Bakı Ağır Cinayətlər Məhkəməsi Hökm — İş №1(101)-162/2022

Azərbaycan Respublikası adından HÖKM Bakı şəhəri İş № 1(101)-162/2022 08.08.2022 BAKI ŞƏHƏRİ AĞIR CİNAYƏTLƏR MƏHKƏMƏSİ Bakı Ağır Cinayətlər Məhkəməsinin hakimi Hüseynov Cavid İbadulla oğlunun sədrliyi, hakimlər İsmayılov Eldar Herov oğlu və Əliyev Samir İmamverdi oğlundan ibarət tərkibdə, Hazıqov Əliqismət Nurəli oğlunun katibliyi, dövlət ittihamçıları - Azərbaycan Respublikası Baş X3 Müdafiəsi üzrə İdarənin Ağır Cinayətlər Məhkəmələrində Dövlət İttihamının Müdafiəsi üzrə Şöbəsinin Bakı Ağır Cinayətlər Məhkəməsi üzrə prokurorları, ədliyyə müşavirləri Dövlət ittihamçısı2, Dövlət ittihamçısı4, kiçik ədliyyə müşaviri Dövlət ittihamçısı3, İ dərəcəli hüquqşünaslar Dövlət ittihamçısı1, Dövlət ittihamçısı5, zərər çəkmiş şəxs Zərərçəkmiş şəxs1 və onun nümayəndəsi Nümayəndə1, zərər çəkmiş şəxs Zərərçəkmiş şəxs2 və onun nümayəndəsi Nümayəndə2, müdafiəçi - Azərbaycan Respublikası Vəkillər Kollegiyasının üzvü, Bakı şəhəri 18 saylı Vəkil Bürosunun vəkili Müdafiəçi1 iştirakları ilə Bakı Ağır Cinayətlər Məhkəməsinin inzibati binasında açıq məhkəmə iclasında xx xxxxxxx 1971-ci il tarixdə Tərtər şəhərində şəhərində anadan olmuş, Azərbaycan Respublikasının vətəndaşı, subay, orta-ixtisas təhsilli, fərdi əməklə məşğul olan, əvvəllər məhkum olunmamış, ünvan 1 ünvanında qeydiyyatda olan və ünvan 2aşamış, 21 fevral 2015-ci il tarixdə şübhəli şəxs qismində tutulmuş, 23 fevral 2015-ci il tarixdə barəsində “polisin nəzarəti altına vermə” qətimkan tədbiri seçilmiş, 28 iyun 2022-ci il tarixdə barəsində seçilmiş “polisin nəzarəti altına vermə” qətimkan tədbiri “həbs” qətimkan tədbiri ilə əvəz edilmiş və barəsində axtarış elan edilmiş, 16 iyul 2022-ci il tarixdə tutulmuş, faktiki 16 iyul 2022-ci il tarixdən həbsdə olan Təqsirləndirilən şəxs Azərbaycan Respublikası CM-nin 178.3.2 və 32.4, 312.1-ci maddələri ilə təqsirləndirilməsinə dair cinayət işinə baxaraq MÜƏYYƏN ETDİ: Təqsirləndirilən şəxs tamah məqsədilə qanunsuz və əvəzsiz olaraq etibardan suiistifadə etmə və ya atdatma yolu ilə özgənin əmlakını ələ keçirib xeyli və külli miqdarda ziyan vurmaqla təkrarən dələduzluq, həmçinin xidməti vəzifəsinin (səlahiyyətlərinin) icrası ilə əlaqədar hər hansı hərəkətin edilməsi və ya belə hərəkətin edilməsindən imtina olunması müqabilində vəzifəli şəxsə onun özü və ya üçüncü şəxslər üçün birbaşa və ya dolayı yolla, şəxsən və ya vasitəçidən istifadə etməklə maddi nemətin təklif olunması, vəd edilməsi və ya verilməsinə təhrik etmə cinayət əməllərini törətmişdir. Belə ki, Təqsirləndirilən şəxs etibardan sui-istifadə etmə və ya aldatma yolu ilə özgənin əmlakını ələ keçirmə məqsədilə, tanışı Zərərçəkmiş şəxs2 külli miqdarda əmlakını əvəzsiz və qanunsuz olaraq hissə-hissə öz mülkiyyətinə keçirməkdən ötrü Zərərçəkmiş şəxs2 müxtəlif vədlərlə aldadaraq sonuncunun etibarından sui-istifadə edib hissə-hissə olmaqla, yəni əvvəlcə 05 iyul 2014-cü il tarixdə ünvan 3 ünvanında bir həftə ərzində geri qaytaracağına dair yalan vəd verərək borc adı ilə özündən əlbəəl 10 000 (on min) manat, 15 iyul 2014-cü il tarixdə Tərtər şəhəri, Ə.Paşayev küçəsində yerləşən “Elektromexanika” zavodunun yaxınlığında guya xarici ölkədən gətirdiyi malların gömrük rüsumlarına, nəqliyyat və sair xərclərinə sərf edəcəyini, həmin malları sataraq ondan ilkin olaraq aldığı 10 000 manat pul ilə birlikdə qısa müddətə geri qaytaracağına dair yalan vəd verib, əks təqdirdə pullarını geri qaytara bilməyəcəyini yalandan bildirib özündən əlbəəl 12 000 (on iki) manat, 25 iyul 2014-cü il tarixdə Tərtər şəhəri, Ə.Paşayev küçəsində yerləşən “Elektromexanika” zavodunun yaxınlığında guya xarici ölkədən gətirdiyi malların gömrük rüsumlarına, nəqliyyat və sair xərclərinə sərf edəcəyini, həmin malları sataraq ondan daha əvvəl aldığı 22 000 manat məbləğində pullar ilə birlikdə qısa müddətə geri qaytaracağına dair yalan vəd verib, əks təqdirdə pullarını geri qaytara bilməyəcəyini yalandan bildirib Zərərçəkmiş şəxs2 sonuncunun tanışı X13 vasitəsilə 7 000 (yeddi) manat, 03 avqust 2014-cü il tarixdə tanışı ünvan 3 ünvanında guya xarici ölkədən gətirdiyi malların gömrük rüsumlarına, nəqliyyat və sair xərclərinə sərf edəcəyini, həmin malları sataraq ondan aldığı 29 000 manat məbləğində pullar ilə birlikdə qısa müddətə geri qaytaracağına dair yalan vəd verib, əks təqdirdə pullarını geri qaytara bilməyəcəyini yalandan bildirib Zərərçəkmiş şəxs2 sonuncunun tanışı Cavid Əliyevin vasitəsilə 8000 (səkkiz min) manat, 10 avqust 2014-cü il tarixdə tanışı ünvan 3 ünvanında guya xarici ölkədən gətirdiyi malların gömrük rüsumlarına, nəqliyyat və sair xərclərinə sərf edəcəyini, həmin malları sataraq ondan aldığı 37 000 manat məbləğində pullar ilə birlikdə qısa müddətə geri qaytaracağına dair yalan vəd verib, əks təqdirdə pullarını geri qaytara bilməyəcəyini yalandan bildirib Zərərçəkmiş şəxs2 sonuncunun tanışı Cavid Əliyevin vasitəsilə 4.000 (dörd min) manat, 20 avqust 2014-cü il tarixdə ünvan 3 ünvanında guya xarici ölkədən gətirdiyi malların gömrük rüsumlarına, nəqliyyat və sair xərclərinə sərf edəcəyini, həmin malları sataraq ondan aldığı 41.000 manat məbləğində pullar ilə birlikdə qısa müddətə geri qaytaracağına dair yalan vəd verib, əks təqdirdə pullarını geri qaytara bilməyəcəyini yalandan bildirib Zərərçəkmiş şəxs2 sonuncunun tanışı Şahid14 Əlövsət oğlunun vasitəsilə 7.000 (yeddi min) manat, sonuncu dəfə isə 24 avqust 2014-cü il tarixdə ünvan 3 ünvanında guya xarici ölkədən gətirdiyi malların gömrük rüsumlarına, nəqliyyat və sair xərclərinə sərf edəcəyini, həmin malları sataraq ondan aldığı 48.000 manat məbləğində pullar ilə birlikdə qısa müddətə geri qaytaracağına dair yalan vəd verib, əks təqdirdə pullarını geri qaytara bilməyəcəyini yalandan bildirib Zərərçəkmiş şəxs2 sonuncunun qızı Şahid11 vasitəsilə 2600 ABŞ dolları, həmin dövrün məzənnəsi ilə 2039,44 (iki min otuz doqquz manat qırx dörd qəpik) vahid niyyətlə əhatə olunan qəsdlə ümumilikdə 50039,44 (əlli min otux doqquz manat qırx dörd qəpik) manat məbləğində pulu alıb ələ keçirmiş, verdiyi vədlərə əməl etməyərək Zərərçəkmiş şəxs2 külli miqdarda ziyan vurmaqla dələduzluq etmişdir. Bundan başqa, Təqsirləndirilən şəxs etibardan sui-istifadə etmə və ya aldatma yolu ilə özgənin əmlakını ələ keçirmə məqsədilə, təkrarən, tanışı X5 barəsində Azərbaycan Respublikası Cinayət Məcəlləsinin 213.2.2-ci maddəsi ilə cinayət təqibi aparılmasını və Bakı şəhər Yasamal rayon Məhkəməsinin 24 oktyabr 2014-cü il tarixli qərarı ilə “həbs” qətimkan tədbiri seçilməsini bilib, sonuncunun arvadı Şahid12 xeyli miqdarda əmlakını əvəzsiz və qanunsuz olaraq öz mülkiyyətinə keçirməkdən ötrü, Şahid12 hüquq-mühafizə və məhkəmə orqanlarında işləyən səlahiyyətli vəzifəli şəxslərdən tanışlarının olmasını, həmin tanışlarının vasitəsilə X27 rayon Məhkəməsində cəzadan azad etmək kimi imkana malik olduğunu yalandan bildirib, həmin vəzifəli şəxslərə xidməti vəzifəsinin (səlahiyyətlərinin) icrası ilə əlaqədar Fərrux Bayramovun xeyrinə edəcəkləri bilə-bilə qanunsuz hərəkətə görə, yəni cəzadan azad edilməsi üçün birbaşa yolla özü vasitəsilə maddi nemət olan 2.500 manat pulun verilməsi müqabilində həmin məsələni müsbət həll edəcəyini yalandan vəd verib, Şahid12 aldadaraq, sonuncunun xeyli miqdarda əmlakını əvəzsiz və qanunsuz olaraq öz mülkiyyətinə keçirməkdən ötrü özünə olan inamdan və aralarında yaranmış etibarlı münasibətdən istifadə edərək sözügedən işləri müvəffəqiyyətlə icra edə biləcəyinə dair obyektiv gerçəkliyə uyğun olmayan fikir formalaşdırmış, həmin məqsədlə hissə-hissə olmaqla, yəni 2015-ci ilin fevral ayının əvvələrində müəyyən edilməmiş gündə Bərdə şəhəri, Bakı küçəsində yerləşən “Təzə məhəllə”də fərdi yaşayış evində 2.500 (iki min beş yüz) manat pulu özündən əlbəəl, daha sonra cinayət əməlini davam etdirərək vahid niyyətlə əhatə olunan qəsdlə hiss-hissə olmaqla, 2015-ci ilin mart ayının əvvələrində müəyyən edilməmiş gündə həmin fərdi yaşayış evində 5.500 (beş min beş yüz) manat pulu özündən əlbəəl, 2015-ci ilin mart ayının sonlarında müəyyən edilməmiş gündə həmin fərdi yaşayış evində 8.000 (səkkiz min) manat pulu özündən əlbəəl, 2015-ci ilin aprel ayında istintaqla müəyyən edilməmiş gündə həmin fərdi yaşayış evində 5900 (beş min doqquz yüz) manat pulu özündən əlbəəl, 29 may 2015-ci il tarixdə Şahid12 sonuncunun oğlu X7 adından "xxxx" ASC-nin Bərdə rayon filialından öz adına pul köçürmə sistemi vasitəsilə göndərilmiş 4.100 (dörd min yüz) manat pulu, sonuncu dəfə isə 06 avqust 2015-ci il tarixdə Şahid12 sonuncunun tanışı X6 adından "xxxx" ASC-nin Bərdə rayon filialından öz adına pul köçürmə sistemi vasitəsilə göndərilmiş 3.000 (üç min) manat pulu, vahid niyyətlə əhatə olunan qəsdlə ümumilikdə 29.000 (iyirmi doqquz min) manat məbləğində pulu ələ keçirib, verdiyi vədlərə əməl etməyərək Şahid12 xeyli miqdarda ziyan vurmaqla təkrarən dələduzluq etmiş və vəzifəli şəxsə xidməti səlahiyyətlərinin icrası ilə əlaqədar Fərrux Bayramovun xeyrinə edəcəyi biləbilə qanunsuz hərəkətin müqabilində birbaşa yolla özü vasitəsilə maddi nemət olan 29.000 manat pul vəsaitinin rüşvət qismində verilməsinə Şahid12 təhrik etmişdir. Bundan başqa o, etibardan sui-istifadə etmə və ya aldatma yolu ilə özgənin əmlakını ələ keçirmə məqsədilə, təkrarən, tanışı Zərərçəkmiş şəxs1 xeyli miqdarda əmlakını əvəzsiz və qanunsuz olaraq öz mülkiyyətinə keçirməkdən ötrü, guya dayısının Bakı şəhəri və Abşeron rayonu ərazisində müxtəlif ünvanlarda bina tikintisi ilə məşğul olması barədə həqiqətə uyğun olmayan məlumat verib Zərərçəkmiş şəxs1 inandırdıqdan sonra sonuncuya oğlu Şahid1 üçün Bakı şəhərində və Abşeron rayonunda yeni tikilən binalardan real bazar dəyərindən daha ucuz qiymətə mənzil almağa köməklik edəcəyinə dair yalan vəd verib aldatmış, etibardan sui-istifadə edərək həmin məqsədlə hissə-hissə olmaqla, əvvəlcə 2015-ci ilin dekabr ayında istintaqla müəyyən edilməyən gündə ünvan 5 ünvanda yerləşən “Diqlas” ticarət mərkəzində ilkin ödəniş adı ilə 7.000 manat əlbəəl özündən, daha sonra eyni məqsədlə 2017-ci ilin yay aylarına qədər olan müddət ərzində müxtəlif vaxtlarda və yerlərdə hər dəfə 1800 manat olmaqla 21.000 manat əlbəəl özündən, sonuncu dəfə isə 2017-ci ilin avqsut ayında istintaqla müəyyən edilməyən gündə Bakı şəhəri, Nərimanov rayonu ərazisində yerləşən “Atəş” restoranında Zərərçəkmiş şəxs1 sonuncunun oğlu Şahid1 vasitəsilə 15.000 manat olmaqla, vahid niyyətlə əhatə olunan qəsdlə ümumilikdə 43.000 (qırx üç min) manat məbləğində pulu alıb ələ keçirmiş, verdiyi vədlərə əməl etməyərək Zərərçəkmiş şəxs1 xeyli miqdarda ziyan vurmaqla təkrarən dələduzluq etmişdir. Qeyd olunan bu hərəkətləri ilə Təqsirləndirilən şəxs Azərbaycan Respublikası CMnin 178.3.2 və 32.4, 312.1-ci maddələrində nəzərdə tutulmuş cinayət əməlini törətmişdir. Təqsirləndirilən şəxs münasibətdə Azərbaycan Respublikası Cinayət Məcəlləsinin 178.3.2 və 32.4, 312.1-ci maddələri ilə irəli sürülmüş ittiham üzrə məhkəmə baxışına təqdim edilmiş sübutlar məhkəmə iclasında hərtərəfli, tam və obyektiv araşdırılmış, onun etibardan sui-istifadə etmə və aldatma yolu ilə zərər çəkmiş şəxslərin külli və xeyli miqdarda əmlakını ələ keçirmədə ehtiva olunan dələduzluq və həmçinin xidməti vəzifəsinin (səlahiyyətlərinin) icrası ilə əlaqədar hər hansı hərəkətin edilməsi və ya belə hərəkətin edilməsindən imtina olunması müqabilində vəzifəli şəxsə onun özü və ya üçüncü şəxslər üçün birbaşa və ya dolayı yolla, şəxsən və ya vasitəçidən istifadə etməklə maddi nemətin təklif olunması, vəd edilməsi və ya verilməsinə təhrik etmə cinayətini törətməkdə təqsirliliyi araşdırılan mötəbər və təkzibolunmaz sübutlarla öz təsdiqini tapmışdır. Belə ki, cinayət işinə məhkəmə baxışı zamanı təqsirləndirilən şəxs qismində dindirilən Təqsirləndirilən şəxs ona qarşı Azərbaycan Respublikası CM-nin 178.3.2-ci maddəsi ilə irəli sürülmüş ittiham üzrə özünü təqsirli bilmədi və ifadəsində göstərdi ki, işdə zərər çəkmiş şəxs qismində tanınmış Zərərçəkmiş şəxs2 təxminən 10-15 il müddətində tanımışdır. Almazgilin yaşadığı ünvan mərhum həyat yoldaşı Elşad Quliyevin qardaşı Tofiqin qonşusudur. Təxminən 5-6 il əvvəll ilk dəfə o, kredit paltar, qab-qaşıq və sair mallar gətirərək bəzi binaların qarşısında və mənzillərində satırmış. Almaz da ondan bir neçə dəfə xırda mallar almış və bundan sonra yavaş-yavaş onunla Almaz arasında münasibətlər yaranmışdır. Bundan sonra, təxminən 2-3 il əvvəl alver edəndə Almazdan borca (sələmə) pul götürmü və razılaşmaya əsasən aldığı pulların aylıq faizini ona vermişdir. Təqsirləndirilən şəxs ifadəsinin davamında göstərdi ki, bir neçə il əvvəl həyat yoldaşı Elşad Quliyev avtomobil qəzasına düşdüyü üçün onlara pul lazım olmuş, o, Zərərçəkmiş şəxs2 yanına gedərək 2200 manat üstü 240 manat sələmələ borca pul almışdır. Həmin pulun üstünü və 1100 manatını qaytardıqdan sonra həyat yoldaşı Elşad Quliyev üzərində narkotik vasitə saxladığı üçün həbs olunmuşdur. Buna görə də Zərərçəkmiş şəxs2 guya ona yaxşılıq edərək təmannasız olaraq Elşad həbsdən çıxdıqdan sonra onun pulunu özü, yəni aralarında qalan 1150 manatı qaytarmasını ona bildirmişdir. O da Almaza təşəkkür edərək razılığını bildirmişdir. 7 aydan sonra Elşad həbsdən çıxmış və o, Almaza onu lotereyaya salıb borclu olduğu 1150 manatı lotereyadan götürməsini təklif etmiş, Almaz da onunla razılaşmışdır. Sonra isə lotereya vasitəsi ilə borclu olduğu 1150 manatı Zərərçəkmiş şəxs2 götürmüşdür. Bundan sonra onların münasibətləri daha da yaxşılaşmışdır. təxminən bir il əvvəl Şəhla adında Tərtər şəhər sakini ondan sələmə pul istəmiş, o da Almazdan sələmə 800 manat pul götürüb Şəhlaya vermiş, əvəzində isə özünə məxsus qızıl əşyaları və bankomat kartını girov qoyulmuşdur. Təqsirləndirilən şəxs ifadəsinin davamında göstərdi ki, xeyli müddət sonra, 2014-cü ilin təxminən aprel-may aylarında o, toyuq alverinə başlamaq qərarına gəlmiş, buna görə də Almazdan borca üstü 300 manat olmaqla 3000 manat pul almışdır. Alveri baş tutmuş və o, həmin pulu alver hesabına qaytarmışdır. Daha sonra o, Bakıda Sabunçu bazarında alver etmək məqsədi ilə Almazdan 1200 manat sələmə pul almışdır. Sonra alverin yaxşı getdiyini görüb, yenə də Almazdan üstü 100 manat olmaqla 1000 manat pul götürmüşdür. Toyuqları Tərtər rayon sakinləri Ramin və Maarif adlı şəxslərdən alaraq rayon avtobusu ilə Bakı şəhərinə gətirmiş, lakin yay ayı olduğundan toyuqların hamısı avtobusda tələf olmuşdur. Ramin ona yayda toyuq alveri etməməyi tövsiyyə edib ziyana düşə biləcəyini desə də o, Raminin sözünə baxmayaraq yenə də toyuq alveri ilə məşğul olmaqda davam etmişdir. Axırıncı dəfə 200 ədəd toyuq və 70 ədəd hinduşka apararkən toyuqların hamısı Tərtər və Bərdə rayonu ərazisində istidən ölmüşdür. Xeyli sayda da toyuqları isə sürücülər kəsmiş, o, kəsilmiş toyuqları götürüb Bakıya aparmışdır. 2-3 ay toyuq alveri ilə məşğul olduqdan sonra təmiz ziyana düşdüyünü görüb bu alveri dayandırmışdır. Amma hər ay Almazdan aldığı pulların üstünü, yəni Almaza verəcəyi xeyiri ödəmişdir. Təqsirləndirilən şəxs ifadəsində daha sonra göstərdi ki, bu dəfə meyvə alveri ilə məşğul olmağı fikirləşmiş və bu məqsədlə 2014-cü ilin iyun ayının ortalarında yenə də Almazın yanına gedərək ona meyvə alveri etdiyini bildirmiş və ondan həftəlik 5500 manat borc almış, ona həftəlik 10 faiz, yəni 550 manat ödəyəcəyinə söz vermişdir. Bundan sonra o, Goranboy rayonunun Goran qəsəbəsindən ərik, gilas, gilənar meyvələri alaraq aparıb Bakı şəhərində “Vasmoy” adlanan bazarda satmışdır. Alverdən sonra Tərtər rayonuna gedərək Almazdan götürdüyü 5500 manat pulu aparıb yaşadığı evdə ona qaytarmışdır. Onun Almaza təkcə toyuq alverindən 2200 manat borcu qalmış, lakin hər ay ona 220 manat faiz məbləği ödəmişdir. Bir neçə gün sonra o, yenədə Almazdan borca 7500 manat bir həftəlik pul almış və həftəlik 750 manat ona əlavə qazanc verəcəyinə söz vermişdir. O, yenədə Goranboy rayonunun Goran qəsəbəsindən müxtəlif meyvələr alaraq həmin meyvələri yenə də “Vasmoy” adlana bazarda topdan satmış, yenə də alverdən qayıdan kimi Tərtərdə Elektromexanika zavodunun yanında Almaza zəng edərək götürdüyü 7500 manat pulu və 750 manat faiz borcunu tam şəkildə qaytarmışdır. Toyuq alverindən borclu qaldığı 2200 manatın aylıq 220 manatını Almaza ödəməkdə davam etmişdir. 2-3 gün sonra o, yenə də Almaza mobil telefonla zəng edərək ondan 8500 manat pul istəmiş, əvvəlcədən razılaşdıqları kimi ona həftəlik 850 manat, yəni 10 fiiz xeyir verəcəyinə söz vermişdir. Almaz heç vaxt xeyirindən qaçmamış, bu dəfə də Tərtər rayonunda Elektromexanika zavodunun yanında ona 8500 manat pul vermişdir. Yenə də müxtəlif meyvələr alıb Bakıya aparıb “Vasmoy” adlanan bazarda topdan satmışdır. Təxminən 1 həftə sonra həmin pulu yəni Almaz xaladan götürdüyü 8500 manat pulu və üstü 850 manatı Tərtər rayonunda Elektromexanika zavodunun yanında Almaz xala ilə görüşərək ona qaytarmışdır. Ancaq toyuq alverindən 2200 manat əsas məbləği borclu qalmış, lakin 220 manat faiz borcunu hər ay ödəmişdir. Bundan başqa, Təqsirləndirilən şəxs ifadəsində daha sonra göstərdi ki, bəzi meyvələrin sezonu qurtardığından o, Bakı şəhərində “Vasmoy” adlana bazarda aylıq kirayəsi 700 manat olmaqla bir mağaza götürmüş, 2014-cü ilin təxminən sentyabr ayının əvvəllərində o, Almaza mobil telefonla zəng edərək alver etmək məqsədilə ona pul göndərməsini xahiş etmişdir. Almaz imtina etməmiş, 2-3 dəfə ümumilikdə 15000 manat pulu ona qonşusu kimi tanıdığı, taksi fəaliyyəti ilə məşğul olan Cavid adlı şəxsin vasitəsi ilə “Kapital” və “Texnika" bankların Tərtər rayon filialı vasitəsi ilə həmin bankların Bakı şəhərində yerləşən filiallarına göndərmişdir. O da Cavidin vasitəsi ilə Almaza bir dəfə 5000 manat, bir dəfə isə 7000 manat qaytarmış, lakin həmin pulları təkrarən Almazdan istəmiş, sonuncu yenə də eyni qaydada Cavidin bank vasitəsi ilə ona göndərmişdir. Sonra o, meyvə alverində soyuducu malı götürdüyü üçün 15000 manatın hamısını batırmışdır. Belə ki, soyuducu malını uzun müddət saxlamaq mümkün olmamışdır. Lakin o, bu barədə Almaza heç nə deməmişdir. Sonra o, batırdığı pulu çıxarmaq üçün Amilin vasitəsi ilə Almazdan 10.000 manat pul almış, Amil həmin pulu ona Tərtər şəhəri, Ə.Paşayev küçəsində, kirayədə yaşadığı evin yanında vermişdir. Bundan sonra yenə də kirayə götürdüyü mağazaya meyvə alaraq satmaq istəmiş, lakin yenə də bütün malları xarab olduğu üçün batırmışdır. Bundan sonra o, çarəsiz qaldığı üçün Almaza zəng edərək pulların hamısını alverdə batırdığını demiş, başına gələnləri ona danışmışdır. Almaza ona 27 min manat borcu qaldığını xatırlatdıqda, sonuncu bunu qəti şəkildə qəbul etməmiş, ona 48 min manat verəcəyi olduğunu demişdir. O, Bakı şəhərində olarkən Almazın qızı Nahidə ona zəng edib onu təcili Tərtərə dəvət etmişdir. Aradan 2 gün keçdikdən sonra o, Tərtər şəhərinə getmiş, Almaza zəng edərək onunla onların yaşadığı binanın qarşısında görüşmüşdür. Söhbət əsnasında o, Almaza nə qədər pul verdiyini bildirib, 48 min manat borcu izah etməyi tələb etdikdə, Almaz bilmədiyini demiş, yalnız Tofiqin, yəni ərinin biləcəyi təqdirdə öləcəyini demişdir. O, borclarını qaytara bilməsi üçün işləyəcəyini demiş, yenə də Almazdan borca pul istəmişdir. Lakin Almaz pul olmadlığını, nə varsa ona verdiyini demişdir. Aradan qısa bir müddət keçdikdən sonra Almazın qızı Nahidə ona zəng edərək evlərinə dəvət etmiş, o, növbəti gün Almazgilə getmişdir. Almazgildə Nahidə ona qəzəbli şəkildə 48.000 manat pulu verməyəcəyi təqdirdə qızının başına oyun açacağı, övladlarından hansınısa özünün öldürəcəyi iəl hədələmişdir. O da qorxusundan Nahidəyə “nə deyirsiznizsə edərəm, təki mənim övladlarımla, ailəmlə işiniz olmasın” sözlərini demiş, hətta ona müəyyən miqdarda yenə də pul verərlərsə, təzədən «fura»lardan mal götürüb, alver edib, yerdə qalan pulları da qaytara biləcəyini onlara demişdir. Həmin vaxt razılıq əldə olunduqdan sonra o, Nahidədən 2600 ABŞ dolları pul götürmüş, Bakıya gəlib şəhərinə qayıtdıqda o, yerdə qalan meyvələrin də xarab olduğunu görmüşdür. Həmin 2600 dollara yenə də mal vurmuş, lakin həmin malı da batıraraq Tərtər şəhərinə qayıtmış və bu barədə də Almaza və Nahidəyə demişdir. Bundan sonra da Nahidənin ona, onun uşaqlarına qarşı hədə və təhdidləri davam etmiş, sonuncu artıq hirsini cilovlaya bilmədiyini demişdir. O da Nahidəyə ölənəcən işləyib borclu olduğu pulu qaytaracağına söz vermişdir. Nahidə isə atası xəbər tutmamış pulu az-az verməyi bildirmişdir. Bundan sonra Almazla qızı ona notariusa gedib borcu qəbul edib qol çəkməyi təklif etmiş, əks təqdirdə çox pis olacağını demişlər. O da möhlət götürməsi üçün 48 min deyil, lap 100 min manata da qol çəkə biləcəyini demiş, təki övladlarını bu işə qatmamalarını istmişdir. Odur ki, məcbur qalıb öz ərinin, Almazın ərinin bilməməsi, uşaqlarına bir şey olmaması üçün onların dediyi kimi etmiş, Almaz və Nahidə ilə notariusa gedib müqavilə bağlamış, yazdırdıqları kimi 48.000 manat borcu qəbul etmişdir. Notarius Nahidəgildən ona bir az vaxt verilməsini xahiş etmiş, əks təqdirdən həmin müddətdə onun qeyd olunan məbləği qaytara bilməyəcəyini demişdir. Nahidə isə ona “burada nə var ki, bunları atama sübut etmək üçün istəyirik. Sən də hissə-hissə ödəyərsən” demişdir. Buna görə də o, məcbur qalaraq həmin müqaviləni imzalamışdır. Sonra Nahidə ona yenə də “özün öz sözlərinlə telefonun kamerası qarşısında denən, mən də çəkib atama göstərəcəm” demişdir. O da Nahidə ilə razılaşaraq heç bir tərəddüt etmədən kamera qarşısında onun dediyi kimi 48 min manat və 2600 dollar pulu etiraf etmişdir. Tofiq bunları bildikdən sonra onun barəsində şikayət etmişlər. Onun Zərərçəkmiş şəxs2 cəmi 27 min manat, qızı Nahidəyə isə 2600 dollar borcu qalmışdır. O, Zərərçəkmiş şəxs2 olan borcundan 13900 manat bir dəfə, 2000 manat bir dəfə qaytarmış, Bir dəfə isə çox bahalı olan qızıllarını ona pul əvəzinə vermişdir. Almaz qızıllara cəmi 800 manat dəyər qoymuş, o da məcburiyyət qarşısında qəbul edəsi olmuşdur. O, Almaza cəmi 16700 manat pul qaytarmış, 10300 manat isə borclu qalmışdır. Ancaq Zərərçəkmiş şəxs2 onun qaytardığı pulları öz dəftərinə yazmamış, borcunun üstünə isə 27 min manat əlavə gəlmişdir. 48.000 manat və 2600 dollar borcu isə ona hədə-qorxu gəlməklə etiraf etdirmişlər. Təqsirləndirilən şəxs digər epizod üzrə ifadəsində göstərdi ki, Şahid12 onun həyat yoldaşı Fərrux Bayramova görə tanımışdır. Belə ki, Fərrux Bayramov əvvəllər tez-tez onun yanına falına baxdırmaq üçün gəlib-gedən zaman tanımış və münasibətləri yaxşı olmuşdur. 2015-ci ilin fevral aylarının təxminən əvvəllərində ona Fərruğun vergi cinayəti ilə bağlı həbs olunduğu məlum olmuşdur. O, həmin məsələ ilə maraqlanmaq üçün onun yaşadığı Bərdə şəhəri, Bakı küçəsi, təzə məhəllədə yerləşən evinə getmişdir. Həmin vaxtı onun evində həyat yoldaşı Kifayət və baldızı Şəhla da olmuşdur. O, onlarla Fərruxun işi barəsində maraqlanan zaman Kifayət ona Fərruxa kömək etmək üçün adam lazım olduğunu demişdir. O isə Kifayətə belə bir adam olduğunu demiş, bu işi qurtarmağın mümkün olduğunu bildirmişdir. Həmin vaxtı o, onlardan ilk olaraq 2500 manat pul almış, yerdə qalan məbləği də danışıb onlara xəbər edəcəyini bildirmişdir. Bundan sonra o, onlardan çıxıb Bakı şəhərinə getmiş, orada bir nəfər tanışı ilə danışmış, həmin şəxs də ona “qoy işi danışım, kimə nə çatacaq sənə deyəcəm”demişdir. Sonra isə adını çəkmək istəmədiyi həmin şəxs ona bu işi 29 min manata qurtarmağın mümkün olduğunu demişdir. O da zəng edib bu barədə Kifayətə demiş, sonra isə Bərdə şəhərinə gələrək Kifayətdən onun yaşadığı evdə 5500 manat pul almışdır. Sonra isə işin həll olunması üçün 2015-ci ilin mart ayının axırlarında Kifayətin yaşadığı Bərdə şəhəri, Bakı küçəsində yerləşən evdə 8000 manat, yenə də 2015-ci ilin aprel ayının ortalarında ekspertiza xərci üçün 10000 manat pul almışdır. Qalan 3000 manatı isə o, 2015-ci ilin avqust ayının əvvəllərində Kifayətin qayını Bədir ona Kapital bank vasitəsi ilə göndərmişdir. O, Fərrux Bayramovu həbsdən qurtarmaq məqsədilə 2015-ci ilin fevral ayının əvvəllərindən 2015-ci ilin avqust ayının əvvəllərinə kimi Fərruğun həyat yoldaşı Şahid12 ümumilikdə 29 min manat pul almışdır. Sonra isə o, Kifayətə Baş prokurorun qohumu Raminin ona dediklərini, yəni Ədliyyə Nazirinin oğlu Nicat adlı şəxsin xarici ölkədə olduğunu demiş, məhkəmə prosesini iyul ayının 6-a kimi saxlanılmasını tapşırmışdır. Onlar isə ona prosesin dayanmasının qeyri-mümkün olmasını demişdir. 02 iyul 2015-ci il tarixdə isə Fərruxa məhkəmənin qərarı ilə 4 il müddətində azadlıqdan məhrum edilmişdir. 2015-ci ilin iyul ayının 6-da Ramin ona zəng edib Nicatın gəldiyini bildirmiş, adamlarına xəbər edib gəlmələrini tapşırmış, Nicat müəllim onları görmək istədiyini bildirmişdir. O da bu barədə Kifayətə desə də, heç biri onun yanına getməmişdir. Kifayət isə onların vəkilinin Nicatın yanına getməsini istəmişdir. O isə vəkil X24 şəhərində görüşüb söhbət edən zaman Müşviq getməkdən imtina etmişdir. Sonra isə onlar yəni Kifayət və Bədir 29 min manat pullarını ondan tələb etməyə başlamış, əvvəl 10 min manatını nəğd istəmiş, sonrasına isə baxacaqlarını demişlər. O da onlara ekspertizaya verilən 10 min manatı geri qaytaracağına söz vermişdir. Sonradan Ramin onların verdiyi 29000 manatdan 26000 qaytarmış, o da həmin pulu Kifayətgilə vermişdir. Cəmi 3000 manat borcu qalmışdır. Həyat yoldaşı rəhmətə getdiyinə görə isə Kifayətin əri həmin 3000 manat pulu ona bağışlamışdır. Təqsirləndirilən şəxs digər epizod üzrə ifadəsində göstərdi ki, o, Zərərçəkmiş şəxs1 tanışı Nübar vasitəsilə tanımışdır. Belə ki, Validə Cəlilabad rayonunda həkim kimi fəaliyyət göstərmiş, o da həmin vaxtlar “Vipline” şirkətində işləmiş, həmin şirkətin müxtəlif məhsullarını satmaqla məşğul olmuşdur. Validə də onun müştərisi olmuşdur. Validə ondan müxtəlif məişət əşyaları, kosmetik vasitələr və s. almışdır. Validə ilə tanış olduqdan sonra onunla münasibətləri çox yaxın olmuşlar. O, ticarətlə məşğul olduğu üçün 2015-ci ilin dekabr ayında Validəyə müraciət edərək ondan borc istəmiş, ticarətlə məşğul olmaq üçün ona pul lazım olduğunu demişdir. Əlində kifayət qədər vəsait olmadığından o, Validədən borc götürməyə başlamışdır. O, təxminən 2015-ci ilin sonlarından 2017-ci ilin avqust ayına qədər 2 il müddətində Validədən onun Cəlilabad rayonunda yerləşən evində borc almışdır. Validə ondan həmin pulları tələb etmədiyindən o, Validəyə ödəniş etməmişdir. Validədən aylıq 300, 500 manat kimi müxtəlif məbləğlərdə borc pullar alırmış. 2017-ci ilin avqust ayına qədər o, Validədən ümumilikdə 21.000 manat məbləğində borc pul almışdır. Validə də ondan həmin pulu istəməmişdir. 2017-ci ilin dekabr ayında özünün həyat yoldaşı vəfat etdiyi üçün onun mobil telefonları müvəqqəti bağlı olmuşdur. Validə onunla əlaqə saxlaya bilmədiyi üçün barəsində şikayət etmiş, şikayətində guya ondan onlara ev almaq məqsədilə 43.000 manat pul aldığını bildirmişdir. Təqsirləndirilən şəxs həmin epizod üzrə ifadəsində göstərdi ki, onun Validə ilə arasında ev məsələsi olmamış və Validədən ev almaq üçün pul almamışdır. Əsil həqiqətdə isə məsələ başqa cür olmuşdur. Validə ona bir nəfər baxıcıya 40000 manat pul verdiyini bildirmiş, lakin bunu uşaqlarından gizlətdiyini demişdir. Övladları isə onun əlaqələrini kəsmişlər. Validə ona ümumilikdə 21000 manat pul vermiş, başqa-başqa şəxslərə əməl etdirməyi tapşırmışdır. O da tapşırıq üzrə Validənin pullarını Tərtərdə tanıdığı cindara vermiş, cadular yazdırmışdır. Ona 43000 manat pul verdiyini isə Validə yalandan bildirmişdir. Onunla aralarında ev alqı-satqısı olmamışdı. O, Validəyə həmin puldan 5600 manat pul qaytarmış, 15400 manat borcu qalmışdır. O, hətta həmin puldan ödəniş etmək istəmiş, lakin Validə telefonlarıma cavab verməmişdir. Məhkəməyədək icraat mərhələsində isə əsil həqiqəti deməmiş, Zərərçəkmiş şəxs1 ona verdiyi 21.000 manat pulu borc məqsədilə ona verdiyini bildirmişdir. Həqiqətən də Validə oğluna ev almaq istəmiş və münasib bir ev olduğu təqdirdə, ona deməyi də xahiş etmişdi. O da Xırdalanda münasib ev olduğunu Validəyə demişdir. Validənin oğlu, yeznəsi, Validə özü və o, birlikdə gedib evə baxmışlar. Ev “Kristal Abşeron” şirkətinin binasında olmuş, lakin Validəgil baxıb evi bəyənməmişlər. Nə ev göstərmişsə, onlar bəyənməmişlər. Həmin vaxt Validə oğluna onu xəstəsi kimi təqdim etmişdir. Lakin “Kristal Abşeron” şirkətinin sahibi ilə onun heç bir tanışlığı olmamış, Validəgil ev almaq üçün ona heç bir məbləğdə pul verməmişlər. Cinayət işinə məhkəmə baxışı zamanı zərərçəkmiş şəxs qismində dindirilən Zərərçəkmiş şəxs1 ifadəsində göstərdi ki, 2011-ci ildən Cəlilabad rayon X4 həkim kimi fəaliyyət göstərir. 2015-ci ilin yay aylarında tanışı Nubar Həsənova ona müraciət edərək Sevinc adlı bir tanışının olmasını və ona müalicə olunmaqda köməklik etməyini ondan xahiş etmişdir. O da problem olmadığını, əlindən gələn köməkliyi göstərə biləcəyini bildirmişdir. Nubar onu Təqsirləndirilən şəxs ilə tanış etmiş, o, bir həkim kimi Sevincə köməklik etməyə və onu evində yaxını kimi müalicə etməyə başlamışdır. Sevinc də hər dəfə gəldikdə bir pasiyent kimi ondan çox razı qaldığını bildirmiş, hər dəfə onun borcudan necə çıxacağı ilə bağlı fikirlər bildirmişdir. Sevinclə onun münasibətləri yaxşıya doğru getmişdir. Bir dəfə Sevinc onun yanına gəldikdə onunla söhbət zaman o, oğlu Şahid1 Bakı şəhərində işlədiyini və kirayə yaşadığını bildirmiş, Elvinə Bakı şəhərində mənzil almaq fikri olduğunu demişdir. Həmin vaxt Sevinc ona dayısı Bəylər adlı şəxsin Bakı şəhərində "xxxx" MTK-nın sahibi olduğunu, lazım olacağı təqdirdə ucuz qiymətə evlər təşkil edə biləcəyini demişdir. Hətta Sevinc onun yanında olan zaman kimlərəsə zəng vuraraq onlara ucuz qiymətə ev təşkil etdiyini bildirmişdir. Həmin şəxslər də ona təşəkkür etmişlər. O da buna görə Sevincə çox inanmışdır. Sevinc dayısının Əhmədli qəsəbəsində, Günəşli qəsəbəsində, Qara Qarayev metrosunun yaxınlığında və Xırdalan şəhərində binalar tikdiyini bildirmişdir. Zərərçəkmiş Zərərçəkmiş şəxs1 ifadəsinin davamında göstərdi ki, Sevinc onlara həmin mənzillərin qiymətlərini siyahı şəklində təqdim etmişdir. Onlara ən münasib qiymət Xırdalan şəhərində olduğu üçün, o, Xırdalan şəhərində mənzil almağı qərarlaşdırmışdır. Sevincin onlara təqdim etdiyi siyahıda göstərilən qiymətlərlə dediyi qiymətlər arasında fərqlər olduğu üçün Sevincin həqiqətən də onlara köməklik edəcəyini fikirləşmişlər. Buna görə Sevinci oğlu Elvinlə əlaqələndirmiş, sonuncu Sevinclə birlikdə Xırdalan şəhərində olan yeni tikiliyə baxmağa getmiş və baxdıqları binada 2 otaqlı mənzil bəyənmişdir. Həmin mənzilin ümumi qiyməti 88.000 manat təşkil etmişdir. Bundan sonra onlar həmin mənzili almağı qərarlaşdırmışlar. Bundan sonra ilkin ödəniş olaraq o, 2015-ci ilin dekabr ayında Təqsirləndirilən şəxs ilə Bakı şəhəri, Nizami rayonu ərazisində yerləşən “Diqlas” ticarət mərkəzində faəliyyət göstərən kafelərin birində görüşüb ona 7.000 manat pul vermişdir. Həmin pulun qarşılığında Sevinc ona evin alınması ilə bağlı müqavilə təqdim etmişdir. Lakin həmin müqavilənin möhürü olmamışdır. Sevinc ona möhürün vuralacağını demiş, narahat olmamağı bildirmişdir. Bundan sorna o, Sevincə aylıq 1800 manat olmaqla pul ödəməyə başlamışdır. Bəzi hallarda pulları taksi sürücüləri vasitəsilə də göndrmişdir. Beləliklə o, 2015-ci ilin dekabr ayından 2017-ci ilin avqust ayına qədər Sevincə ümumilikdə 21.000 manat, ümumilikdə isə 28.000 manat pul ödəmişdir. Daha sonra oğlu Elvinin toy olmuş, mənzilin pulunu tez ödəyə bilməsi üçün toydan yığılmış 15.000 manat pulu Sevincə verməyi fikirləşmişdir. Odur ki, oğlu Elvin 2017-ci ilin avqust ayında Bakı şəhəri, Nərimanov rayonu ərazisində Sevinclə görüşmüş və 15.000 manat pulu Sevincə vermişdir. Daha sonra o, Sevinclə əlaqə saxlayaraq mənzili 2 otaqdan 3 otağa dəyişmək istədiklərini bildirmişdir. Sevinc problem olmadığını ona bildirmişdir. Ona görə də Sevinc ondan özünün verdiyi möhürsüz müqaviləni geri almış, müqaviləni dəyişdirəcəyini və yeni müqaviləyə möhür vurduracağını bildirmişdir. O da Sevincə inanıb müqaviləni ona təqdim etmişdir. Sorna oğlu Elvinin deməsinə görə artıq mənzilin yarı pulu verilmiş, lakin hələ də o, mənzilə baxmamışdır. Müqavilənin də alınmasından şübhələndiyi üçün Elvin ona "xxxx" MTK-nın inşa etdiyi binalara gedib maraqlanmağı təklif etmişdir. Onlar bunu etdikdə ona məlum olmuşdur ki, həmin MTK-nın inşa etdiyi heç bir binada onların adına mənzil olmadığını müəyyən etmişdir. Artıq həmin vaxt Təqsirləndirilən şəxs ev almaq adı ilə ondan ümumilikdə 43.000 manat pul alıb ələ keçirdiyini, onları aldatdığını öyrənmişdir. Bundan sonra o, Sevinclə əlaqə saxlamaq istəsə də buna nail ola bilməmişdir. Daha sorna isə Sevincin onlara yalan dediyini, onun ümumiyyətlə həmin MTK-nın sahibi ilə əlaqəsi olmadığını bilmişdir. Sevinc aldığı pullardan cəmi 5600 manat qaytarmış, qalan hisəssini qaytarmamışdır. Məhkəmə baxışı zamanı iş üzrə zərərçəkmiş şəxs qismində dindirilən Zərərçəkmiş şəxs2 ifadəsində göstərdi ki, Şahid11 onun doğma qızı olmaqla ailəlidir və Abşeron rayonununda yaşayır. Baxılan iş üzrə təqsirləndirilən şəxs X8 isə təxminən 2012-2013-cü ildən tanımış, onu qonşusu Tolik adlı şəxsə görə tanımışdır. Sevinc Tolikin qardaşı Elşadın həyat yoldaşı olmuşdur. Tanıdığı vaxtlardan Sevinc kredit paltar, qab-qaşıq və sair mallar gətirərək yaşadıqları binanın mənzillərində satmışdır. O da bir neçə dəfə Sevincdən xırda mallar almışdır. Bundan sonra yavaş-yavaş onun Sevinclə münasibətləri yaranmağa başlamışdır. 2013 və 2014-cü ildə Sevinc bir dəfə ondan 300 manat pul alaraq ona alverlə məşğul olduğunu, onun pulunu bir həftəyə artıqlaması ilə qaytaracağını ona demişdir. O da Sevincə birinci dəfə 300 manat, sonralar isə 400 manat, 700 manat və 1000 manat nəğd pul vermişdir. Sevinc hər dəfə ondan aldığı pulu deyilən vaxtda qaytarmış, verdiyi pulun qarşılığında ona 50, 30 və sair manat məbləğlərdə əlavə pul verirmiş və bununla da onun etibarını qazanmışdır. Onların aralarında çox səmimi münasibət yaranmış, hətta o, Sevinci öz qızı kimi çox istəməyə başlamışdır. Aradan bir il keçdikdən sonra təxminən 2014-cü ilin iyul ayının əvvəllərində bir dəfə Sevinc onun yaşadığı evə gələrək xaricdən mal almaq istədiyini və 10 min manat borc pula ehtiyacı olduğunu bildirmişdir. Sevinc pul istəyərkən ona həyat yoldaşının bunları bilməməsini xahiş etmiş, biləcəyi təqdirdə ailələrinin dağıla biləcəyini demişdir. O, bu qədər pulu ona verə bilməyəcəyini dedikdə, Sevinc ona yalvararaq “sən məni tanıyırsan, mən etibarlı adamam, nə vaxt səndən pul almışamsa, dediyim vaxtda da gətirib sənə qaytarmışam” deyərək cəmi bir həftəyə aldığı pulu geri qaytaracağını və üstəlik ona hörmət edəcəyini, yəni ona əlavə pul verəcəyini də bildirmiş, malının gömrükdə olduğunu, fura ilə keçirəcəyini, ancaq pulunun çatmadığını” demişdir. O, əvvəllcə razı olmamış, istədiyi pulun məbləği çox olduğu üçün həyat yoldaşından ehtiyat etmiş və na fikirləşəcəyini demişdir. Aradan bir gün keçdikdən sonra Sevinc yenə də onun yaşadığı ünvana gələrək çox yalvardıqda o, razılaşaraq pulu ona verəcəyini, lakin tez bir müddət ərzində pulu qaytarmalı olduğunu demişdir. Sevinc də ona narahat olmamağı demiş və bir həftəyə pulu artıqlaması ilə qaytaracağına söz vermişdir. Pulu verdikdən sonra bir həftə ərzində Sevincə tez-tez zəng edərək pulu ona xatırlatmış, Sevinc əvvəl bildirdiyi kimi həftə sonu 10 min manatı artıqlaması ilə qaytaracağını demişdir. Bir həftə sonra Sevinc özünün ***-***-**-** saylı mobil nömrəsindən onun ***-***- **-** saylı mobil nömrəsinə zəng edərək “Almaz xala mallar tamaojnudadır, mənim pulum yenə də çatmır, 15 min manat əlavə pul lazımdır ki, malları sərhəddən keçirəm və malları paylayıb səndən aldığım pulları qaytarım. Mənə əgər pul verməsən əvvəl verdiyin pullar batacaqdır” demişdir. O da bu işə çox pis olaraq çarəsiz vəziyyətdə bilməmişdir ki, nə etsin. Əlacsız qalaraq Sevincin istəyini yerinə yetirmək qərarına gəlmiş və ona 15 min manat pulu düzəldə bilmədiyimi lakin birtəhər 12 min manat verə biləcəyini demişdir. Sevinc ona mobil telefonda “Almaz xala mən sizə gəlməyim ki, məni qohumlarım sizdə görməsinlər. Sən pulu götür bəri tərəfə çıx mən də yavaş-yavaş o tərəfə gəlirəm” demişdir. O da halal zəhməti ilə qazandığı, evdə ehtiyat üçün saxladığı 12 min manat pulu həyat yoldaşından xəbərsiz olaraq götürərək Sevinc deyən tərəfə doğru hərəkət etmişdir. O, Elektromexanika zavodunun qarşısında Təqsirləndirilən şəxs ilə qarşılaşmışdır. Onlar görüşən vaxtı o, cibinə qoyuduğu 12 min manat pulu Sevincə vermişdir. Sevinc də pulu götürərək bir azını sayaraq ona inandığını və gerisini saymağın mənasız olduğunu demişdir. Sevinc ona Bakıya gedib malı gömrükdən keçirəcəyini və 3-4 günə kimi onun pullarını qaytaracağını deyib getmişdir. Aradan 2-3 gün keçdikdən sonra günorta vaxtı Sevinc yenədə ona zəng edərək Bakı şəhərində olduğunu, malların gömrükdən keçirmək üçün yenədə pul lazım olduğunu demiş və ona yalvararaq yenə də ona 12 min manat pul verməyini xahiş etmişdir. O, Sevincə pulunun olmadığını bildirdikdə Sevinc ona “Almaz xala, özün bil, əgər yenədə mənə pul verməsən əvvəlki pulların batacaqdır, çünki mallar gömrükdədir, onun da müddəti var, əgər deyilən vaxtda man pulu ora ödəməsəm, mallar batacaqdır” demişdir. O da Sevincə and-aman edərək onlarda pul olmadığını, lakin qaynı Natiqdən öz adına pulu alib verəcəyini demişdir. Sevinc hər dəqiqə ona zəng edərək Natiqdən pulu alıb-almaması ilə maraqlanmışdır. Sevincin bu sözlərindən sonra o, aldadıldığını hiss etmiş, lakin bu barədə kiməsə bir söz deməyə qorxmuşdur. Bir az fikirləşdikdən sonra Sevincin tələbini əlacsız qalaraq ödəmək məcburiyyətində olmuşdur. Sevinc isə ona ardı arası kəsilməyən zənglər etmişdir. Həmin günü onunla birinci dəfə danışdıqdan taxminan 3-4 saat sonra o, yenə də zang edən zaman ona yalandan Natiqdən 12 min manat pul aldığını və pulun onda olduğunu demişdir. Sevinc təxminən bir saat sonra taksi sürücüsü - qonşusu Çingizin oğlu Cavidi Elektromexanika zavodun yanına göndərmişdir. O da Sevinc deyən yerə getdikdə qonşuları Cavidi avtomobilində əyləşib onu gözlədiyini görmüş və 12 min manatı Cavidin avtomobilinin sol yan şüşəsinin açıq yerindən ona vermişdir. Cavid də pulu alıb avtomobilin içərisində sayaraq 12 min manat olduğunu demiş və oradan evə qayıtmışdır. Təxminən 4-5 saat sonra isə Sevinc ona zəng edərək 12 min manat pulu Caviddən götürdüyünü bildirmişdir. Zərərçəkmiş Zərərçəkmiş şəxs1 ifadəsinin davamında daha sonra göstərdi ki, sonuncu 12.000 manatı verdikdən 2 gün sonra o, Sevincə zəng edərək Natiqin onun üstünü kəsdiyini və pulunu ondan istədiyini demişdir. Sevinc də ona narahat olmamağı tapşırmış və növbəti gün hələlik poçtla ona 5 min manat pul göndərəcəyini demişdir. O, Sevincdən pulun yerdə qalanını soruşan zaman sonuncu ona pulunun tam yığılmadığını demiş, 5-6 günə ondan götürdüyü pulların hamısını verəcəyini bildirmişdir. Səhəri günü Sevinc ona zəng edərək 5 min manat pulu Texnika bankın Tərtər filialı vasitəsi ilə köçürdüyünü və onun həmin pulu gedib götürə biləcəyini ona bildirmişdir. O da Texnika bankın Tərtər filialıına gedərək Sevincin onun adına göndərdiyi 5 min manat pulu götürmüşdür. Növbəti gün isə Sevinc yenə də ona zəng edərək yenə də 10 min manat pul istəmiş, ona malın Goranboy rayonu ərazisində olduğunu va pulu verəcəyi halda malın ona çatacağını demiş, həmin maldan xeyli qazanc götürəcəyini bildirmişdir. O, bu günə kimi 29 min manat pulunu aldığını, həyat yoldaşı Tofiqin biləcəyi təqdirdə çox pis olacağını bildirmişdir. dedikdə ona narahat olmamağını ona “sən niyə narahat olursan, məni tanımırsan? Sənin yaxşılığına görə mən səni heç darda qoyarammı? bir də gördün pulun hamısını bir gündə gətirib verdim” cavabını vermişdir. O, Sevincə inandığından ona 10 min deyil, yenə də taksi sürücüsü Cavidin vasitəsi ilə 8 min manat göndərmişdir. Səhəri gün Sevinc yenə də ona zəng edərək gömrükdən mal götürdüyünü 10 min manat pul lazım olduğunu dedikdə, o, əvvəllki pulları tələb etməyə başlamış, lakin Sevinc əlli min bəhanələrlə onu inandıra bilmişdir. Odur ki, o, yenə də qonşusu Cavidlə ona 10 min manat pul göndərmişdir. Daha sonra zərərçəkmiş Zərərçəkmiş şəxs1 ifadəsinin davamında göstərdi ki, sonuncu dəfə Cavidlə 10.000 manat göndərdiyi günün səhərisi Sevinc ona zəng edərək Cavidin adına 6 min manat pul köçürüldüyünü və sonuncunun gətirib ona verəcəyini demişdir. Aradan 1-2 saat keçdikdən sonra Cavid maşınla onların həyətinə gəlmiş, o, həyətə düşərək 6 min manat pulu Caviddən götürmüşdür. Aradan 2 gün keçdikdən sonra Sevinc onun mobil telefonuna yenə də zəng edərək 10 min manat pul lazım olduğunu bildirdikdə, o, Sevincə “axı sənə indiyə kimi 41 min manat pul vermişəm, bu nə oyundur sən çıxarırsan?” sözlərini deyib ona iradlarını bildirmişdir. Sevinc isə ona yenə də malın gömrükdə olduğunu, pul olmayacağı təqdirdə malın batacağını və nəticə etibarı ilə onun verdiyi 41 min manat pulu qaytara bilməyəcəyini demişdir. O, yenə də əlacsız qalaraq Sevincə pul göndərəcəyini demişdir. Aradan az sonra Sevinc ona zəng edərək Cavidin rayonda olmadığını bildirmiş, aşıq Arifin oğlu Amini göndərəcəyini demiş, pulu ona verməyi tapşırmışdır. Bir az sonra Sevinc ona zəng edərək Aminin binanın yanında onu gözlədiyini demişdir. O da evdə olan axırıncı 10 min manat pulu aparıb Sevincə çatdırması üçün qonşuları Aminə vermişdir. Amin də pulu sayaraq ondan götürmüşdür. Aradan 3-4 saat sonra isə Sevinc onun mobil nömrəsinə zəng edərək 10 min manat pulu Amindən götürdüyünü təsdiqləmişdir. Aradan 2-3 gün sonra isə Sevinc həyat yoldaşının maşını ilə onların məhəlləsinə gəlmiş, təklikdə görüşüb ona başına iş gəldiyini, evinin yıxıldığını, puldan əksik geldiyini, malların hamısının xarab olduğunu bildirmiş, soyuducunu işlətməyə pul lazım olduğunu, əgər 2-3 günə əlavə pul tapılmasa, yerd qalan malların da xarab olub batacağını bildirmişdir. O, axırıncı manata kimi pulları ona verdiyini, daha pul qalmadığını dedikdə, Sevinc özünü döyə-döyə çıxıb getmişdir. O, evə girən zaman vəziyyətinin çox pis olduğunu qızı Nahidə görərək ondan nə baş verdiyini soruşmuşdur. O da qızına Sevincin onun başına gətirdiyi bütün oyunları danışmışdır. Həmin ərəfədə Sevinc ona zəng edən zaman qızı Nahidə onun telefonunu açmış, Nahidə Sevincə “mənim anamın başına nə oyun açmısan? dur bizə gəl, səninlə işim var” demişdir. Aradan yarım saat keçdikdən sonra Sevinc onlara gəlmişdir. Nahidə baş verənlər barədə maraqlandıqda Sevinc Nahidəyə and içərək pulların hamısını qaytaracağını demiş və əlavə olaraq 9 min manat pul lazım olduğunu, furaların tamaojnuda qaldığını demiş, əgər 9 min çatmazsa malların batacağını bildirmişdir. Sevinc onları inandıması üçün zəng edib guya gömrükdə olan hansısa adamla danışmış və sonra onlara “4 minlədə yola gedər” demişdir. Nahidə onların bir qəpiyinin olmamasını, onları pis vəziyyətə saldığını bildirmiş və Sevinc çıxıb getmişdir. Lakin, əl çəkməmiş, 2-3 gün ərzində tez-tez onlara zəng edib pul istəmişdir. Bir gün də Sevinc ona zəng edən zaman qızı Nahidə ona “2600 dollar tapmışam, bu pulla yerdə qalan pulumuzu qaytara biləcəksinizmi” dedikdə, Sevinc bir az tərəddüt edib “qoy bir iki yerə zəng edim sizə deyəcəm” demişdir. Aradan bir az keçdikdən sonra Sevinc zəng edərək “elə bil ölmüşəm, yerdən məni götürürsünüz, 2600 dollar bəs edir” demişdir. Səhəri günü yəni, 2014-cü ilin avqust ayının 24 də qızı Nahidə həmin 2600 dollar pulu aparıb zavodun yanında Sevincə vermişdir. Sevinc isə qızına və ona 2014-cü ilin avqust ayının 27-də pulların hamısını qaytaracağına söz vermişdir. 2014-cü ilin avqust ayının 27-də onlar Sevincə zəng edərək pulu istədikdə, Sevincə ona sabah gələcəyini demişdir. Səhəri günü Sevinc yenə də ona zəng edərək “her şey yaxşıdır, əladır, pullarda düzəlibdir, bir azdan yola çıxıram” dedikdə onlar da bu işə şad olmuşlar. Həmin günü Sevinc gəlib çıxmadıqda onlar Sevincə zəng etmiş, Sevinc guya 4-5 nəfərin Kamal adlı şəxsə pul verdiyini, şəxsən özünün əli ilə Kamala 41 min manat pul verdiyini, lakin Kamalın aradan çıxdığını demiş, ona 1-2 gün vaxt verilməsini istəmiş, guya Kamal adlı şəxsi axtarışa verdiklərini bildirmişdir. Bundan sonra Sevinc çox vaxt onların telefonuna cavab verməmişdir. Təxminən 3-4 gün sonra Sevinc Tərtər şəhərinə, onların yaşadığı evə gəlmişdir. Sevinc ona və qızı Nahidəyə “Naxçıvanlı uşaqlar bu işin dalına düşübdür, 2-3 günə Kamal üzə çıxaçaq və mən də sizin pulunuzu verəcəm, Naxçıvanlı uşaqlar deyib ki, Kamal tapılan zaman birinci sənin pulun ödəniləcək” demiş, həmçinin həyat yoldaşının bunu bilməməsini xahiş etmiş, əks təqdirdə onu öldürə, onu şikəst edə biləcəyini demiş, onların pulunu qəpiyinə kimi qaytaracağına söz vermişdir. Artıq Sevinc min bir bəhanə ilə onları aldatmaqda davam etdiyindən qızı Nahidə həyat yoldaşı Tofiqə demiş, sonuncu bundan çox əsəbləşmişdir. Lakin, onlar Toviqə narahat olmamağı, Sevincin pulu qaytarcağını dedikdə, Tofiq qızına Sevincin pulu etiraf etməsini telefonla çəkməyi tapşırmışdır. Nahidə Sevinci evə dəvət etmiş və Sevinc onda aldığı ümumilikdə 50 min manat olduğu halda 48 min manatı və qızından aldığı 2600 ABŞ dollarını kamera qarşısında etiraf etmişdir. Təqsirləndirilən şəxs qeyd olunan məbləğlərə görə hətta notariat qaydasında müqavilə də bağlamışdır. Təqsirləndirilən şəxs 2014-cü ilin iyul ayının əvvəllərindən 2014-cü ilin avqust ayının 24-nə kimi olan müddət ərzində ondan ümumilikdə 62.000 manat və 2.600 ABŞ dolları pul almış və həmin puldan 14.000 manatını geri ödəmişdir. Onun Sevincə pul verərkən hər hansı bir maddi marağı olmamış, o, Sevinci öz qızı kimi çox istəmişdir. Sevinc Kerimovanın ona vurduğu maddi ziyanı ödəməsini tələb edir. Cinayət işinə məhkəmə baxışı zamanı elan edilməklə tədqiq olunan şahid Zərərçəkmiş şəxs1 ilə Təqsirləndirilən şəxs arasında keçirilmiş üzləşməyə dair protokoldan görünür ki, üzləşmə istintaq hərəkəti zamanı şahid Zərərçəkmiş şəxs1 məhkəməyədək icraat mərhələsində sərbəst ifadəsində göstərdiyi və məhkəmə baxışı zamanı bir daha təsdiq etdiyi xüsusatları Təqsirləndirilən şəxs üzünə qarşı bir daha demişdir (iş vərəqə: cild İ, səh. 75-77). Cinayət işinə məhkəmə baxışı zamanı şahid qismində dindirilmiş zərər çəkmiş Zərərçəkmiş şəxs2 qızı Şahid11 ifadəsində göstərdi ki, 2014-cü ilin təxminən iyun ayından o, ailə vəziyyəti ilə əlaqədar olaraq atası və anasının yaşadığı Tərtər şəhəri, M.Hüseynzadə küçəsi, bina 10, mənzil 10 Q-də yaşamışdır. Baxzılan iş üzrə Təqsirləndirilən şəxs təxminən 2014-cü ildən qonşuları Tolik adlı şəxsə görə tanımışdır. Sevinc Tolikin qardaşı Elşadın həyat yoldaşı olmuşdur. Tanıdığı ilk vaxtlarda Sevinc kredit pal-paltar, qab-qaşıq və sair mallar gətirərək onun valideyinlərinin yaşadığı binanın sakinlərinə satmışdır. O da Sevincdən bir neçə dəfə xırda mallar almış və yavaş-yavaş onların Sevinclə münasibətləri yaranmışdır. Şahid11 ifadəsinin davamında göstərdi ki, 2014-cü ilin avqust ayının təxminən 19 və 20-də anası sevincək bayıra çıxdığını, lakin qayıdarkən vəziyyətinin çox pis olduğunu görərək ondan nə baş verdiyini soruşmuş, anası da ona Sevincin onun başına gətirdiyi bütün oyunları, yəni Sevincin ondan 50.000 manat civarında pul aldığını, onu aldadaraq qaytarmadığını ona danışmışdır. Elə bu mövzuda söhbət edərkən Sevinc anasına zəng etmiş, lakin telefonu o, götürmüş və anasının dedikləri ilə bağlı Sevincə iradlarını bildirib onu öz evlərinə çağırmışdır. Aradan yarım saat keçdikdən sonra Sevinc onlara gəlmişdir. O, Sevincə yenə də “anamın başına nə oyun açmısan” dedikdə, Sevinc ona and içərək pulları qaytaracağını bildirmiş və əlavə olaraq onlardan 9 min manat pul istəmiş, furaların tamaojnuda qaldığını demiş, 9 min çatmayacağı təqdirdə malların və pulların batacağını demişdir. O, Sevincə inanmadığını dedikdə, sonuncu guya gömrükdə olan hansısa adama zəng etmiş, danışdıqdan sonra isə onlara “4 minlə də yola gedər” demişdir. Onlar Sevincə pul verməmiş və o, çıxıb getmişdir. Lakin Sevinc əl çəkməmiş, 2-3 gün ərzində tez-tez onlara zəng edib pul istəmişdir. Bir gün o, Sevincə 2600 dollar təklif edib, həmin pulla yerdə qalan pullarını qaytara bilib-bilməyəcəyini ondan soruşmuşdur. Sevinc də bir az tərəddüt edib haralarasa zəng etmiş və 2600 dollar pulun bəs etdiyini demişdir. Növbəti gün, yəni 2014-cü ilin avqust ayının 24-də o anası ilə birlikdə həmin 2600 dollar pulu aparıb Elektromexanika zavodunun yanında Sevincə vermişdir. Sevinc pulu götürüb saymaq istəməmiş və onlara inandığın desə də, onun təkidi ilə Sevinc pulu sayaraq 2600 dollar olduğunu təsdiqləmişdir. Sevinc ona və anasına 2014-cü ilin avqust ayının 27-də pulların hamısını qaytaracağına söz vermişdir. 2014-cü ilin avqust ayının 27-də o və anası Sevincə zeng edərək pulları tələb etdikdə, Sevinc her şeyin əla olduğunu bildirmiş və bir azdan yola çıxacağını demiş, buna görə onlar da şad olmuşlar. Həmin günü Sevinc gəlib çıxmadıqda onlar Sevincə zəng etmiş, Sevinc guya 4-5 nəfərin Kamal adlı şəxsə pul verdiyini, şəxsən özünün əli ilə Kamala 41 min manat pul verdiyini, lakin Kamalın aradan çıxdığını demiş, ona 1-2 gün vaxt verilməsini istəmiş, guya Kamal adlı şəxsi axtarışa verdiklərini bildirmişdir. Bundan sonra Sevinc çox vaxt onların telefonuna cavab verməmişdir. Təxminən 3-4 gün sonra Sevinc Tərtər şəhərinə, onların yaşadığı evə gəlmiş, ona və anasına “Naxçıvanlı uşaqlar bu işin dalına düşübdür, 2-3 günə Kamal üzə çıxaçaq və mən də sizin pulunuzu verəcəm, Naxçıvanlı uşaqlar deyib ki, Kamal tapılan zaman birinci sənin pulun ödəniləcək” demiş, həmçinin həyat yoldaşının bunu bilməməsini xahiş etmiş, əks təqdirdə onu öldürə, onu şikəst edə biləcəyini demiş, onların pulunu qəpiyinə kimi qaytaracağına söz vermişdir. Artıq Sevinc min bir bəhanə ilə onları aldatmaqda davam etdiyindən o, atası Tofiqə demiş, sonuncu bundan çox əsəbləşmişdir. Lakin, onlar Toviqə narahat olmamağı, Sevincin pulu qaytarcağını dedikdə, Tofiq ona Sevincin pulu etiraf etməsini telefonla çəkməyi tapşırmışdır. Odur ki, o, Sevinci evə dəvət etmiş və anasından aldığı pulun 48 min manatını və ondan aldığı 2600 ABŞ dollarını kamera qarşısında etiraf etmişdir. Təqsirləndirilən şəxs qeyd olunan məbləğlərə görə hətta notariat qaydasında müqavilə də bağlamışdır. Şahid11 ifadəsinin yekununda Təqsirləndirilən şəxs öz adından vermiş olduğu 2.600 ABŞ dolları pul da anasına məxsus olmuş, sonuncu həmin pulu Sevincə verməyi ona tapşırmış, Sevincin ondan ehtiyat edərək digər pulları da qaytara biləcəyini fikirləşmişdir. Nəticədə 2.600 ABŞ dolları maddi ziyan da anası Zərərçəkmiş şəxs2 vurulmuşdur. Bildiyinə görə Təqsirləndirilən şəxs 2014-cü ilin iyul ayının əvvəllərindən 2014-cü ilin avqust ayının 24-nə kimi olan müddət ərzində anasından ümumilikdə 62.000 manat və 2.600 ABŞ dolları pul almış və həmin puldan yalnız 14.000 manat qaytarmışdır. Onlar Təqsirləndirilən şəxs zorla notariusa aparmamış, onu ailə üzvləri ilə hədələməmişlər. Məhkəmə baxışı zamanı elan edilməklə tədqiq olunan Zərərçəkmiş şəxs2 ilə Təqsirləndirilən şəxs arasında keçirilmiş üzləşmədə dindirmə protokolundan görünür ki, üzləşdirmə zamanı Zərərçəkmiş şəxs2 sərbəst ifadəsində göstərdiyi xüsusatları bir daha təsdiq edərək ona qarşı dələduzluq faktlarını Təqsirləndirilən şəxs üzünə qarşı bir daha demişdir (iş vərəqə: cild İ, səh 236-237). Bundan başqa, məhkəmə baxışı zamanı elan edilməklə tədqiq olunan Şahid11 ilə Təqsirləndirilən şəxs arasında keçirilmiş üzləşmədə dindirmə protokolundan görünür ki, üzləşdirmə zamanı Şahid11 Tofiq qızı sərbəst ifadəsində göstərdiyi xüsusatları bir daha təsdiq edərək ona qarşı dələduzluq faktlarını Təqsirləndirilən şəxs üzünə qarşı bir daha demişdir (iş vərəqə: cild İ, səh 238-239). İş üzrə məhkəməyədək icraat mərhələsində şahid qismində dindirilmiş Şahid12 ifadəsi məhkəmə baxışı zamanı elan edilməklə tədqiq olundu və müəyyən edildi ki, Şahid12 tədqiq olunan həmin ifadəsində göstərmişdir ki, 2014-cü ilin oktyabr ayının 21-də onun həyat yoldaşı X19 Azərbaycan Respublikası CM-in 213-cü madəsi ilə həbs edilmişdir. Təxminən 2014-cü ilin fevral ayının sonlarında adının Sevinc olmasını öyrəndiyi bir qadın ona məxsus ***-***-**-** saylı mobil nömrəsinə zəng edərək həyat yoldaşı Fərruğu tanıdığını, onun həbs edildiyini eşidib pis olduğunu, ona kömək edəcəyini bildirmişdir. Ona üz-üzə görüşməklərini dedikdə, o da evlərinin ünvanını demişdir. Təxminən həmin günü saat 16-17 radələrində Sevinc onun yaşadığı Bərdə şəhəri, Bakı küçəsində yerləşən təzə məhlələrdə olan evimə gəlmişdir. Həmin vaxtı baldızı Şəhla da onlar da imiş. Sevinc əyləşib söhbət edən zaman həyat yoldaşı Fərruxla tanış olduğunu, onu yaxşı bir insan kimi tanıdığını bildirərək onun həbsdən çıxmağına kömək edəcəyini və özünün yuxarı dövlət orqanlarında tanışının olduğunu bildirmişdir. Sevinc bu işi qurtarmaq üçün Ramin adlı şəxslə tanış olduğunu bildirib əvvəli ondan 2500 manat pul istəmişdir. O da Sevincin danışıqlarına inanıb 2500 manat pulu baldızı Şəhlanın yanında gətirib Sevincə vermişdir. Sevinc pulu aldıqdan sonra çıxıb getmişdir. Təxminən mart ayının əvvəllərində Sevinc onun mobil nömrəsinə zəng edərək işi düzüb qoşduğunu və 8000 manat pula başa gəldiyini, verdiyi 2500 manatın hal-hazırda özündə olduğunu bildirib ondan 5500 manat pul istəmişdir. O da bu işə şad olaraq pulu gəlib götürməyini demişdir. Təxminən saat 16-17 radələrində Sevinc həyat yoldaşı ilə-sonradan adını bildiyi, taksi sürücüsü kimi fəaliyyət göstərən Elşad adlı şəxslə sonuncuya məxsus olan “Kia Rio” markalı avtomobillə onlara gəlmişdir. Həmin vaxt Elşad həyətdə gözləmiş, Sevinc isə evə daxil olaraq onunla bir az söhbət etmişdir. Söhbətdən sonra o, Sevincə yenə də inanıb 5500 manat pul gətirib oğlu Fəxrinin yanında Sevincə vermişdir. Sevinc pulu aldıqdan sonra ona narahat olmamağını, bu işin düzələcəyini və 2015-ci ilin mart ayının 15-də həyat yoldaşı Fərruğun azad olunacağını bildirmişdir. Sonra Sevinc çıxıb getmişdir. Mart ayının 15-i gəldikdə o, zəng edib danışan zaman Sevinc ona başqa adama da pul verilməli olduğunu bildirərək 8000 manat pul lazım olduğunu demişdir. O, Fərruğa məsləhət etməyini Sevincə bildirmişdir. Sevinc 2015-ci ilin mart ayının sonlarında onlara gəlmişdir. Onlara birlikdə X25 RPŞ-də MSY-də cəza çəkdiyi yerə getmişlər. Həyat yoldaşı Fərruxla danışan zaman Fərrux Sevinclə şərt kəsmişdir ki, əgər bu pulu versə məhkəməyə göstəriş gələcək ki, onu buraxsınlar. Sevinc də işi düzüb qoşduğunu və 100 faiz arxayın olmaqlarını onlara bildirmişdir. Həyat yoldaşı Fərrux ona bildirmişdir ki, 8000 manat pulu Sevincə versin. Onlar oradan çıxaraq birbaşa yaşadıqları evə gəlmişlər və o, pulu oğlu Fəxrinin yanında sayaraq Sevincə vermişdir. Sevinc də çıxıb getmişdir. Aprel ayında həyat yoldaşı Fərruxun məhkəməsi olan zaman o buraxılmadığını görüb məhkəmədən çıxdıqdan sonra Sevincə zəng etmiş və bu barədə ona demişdir. Sevinc ekspertiza xərci üçün 15000 manat lazım olduğunu dedikdə, o da Sevincə əvvəl verdikləri pulla həll olunacağına söz verdiyini xatırlatmışdır. Sevinc də ona demişdir ki, ekspertiza əsasdır. Əgər ekspertizaya pul verilməsə bütün pullar Fərruğun ayağında qalacaqdır. O da bu barədə heç nə deməyərək Fərruxla məsləhət edəcəyini bildirmişdir. Həmin gün o, Fərruğun yanına gedərək bu barədə ona dedikdə, Fərrux 15 min manatın çox olduğunu, 10 minə razılaşacağı təqdirdə, verməyi tapşırmışdır. O da evə gələrək Sevincə zəng edib 15 minə gücləri çatmadığını və 10 min verə biləcəklərini bildirmişdir. Sevinc də demişdir ki, “qoy tanışım və yaxınım Raminlə danışım sənə xəbər edəcəyəm”. Bir neçə gün sonra Sevinc zəng edərək 10 mini göndərməyini demişdir. O da həmin pulu bir neçə günə düzəldəcəyini bildirmişdir. Təxminən 2 gün sonra Sevinc ona zəng edən zaman pulun 5900 manatının hazır olduğunu demişdir. Sevinc həmin gün həyat yoldaşı Elşadla onlara gələrək 5900 manat pulu ondan almışdır. Təxminən 2 gün sonra o, 4100 manat pul düzəltdiyini Sevincə dedikdə Sevinc həmin pulu bankla ona göndərməyini demişdir. O da Bərdə şəhərində yerləşən “Kapital bankdan” 4100 manat pulu Sevincin adına göndərmişdir. Bundan sonra o, Sevinclə əlaqə saxlayaraq işlə bağlı maraqlanan zaman Sevinc ona narahat olmamağını və işin düzələcəyini bildirmişdir. Sonra Sevinc ona tanışlarının başının qarışıq olduğunu və məhkəmənin vaxtının yubadılmasını demişdir. İyun ayının 28-də olimpiyada qurtardıqdan sonra onlar işlə maraqlanan zaman Sevinc işin düzəldiyini və məhkəmədə Fərruxun buraxılacağını bildirmişdir. Şahid12 ifadəsinin davamında göstərdi ki, 2015-ci ilin iyul ayının 1-də məhkəmə prosesi olan zaman həyat yoldaşı Fərrux Bayramova 4 il müddətində azadlıqdan məhrumetmə cəzası verilmişdir. Həmin vaxt o, bu işə təəcüblü qalaraq Sevincə zəng edən zaman Sevinc ona “siz məhkəmənin vaxtını gərək uzadaydız” sözlərini demişdir. Sonradan Sevinc ona ekspertiza xərcinin 15 min olduğunu bəhanə etmişdir. O, aldadıldığını başa düşərək bu barədə qaynı Şahid4 demiş, Bədir ona Sevinci evə çağırmağı tapşırmış, onunla söhbət edəsəyini bildirmişdir. O da Sevinci yaşadığı evə dəvət etmişdir. Sevinc həyat yoldaşı Elşada məxsus olan avtomobillə onlara gəlmişdir. Bədir onunla söhbət edən zaman Sevinc tanışı və yaxını olan Nicat adlı şəxslə danışdığını və onlara əlavə 16000 min manat pul lazım olacağını bildirmişdir. X37 bu günə kimi onlardan 26 min manat pul aldığını və heç bir iş görmədiyitni dedikdə Sevinc pulların vaxtında verilmədiyini demişdir. Onlar Sevincə verdikləri 26 min manatın qaytarılmasını tələb etdikdə Sevinc onlara “3 minini siz verin, 13 minini isə özüm qoyub Fərruğu 2015-ci ilin avqust ayının 30-a kimi azad edəcəm və Fərrux çıxdıqdan sonra 13 min manat pulumu geri alacağam” sözlərini onlara demişdir. Həmin vaxtı Sevinc 40 min manatın tanışlarına verəcəyini, qalan iki min manatın isə özünün zəhmət haqqısı kimi götürəcəyini demişdir. Onlar da onunla razılaşmışlar. Bədir ona pulu bir günə düzəldəcəklərini bildirmişdir. Sevinc də razılaşıb çıxıb getmişdir. Təxminən 5-6 gün sonra, yəni 2015-ci ilin avqust ayının əvvəllərində qaynı Bədir 3 min manat pulu Bərdə şəhərində yerləşən Kapital Bank vasitəsi ilə Sevincə göndərmişdir. 30 avqust 2015-ci il tarixdə onlar heç bir nəticə əldə ediməməsini görüb Sevincə zəng etmişlər. Sevinc pulu aidiyyatı şəxslərə payladığını və ondan asılı olmadığını bildirmişdir. Sevincə şikayət edəcəklərini dedikdə, Sevinc şikayət etməmələrini xahiş etmiş, 10 min manat pulu 2015-ci ilin sentyabr ayının 6-da onlara qaytaracağını və sonra isə həmin pulun hamısını yavaş-yavaş onlara qaytaracağını bildirmişdir. Sonradan qaynı Bədir Sevincin barəsində maraqlanan zaman Sevincin barəsində Tərtər RPŞ-də Azərbaycan Respublikası CM-in 178.3.2-ci maddəsi ilə cinayət işi olduğunu, onun bu əməllərinin çox olduğunu öyrənmişdir. Onlar da məcbur qalaraq bu barədə Tərtər RPŞ-ə ərizə ilə müraciət etmişlər. Şahid12 daha sonra tədqiq olunan ifadəsində göstərmişdir ki, o, birinci dəfə 2015-ci ilin fevral ayının əvvəllərində 2500 manat pulu baldızı Şəhlanın yanında, ikinci dəfə mart ayının əvvəllərində 5500 manat pulu oğlu Fəxrinin yanında , üçüncü dəfə 2015-ci ilin ortalarında 8000 min manat pulu oğlu Fəxrinin yanında, dördüncü dəfə mart ayının sonlarında 10000 min manat pulun 5900 manatını oğlu Fəxrinin yanında vermiş, 4100 manatını isə Kapital bank vasitəsilə göndərmişdir. Sonuncu dəfə 3000 min manat pulu isə qaynı X40 vasitəsilə Təqsirləndirilən şəxs göndərmişdir (iş vərəqə: cild İİ, səh.191-193; 198-200). Məhkəmə baxışı zamanı ifadəsi elan edilməklə tədqiq olunan məhkəməyədək icraat mərhələsində şahid qismində dindirilmiş Şahid4 və Şahid5 Şahid12 ilə oxşar məzmunlu ifadələr verib sonuncunun ifadəsində göstərdiyi xüsusatları bir daha təsdiq etmişlər (iş vərəqə: cild İİ, səh. 201-202, cild İİİ, səh.1-2). Məhkəmə baxışı zamanı iş üzrə şahid qismində dindirilən Şahid1 ifadəsində göstərdi ki, zərər çəkmiş Zərərçəkmiş şəxs1 oğludur və Bakı şəhərində bərbər kimi fəaliyyət göstərir. Kirayə yaşadığı üçün Bakı şəhərində özünə ev almaq istəmişdir. 2015-ci ilin təxminən payız aylarında anası ona zəng vuraraq Sevinc adlı bir tanışının olmasını və onun dayısının Bakı şəhərinin müxtəlif yerlərində bina inşa etdiyini bildirmişdir. Anasının deməsinə görə həmin qadının ev almaqda onlara köməklik edə biləcəyini demişdir. O, həmin qadının kimliyi ilə maraqlandıqda anaıs Sevincin onun pasiyenti olduğunu və yaxşı qadın olduğunu bildirmişdir. Daha sonra anası onu Sevinclə əlaqələndirmiş, onunla görüşüb evlərə baxmağa getməsini tapşırmışdır. Bundan sonra o, Sevinclə onun istifadəsində olan 050-74-34-26 saylı mobil nömrə ilə əlaqə saxlayıb görüşmüş və onunla birlikdə Abşeron rayonunun Xırdalan şəhərində yerləşən "xxxx" MTK-nın inşa etdiyi binaya baxmağa getmişlər. Həmin vaxt qardaşı Röyal da onunla birlikdə olmuşdur. Onlar binaya daxil olub baxdıqda onun quruluşunu bəyənmiş və buna görə də həmin binadan mənzil almaq qərarına gəlmişlər. Sevinclə görüşən zaman sonuncu ona anasının ona çox yaxşılıqlar etdiyini və ona görə də onlara köməklik edəcəyini bildirmişdir. Sevinc hətta mənzilin qiymətinin baha olduğunu, anasına görə isə bunu xeyli ucuz edəcəyini bildirmişdir. Buna görə də o, Sevincə minnətdarlığını bildirmişdir. Şahid1 ifadəsinin davamında göstərdi ki, 2015-ci ilin dekabr ayında anası ilə əlaqə saxladıqda anası ona Sevincin mənzilin qiymətini onlara xeyli ucuz edəcəyini bildirmişdir. 2015-ci ilin dekabr ayında anası Validə Bakı şəhərində Sevinclə görüşərək ona ilkin ödəniş üçün 7.000 manat pul vermişdir. Sevinc də anasına mənzilin alqı-satqısı ilə bağlı müqavilə vermişdir. Bundan sonra bildiyinə görə anası hər ay Sevincə mənzilə görə 1.800 manat ödəniş etmişdir. Onlar isə Sevincə güvəndikləri üçün mənzilin taleyi ilə maraqlanmamış, sadəcə vaxtlı vaxtında ödənişləri etmişlər. Anası Sevincə 2015-ci ilin dekabr ayından 2017-ci ilin avqust ayına qədər olan müddət ərzində hər ay 1.800 manat olmaqla ümumilikdə 21.000 manat, ilkin ödənişlə birlikdə isə 28.000 manat pul ödəmişdir. Daha sonra Şahid1 ifadəsinin davamında göstərdi ki, 2017-ci ilin avqust ayında anası ona 15.000 manat pul göndərərək həmin pulu mənzil almaq üçün Sevincə verməsini ondan xahiş etmişdir. O da Sevinclə əlaqə saxlayıb onunla Bakı şəhəri, Nərimanov rayonu ərazisində görüşmüş və mənzillə bağlı 15.000 manat pulu ona vermişdir. Həmin vaxt dostu İslam da onun yanında olmuşdur. Lakin, sonradan evin quruluşunu 3 otaqlı etmək qərarına gəlmiş və anası bu barədə Sevincə bildirdikdə Sevinc sənədləşdirmə işlərini həll etməsi üçün müqaviləni anasından almışdır. O, bundan şübhələnmiş və anasına Sevincə məlumat vermədən mənzilə gedib baxmalarını təklif etmişdir. Onlar Bakı şəhərində "xxxx" MTK-nın inşa etdiyi bütün binalarla maraqlandıqda onların adına ümumiyyətlə mənzil qeydə alınmadığı və ödəniş edilmədiyi onlara məlum olmuşdur. Həmin vaxt buna görə anasının səhhəti də pisləşmişdir. Elə həmin vaxt Təqsirləndirilən şəxs mənzil almaq adı ilə onlardan ümumilikdə 43.000 manat pul alıb onları aldatdığı onlara aydın olmuşdur. Bundan sonra onlar Sevinclə əlaqə saxlamaq istəsələr də, buna nail ola bilməmişlər. Təqsirləndirilən şəxs verilən pullar anası Zərərçəkmiş şəxs1 məxsus olmuş, Sevinc onlardan mənzil almaq adı ilə ümumilikdə 43.000 manat pul almışdır. Cinayət işinə məhkəmsə baxışı zamanı iş üzrə şahid qismində dindirilən Şahid2 ifadəsində qardaşı – məhkəmə baxışı zamanı şahid qismində dindirilmiş Şahid1la oxşar məzmunlu ifadə verib sonuncunun ifadəsində göstərdiyi xüsusatları bir daha təsdiq etdi. Məhkəmə baxışı zamanı elan edilməklə tədqiq olunan Şahid1 ilə Təqsirləndirilən şəxs arasında keçirilmiş üzləşmədə dindirmə protokolundan görünür ki, üzləşdirmə zamanı Şahid1 sərbəst ifadəsində göstərdiyi, daha sonra məhkəmə baxışı zamanı təkrarən təsdiq etdiyi xüsusatları Təqsirləndirilən şəxs üzünə qarşı bir daha demişdir (iş vərəqə: cild İ, səh. 71-74). Bundan başqa, məhkəmə baxışı zamanı şahid qismində dindirilən Şahid3 məhkəməyədək icraat mərhələsində vermiş olduğu ifadəsinə oxşar ifadə verib 2017-ci ilin avqust ayında tanışı Şahid1la birlikdə onun yaşadığı evin yaxınlığında Bakı şəhəri, Nərimanov rayonu ərazisində kafelərin birində sonuncunun bir qadınla görüşdüyünü, söhbətlərindən həmin qadının adının Sevinc olmasını öyrəndiyini, Elvinin onun iştirakı ilə həmin qadına pul verdiyini, hər iki tərəfin pulu saymalarını, pulun 15.000 manat olduğunu, kafeni tərk etdikdən sonra Elvinin həmin qadın anasının tanışı olduğunu və onlara ev alınmasında köməklik edəcəyini deməsini, 2017-ci ilin təxminən noyabr ayında Elvinlə təkrar görüşləri zamanı sonuncunun ona 15.000 manat pul verdiyi qadının onları aldatdığını və ev almaq adı ilə onlardan ümumilikdə 43.000 manat pul almasını dediyini bir daha təsdiq etmişdir. İş üzrə məhkəməyədək icraat mərhələsində şahid qismində dindirilmiş Şahid6 məhkəməyə teleqramma ünvanlayaraq ibtidai istintaq mərhələsində vermiş olduğu ifadəsini təsdiq etdiyini bildirmiş və nəzərə alınmasını məhkəmədən xahiş etmişdir. Qeyd olunanlara əsasən şahid qismində dindirilmiş Şahid6 ifadəsi məhkəmə baxışı zamanı elan edilməklə tədqiq olundu və müəyyən edildi ki, Şahid6 tədqiq olunan həmin ifadəsində həyat yoldaşı – baxılan iş üzrə zərər çəkmiş şəxs qismində dindirilmiş Zərərçəkmiş şəxs2 və qızı Şahid11 eşitdiklərini, yəni sonuncuların məhkəmə baxışı zamanı ifadələrində göstərdikləri xüsusatları bir daha təsdiq etmiş, hadisənin gedişatından özünün xəbərsiz olduğunu, bütün hadisəni əvvəl qızının, daha sonra həyat yoldaşı Zərərçəkmiş şəxs2 ona danışdığını və bir həftə sonra pulların qaytarılmadığını görüb şikayət etmələrini tapşırdığını göstərmişdir (iş vərəqə: cild İ, səh. 179-184). İş üzrə məhkəməyədək icraat mərhələsində şahid qismində dindirilmiş Şahid9 məhkəməyə teleqramma ünvanlayaraq ibtidai istintaq mərhələsində vermiş olduğu ifadəsini təsdiq etdiyini bildirmiş və nəzərə alınmasını məhkəmədən xahiş etmişdir. Qeyd olunanlara əsasən şahid qismində dindirilmiş Şahid9 ifadəsi məhkəmə baxışı zamanı elan edilməklə tədqiq olundu və müəyyən edildi ki, Şahid9 tədqiq olunan həmin ifadəsində göstərmişdir ki, ailəsinin dolanışığını təmin etmək məqsədilə Tərtər rayon mərkəzi bazarında toyuq alveri ilə məşğul olmuşdur. Tərtər şəhər sakini Təqsirləndirilən şəxs ilə onun arasında bir neçə dəfə toyuq alveri olmuşdur. Onunla hər hansı ədavət və düşmənçiliyi olmamışdır. Zərərçəkmiş şəxs2 isə tanımır. Onunla da hər hansı ədavət və düşmənçiliyi olmamışdır. Təxminən 2014-cü ilin aprel ayının əvvəllərində Sevinc ona demişdir ki, Bakı şəhərində satmaq üçün toyuqlar lazımdır. O da razılaşaraq ona toyuqlar verəcəyini bildirmişdir. Təxminən 2014-cü ilin aprel ayının əvvəllərində o, ilk dəfə Sevincə 8-9 manatdan olmaqla 25-30 ədəd toyuq vermişdir. Sevinc də onun pulunu verərək toyuqları həyat yoldaşı Elşada məxsus olan avtomobilin yük yerinə yığaraq aparmışdır. Sonradan təxminən aprel-may ayı ərzində 2 dəfə hər dəfə də 20, 25 və 30 ədəd xoruztoyuq olmaqla o, Sevincə toyuq satmışdır. Sonuncu dəfə Sevinc toyuqları apardıqdan sonra gəlib ona Eynullanın avtobusu ilə toyuqları apararkən isti olduğu üçün 7-8 toyuğun öldüyünü demişdir. O da Sevincə demişdir ki, “isti havada avtobusda toyuq dar yerdə getməz, ona görə ölübdür, mənlik deyil”. Sonradan Sevinc ondan yenə də toyuq almaq istəyinin olmasını bildirərkən o, razı olmayaraq ona daha toyuq sata bilməyəcəyini demişdir. Belə ki, Sevinc ondan nisyə mal verə biləcəyini soruşduqda, o, yox cavabını vermişdir. Bundan sonra o, Sevinclə alver etməmişdir. Şahid qismində dindirilmiş Şahid9 tədqiq olunan həmin ifadəsinin davamında göstərmişdir ki, Sevinc ona cəmi 7-8 toyuq öldüyünü və buna görə ona 50-60 manat ziyan dəydiyini demiş, lakin toyuqların hamısının ölməsini ona deməmişdir. Təqsirləndirilən şəxs Zərərçəkmiş şəxs2 pulunu külli miqdarda ələ keçirməsindən onun xəbəri olmamışdır. Bir rayonlu kimi Zərərçəkmiş şəxs2 həyat yoldaşı Şahid6 tanısa da, onların sələmə pul verməsini eşitməmişdir (iş vərəqə: cild İİ, səh. 47). Məhkəmə baxışı zamanı iş üzrə şahid qismində dindirilən Şahid10 ifadəsində göstərdi ki, o, 2013-cü ilin iyun ayından Ədliyyə Nazirliyi Tərtər rayon dövlət notariat kontorunun dövlət notariusu vəzifəsində işləmişdir. Tərtər şəhər sakinləri Təqsirləndirilən şəxs, Zərərçəkmiş şəxs2 və Şahid11 əvvəllər tanımamışdır. 09 yanvar 2015-ci il tarixdə iş yerində olarkən 3 nəfər sonradan adlarını bildiyi Təqsirləndirilən şəxs, Zərərçəkmiş şəxs2 və Şahid11 onun iş otağına daxil olaraq öz aralarında borc müqaviləsi bağlamaq istədiklərini bildirmişlər. Onlar şəxsiyyət vəsiqələrini verdikdən sonra onlardan kimin borc verən və kimin borc alan olması barədə soruşduqdan və ona tərəflər məlum olduqdan sonra o, həmin şəxslərə ərizə yazmalarını təklif etmişdir. Hər üç şəxs könüllü olaraq ərizələr yazmışdır. Belə məlum olmuşdur ki, Təqsirləndirilən şəxs, Zərərçəkmiş şəxs2 48 min manat, Şahid11 isə 2000 manat borclu olmasına dair müqavilə bağlamalıdır. O da həmin sənədləri kargüzar X9 verərək müqavilənin məzmununu komputerdə tərtib etməyi tapşırmışdır. Müqavilə hazır olduqdan sonra digər kargüzar X22 həmin müqaviləni reyestr kitabına işləmişdir. Bütün prosedura əməl edildikdən sonra o, müqaviləni götürərək müqavilənin mətnini tərəflərə ucadan oxumuşdur. Hər birinə hüquq və vəzifələrini izah etmiş və müqavilənin imzalanmasını təklif etmişdir. Onlar müqaviləni imzaladıqdan sonra o, möhürlə həmin müqaviləni təsdiq edərək bir nüsxəsini tərəflərə digər nüsxəsini isə sənədlərə əlavə edərək özündə saxlamışdır. Bundan sonra tərəflərə müqavilənin rüsumunu ödəməyi demişdir. Qanuna uyğun olaraq müqavilənin rüsumunu borcalan ödəməli imiş. Müqavilənin dövlət rüsumu isə hər bir müqaviləyə görə 92 manat imiş. Həmin vaxtı belə məlum olmuşdur ki, borcalan yəni, Təqsirləndirilən şəxs pulu yoxdur, buna görə də dövlət rüsumunu borcverən Şahid11 ödəmişdir. Hər iki müqaviləyə görə ümumilikdə 184 manat dövlət rüsumu ödənilmişdir. Şahid qismində dindirilən Şahid10 ifadəsinin davamında göstərdi ki, müqavilə bağlanan vaxt Təqsirləndirilən şəxs Zərərçəkmiş şəxs2 və Şahid11 tərəfindən hər hansı bir psixoloji təziqin olmasının şahidi olmamışdır. Bütün tərəflər könüllü şəkildə müqavilə bağlamağa razı olmuşlar. O, müqavilə bağlanan zaman Zərərçəkmiş şəxs2 X10 48 min manat və X35 qizinin X10 2000 manat pulların verməsinin şahidi olmamışdır. X1 Nahida Tofiq qızından 2000 manat və Zərərçəkmiş şəxs2 qıznıdan 48 min manat pulu nə vaxtsa almasını həm yazılı formada, həm də şifahi formada etiraf etdiyi üçün o, qanuna müvafiq olaraq həmin müqaviləni tərtib etdirərək təsdiq etmişdir. O, müqavilənin tərəflərin həqiqi niyyətinə uyğun olub-olmamasını müəyyən etmək qənaətinə gəlməmişdir. Ona görə də, müqavilənin bağlanmasından imtina etməmişdir. Həmin pulu Sevinc Karimova onun yanında almamışdır. Amma o, pulu aldığını etiraf etmişdir. Daha sonra məhkəmə baxışı zamanı cinayət işi üzrə şahid qismində dindirilmiş X15 ifadəsi elan olunmaqla tədqiq edildi və müəyyən edildi ki, şahid Elşad Quliyev tədqiq olunan həmin ifadəsində göstərmişdir ki, ailəsinin dolanışığını təmin etmək məqsədi ilə gündəlik taksi fəaliyyəti ilə məşğul olmuşdur. Təqsirləndirilən şəxs onun həyat yoldaşıdır, birgə nigahdan 3 övladları dünyaya gəlmişdir. Zərərçəkmiş şəxs2 təxminən 10-15 ildir ki, tanıyır. Onlar qardaşı Tofiq ilə qonşudurlar. Təxminən 5-6 il əvvəll ilk dəfə həyat yoldaşı Sevinc kredit paltar qab-qaşıq və sair mallar gətirərək bəzi binaların qarşısında və mənzillərdə satmış, Zərərçəkmiş şəxs2 da bir neçə dəfə həyat yoldaşından xırda mallar aldığı üçün onların münasibətləri yaranmışdır. Şahid Elşad Quliyev tədqiq olunan ifadəsinin davamında göstərmişdir ki, bir neçə il əvvəl o, avtomobil qəzasına düşdüyü üçün onlara pul lazım olmuş, həyat yoldaşı Təqsirləndirilən şəxs da Zərərçəkmiş şəxs2 yanına gedərək ondan təxminən 2200 manat borca pul almışdır. Həmin pulun 1100 manatını qaytardıqdan sonra o, üzərində narkotik vasitə saxladığı üçün həbs olunmuşdur. Buna görə də, Zərərçəkmiş şəxs2 onlara yaxşılıq edərək həyat yoldaşı Sevincə bildirmişdir ki, təmannasız olaraq o çıxdıqdan sonra onun pulunu qaytararsız. 8 aydan sonra o, həbsdən çıxmış və həmin 1100 manatı Zərərçəkmiş şəxs2 qaytarmışlar. Bundan sonra o, daha Almazadan borca pul götürməmişdir. Təxminən 2014-cü ilin may aylarında həyat yoldaşı Sevinc ona bir neçə dəfə bildirmişdir ki, Almazgil ilə lotereya oynayır, lotereyanı götürdükdən sonra həyətyanı sahə alarlar. xx.xx.2015-ci il tarixdə Tofiqin qardaşı kimi bildiyi şəxs onun mobil nömrəsinə zəng edərək “Tofiqin səninlə işi var, axşam onlara gəlin, nə isə pul haqq-hesabı var” demişdir. O da Sevincin qardaşı Arifi, qardaşı arvadı Rayanı götürərək həmin günü axşam saat 20 radələrində Tofiqin yaşadığı ünvana getmişdir. Onlar əyləşib söhbət edən zaman orada Tofiqin qızı Nahidə onun həyat yoldaşı, Almaz, Tofiqin adını bilmədiyi qardaşı var imiş. Tofiq söhbətə başlayaraq bildirmişdir ki, həyat yoldaşı Təqsirləndirilən şəxs onun həyat yoldaşı Almazdan 48 min manat, qızı Nahidədən isə 2600 ABŞ dolları pul alıbdır. O da onlara bu işlərdən xəbəri olmadığını, gedib Sevinclə danışıb nə məsələ olduğunu öyrənəcəyini demişdir. Təxminən 1 saat müddətində onlar ona və Arifə həyat yoldaşının hansı qayda ilə Almazdan və qızı Nahidədən aldığı pullar barədə danışdıqdan sonra o, və Arif onlardan çıxaraq yaşadıqları evə getmişlər. Evdə həyat yoldaşı Sevincən bu barədə soruşduqda Sevinc ona və Arifə demişdir ki, “düzdür Almaz və qızından pullar götürmüşəm, amma əvəzini də qaytarmışam, mənim onlara təxminən 27 min borcum qalıbdır”. O da bu məbləğdə pulları nə etdiyini soraşan zaman demişdir ki, “özüm bilərəm almışam, özüm də qaytaracam”. Bu günə kimi də pulu hara xərclədiyi, kimə verdiyi barədə ona heç bir söz deməyib. Ona da bildirmişdir ki, əgər sən bu işə qarışsan özümü öldürəcəm. Ona görə də, o, daha onun işləri ilə maraqlanmamışdır (iş vərəqə: cild İ, səh. 188-190). Daha sonra məhkəmə baxışı zamanı cinayət işinin ibtidai istintaqı mərhələsində şahid qismində dindirilmiş Şahid7 elan edilməklə tədqiq olunan ifadəsindən görünür ki, Şahid7 tədqiq olunan həmin ifadəsində göstərmişdir ki, Tərtər şəhər sakini Təqsirləndirilən şəxs təxminən 7-8 ildir ki, tanıyır. Belə ki, əvvəllər onun qonşuluğunda yaşamışdır. Sonradan o, ailəsi ilə birlikdə Ə.Paşayev küçəsində kirayə yaşamağa başlamışdır. Onunla hər hansı ədavət və düşmənçiliyi olmamış, həmişə münsibətləri yaxşı olmuşdur. Zərərçəkmiş şəxs2 isə tanımamışdır. 2014-cü ilin təxminən noyabr ayında Sevinc onun yaşadığı evə gələrək Zərərçəkmiş şəxs2 12 min manal pul götürdüyünü və həmin məbləğin faizlə artıq 48 min manat olduğunu bildirmişdir. Həmçinin, bildirmişdir ki, o, 12 min manat borcu olduğu halda 48 min manat borca görə notariusda müqavilə bağlayıbdır. O da Sevincə demişdir ki, əgər sənin 48 min manat borcun yox idisə, nə üçün münavilə bağlayırdın. O isə heç nə deməmişdir. Bundan sonra o, neçə vaxt Təqsirləndirilən şəxs görməmişdir. Onunla aralarında heç bir borc haqq-hesabı olmamışdır. Təxminən bir neçə gün öncə Tərtər rayon mərkəzi bazarına bazarlıq üçün gedən zaman bazarda kimsə danışmışdır ki, Sevinc Almaz adlı şəxsdən 48 min manat pulu ələ keçirdiyi üçün həbs olunubdur. O da evə gələrək bu barədə qızı Gülnara demişdir. Qızı Gülnar da demişdir ki, “yazıqdır ona yemək apar”. O da yemək aparmaq üçün rayon polis şöbəsi ilə əlaqə saxlayarkən bildirmişlər ki, Sevinc tutulmayıbdır. Şahid7 tədqiq olunan həmin ifadəsinin davamında göstərmişdir ki, onun Sevinclə heç bir haqq-hesabı olmamışdır. Sevinc bir neçə dəfə onlara gələrək ona və qızına ev işlərində köməklik etdiyindən onların ona yazığı gəlmişdir. Sevinc ona Almazdan 12 min manat pul aldığını, lakin faiz olduğu üçün 48 min manat olduğunu demişdir. Sevincin Almazın pulunu ələ keçirməsindən xəbəri olmamış, Zərərçəkmiş şəxs2 əvvəllər sələmə pul verməsini eşitməmişdir (iş vərəqə: cild İ, səh.191). Bundan başqa, məhkəmə baxışı zamanı cinayət işinin ibtidai istintaqı mərhələsində şahid qismində dindirilmiş Şahid14 Əlövsət oğlunun elan edilməklə tədqiq olunan ifadəsindən görünür ki, Şahid14 tədqiq olunan həmin ifadəsində göstərmişdir ki, onun özünə məxsus olan VAZ 21074 markalı, **-EF-*** dövlət qeydiyyat nişanlı avtomobillə Tərtər şəhəri ərazisində taksi fəaliyyəti ilə məşğul olmuşdur. Zərərçəkmiş şəxs2 atası Əlövsətgillə təxminən 40 ildir ki, qonşudurlar. Təqsirləndirilən şəxs isə bir rayonlu kimi tanımışdır. Sevinclə münasibətləri yaxşı olmuş, ədavət və düşmənçiliyi olmamışdır. O, taksi fəaliyyəti ilə məşğul olduğu üçün rayon ərazisində Sevinci dəfələrlə müştəri kimi dediyi ünvanlara apararaq qarşılığında pulunu almışdır. Sevinc hər dəfə ona məxsus ***- ***-**-** saylı mobil nömrəsinə zəng edərək sifariş vermişdir. 2014-cü ilin təxminən avqust ayının əvvəllərində o, Tərtər şəhəri Elektromexanika zavodunun qarşısında avtomobili ilə müştəri gözləyən vaxt Sevinc əlində sellofan torba ilə ona yaxınlaşaraq “Amin get Almaz xalanın yanına sənə bir şey verəcəkdir” demişdir. O da özünə məxsus olan avtomobillə Zərərçəkmiş şəxs2 yaşadığı M.Hüseyzadə küçəsində yerləşən binalarının qarşısına gedən vaxtı o, Zərərçəkmiş şəxs2 binanın həyətində həyat yoldaşı Şahid6 məxsus “Mersedens-Benz 190” markalı avtomobili yumasını görmüşdür. O, Zərərçəkmiş şəxs2 yaxınlaşaraq ona onu Sevincin göndərdiyini demiş, Almaz da ona gözləməyi tapşırıb evə daxil olaraq əlində sarı kağıza bükülmüş formada nə isə gətirmişdir. Həmin şeyin nə olduğunu soruşduqda, Almaz kağızın içərisində 10 min manat pul olduğunu demişdir. O da tez avtomobilə əyləşərək getmək istədikdə Zərərçəkmiş şəxs2 bildirmişdir ki, “heç kimə bildirmə, həmişə Cavid gəlib pulu aparıb, indi Cavid Bakı şəhərinə müştəri aparıbdır, sən bu pulu apar Sevincə ver” demişdir. O da Almaz demişdir ki, “indiki belə oldu onda sən əyləş mənim avtomobilimə mən pulları sayım”. Almaz da onunla razılaşaraq avtomobilin qabaq oturacağında əyləşmişdir. O da kağızı onun əlindən alaraq içərisində olan pulları saymağa başlamışdır. Həmin vaxtı ətrafda heç kim olmamışdır. O, həmin pulun 10 min manat olduğuna əmin olduqdan sonra həmin pulu götürmüşdür. Bu zaman Sevinc onun mobil nömrəsinə zəng etmiş və ondan pulu götürüb-götürmədiyini soruşmuş, o da bunu təsdiq etmişdir. Sevinc onu Ə.Paşayev küçəsində Mobil adlı şəxsin mağazasının yanında gözlədiyini demişdir. O da həmin yerə gələn zaman Sevinc onun avtomobilinin arxa oturacağında əyləşib pulları saymağa başlamışdır. Sevinc pulun düz olduğunu görüb avtomobildən düşən zaman ona 2 manat vermişdir. O, Sevincə onu bir daha belə işlərə qatmamasını demişdir. Bundan sonra o, çıxıb getmişdir. Təqsirləndirilən şəxs Zərərçəkmiş şəxs2 məxsus 48 min manat pulu aldadaraq ələ keçirdiyindən xəbəri olmamış, bunu yalnız polis şöbəsində eşidib bilmişdir (iş vərəqə: cild İ, səh.201-202). Bundan başqa, məhkəmə baxışı zamanı cinayət işinin ibtidai istintaqı mərhələsində şahid qismində dindirilmiş X16 elan edilməklə tədqiq olunan ifadəsindən görünür ki, şahid Ramin Cəhdi tədqiq olunan həmin ifadəsində göstərmişdir ki, ailəsinin dolanışığını təmin etmək məqsədilə Tərtər rayon mərkəzi bazarında toyuq alveri ilə məşğul olur. Tərtər şəhər sakini X8 təxminən 7-8 ildir ki, tanıyır. Belə ki, hal hazırda Sevinc onun yaşadığı ünvanda kirayə evdə qonşuluqda yaşayır. O, Sevinci əvvəllər kreditə televizor və digər mallar gətirib satan vaxtdan tanıyır. Onunla hər hansı ədavət və düşmənçiliyi olmamışdır. Zərərçəkmiş şəxs2 bir rayonlu kimi xeyli vaxtdır ki, tanıyır. Onunla da hər hansı ədavət və düşmənçiliyi olmamışdır. Şahid Ramin Cəhdi tədqiq olunan həmin ifadəsində, həmçinin göstərmişdir ki, 2014-cü ilin aprel ayının təxminən əvvəllərində Sevinc ona demişdir ki, ona Bakı şəhərində satmaq üçün toyuqlar lazımdır, o da razılaşaraq ona toyuqlar verəcəyini bildirmişdir. O, ilk dəfə Sevincə 5 manatdan olmaqla 50 ədəd toyuq vermişdir. Sevinc də onun pulunu verərək toyuqları aparmışdır. Sonradan aprel ayı ərzində 4 dəfə hər dəfə də 50 ədəd toyuq olmaqla o, Sevincə toyuq satmışdır. Sonuncu dəfə Sevinc toyuqları apardıqdan sonra gəlib ona demişdir ki, avtobus ilə toyuqları apararkən isti olduğu üçün 7-8 toyuq ölmüşdür. Sevincin deməsinə görə 50-60 manat ziyan etmişdir. Sevinc ona toyuqların hamısının ölməsini deməmişdir. O Sevincə “isti havada avtobusda toyuq dar yerdə getməz, ona görə ölübdür, mənlik deyil” cavabını vermişdir. Sonradan Sevinc ondan yenə də toyuq almaq istədikdə o, razı olmayaraq ona daha toyuq ala bilmədiyini demişdir. Bundan sonra daha Sevinclə alver etməmişdir. O, 2014-cü ilin aprel ayının əvvəllərindən may ayının əvvəllərinə kimi Təqsirləndirilən şəxs ümumilikdə 200 ədəd toyuq satmışdır. Həmin toyuqları o, 5 manatdan alaraq 5,5 və 6 manatdan Sevincə satırmış. Hər dəfə də Sevinc toyuqları Bakı şəhərinə aparıb satarkən yaxşı qazancı olduğunu ona demişdir. O, Təqsirləndirilən şəxs Zərərçəkmiş şəxs2 pulunu külli miqdarda ələ keçirmişdir sonradan eşitmiş, bir rayonlu kimi Zərərçəkmiş şəxs2 əvvəllər sələmə pul verməsini eşitməmişdir (iş vərəqə: cild İİ, səh. 23). Bundan başqa, məhkəmə baxışı zamanı cinayət işinin ibtidai istintaqı mərhələsində şahid qismində dindirilmiş Şahid8 elan edilməklə tədqiq olunan ifadəsindən görünür ki, Şahid8 tədqiq olunan həmin ifadəsində göstərmişdir ki, Tərtər şəhər sakini Təqsirləndirilən şəxs təxminən 7-8 ildir ki, tanıyır. Həmişə münasibətləri yaxşı olmuş, ədavət və düşmənçilikəri olmamışdır. Belə ki, Sevinc əvvəllər fala baxırmış və buna görə də, onunla tanış olmuşdur. Sonradan onunla münasibəti yaranmışdır. Sevinc bir neçə dəfə onun yaşadığı evə gələrək ev işlərində ona köməklik etmiş, əvəzində isə ona zəhmətinin qarşılığında 10, 20 manat və s. pullar vermişdir. Zərərçəkmiş şəxs2 təxminən 20 ildir ki, tanıyır, onunla və ailəsi ilə münasibətləri yaxşı olmuş, xeyir-şərlərində bir yerdə olmuşlar. Bir neçə dəfə Sevinc ondan 20, 50, 100 manat pul alaraq sonra qaytarmışdır. Sevinc həmin pulları anası rəhmətə gedən vaxt ondan ehtiyacı olduğu üçün almışdır. Bundan sonra da o, bir neçə dəfə alver adı ilə ondan 100 və 200 manat pul almış, sonrada da qaytarmışdır. Onların münasibətləri daha da yaxşılaşmağa başlamışdır. Bir dəfə Sevinc onun rəfiqəsi Şəhla Kalam qızına onun yanında Zərərçəkmiş şəxs2 800 manat pul alaraq əvəzində Almaza bankomat kartı və qızıl qoyaraq pul alıb vermişdir. Əvəzində isə hər ay Şəhla 80 manat pul vermişdir. Həmin kartda aylıq 122 manat pul olmuş, həmin pulun 80 manatını Almaz götürmüş, yerdə qalan 42 manatını isə Şəhlanın ona borcu olduğu üçün Almaz ona göndərmişdir. Şahid8 ifadəsinin davamında göstərdi ki, 2014-cü ilin təxminən avqust-sentyabr ayında qonşusu Tofiqin bacısı Məhbub onu çağıraraq “Sevinc nə yaxşı sizə gəlir, sənə verəcəyi var?” sualını vermiş, o da cavabında Sevincin ona 1000 manat borcu olduğunu demişdir. Əslində isə Sevincin ona borcu olmamış, özü ona yalandan demişdir. Həmin vaxt qonşusu Məhbub “1000 manat nədir ki, Sevinc mənim qardaşım arvadından 5-6 min manat pul alıbdır” demişdir. O da Məhbubdan aralaşdıqdan sonra tez Sevincə zəng edib demişdir ki, “bizə gəl səninlə işim var”. 2-3 gün sonra Sevinc onlara gələn zaman o, Məhbubun dediklərini ondan soruşmuşdur. Sevinc ona demişdir ki, “özləri hər şeyi yaxşı bilir, yalan sözdür”. Aradan bir müddət keçdikdən sonra o, eşitmişdir ki, Sevinc Almazdan 48 min manat pul alıb ələ keçirmişdir. O, Sevincdən bu barədə soruşan zaman Sevinc bildirmişdir ki, onun Almaza 27 min manat borcu var. O, Sevincdən nə üçün 48 min manat pula notariusda müqavilə bağlamısan dedikdə, Sevinc demişdir ki, “başıma oyun gəldi, bilmədim nə qədərdir, dedim ki, nə bilirsiz edin Tofiq və Elşad bilməməsi üçün mən buna razı oldum”. O 27 min manat pulu nə etmisən dedikdə Sevinc alverdə batırdığını demişdir. Bundan sonra da mütəmadi olaraq Sevinc onlara gəlib gedərkən onlar bu barədə söhbət edirmişlər. Verilən suallara cavab olaraq bildirmişdir ki, onunla Sevinc arasında pul münasibətləri təxminən bir il əvvəll olmuşdur. O, Sevincə borc məqsədilə 20, 50, 100 manat pul vermişdir. Sevinc həmin pulları anası rəhmətə gedən vaxt ehtiyacı olduğu üçün almışdır. Bundan sonra da o, bir neçə dəfə alver adı ilə ondan 100 və 200 manat pul alaraq qaytarmışdır. Təqsirləndirilən şəxs Kapital bank vasitəsi ilə ona xx.xx.2014-cü il tarixdə 7700 manat, xx.xx.2014-cü il tarixdə 8800 manat, bundan başqa xx.xx.2014-cü il tarixdə X13 adına göndərdiyi 11300 manat, xx.xx.2014-cü il tarixdə 8000 manat, xx.xx.2014-cü il tarixdə 4200 manat pul göndərmişdir. Ümumilikdə isə Cavid və bank vasitəsi ilə ona bir ay ərzində 60 min manat pul verilibdir. O, həmin pulları özündə saxlayırmış ki, Sevinc pulu itirər və ya kimsə əlindən alar. Həmin pulları da o, Bank və Cavidin vasitəsi ilə özünə göndərmişdir. O, Caviddən təxminən 4-5 dəfə Sevincə 8 min manat, 10 min manat, 5 min manat pul göndərmişdir. Onunla Sevinc arasında bir neçə dəfə hesablaşma olsa da, lakin Sevincin ona verdiyi həmin 12 min manatla Cavidin ona verdiyi 8 min manat yadında qalmamışdır. Sevincin Zərərçəkmiş şəxs2 ələ keçirdiyi puldan xəbəri olmamış, həmin hadisəni sonradan bilmişdir. Şahid8 tədqniq olunan başqa bir ifadəsində göstərmişdir ki, 2014-cü ilin təxminən iyun ayında Sevinc onun yanına gələrək bildirmişdir ki, meyvə sezonudur, yaxşı pul qazanmaq olar. Birinci dəfə Sevinc ondan 3 min manat pul almış, Gorandan meyvə alaraq Bakıda aparıb satacağını bildirmişdir. O da Sevincə 3 min manat pul vermiş, lakin aradan 2-3 gün keçdikdən sonra Sevinc həmin 3 min manat pulu ona qaytarmışdır. Aradan bir neçə gün keçdikdən sonra Sevinc ona zəng edərək bildirmişdir ki, ona 4 min manat pul lazımdır. Belə ki, Bakıda alver edir və pulunu 2-3 günə qaytaracaq. O da həmin pulu Sevincə göndərəcəyini demişdir. O, 4 min manat pulu Cavidə vermişdir ki, bank vasitəsi ilə Sevincə göndərsin. Aradan bir neçə gün keçdikdən sonra Sevinc 4 min manat pulu Cavid vasitəsi ilə ona göndərmişdir. Bir neçə gün sonra isə Sevinc ona zəng edərək ona 8 min manat pul lazım olduğunu demiş, alver edib qaytaracağına söz vermişdir. O, yenə də Sevincə inanaraq 8 min manat pulu bank vasitəsi ilə Sevincə göndərmişdir. Az müddət sonra Sevinc Tərtər rayonuna gələrək həmin 8 min manat pulu əlbəəl özünə qaytarmışdır. Aradan bir neçə gün keçdikdən sonra Sevinc ona daha da böyük məbləğdə - 10-12 min manat pul lazım olduğunu demişdir. Özündə pul olmadığından o, Sevincə pul vermək məqsədi ilə Bərdə şəhərində yerləşən “Bank Respublika”dan birinci dəfə xx.xx.2014-cü il tarixdə 5460 (beş min dörd yüz altmış) manat, ikinci dəfə xx.xx.2014-cü il tarixdə 6160 (altı min yüz altmış) manat pul götürərək ümumilikdə bir dəfəyə 11 min manat “Bank Respublika” vasitəsi ilə Sevincə göndərmişdir. Bir neçə gün keçdikdən sonra Sevinc həmin 11 min manat pulu ona qaytarmışdır. Bundan sonra Sevincin ona borcu qalmamışdır. Bircə aralarında olan, Sevincə hər dəfə verdiyim pullardan ümumilikdə qalan qazancdan 7 min manat ortada pulu olmuşdur. Həmin yeddi min manat pulun 3500 manatı ona çatası olmuşdur. O, həmin xeyrini ondan istəməmişdir ki, alver etsin daha da çoxaltsın. Aradan bir müddət keçdikdən sonra 2014-cü ilin avqust ayının təxminən 11-12-də Sevinc ona zəng edərək çoxlu mal olduğunu və ona pul lazım olduğunu demişdir. O, nə qədər pul lazım olduğunu bildirdikdə Sevinc ona 11 min manat pul lazım olduğunu və bununla da xeyli qazac əldə edəcəyini bildirmişdir. O da 11 min manat pulu Bərdə rayonuna gedərək Bank Respublika vasitəsi ilə Sevincə göndərmişdir. Aradan bir neçə gün keçdikdən sonra Sevinc onun yaşadığım evə gələrək demişdir ki, “Lətafət xala ölmüşəm, məni yerdən götür, bəs pulum var gəlir. Mən çoxlu mal almaq üçün şərikimə pul vermişəm, mənə 11 min manat da pul lazımdır”. O da bir neçə günə pulu kimdənsə alıb verəcəyini demişdir. Əslində isə pul onda olduğu üçün elə etmişdir ki, birdən Sevinc onu aldadar. Buna görə də o, təxminən 2014-cü ilin avqust ayının 15 də Sevincə Bərdə rayonundan Bank Respublika vasitəsi ilə 11 min manat pul göndərmişdir. Aradan bir neçə gün keçdikdən sonra Sevinc onun yanına gələrək demişdir ki, “Lətafət xala başıma iş gəlibdir, pulu batırmışam. Kom pulumu apardılar. Məndən başqa da bir neçə nəfər şəxsin pulunu bazarda aldadıb apardılar”. Həmin vaxtı o, Sevincin dilindən ona borcu olması barədə kağız yazdırmışdır. Həmin kağızda Sevinc ondan 23 min manat pul almasını etiraf etmişdir. Bundan sonra o, bir neçə dəfə Sevincdən pulunu istəsə də, Sevinc ondan ümumilikdə 1200-1300 manat qaytarsa da, bu günə kimi Sevincin ona təxminən 22 min manat borcu vardır. Aradan bir neçə gün keçdikdən sonra (təxminən avqust ayının sonlarında) ona məlum olmuşdur ki, Sevinc ondan başqa Zərərçəkmiş şəxs2 da 27 min manat pul almışdır. Həmin vaxtdan indiyə kimi Sevinc onun pulunu verməmişdir (iş vərəqə: cild İİ, səh.45-46; 125-127). İşdə olan və məhkəmə baxışı zamanı elan edilməklə tədqiq olunan məhkəməfonoskopik ekspertizasının 13 may 2015-ci il tarixli 6317 nömrəli rəyindən görünür ki, ekspertizaya təqdim olunmuş 1 və 2 saylı disklərdə olan 1 və 2 saylı mübahisəli fonoqramlardakı danışıqların yazılı mətnləri tədqiqi hissədə verilmiş mətnlərdən ibarətdir. Tədqiq olunan həmin rəydən görünür ki, ekspertizaya təqdim olunmuş 1 və 2 saylı disklərdə olan 1 və 2 saylı mübahisəli fonoqramlardakı danışıqların tədqiqi hissədə verilmiş yazılı mətnlərində Q1 kimi işarə olunmuş diktorunun səsi və nitqi Təqsirləndirilən şəxs məxusdur. Daha sonra tədqiq olunan həmin rəydən görünür ki, ekspertizaya təqdim olunmuş 2 saylı diskdə olan 2 saylı mübahisəli fonoqramdakı danışıqların tədqiqi hissədə verilmiş yazılı mətnlərində Q2 kimi işarə olunmuş diktorunun səsi və nitqi Şahid11 məxsusdur. Ekspertizaya təqdim olunmuş 1 saylı diskdə olan 1 saylı mübahisəli fonoqram ekspertizaya təqdim olunmuş “Samsung” markalı “GT-S6102” modelli mobil telefon vasitəsilə və ya eyni parametrli digər yazı qurğusu vasitəsi ilə qeydə alınmışdır. Ekspertizaya təqdim olunmuş 1 saylı diskdə olan 1 saylı mübahisəli fonoqramda montaj əlamətləri müəyyən olunmadı. Ekspertizaya təqdim olunmuş 2 saylı diskdə olan saylı mübahisəli fonoqram ilkin olmadığından həmin fonoqramın ekspertizaya təqim olunmuş “Samsung” markalı “GT- S6102” modelli mobil telefon vasitəsilə yazılıb-yazılmadığını müəyyən etmək mümkün olmadı. Ekspertizaya təqdim olunmuş 2 saylı diskdə olan 2 saylı mübahisəli fonoqramın 00 dəq. 32-ci saniyəsində tədqiqi hissədə qeyd olunan montaj əlamətləri qeydə alınmışdır. Lakin 2 saylı mübahisəli fonoqram ilkin olmadığından qeyd olunan montaj əlamətlərinin yaranma səbəbini müəyyən etmək mümkün olmadı. Ekspertizaya təqdim olunmuş 1 və 2 saylı disklərdə olan 1 və 2 saylı mübahisəli fonoqramlardakı danışıqların yazılı mətnlərdə “Q2” kimi işarə olunmuş diktorun psixiemosional vəziyyətində nisbi ekstremallıq hiss olunmur (iş vərəqə: cild İİ, səh.170-180). İşdə olan və məhkəmə baxışı zamanı tədqiq olunan ibtidai istintaq orqanının 05 mart 2015-ci il tarixli «götürmə haqqında» qərarından görünür ki, X20 tərəfindən istintaqa təqdim edilmiş, video və audio yazılarda Təqsirləndirilən şəxs Zərərçəkmiş şəxs2 ümumilikdə 50 039,44 maddi ziyan vurmasını etiraf etməsi və yaxın zamanlarda pulu ödəyəcəyinə dair vədlər verməsi təsdiq olunmuşdur(iş vərəqə: cild İİ, səh.26). Bundan başqa, məhkəmə baxışı zamanı tədqiq olunan 09 yanvar 2015-ci il tarixli borc müqaviləsinin məzmunundan görünür ki, Təqsirləndirilən şəxs ilə Zərərçəkmiş şəxs2 və Şahid11 arasında ayrı-ayrılıqda Tərtər rayon Dövlət Notariat kontorunda həmin müqavilə bağlanmışdır. Cinayət işinə məhkəmə baxışı zamanı tədqiq olunan materiallarından görünür ki, Təqsirləndirilən şəxs Zərərçəkmiş şəxs2 və Şahid11 pulları 2014-cü ilin iyul-avqust aylarında almış, sonradan isə Zərərçəkmiş şəxs2 və Şahid11 verdikləri pullarını tələb etdikdə Təqsirləndirilən şəxs həmin pulları qaytarmaq iqtidarında olmadığından tərəflər arasında olan razılaşmaya əsasən həmin 09 yanvar 2015-ci il tarixli borc müqavilələri bağlanmışdır. Tədqiq olunan 09 yanvar 2015-ci il tarixli borc müqavilələri cinayət işi üzrə maddi sübut kimi tanınaraq cinayət işi materiallarına əlavə edilmişdir (iş vərəqə: cild İ, səh.118- 119, cild İİİ, səh. 45-81). Bundan başqa, işdə olan və məhkəmə baxışı zamanı tədqiq olunan "xxxx"-ın Tərtər rayon filialından daxil olmuş 14 mart 2015-ci il tarixli 59-80 nömrəli məktubundan görünür ki, Təqsirləndirilən şəxs tərəfindən X21 xx.xx.2014-cü il, xx.xx.2014-cü il və xx.xx.2014-cü il tarixlərdə müvafiq olaraq 4200 manat, 8000 manat və 11300 manat, Şahid8 isə xx.xx.2014-cü il və xx.xx.2014-cü il tarixlərdə müvafiq olaraq 7700 manat və 8800 manat pul göndərmişdir. Bundan başqa, Şahid8 Təqsirləndirilən şəxs xx.xx.2014-cü il, xx.xx.2014-cü il və xx.xx.2014-cü il tarixlərdə müvafiq olaraq 1984 manat, 2976 manat və 3095 manat pul göndərmişdir. Bundan başqa X2 Sevinc Sultan qızına xx.xx.2014-cü il tarixdə 700 manat pul göndərmişdir. Məhkəməyədək icraat zamanı "xxxx"-ın Tərtər rayon filialından daxil olmuş bank əməliyyatlarından çıxarışlar maddi sübut kimi tanınmışdır (iş vərəqə: cild İİ, səh. 51-108; cild İİİ, səh. 45-81). Daha sonra işdə olan və məhkəmə baxışı zamanı tədqiq olunan “Bank Respublika”dan 20 aprel 2015-ci il tarixli 1919 nömrəli məktubla daxil olmuş bank əməliyyatlarından çıxarışlardan görünür ki, Şahid8 ilə Təqsirləndirilən şəxs arasında xx.xx.2014-cü il, xx.xx.2014-cü il, xx.xx.2014-cü il və xx.xx.2014-cü il tarixlərdə müvafiq olaraq 6950 manat, 5943 manat, 7950 manat və 11013 manat, xx.xx.2014-cü il tarixdə isə 2214 manat və 11013 manat pul köçürmələri baş vermişdir. Məhkəməyədək icraat zamanı “Bank Respublika”dan daxil olmuş bank əməliyyatlarından çıxarışlar maddi sübut kimi tanınmışdır(iş vərəqə: cild İİ, səh. 130-132, cild İİİ, səh. 45-81). Məhkəmə baxışı zamanı tədqiq olunan «könüllü təqdim edilmiş sənədlərə baxış keçirmə və götürmə barədə» 24 mart 2019-cu il tarixli protokoldan görünür ki, iş üzrə Zərərçəkmiş şəxs1 istintaq orqanına 02 vərəqədən ibarət "xxxx" MMC-yə aid kredit mənzil satışını və onun şərtlərini əks etdirən sənəd təqdim etmiş və həmin sənədlər üzərində pul mübadiləsinə dair qeydlər aparıldığı əks olunmuşdur. Qeyd edilən sənədlərdə cinayət təqibi üzrə əhəmiyyət kəsb edən hallar müəyyən edildiyindən onlar maddi sübut kimi tanınmış və cinayət işinin materiallarına əlavə edilmişdir(iş vərəqə: cild İİ, səh. 97-99, cild İİİ, səh. 45-81). Beləliklə, məhkəmə tam, hərtərəfli və obyektiv araşdırma aparıb, tədqiq olunan sübutlar toplusuna məcmu halında qiymət verərək, Təqsirləndirilən şəxs təqsirsizliyi ilə bağlı məhkəmə baxışı zamnı gətirdiyi dəlilləri onun özünü müdafiə məqsədi ilə seçmiş olduğu müdafiə taktikası kimi qiymətləndirib belə nəticəyə gəlir ki, Təqsirləndirilən şəxs etibardan sui-istifadə etmə və ya atdatma yolu ilə özgənin əmlakını ələ keçirib xeyli miqdarda və külli miqdarda ziyan vurmaqla təkrarən dələduzluq, həmçinin xidməti vəzifəsinin (səlahiyyətlərinin) icrası ilə əlaqədar hər hansı hərəkətin edilməsi və ya belə hərəkətin edilməsindən imtina olunması müqabilində vəzifəli şəxsə onun özü və ya üçüncü şəxslər üçün birbaşa və ya dolayı yolla, şəxsən və ya vasitəçidən istifadə etməklə maddi nemətin təklif olunması, vəd edilməsi və ya verilməsinə təhrik etmə cinayət əməllərini törətməsi mötəbər və təkzibedilməz sübutlarla tam təsdiq olunduğundan onun cinayət əməli ibtidai istintaq orqanı tərəfindən Azərbaycan Respublikası CM-nin 178.3.2-ci və 32.4, 312.1-ci maddələri ilə düzgün ixtisaslaşdırılmışdır. Ona görə də, Təqsirləndirilən şəxs cinayət əməli məhkəmə tərəfindən Azərbaycan Respublikası CM-nin 178.3.2-ci və 32.4, 312.1-ci maddələri ilə tövsif edilməli və o, həmin maddələrlə təqsirli bilinərək cəzalandırılmalıdır. Azərbaycan Respublikası CM-nin 7.1-ci maddəsinin tələbinə görə yalnız törətdiyi ictimai təhlükəli əmələ (hərəkət və ya hərəkətsizliyə) və onun nəticələrinə görə təqsiri müəyyən olunmuş şəxs cinayət məsuliyyətinə cəlb edilə və cəzalandırıla bilər. Azərbaycan Respublikası CPM-nin 33.1 və 33.3-cü maddəsinin tələblərinə görə hakimlər cinayət mühakimə icraatının həyata keçirilməsində cinayət işi üzrə toplanmış sübutları bu Məcəllənin tələblərinə əsasən qiymətləndirirlər. Belə ki, "Dələduzluq cinayətlərinə dair işlər üzrə məhkəmə təcrübəsi haqqında" Azərbaycan Respublikası Ali Məhkəməsi Plenumunun 11 iyun 2015-ci il tarixli Qərarının 1ci bəndində qeyd olunur ki, Cinayət Məcəlləsinin İX bölməsinin iyirmi üçüncü fəslində nəzərdə tutulmuş başqa talama cinayətlərindən fərqli olaraq dələduzluq cinayəti aldatma və ya etibardan sui-istifadə etmə yolu ilə törədilir və əmlak sahibi öz əmlakını və ya ona olan hüququnu başqa şəxslərə yalan vədlərin təsiri altında könüllü surətdə verir. Törədilmiş əməl o halda Cinayət Məcəlləsinin 178-ci maddəsində nəzərdə tutulmuş dələduzluq, yəni etibardan sui-istifadə və ya aldatma yolu ilə özgə əmlakını ələ keçirmə və ya əmlak hüquqlarını əldə etmə hesab edilir ki, şəxsin niyyəti əmlakı ələ keçirərkən və ya əmlak hüquqları əldə edərkən hər hansı öhdəliyin yerinə yetirilməsinə deyil, özgənin əmlakını əvəzsiz və qanunsuz olaraq öz mülkiyyətinə keçirməsinə, yaxud da əmlak hüquqlarının əldə etməsinə yönəlmiş olsun. Həmin qərarın 5-ci bəndində məhkəmələrə tövsiyə olunur ki, şəxs əmlakı (əmlaka olan hüququ) əldə edərək onların verilməsinin şərtləri ilə bağlı öhdəlikləri yerinə yetirmək niyyətində olmadıqda və nəticədə zərər çəkmiş şəxsə maddi zərər vurulduqda, onun əməli o halda dələduzluq kimi qiymətləndirilir ki, təqsirkarın özgə əmlakının talanmasına və ya əmlaka olan hüquqa yiyələnməsinə yönəlmiş niyyəti həmin əmlakı və ya əmlaka olan hüququ əldə edənədək yaranmış olsun. Məhkəmədə Təqsirləndirilən şəxs əməlinin cinayət olmasını aradan qaldıran hallar, onu Azərbaycan Respublikası CM-nin 178.3.2-ci və 32.4, 312.1-ci maddələri ilə cinayət məsuliyyətindən və cəzadan azad etmə üçün əsaslar müəyyən edilməmişdir. Məhkəmə cinayət məsuliyyəti və cəza məsələsini müzakirə edərək qeyd edir ki, Təqsirləndirilən şəxs tərəfindən Şahid12 29.000 manat əmlakının ələ keçirilməsi epizodu ilə bağlı təqsirləndirilən şəxsin əməli Azərbaycan Respublikası CM-nin 178.2-ci maddəsi ilə əhatə olunur və bu epizodla əlaqədar Təqsirləndirilən şəxs həm də Azərbaycan Respublikası CM-nin 32.4, 312.1-ci maddəsində (rüşət verməyə təhrik) nəzərdə tutulmuş ittiham irəli sürülmüşdür. Azərbaycan Respublikası CM-nin 178.2-ci və 32.4, 312.1-ci maddələrində nəzərdə tutulan cinayətlər həmin Məcəllənin 15.3-cü maddəsinə əsasən təsnifatına görə az ağır cinayətlər hesab olunur. Azərbaycan Respublikası CM-nin 75.1 və 75.2.1-ci maddələrinin tələbinə görə az ağır cinayətin törədildiyi gündən yeddi il keçdikdə şəxs cinayət məsuliyyətinə cəlb edilə bilməz. Məhkəmə Şahid12 29.000 manat əmlakının ələ keçirilməsi epizodu və Azərbaycan Respublikası CM-nin 32.4, 312.1-ci maddəsində nəzərdə tutulan cinayətin 06 avqust 2015-ci il tarixdə başa çatmasını nəzərə alıb qeyd edir ki, təqvim hesablamasına görə hər iki cinayət üzrə cinayət məsuliyyətinə cəlb etmə müddətləri artıq 06 avqust 2022-ci il tarixdə keçmişdir. Lakin məhkəmə baxışı zamanı müəyyən edildi ki, Təqsirləndirilən şəxs barəsində seçilmiş “polisin nəzarəti altına vermə” qətimkan tədbirinin şərtlərini pozaraq məhkəmədən gizləndiyindən həmin qətimkan tədbiri məhkəmənin 28 iyun 2022-ci il tarixli qərarına əsasən dəyişdirilərək “həbs” qətimkan tədbiri ilə əvəz olunmuş, barəsində axtarış elan edilmişdir. Azərbaycan Respublikası CM-nin 75.3-cü maddəsinə əsasən cinayət törətmiş şəxs istintaqdan və məhkəmədən gizlənərsə, müddətin axımı dayanır. Bu halda müddətin axımı, həmin şəxs tutulduğu və ya ..... vaxtdan bərpa olunur. Təqsirləndirilən şəxs polis tərəfindən keçirilmiş əməliyyat-axtarış tədbirləri nəticəsində 16 iyul 2022-ci il tarixdə tutulmuşdur. Qeyd olunanlara əsasən məhkəmə belə nəticəyə gəlir ki, Təqsirləndirilən şəxs Azərbaycan Respublikası CM-nin 178.2-ci və 32.4, 312.1-ci maddələri ilə cinayət məuliyyətinə cəlb etmə müddətinin axımı 28 iyun 2022-ci il tarixdə dayandırılıb 16 iyul 2022-ci il tarixdə bərpa olunduğundan onun həmin maddələrlə cinayət məsuliyyətinə cəlb etmə müddəti keçməmişdir və o, adi qaydada cinayət məsuliyyətinə cəlb olunmalıdır. Məhkəmə cəza təyin edərkən törədilmiş cinayətin xarakteri və ictimai təhlükəlilik dərəcəsini, təqsirkarın şəxsiyyətini, o cümlədən cəzanı yüngülləşdirən və cəzanı ağırlaşdıran halları, habelə təyin olunacaq cəzanın şəxsin islah olunmasına və onun ailə şəraitinə təsirini nəzərə alır. İşdə olan Azərbaycan Respublikası DİN-nin Baş Əməliyyat və Statistik İnformasiya İdarəsinin əməliyyat-sorğu arayışlarından görünür ki, Təqsirləndirilən şəxs əvvəllər – ilk dəfə Tərtər rayon Xalq Məhkəməsinin 07 aprel 2000-ci il tarixli hökmünə əsasən Azərbaycan Respublikası CM-nin 93-3-cü maddəsinin 2-ci hissəsi (dələduzluq) ilə 1 il müddətə şərti azadlıqdan məhrum etməyə məhkum olunmuş, ikinci dəfə isə yenə də eyni məhkəmənin 17 iyul 2000-ci il tarixli hökmünə əsasən Azərbaycan Respublikası CM-nin 93-3-cü maddəsinin 3-cü hissəsi (dələduzluq) ilə 3 il sınaq müddəti ilə 3 il azadlıqdan məhrum etmə cəzasına məhkum etməyə şərti məhkum olunmuş və onun yeni cinayət törətdiyi vaxta məhkumluğu ödənilmişdir (iş vərəqə: cild İ, səh. 37). Azərbaycan Respublikası CM-nin 83.6-cı maddəsinə əsasən məhkumluğun ödənilməsi və ya götürülməsi məhkumluqla bağlı olan bütün hüquqi nəticələri ləğv edir. Məhkəmə baxışı zamanı müəyyən edildi ki, Təqsirləndirilən şəxs cinayət əməli nəticəsində zərər çəkmiş şəxs Zərərçəkmiş şəxs1 yetirilmiş 43.000 manat maddi zərərin 5.000 manatı, zərər çəkmiş şəxs Zərərçəkmiş şəxs2 yetirilmiş 50.039,44 manat maddi zərərin 13.000 manatı, həmçinin zərər çəkmiş şəxs qismində tanımasa belə, Şahid12 29.000 manat əmlakının ələ keçirilməsi epizodu üzrə yetirilmiş bütün maddi zərər məbləği tam olaraq məhkəməyədək icraat mərhələsində təqsirləndirilən şəxs tərəfindən ödənilmişdir. Həmçinin məhkəmə baxışı zamanı müəyyən edildi ki, Təqsirləndirilən şəxs himayəsində 2004 və 2008-ci il təvəllüdlü iki nəfər yetkinlik yaşına çatmayan uşaqları vardır. Daha sonra məhkəmə baxışı zamanı tibbi sənədlərlə və məhkəmə baxışı zamanı tədqiq olunan məhkəmə-tibbi ekspertizasının 12 may 2015-ci il tarixli, 161 nömrəli və məhkəmə-tibbi ekspertizasının 09 sentyabr 2015-ci il tarixli, 359 nömrəli rəyləri ilə müəyyən edilmişdir ki, Təqsirləndirilən şəxs “xroniki virus hepatiti C” diaqnozu ilə xəstədir. Qeyd olunanlara əsasən məhkəmə Təqsirləndirilən şəxs zərər çəkmiş şəxslərə vurulmuş maddi zərəri qismən ödəməsini Azərbaycan Respublikası CM-nin 59.1.14-cu maddəsinə, himayəsində iki nəfər yetkinlik yaşına çatmayan uşaqlarının olmasını və “xroniki virus hepatiti C” diaqnozu ilə xəstə olmasını isə Azərbaycan Respublikası CM-nin 59.2-ci maddəsinə əsasən cəzanı yüngülləşdirən hallar qismində nəzərə alır. Belə ki, Azərbaycan Respublikası CM-nin 59.1.14-cu maddəsinin tələblərinə görə cinayət nəticəsində dəymiş ziyanın qismən ödənilməsi və ya zərərin azaldılması ilə əlaqədar digər hərəkətlərin edilməsi cəzanı yüngülləşdirən hal olaraq nəzərə alınır. Azərbaycan Respublikası CM-nin 59.2-ci maddəsinə əsasən bu Məcəllənin 59.1.1- 59.1.14-cü maddələrində göstərilməmiş başqa hallar da cəzanı yüngülləşdirən hallar qismində nəzərə alına bilər. Məhkəmə baxışı nəticəsində Təqsirləndirilən şəxs Azərbaycan Respublikası CM-in 61-ci maddəsində nəzərdə tutulan cəzasını ağırlaşdıran hallar müəyyən edilmədi. Məhkəmə təqsirləndirilən şəxslər Təqsirləndirilən şəxs cəza təyini məsələsini müzakirə edib belə nəticəyə gəlir ki, onun qəsdən ağır cinayət törətməsi nəzərə alınmalı, sosial ədalətin bərpası, onların islah olunması, həm təqsirləndirilən şəxsin özü və həm də başqa şəxslər tərəfindən yeni cinayətlər törədilməsinin qarşısının alınması məqsədi ilə Təqsirləndirilən şəxs Azərbaycan Respublikası Cinayət 178.3.2 və 32.4, 312.1-ci maddələrinin sanksiyası daxilində, cinayətlərin məcmusuna görə cəza təyin etmənin prinsipləri nəzərə alınmaqla şəxsiyyətinə uyğun azadlıqdan məhnum etmə növündə ədalətli cəza təyin olunmalıdır. Azərbaycan Respublikası CM-nin 66.3-cü maddəsinə əsasən cinayətlərin məcmusuna az ağır, ağır və ya xüsusilə ağır cinayətlərdən hər hansı biri daxildirsə, təyin olunmuş cəzaları tamamilə və ya qismən toplamaq yolu ilə qəti cəza təyin edilir. Bu halda azadlıqdan məhrum etmə növündə qəti cəzanın müddəti iyirmi ildən çox ola bilməz. Azərbaycan Respublikası CM-nin 8.1-ci maddəsinə əsasən cinayət törətmiş şəxs haqqında tətbiq edilən cəza və ya digər cinayət-hüquqi xarakterli tədbirlər ədalətli olmalıdır, yəni cinayətin xarakterinə və ictimai təhlükəlilik dərəcəsinə, onun törədilməsi hallarına və cinayət törətməkdə təqsirli bilinən şəxsin şəxsiyyətinə uyğun olmalıdır. Məhkəmə, eyni zamanda təyin olunacaq azadlıqdan məhrum etmə cəzasının çəkilməsi üçün Təqsirləndirilən şəxs barəsində cəzaçəkmə müəssisəsinin növünü müəyyən edərkən, onun ağır cinayət törətməyə görə ilk dəfə azadlıqdan məhrum etmə cəzasına məhkum olunacağı nəzərə alınmalı və Azərbaycan Respublikası CM-nin 56.1.2ci maddəsinin tələblərinə əsasən Təqsirləndirilən şəxs təyin olunacaq azadlıqdan məhrum etmə cəzasını ümumi rejimli cəzaçəkmə müəssisəsində çəkməlidir. Belə ki, Azərbaycan Respublikası CM-nin 56.1.2-ci maddəsinə əsasən qəsdən törədilmiş böyük ictimai təhlükə törətməyən, az ağır və ağır cinayətlərə görə ilk dəfə azadlıqdan məhrum etməyə məhkum olunmuş şəxslər, habelə ehtiyatsızlıqdan törədilmiş cinayətlərə görə beş ildən artıq müddətə azadlıqdan məhrum etməyə məhkum olunmuş şəxslər təyin olunan azadlıqdan məhrum etmə cəzasını ümumi rejimli cəzaçəkmə müəssisələrində çəkməlidirlər. Bundan başqa, məhkəmə kollegiyası təqsirləndirilən şəxsə təyin ediləcək azadlıqdan məhrum etmə cəzasının çəkilməsinin əvvəli ilə əlaqədar məsələni müzakirə edib belə nəticəyə gəlir ki, Təqsirləndirilən şəxs cəza çəkməsinin əvvəli onun axtarış nəticəsində tutulduğu və barəsində həbs qətimkan tədbiri tətbiq olunmaqla məhkəmə hökmü çıxarılanadək fasiləsiz olaraq həbsdə saxlanıldığı tarixdən, yəni 16 iyul 2022-ci il tarixdən hesablanmalıdır. Belə ki, məhkəmə baxışı zamanı müəyyən edildi ki, məhkəməyədək icraat mərhələsində Təqsirləndirilən şəxs 21 fevral 2015-ci il tarixdə şübhəli şəxs qismində tutulub 23 fevral 2015-ci il tarixədək 2 (iki) gün həbsdə saxlanılmış, müvafiq məhkəmə qərarına əsasən haqqında həbs qətimkan tədbiri seçilməsindən imtina olunmuş və ardınca barəsində “polisin nəzarəti altına vermə” növündə qətimkan tədbiri seçilməklə həbsdən azad edilmişdir. Bakı Ağır Cinayətlər Məhkəməsinin 09 sentyabr 2021-ci il tarixli qərarına əsasən Təqsirləndirilən şəxs barəsində seçilmiş “polisin nəzarəti altına vermə” qətimkan tədbiri dəyişdirilmədən saxlanılsa da, o, barəsində seçilmiş “polisin nəzarəti altına vermə” qətimkan tədbirinin şərtlərini pozaraq məhkəmədən gizləndiyindən həmin qətimkan tədbiri məhkəmənin 28 iyun 2022-ci il tarixli qərarına əsasən dəyişdirilərək “həbs” qətimkan tədbiri ilə əvəz olunmuş və barəsində axtarış elan edilmişdir. Təqsirləndirilən şəxs polis tərəfindən keçirilmiş əməliyyat-axtarış tədbirləri nəticəsində 16 iyul 2022-ci il tarixdə tutularaq İstintaq Təcridxanasına təhvil verilmişdir. 16 iyul 2022-ci il tarixdən isə məhkəmə hökmü çıxarılanadək Təqsirləndirilən şəxs fasiləsiz olaraq həbsdə saxlanılmışdır. Qeyd olunanlara əsasən məhkəmə bu hissədə belə nəticəyə gəlir ki, Təqsirləndirilən şəxs 21 fevral 2015-ci il tarixdə şübhəli şəxs qismində tutulub 23 fevral 2015-ci il tarixədək həbsdə saxlanıldığı 2 (iki) gün ona təyin olunan azadlıqdan məhrum etmə cəzasına hesablanmaqla çıxılmalı, cəza çəkməsi üçün üzərində qəti cəza saxlanılmalı və cəza çəkməsinin əvvəli axtarış nəticəsində tutulduğu 16 iyul 2022-ci il tarixdən hesablanmalıdır. Azərbaycan Respublikası CPM-nin 158.2, 158.2.1 və 158.2.4-cü maddələrinin tələblərinə görə təqsirləndirilən şəxsi həbsdə saxlama müddəti şəxsin tutulma zamanı faktiki həbsə alındığı andan, o, tutulmadıqda isə həbs qətimkan tədbirinin seçilməsi barədə məhkəmə qərarının icra edildiyi andan hesablanır. Təqsirləndirilən şəxsin tutulduğu və həbsdə saxlanıldığı müddət onun həbsdə saxlama müddətinə daxildir. Həmin Məcəllənin 158.6-cı maddəsinə görə isə cinayət işi üzrə icraatın aparılması zamanı (məhkəməyədək, habelə birinci və apellyasiya instansiyası məhkəmələrində aparılmış icraat daxil olmaqla) şəxsin həbsdə saxlanılması müddəti məhkəmə tərəfindən ona təyin olunmuş cəza müddətinə daxil edilir. Məhkəmə təqsirləndirilən şəxsin barəsində seçilmiş həbs qətimkan tədbirinə münasibət bildirib qeyd edir ki, təqsirləndirilən şəxsə müəyyən müddətə azadlıqdan məhrum etmə növündə cəza təyin ediləcəyindən onun barəsində seçilmiş həbs qətimkan tədbiri hökm qanuni qüvvəsini alanadək dəyişdirilməməlidir. Məhkəmə, Azərbaycan Respublikası CPM-nin 346.1.17-ci maddəsinin tələbləri baxımından baxılan cinayət işi üzrə mülki iddiaya dair məsələni müzairə edib belə nəticəyə gəlir ki, məhkəmə baxışı nəticəsində Təqsirləndirilən şəxs tərəfindən zərər çəkmiş şəxslər Zərərçəkmiş şəxs1 və Zərərçəkmiş şəxs2 və qeyrisinə qarşı aldatma və etibardan sui-istifadə yolu ilə əmlaklarının ələ keçirilməsi və bununla da sonunculara maddi zərər yetirildiyi təsdiq olunduğundan zərər çəkmiş şəxs Zərərçəkmiş şəxs1 Təqsirləndirilən şəxs qarşı 38.000 (otuz səkkiz min) manat və zərər çəkmiş şəxs Zərərçəkmiş şəxs2 Təqsirləndirilən şəxs qarşı 37.039,44 (otuz yeddi min otuz doqquz manat 44 qəpik) manat pul tələbinə dair mülki iddiaları tam təmin edilməli, hər bir zərər çəkmiş şəxsə münasibətdə qeyd olunan pul məbləğləri Təqsirləndirilən şəxs alınaraq zərər çəkmiş şəxslərin nəfinə ödənilməlidir. Məhkəmə baxışı zamanı müəyyən edildi ki, Şahid12 29.000 manat əmlakının ələ keçirilməsi epizodu üzrə sonuncu iş üzrə zərər çəkmiş şəxs qismində tanınmadığından və həmin epizod üzrə yetirilmiş bütün maddi zərər məbləği tam olaraq məhkəməyədək icraat mərhələsində təqsirləndirilən şəxs tərəfindən ödənildiyindən bu epizod üzrə qanunla müəyyən olunan qaydada mülki iddia verilməmişdir. Azərbaycan Respublikası CPM-nin 354.1-ci maddəsinə əsasən məhkəmənin hökmündə mülki iddianın əsaslarının və məbləğinin sübuta yetirilməsindən asılı olaraq: 354.1.1. iddianın tam və ya qismən təmin edilməsi; 354.1.2. iddianın rədd edilməsi; 354.1.3. iddianın baxılmamış saxlanması barədə qərarlardan biri əks etdirilir. Məhkəmə, Azərbaycan Respublikası CPM-in 346.1.19-cu maddəsinin tələbləri baxımından iş üzrə maddi sübutlara dair məsələni həll edərkən aşağıdakı nəticəyə gəlmişdir: - bank əməliyyatlarından çıxarışlar, zərər çəkmiş şəxs Zərərçəkmiş şəxs1 təqdim etdiyi 02 vərəqədən ibarət "xxxx" MMC-yə aid kredit mənzil satışını və onun şərtlərini əks etdirən sənəd, 02 ədəd kredit müqaviləsi cinayət işi materiallarında saxlanılsın. İş üzrə məhkəmə məsrəfləri olaraq hesablanmış 350 ( üç yüz əlli ) manat məbləğində ekspertiza xərci Təqsirləndirilən şəxs alınaraq dövlət nəfinə ödənilməlidir. İş üzrə əmlak üzərinə həbs qoyulmaması nəzərə alınmalıdır. Şərh olunanlara əsasən və Azərbaycan Respublikası CPM-nin 345-347, 349, 351- 354, 356, 381, 384.1-ci maddələrini rəhbər tutaraq, məhkəmə HÖKM ETDİ: Təqsirləndirilən şəxs Azərbaycan Respublikası Cinayət Məcəlləsinin 178.3.2 və 32.4, 312.1-ci maddələri ilə nəzərdə tutulan cinayət əməlini törətməkdə təqsirli bilinsin. Azərbaycan Respublikası Cinayət Məcəlləsinin 178.3.2-ci maddəsi ilə 6 (altı) il müddətinə, Cinayət Məcəlləsinin 32.4, 312.1-ci maddəsi ilə 3 (üç) il müddətinə azadlıqdan məhrum etmə cəzasına məhkum edilsin. Azərbaycan Respublikası Cinayət Məcəlləsinin 66.3-cü maddəsinə əsasən təyin edilmiş cəzaları qismən toplamaq yolu ilə Təqsirləndirilən şəxs qəti olaraq 6 (altı) il 6 (altı) ay müddətinə azadlıqdan məhrum etmə cəzası təyin edilsin. Təqsirləndirilən şəxs 21 fevral 2015-ci il tarixdə şübhəli şəxs qismində tutulub 23 fevral 2015-ci il tarixədək həbsdə saxlanıldığı 2 (iki) gün ona təyin olunan azadlıqdan məhrum etmə cəzasına hesablanmaqla çıxılsın və cəza çəkməsi üçün üzərində qəti olaraq 6 (altı) il 5 (beş) ay 28 (iyirmi səkkiz) gün azadlıqdan məhrum etmə cəzası saxlanılsın. Təqsirləndirilən şəxs cəza çəkməsinin əvvəli axtarış nəticəsində tutulduğu 16 iyul 2022-ci il tarixdən hesablansın. Təqsirləndirilən şəxs ona təyin edilən cəzanı ümumi rejimli cəzaçəkmə müəssisəsində çəksin. Təqsirləndirilən şəxs barəsində seçilmiş həbs qətimkan tədbiri hökm qüvvəsini alanadək dəyişdirilməsin. İş üzrə mülki iddiaya dair məsələ aşağıdakı qaydada həll edilsin: - zərər çəkmiş şəxs Zərərçəkmiş şəxs1 Təqsirləndirilən şəxs qarşı 38.000 (otuz səkkiz min) manat pul tələbinə dair mülki iddiası tam təmin edilsin. 38.000 (otuz səkkiz min) manat məbləğində pul Təqsirləndirilən şəxs alınaraq zərər çəkmiş şəxs Zərərçəkmiş şəxs1 nəfinə ödənilsin. - zərər çəkmiş şəxs Zərərçəkmiş şəxs2 Təqsirləndirilən şəxs qarşı 37.039,44 (otuz yeddi min otuz doqquz manat 44 qəpik) manat pul tələbinə dair mülki iddiası tam təmin edilsin. 37.039,44 (otuz yeddi min otuz doqquz manat 44 qəpik) manat məbləğində pul Təqsirləndirilən şəxs alınaraq zərər çəkmiş şəxs Zərərçəkmiş şəxs2 nəfinə ödənilsin. İş üzrə maddi sübutlar - bank əməliyyatlarından çıxarışlar, zərər çəkmiş şəxs Zərərçəkmiş şəxs1 təqdim etdiyi 02 vərəqədən ibarət "xxxx" MMC-yə aid kredit mənzil satışını və onun şərtlərini əks etdirən sənəd, 02 ədəd kredit müqaviləsi cinayət işi materiallarında saxlanılsın. İş üzrə məhkəmə məsrəfləri - 350 (üç yüz əlli) manat ekspertiza xərci Təqsirləndirilən şəxs alınaraq dövlət nəfinə ödənilsin. İş üzrə əmlak üzərinə həbs qoyulmaması nəzərə alınsın. Hökmdən elan olunduğu vaxtdan, həbsdə olan məhkum Təqsirləndirilən şəxs isə hökmün surəti verildiyi andan 20 gün müddətində Bakı Ağır Cinayətlər Məhkəməsi vasitəsi ilə Bakı Apellyasiya Məhkəməsinə apellyasiya şikayəti və ya apellyasiya protesti verilə bilər. Hökmdən apellyasiya qaydasında şikayət və ya protest verilmədikdə, həmin müddət başa çatdığı vaxtdan sonrakı gün hökm qanuni qüvvəyə minir.