Pirallahı Rayon Məhkəməsi Hökm — İş №1(094)-47/2023

Azərbaycan Respublikası adından HÖKM Bakı şəhəri İş № 1(094)-47/2023 07.11.2023 PİRALLAHI RAYON MƏHKƏMƏSİ X11 Adil oğlunun sədrliyi, Məhkəmə iclasının katibi Əliyev Orxan İsmayıl oğlunun katibliyi, Dövlət ittihamçısı – Azərbaycan Respublikası Baş prokurorluğu Dövlət ittihamının müdafiəsi üzrə İdarəsinin Bakı şəhərinin rayon məhkəmələrində dövlət ittihamının müdafiəsi üzrə şöbəsinin prokuroru Dövlət ittihamçısı, Zərərçəkmiş şəxs, Müdafiəçi –Müdafiəçi, Təqsirləndirilən şəxs iştirakları ilə, xx.xx.1981-ci il tarixdə tarixdə Bakı şəhərində anadan olmuş, Azərbaycan Respublikasının vətəndaşı, subay, orta təhsilli, fərdi əmək fəaliyyəti ilə məşğul olan, əvvəllər məhkum olunmamış, ünvan 1 ünvanında qeydiyyatda olan və Lənkəran rayonu Girdəni kəndində yaşayan, barəsində polisin nəzarəti altına vermə qətimkan tədbiri seçilmiş - - Təqsirləndirilən şəxs Azərbaycan Respublikası Cinayət Məcəlləsinin (bundan sonra mətndə Azərbaycan Respublikası CM-nin) 306.1-ci maddəsi ilə təqsirləndirilməsinə dair cinayət işinə Bakı şəhəri Pirallahı Rayon Məhkəməsinin inzibati binasında açıq məhkəmə iclasında baxaraq, müəyyənetdi: Təqsirləndirilən şəxs 23 oktyabr 2017-ci il tarixdən başlayaraq hər ay, bir uşağa 136,00 manat, iki uşağa cəmi 272,00 manat sabit pul məbləğində alimenti övladları 28 fevral 2005-ci il təvəllüdlü X1 və 25 iyul 2008-ci il təvəllüdlü X2 yetkinlik yaşına çatana kimi saxlanması üçün X3 xeyrinə ödəməsinə dair Bakı şəhəri Pirallahı Rayon Məhkəməsinin qanuni qüvvəyə minmiş 21 noyabr 2017-ci il tarixli, 2(094)-671/2017 saylı qətnaməsinin icrasını təmin etməsi ilə əlaqədar icra məmurunun qanuni tələblərini üzrsüz səbəbdən yerinə yetirmədiyindən həmin məhkəmənin 10 may 2019- il tarixli, 3(094)-20/2019 saylı qərarı ilə Azərbaycan Respublikası İXM-nin 528.1-ci madəsinə əsasən təqsirli bilinərək 10 (on) gün və 22 sentyabr 2020-ci il tarixli, 3(094)-72/2020 saylı qərarı ilə Azərbaycan Respublikası İXM-nin 528.1-ci maddəsinə əsasən təqsirli bilinərək 10 (on) gün müddətində inzibati həbs edilməsinə, məhkəmə aktını icra etməsi ilə əlaqədar ona 16 oktyabr 2020-ci il, 12 fevral 2021-ci il tarixlərdə məsuliyyəti elan olunmaqla rəsmi bildirişlər verilməsinə baxmayaraq cinayət təqibi başlanması məsələsinə baxılması üçün təqdimat verilən 09 aprel 2021-ci il tarixədək şəxsi maraq niyəti ilə cəmi 9792,00 manat aliment borcunu zərər çəkmiş şəxs X4 ödəməmiş, habelə sonuncuya maddi ziyan vurmaqla qanuni qüvvəyə minmiş məhkəmə qətnaməsini qərəzli olaraq qəsdən icra etməməklə ədalət mühakiməsinin nüfuzuna xələl gətirmişdir. Təqsirləndirilən şəxsin törətdiyi cinayət əməli məhkəmədə tədqiq edilmiş, onun, zərərçəkmiş şəxsin, şahidlərin ifadələri, iş materialları və işin digər halları ilə aşağıdakı qaydada sübuta yetirilmişdir. Məhkəmə iclasında təqsirləndirilən şəxs qismində dindirilən Təqsirləndirilən şəxs ona elan olunmuş Azərbaycan Respublikası CM-nin 306.1-ci maddəsində nəzərdə tutulan ittihamda özünü təqsirli bilərək göstərdi ki, fərdi əmək fəaliyyəti ilə məşğuldur, yəni qeyri rəsmi olaraq Lənkəran bazarında fəhlə işləyir, aylıq gəliri 400,00 manat təşkil edir. Bundan başqa qeyd etmişdir ki, X6 ilə 2004-cü ildə qeyri rəsmi qaydada evlənmiş, birgə nikahlarından X5 və X7 doğulmuş, evli olduqları müddətdə bir yerdə yaşamaqları mümkün olmadığından 2009-cu ildə ayrılmışlar, həmin vaxtdan da Zərərçəkmiş şəxs övladları ilə birlikdə valideyinlərinin yanına köçərək orada yaşamış, 2017-ci ildə aliment tələbinə dair Bakı şəhəri Pirallahı Rayon Məhkəməsində ona qarşı iddia qaldırmış, məhkəmənin 21 noyabr 2017-ci il tarixli, 2(094)- 671/2017 saylı qətnaməsi ilə iddia təmin edilərək əvvəli 23 oktyabr 2017-ci il tarixdən başlayaraq hər ay, bir uşağa 136,00 manat, iki uşağa cəmi 272,00 manat sabit pul məbləğində aliment ondan tutularaq 28 fevral 2005-ci il təvəllüdlü Ramilə Məmmədovanın və 25 iyul 2008-ci il təvəllüdlü Elşad Məmmədovun yetkinlik yaşına çatana kimi saxlanması üçün Zərərçəkmiş şəxs xeyrinə ödənilməsi qət edilmişdir. Bununla əlaqədar Bakı şəhəri Pirallahı rayon İcra Şöbəsinin icra məmurları ona bildiriş təqdim etməklə qətnamənin icrasını tələb etmiş, o, isə maddi imkanı yüksək olmadığından məhkəmə aktını icra etməmiş, icra məmuru alimentin ödənilməsi ilə əlaqədar ondan müxtəlif vaxtlarda izahatlar almış, hətta həmin məhkəmənin 10 may 2019-cu il tarixli, 3(094)-20/2019 saylı qərarı ilə Azərbaycan Respublikası İXM-nin 528.1-ci maddəsinə əsasən təqsirli bilinərək 10 (on) gün və 22 sentyabr 2020-ci il tarixli, 3(094)-72/2020 saylı qərarı ilə Azərbaycan Respublikası İXM-nin 528.1-ci maddəsinə əsasən təqsirli bilinərək 10 (on) gün müddətində inzibati həbs edilmiş, bundan sonra icra məmuru məhkəmə aktının icrasını təmin etməsinə dair ona yeni müddət təyin etməklə rəsmi xəbərdarlıq verməsinə baxmayaraq alimenti ödəməmişdir. xx.xx.2023-cü il tarixdə zərərçəkmiş şəxsin hesab nömrəsinə 500 manat məbləğində ödəniş etmişdir. Məhkəmə qətnaməsinin dövlətin adından çıxarıldığını, onu tam icra etməli olduğunu bilir, lakin hələlik qətnamə əsasında yığılıb qalmış borcunu tam ödəməyə imkanı çatmır. Əməlindən peşmandır. Bunların nəzərə alınaraq ona yüngül cəza verilməsini xahiş etmişdir. Məhkəmə iclasında zərərçəkmiş şəxs qismində dindirilən Zərərçəkmiş şəxs göstərdi ki, Təqsirləndirilən şəxs ilə 2004-cü ildə qeyri rəsmi qaydada evlənmiş, birgə rikahlarından X5 və X7 doğulmuşdur. Evli olduqları müddətdə bir yerdə yaşamaqları mümkün olmadığından 2013-cü ildə ayrılmışlar. Sonra uşaqları ilə birlikdə valideyinlərinin yanına köçərək orada yaşamış, o, övladlarının saxlanması ilə əlaqədar ona maddi köməklik göstərmədiyi üçün aliment tələbinə dair Bakı şəhəri Pirallahı Rayon Məhkəməsində iddia qaldırmış, məhkəmənin 21 noyabr 2017-ci il tarixli, 2(094)-671/2017 saylı qətnaməsi ilə iddia təmin edilərək əvvəli 23 oktyabr 2017ci il tarixdən hesablanmaqla, hər ay, bir uşağa 136,00 manat, iki uşağa cəmi 272,00 sabit pul məbləğində aliment Təqsirləndirilən şəxs tutularaq 28 fevral 2005-ci il təvəllüdlü R.Məmmədovanın və 25 iyul 2008-ci il təvəllüdlü E.Məmmədovun yetkinlik yaşına çatana kimi saxlanması üçün onun xeyrinə ödənilməsi qət edilmiş, qətnamənin icrası ilə Bakı şəhəri Pirallahı rayon İcra Şöbəsinin icra məmurları məşğul olmuş, bununla əlaqədar borcluya bildiriş təqdim edilmiş, sonuncu isə alimenti ödəməkdən imtina edərək icra məmurunun qanuni tələblərini yerinə yetirmədiyi üçün həmin məhkəmənin 10 may 2019-cu il tarixli, 3(094)-20/2019 saylı qərarı ilə Azərbaycan Respublikası İXM-nin 528.1-ci maddəsinə əsasən təqsirli bilinərək 10 (on) gün və 22 sentyabr 2020-ci il tarixli, 3(094)-72/2020 saylı qərarı ilə Azərbaycan Respublikası İXM-nin 528.1-ci maddəsinə əsasən təqsirli bilinərək 10 (on) gün müddətində inzibati həbs edilmiş, icra məmuru alimentin ödənilməsi üçün ona rəsmi xəbərdarlıq verilməsinə baxmayaraq o, alimenti ödəməməklə məhkəmə aktının icrasından qərəzli olaraq yayınmışdır. Ramil yalnız xx.xx.2023-cü il tarixdə 500 manat ödəniş etmişdir. Ramil ilə barışmamışdır, pulunun tam şəkildə ödənilməsini tələb edir və bunun nəzərə alınaraq Ramilə törətdiyi əməlinə görə cəza verilməsini xahiş etmişdir. Məhkəmə iclasında şahid qismində dindirilən Bakı şəhəri Pirallahı Rayon İcra Şöbəsinin böyük icra məmuru Şahid1 göstərdi ki, əvvəli 23 oktyabr 2017-ci il tarixdən hesablanmaqla hər ay, bir uşağa 136,00 manat, iki uşağa cəmi 272,00 manat sabit pul məbləğində aliment Təqsirləndirilən şəxs tutularaq 28 fevral 2005-ci il təvəllüdlü X1 və 25 iyul 2008-ci il təvəllüdlü X2 yetkinlik yaşına çatana kimi saxlanması üçün X3 xeyrinə ödənilməsinə dair Bakı şəhəri Pirallahı Rayon Məhkəməsinin qanuni qüvvəyə minmiş 21 noyabr 2017-ci il tarixli, 2(094)-671/2017 saylı qətnaməsi icra edilməsi üçün Bakı şəhəri Pirallahı rayon İcra Şöbəsinə daxil olmuş, icra sənədi icraata qəbul edilərək icraata başlanma haqqında qərar qəbul edilmiş, aliment tələbinin təmin edilməsi ilə əlaqədar Təqsirləndirilən şəxs bildiriş təqdim edilmiş, tələb könüllü icra müddətində təmin olunmadığı üçün məcburi icra tədbiri olaraq sonuncunun əmlak vəziyyəti yoxlanılmış, lakin ona məxsus əmlakları aşkar etmək mümkün olmamış, bundan sonra o, müxtəlif vaxtlarda şöbəyə dəvət olunaraq izahatları alınmış, habelə qanunun tələbləri və məsuliyyəti ona izah edilmiş, Təqsirləndirilən şəxs icra şöbəsində verdiyi izahatlarda fərdi əməklə məşğul olduğunu bildirsə də alimenti ödəməmiş, üzərindən uzun müddət keçsə də sonuncu icra məmurunun qanuni tələblərini yerinə yetirməkdən üzrsüz səbəbdən yayındığından həmin məhkəmənin 10 may 2019-cu il tarixli, 3(094)-20/2019 saylı qərarı ilə Azərbaycan Respublikası İXM-nin 528.1-ci maddəsinə əsasən təqsirli bilinərək 10 (on) gün və 22 sentyabr 2020-ci il tarixli, 3(094)-72/2020 saylı qərarı ilə Azərbaycan Respublikası İXM-nin 528.1-ci maddəsinə əsasən təqsirli bilinərək 10 (on) gün müddətində inzibati həbs edilmiş, qətnaməni icra etməsindən ötrü ona yeni müddət təyin edilsə də hərəkətlərini davam etdirməklə məhkəmə aktını qərəzli olaraq icra etməmişdir. Məhkəmə iclasında şahid qismində dindirilən Bakı şəhəri Pirallahı Rayon İcra Şöbəsinin rəisi Şahid2 da oxşar, eyni məzmunlu ifadə verərək Şahid1 göstərdiklərini təsdiq etdi. İş materiallarında olan 08 dekabr 2017-ci il, 10 iyun 2019-cu il, 04 sentyabr 2019-cu il, 30 dekabr 2022-ci il, 30 iyun 2023-cü il tarixli bildirişlərdən, eyni zamanda Bakı şəhəri Pirallahı Rayon Məhkəməsinin 10 may 2019-cu il tarixli, 3(094)-20/2019 və 22 sentyabr 2020-ci il tarixli, 3(094)-72/2020 saylı qərarlarından və digər sənədlərdən görünür ki, Təqsirləndirilən şəxs həqiqətən həmin məhkəmənin qanuni qüvvədə olan 21 noyabr 2017ci il tarixli, 2(094)-671/2017 saylı qətnaməsini qərəzli olaraq icra etməmişdir. Məhkəmə iclasında müəyyən olunmuşdur ki, Təqsirləndirilən şəxs Bakı şəhərinin müxtəlif yerlərində fərdi əməklə, yəni qeyri rəsmi olaraq Lənkəran bazarında fəhlə işləyir, aylıq gəliri 400,0 manat təşkil edir, bununla da icra tələbini tam şəkildə ödəməyə maddi imkanının olmasına baxmayaraq, icra vərəqəsi üzrə təqdimat verilən, yəni 10 aprel 2023cü il tarixədək Zərərçəkmiş şəxs məhkəmə qətnaməsi üzrə alimentə görə borclu olduğu 9792,00 manat puldan heç bir ödəniş etməmişdir. İş materiallarında olan Pirallahı MKİS tərəfindən verilmiş Xasiyyətnamədən görünür ki, Təqsirləndirilən şəxs yaşayış qaydalarına riayət edir və onun barəsində MKİS-ə heç bir şikayət daxil olmamışdır. İş materiallarında olan Azərbaycan Respublikası DİN BƏSİİ-dən alınmış 09 sentyabr 2021-ci il tarixli Tələbnamədən görünür ki, Təqsirləndirilən şəxs məhkumluğu olmayan şəxsdir. Məhkəmə təqsirləndirilən şəxsə istinad edilən cinayət əməlinə cinayət-prosessual qanunvericiliyinin sübutlar və sübutetmə ilə bağlı müddəaları baxımından yanaşaraq hesab edir ki, məhkəmə istintaqında tədqiq edilmiş biri-digərini tamamlayan və işin faktiki hallarına uyğun gələn sübutlar həqiqiliyinə, yaranma mənbəyinə və əldə edilməsi hallarına görə sübut kimi qəbul ediləndir, sübutların hüquqi qüvvəsini şübhə altına alan hallar yoxdur və sübutların məcmusu ittihama qiymət verilməsi baxımından kifayət edir. Məhkəmə biri digərini tamamlayan və işin faktiki hallarına uyğun gələn sübutlara qiymət verərək hesab edir ki, Təqsirləndirilən şəxs qanuni qüvvəyə minmiş məhkəmə qətnaməsini qərəzli olaraq icra etməməsi onun özünün etirafedici ifadəsi, zərərçəkmiş şəxsin və şahidlərin ifadələri və cinayət işinin digər materialları ilə tam sübuta yetirilir. Qeyd edilən əməlin cinayət olmasını aradan qaldıran hallar, həmçinin cinayət məsuliyyətindən azad edilməsi üçün əsaslar yoxdur. Məhkəmə hesab edir ki, ibtidai istintaq orqanı tərəfindən Təqsirləndirilən şəxs cinayət əməli düzgün olaraq Azərbaycan Respublikası CM-in 306.1-ci maddəsi ilə tövsif edilmişdir və o, həmin maddənin sanksiyası həddində cəzalandırılmalıdır. Məhkəmə, Təqsirləndirilən şəxs ilk dəfə törətdiyi əməli etiraf edərək peşman olmasını və yaşayış yeri üzrə müsbət xasiyyətlənməsini Azərbaycan Respublikası CM-in 59-cu maddəsinə əsasən cəzasını yüngülləşdirən hallar kimi nəzərə alır. Məhkəmə iclasında Təqsirləndirilən şəxs cəzasını ağırlaşdıran - Azərbaycan Respublikası CM-in 61-ci maddəsində nəzərdə tutulmuş hallar müəyyən edilmədi. Məhkəmə həmçinin qeyd edir ki, hazırkı cinayət işində Təqsirləndirilən şəxs təqsirli bilindiyi Azərbaycan Respublikası CM-nin 306.1-ci maddəsində nəzərdə tutulmuş cinayət əməli birbaşa qəsdlə törədilən cinayətdir. Yəni, təqsirləndirilən şəхs qanuni qüvvəyə minmiş məhkəmə aktlarını qərəzli оlaraq icra etmədiyini dərk etmiş, bununla ədalət mühakiməsinin nüfuzuna хələl gətirməsini və zərərçəkmiş şəхsin hüquqlarının pоzulmasını görmüş və bunları arzu etmişdir. Digər tərəfdən, təqsirləndirilən şəхs bu əməli davamlı оlaraq uzun vaхt müddətində, qərəzli оlaraq həyata keçirmişdir. Məhkəmə хüsusilə qeyd edir ki, məhkəmənin qərarının və digər aktının icra edilməməsinin təhlükəliliyi оndan ibarətdir ki, qanuni qüvvəyə minmiş məhkəmə aktlarını icra etməmə məhkəmə оrqanlarını nüfuzdan salır, pоzulmuş hüquqların bərpası, dəymiş ziyanın ödənilməsi qeyri-mümkün оlur və ədalət mühakiməsinin həyata keçirilməsi zamanı dövlət adından çıхarılmış qərarlar kağız üzərində qalır. İnsan Hüquqları üzrə Avrоpa Məhkəməsi “Burdov Rusiyaya qarşı” işdə (7 may 2002-ci il) eyni xarakterli məsələlərə bir daha münasibət bildirərək qeyd etmişdir ki, məhkəmə qərarlarının icrası üçün zəruri tədbirlər görməkdən uzun müddət yayınma 6-cı maddənin 1-ci bəndində ifadəsini tapmış müddəanı faydalılıq qüvvəsindən məhrum etmiş olur. “Tarverdiyev Azərbaycana qarşı” işdə Avrоpa Məhkəməsi хatırlatmışdır ki, ərizəçi məhkəmə çəkişməsini udduqdan sоnra bu uduşdan yararlanmağa maneələrin yaradılması Kоnvensiyanın 6-cı maddəsində təsbit оlunmuş ədalətli məhkəmə araşdırması hüququnun pоzuntusudur. Qanuni qüvvəyə minmiş məhkəmə qətnaməsini icra etmək üçün zəruri tədbirlərin görülməməsi ilə Kоnvensiyanın 6-cı maddəsinin 1-ci bəndinin səmərəsi heçə endirilir. “Məhkəmələr tərəfindən cinayət cəzalarının təyin edilməsi təcrübəsi haqqında” Azərbaycan Respublikası Ali Məhkəməsi Plenumunun 25 iyun 2003-cü il tarixli, 4 №-li qərarına əsasən cəzalarin tətbiqi məsələsi müzakirə edilərkən cəzanın növü və miqdarının seçilməsinin mühüm əhəmiyyəti vardır. Cəza birinci növbədə təqsirləndirilən şəxsin islah olunmasına xidmət etməlidir. Azərbaycan Respublikası CM-in 8-ci maddəsinə əsasən, cinayət törətmiş şəxs haqqında tətbiq edilən cəza və ya digər cinayət-hüquqi xarakterli tədbirlər ədalətli olmalıdır, yəni cinayətin xarakterinə və ictimai təhlükəlilik dərəcəsinə, onun törədilməsi hallarına və cinayət törətməkdə təqsirli bilinən şəxsin şəxsiyyətinə uyğun olmalıdır. Məhkəmə, Təqsirləndirilən şəxs cəza təyin edərkən, Azərbaycan Respublikası CMnin 8, 41.2 və 58.3-cü maddələrinə müvafiq olaraq ədalət prinsipini və sosial ədalətin bərpasını, onun törətmiş olduğu cinayətin xarakterini, ictimai-təhlükəlilik dərəcəsini, təqsirkarın şəxsiyyətini, o cümlədən cəzasını yüngülləşdirən halları və ağırlaşdıran halların olmamasını, habelə təyin olunan cəzanın həm məhkum, həm də başqa şəxslər tərəfindən yeni cinayətlərin törədilməsinin qarşısını almaq məqsədilə tətbiqini, şəxsin islah olunmasına və onun ailəsinin həyat şəraitinə təsirini nəzərə alaraq, ona Azərbaycan Respublikası CM-nin 306.1-ci maddəsinin sanksiyasında nəzərdə tutulmuş müəyyən müddətə azadlıqdan məhrum etmə növündə cəza təyin edilməsini qanuni, əsaslı və ədalətli hesab edir. Məhkəmə eyni zamanda hesab edir ki, icra vərəqəsi üzrə təqdimat verilən, yəni 21 noyabr 2017-ci il tarixədək alimentə görə yaranmış 9792,00 manat borc məbləğinin tam ödənilməsini təmin etməmiş təqsirləndirilən şəxsə 1000,00 (min) manatdan 3000,00 (üç min) manatadək miqdarda cərimə və ya 160 ( yüz altmış) saatdan 240 (iki yüz qırx) saatadək ictimai işlər və ya 02 (iki) ilədək müddətə islah işləri və ya 03 (üç) ilədək müddətə azadlığın məhdudlaşdırılması cəzasının verilməsi ağlabatan və cəzanın məqsədinə nail olunması baxımından yetərli vasitə hesab oluna bilməz. Azərbaycan Respublikası CPM-nin 158.6-cı maddəsinə əsasən cinayət işi üzrə icraatın aparılması zamanı (məhkəməyədək, habelə birinci və apellyasiya instansiyası məhkəmələrində aparılmış icraat daxil olmaqla) şəxsin həbsdə saxlanılması müddəti məhkəmə tərəfindən ona təyin olunmuş cəza müddətə daxil edilir. Məhkəmə həmçinin hesab edir ki, Təqsirləndirilən şəxs Azərbaycan Respublikası CM-nin 56.1.2-ci maddəsinə əsasən cəzasını ümumi rejimli cəzaçəkmə müəssisəsində çəkməli, cəzasını çəkməsinin əvvəli tutulduğu 07 noyabr 2023-cü il tarixdən hesablanmalı, barəsində seçilmiş həbs qətimkan tədbiri hökm qanuni qüvvəyə minənədək dəyişdirilmədən saxlanılmalıdır. Məhkəmə, hazırkı iş üzrə xüsusi müsadirə ilə bağlı məsələlərə də hüquqi qiymət verməyi zəruri hesab edir. Azərbaycan Respublikası CM-nin 99-1.2-ci maddəsinə əsasən məhkəmə hər bir cinayət işi üzrə bu Məcəllənin 99-1.1-ci maddələrində nəzərdə tutulmuş müsadirə edilməli əmlakın olub-olmaması məsələsini həll edir. Xüsusi müsadirə həm fiziki, həm də hüquqi şəxslərə tətbiq oluna bilər. Həmin Məcəllənin 99-1.1.1-ci maddəsinə əsasən xüsusi müsadirə cinayət-hüquqi tədbiri məhkumun cinayət törədilərkən istifadə etdiyi alət və vasitələrin (qanuni sahibinə qaytarılmalı olan alət və vasitələr istisna olmaqla) məcburi qaydada və əvəzsiz olaraq dövlət nəfinə alınmasıdır. Məhkəmə hesab edir ki, hazırkı cinayət işi üzrə təqsirləndirilən şəxsə məxsus olan hər hansı müsadirə edilməli əmlak müəyyən olunmamışdır. Məhkəmə, hazırkı cinayət işi üzrə Azərbaycan Respublikası CM-nin 99-1.1-ci maddəsində sadalanmış əmlakların müəyyən edilmədiyini nəzərə alaraq hesab edir ki, Təqsirləndirilən şəxs CM-nin 306.1-ci maddəsi ilə təqsirləndirilməsinə dair cinayət işi üzrə xüsusi müsadirənin tətbiq edilməsi zərurəti yoxdur. Məhkəmə məsrəfləri ilə bağlı, məhkəmə həmçinin hesab edir ki, Təqsirləndirilən şəxs dövlət hesabına hüquqlarını məhkəmədə müdafiə etmiş Bakı şəhəri 08 saylı Vəkil Bürosunun vəkili Müdafiəçi Dövlət Büdcəsi hesabına vəsait ödənilməlidir. Belə ki, Azərbaycan Respublikası Cinayət Prosessual Məcəlləsinin 193.2-ci maddəsinə əsasən şübhəli və ya təqsirləndirilən şəxsin müdafiəçinin xidmətlərini ödəməyə kifayət qədər vəsaiti yoxdursa və müdafiəçinin cinayət prosesində iştirakı bu Məcəllənin 92.3-cü maddəsində nəzərdə tutulmuş hallarda təmin olunmalıdırsa, cinayət prosesini həyata keçirən orqan həmin şəxsə hüquqi yardımın göstərilməsini Azərbaycan Respublikasının Dövlət Büdcəsi vəsaiti hesabına təmin etməlidir. Həmin Məcəllənin 197.1.5-ci maddəsinə əsasən şübhəli və ya təqsirləndirilən şəxsə pulsuz hüquqi yardım göstərildiyi halda, cinayət prosesini həyata keçirən orqan tərəfindən təyin olunmuş müdafiəçiyə ödənilməli olan haqqın məbləği məhkəmə məsrəflərinə aiddir. “Müdafiəçilərə, tərcüməçilərə, mütəxəssislərə və ekspertlərə ödənilməli olan məbləğlərin miqdarı haqqında” Azərbaycan Respublikası Nazirlər Kabinetinin 1 fevral 2001-ci il tarixli 31 nömrəli Qərarının 1-ci bəndinə əsasən CPM-in 193.2, 193.4 və 194cü maddələrində nəzərdə tutulmuş hallarda hüquqi yardımın göstərilməsinə görə müdafiəçiyə (vəkilə) ödənilən haqq hər iş saatı üçün 6 manat məbləğində müəyyən edilmişdir. Təqsirləndirilən şəxs məhkəmə baxışı zamanı göstərilmiş hüquqi xidmətə görə Bakı şəhəri 08 saylı Vəkil Bürosunun vəkili Müdafiəçi ümumilikdə 15 iş saatına görə cəmi 90,00 (doxsan) manat məbləğində vəsait Azərbaycan Respublikasının Dövlət Büdcəsi hesabından Bakı şəhəri 08 saylı Vəkil Bürosunun hesabına köçürülməlidir. İş üzrə maddi sübut, mülki iddia yoxdur. Yuxarıda göstərilənlərə əsasən və Azərbaycan Respublikası CPM-nin 197-198, 344-349, 351, 356 və 383-385-ci maddələrini rəhbər tutaraq, məhkəmə hökmetdi: Təqsirləndirilən şəxs Azərbaycan Respublikası CM-nin 306.1-ci maddəsi ilə nəzərdə tutulmuş cinayət əməlini törətməkdə təqsirli bilinsin və ona 1 (bir) il müddətə azadlığdan məhrum etmə cəzası təyin edilsin. Cəzasını ümumi rejimli cəzaçəkmə müəssisəsində çəksin. Təqsirləndirilən şəxs barəsində seçilmiş başqa yerə getməmək barədə iltizam qətimkan tədbiri dəyişdirilərək barəsində həbs qətimkan tədbiri seçilsin və məhlkəmə iclas zalından dərhal həbs edilsin. Hökm qanuni qüvvəyə minənədək barəsində seçilmiş həbs qətimkan tədbiri dəyişdirilməsin. Cəza çəkməsinin əvvəli xx.xx.2023-cü il tarixdən hesablansın. Bakı şəhəri 08 saylı Vəkil Bürosunun vəkili Müdafiəçi tərəfindən Təqsirləndirilən şəxsnın hüquqlarının məhkəmə baxışı zamanı müdafiə edilməsinə görə cəmi 90,00 (doxsan) manat məbləğində vəsait Azərbaycan Respublikasının Dövlət Büdcəsindən tutularaq Bakı şəhəri 08 saylı Vəkil Bürosunun hesabına ("xxxx" ASC Xəzər filialı, kod 200178, VÖEN **********, m/h AZ 37NABZ**********0000001944, S.W.İ.F.T.BİK AİİBAZ2X, hesab AZ 35AİİB********************, VÖEN **********) köçürülsün. Hökmdən elan olunduğu andan 20 (iyirmi) gün müddətində Bakı şəhəri Pirallahı Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti və ya apellyasiya protesti verilə bilər. Hökmdən apellyasiya qaydasında protest və ya şikayət verilməmişsə, hökm həmin müddətin başa çatdığı vaxtdan sonrakı gün qüvvəyə minir. Sədrlik edən hakim Faiq Qasımov