərardan apellyasiya qaydasında protest və ya şikayət verilməmişsə, qərar həmin müddətin başa çatdığı vaxtdan sonrakı gün qüvvəyə minir. Sədrlik edən Faiq Qasımov