Bakı Ağır Cinayətlər Məhkəməsi Hökm — İş №1(101)-242/2024

Azərbaycan Respublikası adından HÖKM Bakı şəhəri İş № 1(101)-242/2024 24.01.2024 BAKI ŞƏHƏRİ AĞIR CİNAYƏTLƏR MƏHKƏMƏSİ saat 12:35 Hakim Qəniyev Faiq Əsəd oğlunun sədrliyi ilə, hakimlər Ağalarov Mahmud Muradxan oğlu və Əliyev Samir İmamverdi oğlundan ibarət tərkibdə, məhkəmə iclasının katibləri X5 və X6, dövlət ittihamçısı - Azərbaycan Respublikası Baş Prokurorluğu Dövlət ittihamının müdafiəsi üzrə idarəsinin Ağır cinayətlər məhkəmələrində dövlət ittihamının müdafiəsi üzrə şöbəsinin prokuroru Dövlət ittihamçısı, müdafiəçi - fərdi qaydada fəaliyyət göstərən vəkil Müdafiəçi iştirakı ilə, xx xxxxxx 1986-cı il tarixdə Bakı şəhərində doğulmuş, Azərbaycan Respublikasının vətəndaşı, evli, orta təhsili, işləməyən, məhkumluğu olmayan, Bakı şəhəri, Səbail rayonu, Abbaszadə küçəsində (inzibati bina, RPİ) qeydiyyatda olan, faktiki ünvan 1 ünvanında yaşamış, barəsində həbs qətimkan tədbiri seçilmiş, hazırda Azərbaycan Respublikası Ədliyyə Nazirliyi Penitensiar Xidmətinin Bakı İstintaq Təcridxanasında saxlanılan Təqsirləndirilən şəxs Azərbaycan Respublikasının Cinayət Məcəlləsinin 234.1-1-ci maddəsi ilə təqsirləndirilməsinə dair cinayət işinə açıq məhkəmə iclasında baxaraq, müəyyənetdi: Təqsirləndirilən şəxs satış məqsədi olmadan qanunsuz olaraq külli miqdarda narkotik vasitə heroini əldə edib saxlamış və daşımışdır. Belə ki, Təqsirləndirilən şəxs istintaqa məlum olmayan mənbədən naməlum vaxtda və şəraitdə satış məqsədi olmadan qanunsuz olaraq külli miqdarda - bir bükümdə 3,076 qram və bir ədəd 2 ml-lik şprisdəki məhlulun tərkibində 0,101 qram narkotik vasitə heroin əldə edib üzərində satış məqsədi olmadan saxlamaqla, ünvan 2 ünvandakı əraziyə qanunsuz daşımış, onun narkotik vasitələrin qanunsuz dövriyyəsi ilə məşğul olması barədə daxil olmuş əməliyyat məlumatı əsasında Azərbaycan Respublikası Daxili İşlər Nazirliyinin Bakı şəhəri Səbail rayon Polis İdarəsinin cinayət-axtarış şöbəsinin və Səbail rayon Polis İdarəsinin 9-cu Polis Bölməsinin əməkdaşları tərəfindən həyata keçirilmiş əməliyyat-axtarış tədbiri nəticəsində Təqsirləndirilən şəxs 03 fevral 2023-cü il tarixdə saat 22:00-da ünvan 2 ünvandakı ərazidə saxlanılaraq həmin Polis Bölməsinə dəvət edilmiş və orada saat 23:30-dan etibarən xidməti otaqların birində keçirilən şəxsi axtarış və götürmə zamanı onun əynindəki qara rəngli gödəkçənin sağ yan cibindən satış məqsədi olmadan əldə edib üzərində gəzdirməklə daşıyıb saxladığı bir bükümdə külli miqdarda – təmiz çəkisi 3,076 qram olan heroin və sol yan cibindən bir ədəd 2 ml-lik şprisdəki məhlulun tərkibində 0,101 qram narkotik vasitə heroin aşkar edilərək götürülmüşdür. Məhkəmədə təqsirləndirilən şəxs qismində dindirilmiş Təqsirləndirilən şəxs özünü ona elan edilmiş ittiham üzrə təqsirli bilməyərək göstərdi ki, o və qardaşı Cəlal Cılğamlı İçərişəhərdə yaşadıqları evdə dizayn işi görmək üçün qeyrisi vasitəsilə Səbuhi Misirovla tanış olmuşlar. Onlar Səbuhi ilə hadisə günündən əvvəl də görüşüb bu barədə məsləhət almışlar. Həmin gün, yəni 03 fevral 2023-cü il tarixdə onlar Səbuhi ilə görüşməli olmuşlar. Səbuhi mənzilin şəkillərini çəkmək və öz tövsiyələrini vermək üçün onların yaşadıqları ünvana gəlməli olmuşdur. Səbuhini qarşılamaq üçün o və qardaşı Orxan “Qoşa Qala” qapısının yanında dayanıb gözləmişlər. Səbuhi onların olduqları yerə yaxınlaşanda onun idarə etdiyi avtomobil **-AS-*** dövlət qeydiyyat nişanlı avtomobilə toxunmuş, bu səbəbdən həmin avtomobilin tanımadığı sürücüsü ilə Səbuhi arasına sözlə mübahisə yaranmış, onlar da kənardan bunu görüb yaxınlaşaraq müdaxilə etmişlər. Bundan sonra onlar Səbuhinin avtomobilinə oturub onun sexinə getmişlər. Həmin sex Nəsimi rayonunda “Təzə bazar”ın, həmçinin X13 yanında yerləşir. Onlar həmin sexə mənzilin dizaynını tam dəyişərək təmir etdirmək işi ilə bağlı getmişlər. Orada olduqları vaxt qapı döyülmüş, Səbuhi qapını açdıqda təxminən 30 nəfər polis əməkdaşı içəri daxil olmuşdur. Həmin polis əməkdaşları onu döyərək təzyiq etmişlər, sonra isə üçünü də Polis Bölməsinə aparmışlar. Polis Bölməsində onlardan bıçağı vermələri tələb olunmuşdur, halbuki onlarda ümumiyyətlə bıçaq olmamışdır. Polis Bölməsində onlara təzyiqlər etmişlər, Səbuhinin sexinin açarının onlarda olduğunu deyərək onları daha çox “yükləyəcəklərini” bildirib bir sıra sənədlərə imza etdirmişlər və onların diktəsi ilə hərəkət etməli olduqlarını bildirmişlər. Onlar məcburiyyət qarşısında qalaraq polis əməkdaşlarının dedikləri ilə razılaşmışlar. Müdafiəçi də iştirak etməsinə baxmayaraq polislər özləri onun cibinə narkotik vasitə qoyub çəkiliş aparmışlar. Daha sonra onları məhkəməyə aparmışlar. Məhkəmədə hadisəni olduğu kimi danışsa da ondan heç nə soruşmadan, onu dinləmədən işi bağlamışlar. Onda nə şpiris, nə də məhlul olmamışdır. Onu həm evdəkilərə əziyyət verəcəkləri ilə, həm də üzərinə daha çox narkotik vasitə qoyacaqları ilə hədələdikləri üçün razılaşmaqdan başqa yolu qalmamışdır. Belə ki, o, həmin hədələrə inanmışdır, polislər istəsəydilər onun üzərinə 5 kiloqram da narkotik vasitə qoya bilərdilər. Əvvəllər narkotik vasitə istifadə etdiyini danmır, amma uzun müüdətdir ki, narkotik istifadəçisi deyil. Onun zənnincə onları həmin gün, yəni 03 fevral 2023-cü il tarixdə Səbuhinin toxunduğu avtomobillə əlaqədar tutmuşlar. Belə ki, 03 fevral 2023-cü il tarixdə onlar “Qoşa Qala” qapısının yanında olmuşlar, həmin tarixdə qeyd etdiyi avtomobilin sürücüsü ilə mübahisə etmişlər, həmin tarixdə də onları tutmuşlar. Səbuhinin avtomobili həmin avtomobilə toxunan anda o və qardaşı Cəlal orada olmamış, amma avtomobilin sürücüsü Səbuhi ilə çox kobud danışdığı üçün müdaxilə etmək məcburiyyətində qalmışlar. Polis əməkdaşları onların yerini Səbuhinin avtomobilinin nömrəsinə əsasən müəyyən etmişlər. İbtidai istintaq zamanı verdiyi ifadələri təsdiq etmir, ifadələrdəki imza həqiqətən ona məxsusdur, amma ondan bu qaydada ifadə verməsi tələb olunduğu üçün elə ifadə vermişdir. Ona görə də məhkəmədən günahsız olmasının nəzərə alınmasını xahiş edir. Təqsirləndirilən şəxs ibtidai istintaq zamanı verdiyi, məhkəmə iclasında elan edilərək tədqiq olunmuş ifadələrində özünü təqsirli bilərək göstərmişdir ki, təxminən 4-5 ilə yaxındır ki, narkotik vasitə olan heroin istifadə edir. Narkotik vasitəni tanımadığı müxtəlif şəxslərdən əldə edib istifadə edir. İlk vaxtlar narkotik vasitələri tez-tez istifadə etməmiş, lakin sonralar bədənində ağrılar yarandığından narkotik vasitələri mütəmadi olaraq qəbul etməyə başlamışdır. Sonuncu dəfə 03 fevral 2023-cü il tarixdə saat 19 radələrində o, qardaşı X16 və dostu X3 ilə birlikdə Bakı şəhəri, Nəsimi rayonu, “Kubinka” adlanan əraziyə getmişdir. Orada o, özünə, qardaşı Calal və dostu Səbuhi Misirov də özü üçün “Rəşad” adlı şəxsdən narkotik vasitə olan heroin almışlar. O, aldığı heroinin müqabilində 15 manat pul vermişdir. Daha sonra həmin narkotik vasitənin bir hissəsini bişirərək şprisə doldurmuşdur. Həmin gün saat təxminən 22 radələrində onlar Bakı şəhəri, Səbail rayonu, Bül-bül prospekti 13 ünvanının qarşısında olduqları zaman mülki formada polis əməkdaşları yaxınlaşaraq özlərini təqdim etmiş və onları Polis Bölməsinə dəvət etmişlər. O, qardaşı Calal və dostu Səbuhi çıxış yolu olmadığını dərk etdiyindən, səs-küy salmadan polis əməkdaşları ilə birlikdə qeyd olunan Bölməyə, polis əməkdaşlarının təklifi əsasında və müşaiyəti ilə həmin Bölmənin inzibati binasında yerləşən otaqların birinə yollanmışlar. Aradan bir qədər keçəndən sonra oraya tanımadığı bir nəfər mülki geyimli şəxs gəlmişdir. Polis əməkdaşlarından biri həmin şəxsin vəkil olduğunu, dövlət hesabına onun üçün təyin edildiyini bildirərək ona hüquq və vəzifələrini izah etmişdir. Sonra, onu bölməyə dəvət edən polis əməkdaşlarının iştirakı ilə bədənində, paltarlarında və üzərində olan qanunla qadağan edilmiş əşyaları çıxarıb masanın üstündə qoymağı təklif edilmişdir. O, artıq hər bir şeyin polis əməkdaşlarına aydın olduğunu dərk etdiyindən və başqa çıxış yolu görmədiyindən, üzərində narkotik vasitə olduğunu bildirərək əynində olan qara rəngli gödəkçənin sağ yan cibindən içərisində narkotik vasitə “kakos” adlı maddə olan 01 ədəd gümüşü kağız bükümü və sol yan cibindən içərisində narkotik vasitədən hazırlanmış maye olan 01 ədəd şprisi çıxararaq masanın üzərində qoymuşdur. Daha sonra əynində olan şalvarın sağ cibindən yaşadığı mənzilə məxsus açarın olduğu müəyyən edilmişdir. Sorğu zamanı üzərində olan narkotik vasitəni “Rəşad” adlı şəxsdən 15 manat müqabilində şəxsi istifadəsi üçün əldə etdiyini bildirmişdir. Bundan sonra onun üzərindən aşkar edilmiş içərisində maye olan 01 ədəd şpris və 01 ədəd büküm cinayət təqibi üzrə sübut əhəmiyyətinə malik olduğundan təhqiqatçı tərəfindən bir ədəd kağız zərfə qoyularaq qablaşdırılmış, Azərbaycan Respublikası Daxili İşlər Nazirliyinin “Zərflər üçün” 166 saylı möhürü ilə möhürlənərək götürülmüşdür. Şəxsi axtarış zamanı cinayət təqibi üzrə sübut əhəmiyyətinə malik ola biləcək digər əşya və sənədlər aşkar edilməmişdir. İbtidai istintaq zamanı ona verilən sualları cavablandırarkən Təqsirləndirilən şəxs bir daha bildirmişdir ki, o, narkotik vasitə heroini “Kubinka” adlanan ərazidə Rəşad adlı şəxsdən 15 manat müqabilində şəxsi istifadəsi üçün əldə etmiş, istifadə edəcəyi üçün üzərində saxlamışdır. Yalnız həmin şəxsin adının Rəşad olduğunu bilir, onun anket məlumatlarını və əlaqə nömrəsini bilmir, əlamətlərini xatırlamır. O, heç vaxt narkotik vasitələrin alqı-satqısı ilə məşğul olmamış, hazırda da məşğul deyil. Onun narkotik vasitələrdən istifadə etməsi və narkotik vasitələrin aludəçisi olmağı barədə ailə üzvlərinin və ya hər hansı şəxsin xəbəri olmamışdır. Ona qarşı heç kim zor tətbiq etməmişdir. Yaşadığı evdə və ya başqa bir yerdə narkotik vasitə və ya psixotrop maddə saxlamır. Polis əməkdaşları onu şübhəli bilib Polis Bölməsinə apardıqdan sonra yalnız Polis Bölməsinin inzibati binasında xidməti otaqların birində vəkilin iştirakı və videoçəkiliş aparılmaqla üzərinə baxış keçirilmişdir. Bundan əvvəl onun üzərinə şəxsi axtarış aparılmamışdır (cild 1, iş vərəqə 136-138). Azərbaycan Respublikasının Cinayət-Prosessual Məcəlləsinin 143-145-ci maddələrinə əsasən, sübutların toplanılması ibtidai araşdırma və məhkəmə baxışı zamanı dindirmə, üzləşdirmə, götürmə, axtarış, baxış, ekspertiza, tanınmaya təqdim etmə və digər prosessual hərəkətlərlə həyata keçirilir. Hər bir sübut mənsubiyyəti, mümkünlüyü, mötəbərliyi üzrə qiymətləndirilir. Cinayət təqibi üzrə toplanmış bütün sübutların məcmusuna isə ittihamın həlli üçün onların kifayət etməsinə əsasən qiymət verilir. Məhkəmə qanunun bu və digər tələbləri baxımından aşağıdakı ifadələri də iş üzrə sübut növləri kimi qəbul edir. Məhkəmədə şahid qismində dindirilmiş Şahid1 göstərdi ki, o, Səbail rayon Polis İdarəsinin 9-cu Polis Bölməsində xidmət edir. 03 fevral 2023-cü il tarixdə Səbail rayon Polis İdarəsinin 9-cu Polis Bölməsinə Təqsirləndirilən şəxs, X10 və X2 narkotik vasitələrin qanunsuz dövriyyəsi ilə məşğul olmaları, mütəmadi olaraq Bakı şəhəri, Səbail rayonu, Bülbül prospekti yaxınlığında olmaları barədə məlumat daxil olmuşdur. Həmin məlumat barədə Səbail rayon Polis İdarəsinin rəhbərliyinə məruzə olunduqdan sonra ondan, 9-cu Polis Bölməsinin cinayət-axtarış üzrə baş əməliyyat müvəkkilləri X14, X7, Səbail rayon Polis İdarəsinin cinayət-axtarış şöbəsinin əməliyyat müvəkkili X4, kiçik inspektorları X11 və Şahid2 ibarət əməliyyat qrupu yaradılmışdır. Həyata keçirilmiş əməliyyat-axtarış tədbirləri nəticəsində 03 fevral 2023-cü il tarixdə saat 22:00-da Təqsirləndirilən şəxs, X10 və X2 Bülbül prospekti 13 ünvanının qarşısında olduğunu görüb onlara yaxınlaşmışlar və özlərini təqdim edib polis əməkdaşları olduqlarını bildirmişlər. Bundan sonra həmin şəxslərə narkotik vasitələrin qanunsuz dövriyyəsi ilə məşğul olmaqda şübhəli olduqlarını izah edərək 9-cu Polis Bölməsinə dəvət etmişlər. Həmin şəxslər etiraz etməyərək onlarla birlikdə Polis Bölməsinə getmişlər. 9-cu Polis Bölməsində xidməti otaqların birində ilkin olaraq Təqsirləndirilən şəxs hüquqlarının müdafiə edilməsi üçün vəkil dəvət olunaraq Təqsirləndirilən şəxs təqdim edilmiş, sonuncu vəkilə heç bir etirazının olmadığını bildirmişdir. Bundan sonra Təqsirləndirilən şəxs təhqiqatçı tərəfindən şübhəli şəxs qismində tutulmuş, hüquq və vəzifələri izah olunduqdan sonra vəkilin iştirakı ilə videoçəkilişdən istifadə edilməklə onun üzərinə şəxsi axtarış keçirilmişdir. Şəxsi axtarış zamanı Təqsirləndirilən şəxs üzərində hər hansı qeyri-qanuni əşya və ya predmet varsa könüllü surətdə təqdim etməsi təklif olunmuş, sonuncu da üzərində narkotik vasitə olduğunu bildirərək qara rəngli gödəçəsinin sağ yan cibindən bir ədəd gümüşü rəngli bükümü və sol yan cibindən içərisində məhlul olan bir ədəd şprisi çıxararaq masanın üzərinə qoymuşdur. Sorğu zamanı Təqsirləndirilən şəxs üzərindən aşkar edilmiş içərisində narkotik vasitəyə bənzər maddə olan 01 ədəd bükümü “Kubinka” adlanan ərazidə Rəşad adlı şəxsdən 15 manata şəxsi istifadəsi üçün əldə etdiyini, narkotik vasitələrdən bir ilə yaxındır ki, istifadə etdiyini bildirmişdir. Təqsirləndirilən şəxs üzərindən aşkar edilmiş, içərisində maye olan 01 ədəd şpris və 01 ədəd büküm cinayət təqibi üzrə sübut əhəmiyyətinə malik olduğundan təhqiqatçı tərəfindən kağız zərfə qoyularaq qablaşdırılaraq Daxili İşlər Nazirliyinin “Zərflər üçün” 166 saylı möhürü ilə möhürlənərək götürülmüş, həmin zərfin üzəri iştirakçılar tərəfindən imzalanmışdır. Şəxsi axtarış zamanı cinayət təqibi üzrə sübut əhəmiyyətinə malik ola biləcək digər əşya və ya predmet aşkar edilməmişdir. Şəxsi axtarış keçirilməsinə dair protokol tərtib olunaraq iştirakçılar tərəfindən imzalanmışdır. Saxlanan şəxslərə qarşı hər hansı qanunazidd davranış göstərilməmişdir. Məhkəmədə şahid qismində dindirilmiş Şahid2 Şahid1 ifadəsi ilə oxşar məzmunlu ifadə verərək onun göstərdiyi xüsusatları təsdiq etdi. Məhkəmədə əlavə şahid qismində dindirilmiş X16 və X3 təqsirləndirilən şəxs Orxan Çılqamlının məhkəmədə verdiyi ifadə ilə oxşar məzmunlu ifadələr verərək üzərlərində heç bir narkotik vasitə olmadığını, “Qoşa Qala” qapısı yaxınlığında Səbuhinin idarə etdiyi avtomobilin başqa avtomobilə toxunması ilə bağlı saxlandıqlarını güman etdiklərini bildirmişlər. Bununla bərabər, hər iki şəxs - X16 və X3 ibtidai istintaq zamanı barələrindəki cinayət işi eyni icraatda aparıldığı müddətdə Təqsirləndirilən şəxs ilə birlikdə narkotik vasitə əldə etmələri, Bülbül prospekti 13 ünvanının qarşısında saxlanmaları və digər hallarla bağlı ətraflı ifadələr vermişlər (cild 1, iş vərəqə 119-122, 149-152). Məhkəmə iş üzrə dindirilmiş təqsirləndirilən şəxsin və şahidlərin ifadələri ilə yanaşı, Azərbaycan Respublikasının Cinayət-Prosessual Məcəlləsinin 124-cü maddəsinin tələblərinə uyğun olaraq istintaq və məhkəmə hərəkətlərinin digər protokollarını, o cümlədən ekspert rəylərini və digər sənədləri də sübut növləri kimi qəbul edir. Şəxsi axtarış və götürmə aparılması haqqında 03 fevral 2023-cü il tarixli protokoldan və həmin istintaq hərəkətinin videogörüntüsünün köçürüldüyü diskdən görünür ki, müdafiəçinin bilavasitə iştirakı ilə keçirilmiş şəxsi axtarışı zamanı Təqsirləndirilən şəxs llqar oğluna üzərində hər hansı qeyri-qanuni əşya varsa könüllü təqdim etməsi təklif edilmiş, bundan sonra Təqsirləndirilən şəxs əynində olan qara rəngli gödəkçənin sağ yan cibindən 01 ədəd içərisində narkotik vasitə heroinə bənzər kütlə olan bükümü, sol yan cibindən 01 ədəd içərisində narkotik vasitədən hazırlandığına oxşayan maye dolu şprisi çıxarıb masanın üzərinə qoymaqla təqdim etmişdir. Şifahi sorğu zamanı Təqsirləndirilən şəxs üzərindən aşkar edilmiş maddənin “kakos” olduğunu, onu “Kubinka” adlanan ərazidə “Rəşad” adlı şəxsdən 15 manata şəxsi istifadəsi üçün əldə etdiyini, bir ilə yaxındır ki, narkotik vasitələrdən istifadə etdiyini bildirmişdir. Təqsirləndirilən şəxs üzərindən aşkar edilmiş bir ədəd büküm və içərisində maye olan bir ədəd şpris təhqiqatçı tərəfindən bir ədəd kağız zərfə qoyularaq qablaşdırılaraq Daxili İşlər Nazirliyinin “Zərflər üçün” 166 saylı möhürü ilə möhürlənərək götürülmüş, həmin zərfin üzəri iştirakçılar tərəfindən imzalanmışdır. Şəxsi axtarış və götürmə zamanı videoçəkiliş aparılmış və müvafiq disk protokola əlavə edilmişdir (cild 1, iş vərəqə 59-61, 234). Məhkəmə-kimyəvi ekspertizasının 04 fevral 2023-cü il tarixli 6/685 saylı rəyindən görünür ki, üzərində “Vətəndaş Təqsirləndirilən şəxs götürülmüş maddi sübut...” və s. sözlər, imzalar olan zərfdəki 01 ədəd bükümdə təmiz çəkisi 3,076 qram açıq qəhvəyi rəngli maddə kütləsi kustar üsulla hazırlanmış narkotik vasitə - heroindir, 01 ədəd 2 ml-lik şprisdəki 0,6 ml həcmində tünd qəhvəyi rəngli məhlulun tərkibində quru maddəsinin təmiz çəkisi 0,101 qram narkotik vasitə - heroin müəyyən edilmişdir. X16, Təqsirləndirilən şəxs və X1 aşkar edilərək götürülmüş bükümlərdəki heroin kütlələri kimyəvi komponent tərkiblərinə görə öz aralarında eynilik təşkil edirlər. X8 və Təqsirləndirilən şəxs aşkar edilmiş şprislərdəki heroin məhlulları da həmçinin kimyəvi komponent tərkiblərinə görə öz aralarında eynilik təşkil edirlər. Heroin maddələri ilə heroin məhlullarının eyniləşdirilməsi müəyyən edilmir (heroinin məhlulda ilkin tərkibini dəyişməsi səbəbindən). Heroin 2005-ci il 28 iyun tarixli Azərbaycan Respublikasının Qanunu ilə təsdiq edilmiş “Azərbaycan Respublikasının ərazisində dövriyyəsi qadağan edilən narkotik vasitələr”in Siyahısına (Siyahı İ) daxildir. Ekspert tədqiqatından sonra heroinin qalıq çəkisi 2,976 qram, bir ədəd 2 ml-lik şprisdəki təkibində heroin olan məhlulun qalıq həcmi 0,3 ml təşkil etmişdir (cild 1, iş vərəqə 95-100). Ambulator məcburi-narkoloji tibbi yoxlamanın 06 fevral 2023-cü il tarixli, 640 saylı rəyindən görünür ki, müayinə zamanı Təqsirləndirilən şəxs opioidlərin, kannabinoidlərin, psixostimulyatorların birgə qəbulu nəticəsində yaranan asılılıq sindromu (narkomaniya xəstəliyi) aşkar olunur. Narkomaniyadan məcburi müalicəyə ehtiyacı vardır (cild 1, iş vərəqə 279-280). Təqsirləndirilən şəxs əldə etdiyi narkotik vasitənin mənbəyinin müəyyən edilməsi üçün ibtidai istintaq orqanının 10 mart 2023-cü il tarixli qərarı ilə Azərbaycan Respublikasının Cinayət Məcəlləsinin 234.4.3-cü maddəsi ilə ********* nömrəli cinayət işi ayrıca icraata ayrılmışdır (cild 1, iş vərəqə 269-270). Cinayət işinin materiallarına əlavə edilmiş şəxsiyyət vəsiqəsinin surətindən görünür ki, Təqsirləndirilən şəxs himayəsində xx.xx.2015-ci il təvəllüdlü bir azyaşlı uşağı vardır (cild 1, iş vərəqə 229). Azərbaycan Respublikası Daxili İşlər Nazirliyinin Baş Əməliyyat Statistik və İnformasiya İdarəsinin məlumatından və hökmlərin surətindən görünür ki, Təqsirləndirilən şəxs Bakı şəhəri Səbail Rayon Məhkəməsinin 09 dekabr 2009-cu il tarixli hökmü ilə Azərbaycan Respublikasının Cinayət Məcəlləsinin 178.1-ci və 234.1-ci maddələri ilə təqsirli bilinərək 2 il 6 ay müddətinə azadlıqdan məhrum etmə cəzasına məhkum olunmuş, Bakı şəhər Qaradağ Rayon Məhkəməsinin 25 oktyabr 2011-ci il tarixli qərarı ilə Azərbaycan Respublikasının Cinayət Məcəlləsinin 76.3.1-ci maddəsinə əsasən cəzasının çəkilməmiş 2 ay 3 gün hissəsindən vaxtından əvvəl şərti azad olunmuşdur. Bundan başqa, Təqsirləndirilən şəxs Bakı şəhəri Səbail Rayon Məhkəməsinin 04 fevral 2013-cü il tarixli hökmü ilə Azərbaycan Respublikasının Cinayət Məcəlləsinin 221.1-ci maddəsi ilə təqsirli bilinərək 8 ay müddətinə azadlıqdan məhrumetmə cəzasına məhkum edilmiş, Azərbaycan Respublikası Milli Məclisinin 07 may 2013-cü il tarixli Amnistiya aktına əsasən cəzadan azad olunmuşdur (cild 1, iş vərəqə 221-222, 252-254, 262-264). Azərbaycan Respublikasının Cinayət Məcəlləsinin 83-cü maddəsinə əsasən Təqsirləndirilən şəxs məhkumluğu ödənilmişdir. Azərbaycan Respublikasının cinayət qanunvericiliyinin tələblərinə əsasən məhkəmə hesab edir ki, təqsirləndirilən şəxsin törətdiyi əməl ibtidai istintaq orqanı tərəfindən düzgün tövsif edilmişdir, həmin əməl qəsdən törədilmişdir, başa çatmış cinayətdir, təsnifata görə ağır cinayətdir. Azərbaycan Respublikasının Cinayət-Prosessual Məcəlləsinin 28.5-ci maddəsinə əsasən şəxsin cinayət törətməkdə təqsirli olmasına dair məhkəmə qərarı mülahizələrə əsaslana bilməz və işə aid biri digərinə kifayət qədər uyğun gələn mötəbər sübutların məcmusu ilə təsdiq olunmalıdır. Azərbaycan Respublikasının Cinayət-Prosessual Məcəlləsinin 44.1-ci maddəsinin tələbinə görə məhkəmə baxışı gedişində tədqiq olunmuş sübutların məcmusuna əsasən təqsirləndirilən şəxsin cinayətdə təqsiri müəyyən edilərsə, məhkəmə ittiham hökmü çıxarır. Məhkəmə yekun qərar - ittiham hökmü çıxararkən “Narkotik vasitələrin, psixotrop maddələrin və onların prekursorlarının dövriyyəsi haqqında” Azərbaycan Respublikasının 25 iyun 2005-ci il tarixli Qanununun, həmçinin Azərbaycan Respublikası Ali Məhkəməsi Plenumunun “Narkotik vasitələrin, psixotrop maddələrin və ya onların prekursorlarının qanunsuz dövriyyəsinə dair cinayət işləri üzrə məhkəmə təcrübəsi haqqında” 04 mart 2011-ci il tarixli Qərarının izah və tələblərini də rəhbər tutur. Belə ki, “Narkotik vasitələrin, psixotrop maddələrin və onların prekursorlarının dövriyyəsi haqqında” Azərbaycan Respublikasının 25 iyun 2005-ci il tarixli Qanuna əsasən həyata keçirilməsi üsulundan asılı olmayaraq qanunvericiliklə müəyyən edilmiş qaydaları pozmaqla narkotik vasitələrin və psixotrop maddələrin alınmasına, hədiyyə və ya qarşılıqlı hesablaşma vasitəsi kimi qəbul edilməsinə, başqa mallara və əşyalara dəyişdirilməsinə, mənimsənilməsinə və ya hər hansı digər üsulla onlara yiyələnməyə yönəldilmiş bütün hərəkətlər narkotik vasitələrin və psixotrop maddələrin qanunsuz əldə edilməsi (maddə 1.0.9); məqsədindən asılı olmayaraq qanunvericiliklə müəyyən edilmiş qaydaları pozmaqla şəxsin idarəçiliyində olan narkotik vasitələrin və psixotrop maddələrin öz sərəncamında saxlanmasına yönəldilmiş bütün hərəkətlər isə narkotik vasitələrin və psixotrop maddələrin qanunsuz saxlanması (maddə 1.0.10) hesab edilir. Həyata keçirilməsi üsulundan asılı olmayaraq qanunvericiliklə müəyyən edilmiş qaydaları pozmaqla narkotik vasitələrin və psixotrop maddələrin yerinin dəyişdirilməsinə yönəldilmiş bütün hərəkətlər narkotik vasitələrin və psixotrop maddələrin qanunsuz daşınması (maddə 1.0.8) hesab edilir. Həmin Qanunun 1.0.11-ci maddəsinə əsasən isə miqdarından asılı olmayaraq Azərbaycan Respublikası qanunvericiliyi ilə müəyyən edilmiş qaydaları pozmaqla narkotik vasitələrin və psixotrop maddələrin əvəzli və ya qazanc əldə etmək, yaxud digər şəxsi maraq məqsədi ilə yayılmasına yönəldilmiş hərəkətlər narkotik vasitələrin və psixotrop maddələrin qanunsuz satılması hesab edilir. “Şəxsin cinayət məsuliyyətinə cəlb edilməsi üçün kifayət edən narkotik vasitələrin və psixotrop maddələrin miqdarına, habelə onların külli miqdarına görə Siyahıları”nın təsdiq edilməsi haqqında Azərbaycan Respublikasının Qanunu ilə təsdiq edilmiş müvafiq siyahıya əsasən təmiz halda 2 qramdan artıq çəkidə narkotik vasitə heroin külli miqdar təşkil edir. Məhkəmə, Təqsirləndirilən şəxs onun üzərində narkotik vasitə olmamasına, narkotik vasitənin polis əməkdaşları tərəfindən onun üzərinə qoyulmasına, irəli sürülmüş ittihamda göstərilən ərazidə deyil, başqa ünvanda saxlanmasına, saxlanmasının tanışı Səbuhi Misirovun törətdiyi yol-nəqliyyat hadisəsi ilə bağlı olmasına dair məhkəmədə verdiyi ifadəsini onun müdafiə mövqeyinə söykənən subyektiv mülahizəsi, törətdiyi cinayət əməlinə görə qanunla nəzərdə tutulmuş məsuliyyətdən yaxa qurtarmağa, məsuliyyətini yüngülləşdirməyə yönəlmiş cəhdi kimi qiymətləndirərək ittiham olunduğu cinayət əməlini törətməsini sübuta yetirilmiş hesab edir. Şahidlər X10 və X2 məhkəmədə verdikləri Təqsirləndirilən şəxs ilə oxşar məzmunlu ifadələrinə məhkəmə tənqidi yanaşır. Məhkəmə, təqsirləndirilən şəxsin müvafiq olaraq qardaşı və dostu olan, yəni işin nəticəsində birbaşa maraqlı olan, başqa cinayət işləri üzrə təqsirləndirilən şəxs qismində cəlb edilmiş bu şəxslərin Təqsirləndirilən şəxs mənafeyinə uyğun ifadə verməklə onun vəziyyətini, eyni zamanda özlərinin vəziyyətini yüngülləşdirməyə cəhd göstərmələri, həmin ifadələrin hər hansı digər mötəbər sübutla təsdiq olunmadığı qənaətindədir. Qeyd olunan ifadələrin əksinə olaraq digər şahidlərin ifadələri iş üzrə çoxsaylı mötəbər sübutlarla (şəxsi axtarış protokolu, müdafiəçinin iştirakı ilə keçirilmiş şəxsi axtarışın videogörüntülərini özündə kəs etdirən DVD disk, məhkəmə-kimyəvi ekspertizasının rəyi, şəxsdə opioidlərin, kannabinoidlərin, psixostimulyatorların birgə qəbulu nəticəsində yaranan asılılıq sindromu (narkomaniya xəstəliyi) aşkar olunması və onun narkomaniyadan məcburi müalicəyə ehtiyacı olması barədə ambulator məcburi-narkoloji tibbi yoxlamanın rəyi, Təqsirləndirilən şəxs, Cəlal Çılğamlının və Səbuhi Misirovun ibtidai istintaq zamanı verdikləri ifadələr və sair) təsdiq olunduğundan məhkəmə həmin ifadələri sübut kimi qəbul edir. Məhkəmə, hazırkı cinayət işi üzrə məhkəmə araşdırmasının gedişində X10 və X2 hər hansı əməli törətməkdə təqsirli olmaları barədə qənaətdən tam uzaq olaraq, onların bu və ya digər cinayət əməlini törətmələri ilə bağlı nəticəyə gəlinməsi ilə bağlı mövqenin istisna olunduğu bir vəziyyətdə həm də bu şəxslərin Təqsirləndirilən şəxs saxlanması yeri, halları, habelə digər xüsusatlarla əlaqədar məhkəmədəki ifadəsinə uyğun ifadə vermələrinin ümumilikdə özlərinin də maraq və mənafelərinə uyğun olması halının mövcudluğunu qəbul edir. Təqsirləndirilən şəxs polis orqanında qanunazidd davranışa məruz qalması ilə bağlı ifadəsi isə hər hansı dəlillə təsdiqini tapmır. Şəxsi axtarışın videoçəkilişindən də görünür ki, bilavasitə şəxsi axtarışı zamanı sərbəst davranışlı, normal görüntülü geyimli, hər hansı xəsarət izi müşahidə olunmayan, bu və ya digər təzyiqə məruz qala bilməsinə işarə edə biləcək hər hansı davranış, hərəkət, görüntü biruzə verməyən Orxan Çılqamlıya müdafiəçisi çoxsaylı suallar vermiş, o cümlədən polis qurumuna gətirilərkən döyülüb-döyülməməsini birbaşa soruşmuşdur. Həmin suala cavab olaraq Orxan Çılqamlı döyülmədiyini bildirmişdir. Bütün bu xüsusatları nəzərə alaraq məhkəmə təqsirləndirilən şəxsin ifadəsinin polis tərəfindən qanunazidd davranışa məruz qalması ilə bağlı hissəsini də özünü müdafiə mövqeyi kimi qəbul edir. Beləliklə, Təqsirləndirilən şəxs öz müdafiəsi üçün məhkəmə istintaqı zamanı irəli sürdüyü mülahizələr yuxarıda göstərilən sübutlarla - cinayət işinin materialları, şahid qismində dindirilmiş polis əməkdaşlarının ifadələri, ekspert rəyləri, axtarış və götürmə aparılması haqqında protokol, həmin protokola əlavə edilmiş videoçəkiliş, iş üzrə toplanmış digər sübutların məcmusu və işin faktiki halları ilə tam təkzib olunur. Təqsirləndirilən şəxs törətdiyi cinayət əməli ilə bağlı ibtidai istintaq zamanı dindirilərkən verdiyi və məhkəmə istintaqında tədqiq edilmiş ifadəsi iş üzrə digər bütün sübutların məcmusu ilə təsdiq edildiyindən, məhkəmə iş üzrə yekun qərar qəbul edərkən həmin ifadəni sübut kimi qəbul edir. Məhkəmə, yuxarıda şərh olunan və şəxsin təqsirliliyi barədə qənaəti təsdiq edən sübutlarla bağlı nəticəyə gələrkən qeyd edir ki, həmin mötəbər dəlillər forma və məzmunlarına dair aidlik və mümkünlük şərtlərinə tam cavab verir. Bu sübutların hər biri ayrı-ayrılıqda Təqsirləndirilən şəxs qarşı irəli sürülmüş ittiham üzrə məhkəmə istintaqı zamanı müəyyən edilmiş qaydada yoxlanmışdır. Bu mötəbər dəlillərin – ittihamedici sübutların əldə edilməsi mənbəyi və onların əldə edilməsi üsulları ilə bağlı ziddiyyət mövcud deyildir. Onların həqiqiliyinə, yaranma mənbəyinə və əldə edilməsi hallarına şübhələr yoxdur. Beləliklə, məhkəmə, məhkəmənin gəldiyi nəticələrin yalnız məhkəmə istintaqında tədqiq edilmiş mötəbər sübutlara əsaslandığını qeyd edərək belə qənaətə gəlir ki, Təqsirləndirilən şəxs qəsdən Azərbaycan Respublikasının Cinayət Məcəlləsinin 234.1-1-ci maddəsi ilə nəzərdə tutulmuş cinayət əməlini törətməsi sübuta yetirilmişdir. O, qeyd edilən cinayət əməlini törətməkdə təqsirlidir. Onun cinayət məsuliyyətindən və cəzadan azad olunması üçün əsaslar yoxdur. Təqsirləndirilən şəxs qanunla müəyyən edilmiş qaydada, Azərbaycan Respublikasının Cinayət Məcəlləsinin 234.1-1-ci maddəsinin sanksiyası həddində azadlıqdan məhrum etmə növündə cəza təyin edilməlidir. Həmçinin Azərbaycan Respublikasının Cinayət Məcəlləsinin 93.1.2-ci maddəsinə əsasən Təqsirləndirilən şəxs barəsində narkomaniyadan məcburi müalicə növündə tibbi xarakterli məcburi tədbir tətbiq edilməlidir. Məhkəmə Təqsirləndirilən şəxs cəza təyin edərkən onun törətdiyi cinayətin xarakterini və ictimai təhlükəlilik dərəcəsini, şəxsiyyətini, cəzanı yüngülləşdirən və ağırlaşdıran halları, o cümlədən onu səciyyələndirən halları, habelə təyin olunacaq cəzanın onun islah olunmasına və ailəsinin həyat şəraitinə təsirini nəzərə alır. Cəza təyin edərkən məhkəmə, Azərbaycan Respublikasının Cinayət Məcəlləsinin 59.1.4-cü maddəsinə əsasən Təqsirləndirilən şəxs himayəsində bir azyaşlı uşağının olmasını, Cinayət Məcəlləsinin 59.2-ci maddəsinə əsasən məhkumluğunun olmamasını onun cəzasını yüngülləşdirən hallar qismində nəzərə alır. Təqsirləndirilən şəxs barəsində Azərbaycan Respublikasının Cinayət Məcəlləsinin 61-ci maddəsində nəzərdə tutulmuş cəzanı ağırlaşdıran hallar müəyyən edilmədi. Məhkəmə hesab edir ki, Təqsirləndirilən şəxs təyin olunacaq azadlıqdan məhrum etmə növündə cəza Azərbaycan Respublikasının Cinayət Məcəlləsinin 56.1.2-ci maddəsinin tələblərinə uyğun olaraq ümumi rejimli cəzaçəkmə müəssisəsində çəkilməlidir. Onun barəsində seçilmiş həbs qətimkan tədbiri hökm qanuni qüvvəyə minənədək dəyişdirilməməlidir. “İnsan hüquqlarının və əsas azadlıqların müdafiəsi haqqında” Avropa Konvensiyasının 5-ci maddəsinin tələblərinə əsasən, tutulma və ya həbsə alma nəticəsində azadlıqdan məhrum edilmiş hər kəs onun həbsə alınmasının qanuniliyinə məhkəmə tərəfindən təxirə salınmadan baxılması hüququna və əgər onun həbsi məhkəmə tərəfindən qanunsuz hesab edilibsə, azad edilmək hüququna malikdir. Konvensiyanın 5-ci maddəsinin qeyd edilən tələbləri ilə yanaşı, Azərbaycan Respublikasının Cinayət- Prosessual Məcəlləsinin 158-ci maddəsində də birbaşa göstərilir ki, təqsirləndirilən şəxsi həbsdə saxlama müddəti şəxsin tutulma zamanı azadlığının faktiki məhdudlaşdırıldığı vaxtdan, o, tutulmadıqda isə həbs qətimkan tədbirinin seçilməsi barədə məhkəmə qərarının icra edildiyi andan hesablanır (maddə 158.2). Cinayət işi üzrə icraatın aparılması zamanı (məhkəməyədək, habelə birinci və apellyasiya instansiyası məhkəmələrində aparılmış icraat daxil olmaqla) şəxsin həbsdə saxlanılması müddəti məhkəmə tərəfindən ona təyin olunmuş cəza müddətinə daxil edilir (maddə 158.6). Cinayət işinin materiallarından görünür ki, Təqsirləndirilən şəxs 03 fevral 2023-cü il tarixdə şübhəli şəxs qismində tutulmuş, Bakı şəhəri Səbail Rayon Məhkəməsinin 04 fevral 2023-cü il tarixli qərarı ilə onun barəsində həbs qətimkan tədbiri seçilmiş, həbs etmənin əvvəlinin 03 fevral 2023-cü il tarixdən hesablanması qərara alınmışdır (cild 1, iş vərəqə 47, 49, 192-194). Ona görə də, məhkəmə göstərilənləri nəzərə almaqla Azərbaycan Respublikasının Cinayət Məcəlləsinin 69.3-cü maddəsinə əsasən belə nəticəyə gəlir ki, ibtidai həbs müddəti cəzaçəkmə müddətinə daxil edilməklə, Təqsirləndirilən şəxs təyin ediləcək azadlıqdan məhrum etmə növündə cəzanın çəkilməsi müddətinin başlanğıcı 03 fevral 2023-cü il tarixdən hesablanmalıdır. Məhkəmə, hazırkı iş üzrə xüsusi müsadirə ilə bağlı məsələlərə də hüquqi qiymət verməyi zəruri hesab edir. Belə ki, Azərbaycan Respublikasının Cinayət Məcəlləsinin 99- 1.2-ci maddəsinə əsasən, məhkəmə hər bir cinayət işi üzrə Cinayət Məcəlləsinin 99-1.1-ci maddəsində nəzərdə tutulmuş müsadirə edilməli əmlakın olub-olmaması məsələsini həll etməlidir. Həmin Məcəllənin 99-1.1.1-ci və 99-1.1.2-ci maddələrində isə məhkumun cinayət törədilərkən istifadə etdiyi alət və vasitələrin (qanuni sahibinə qaytarılmalı olan alət və vasitələr istisna olmaqla), həmçinin məhkumun cinayət yolu ilə əldə etdiyi pul vəsaitləri və digər əmlakın məcburi qaydada və əvəzsiz olaraq dövlət nəfinə alınması nəzərdə tutulmuşdur. Hazırkı cinayət işi üzrə isə məcburi qaydada və əvəzsiz olaraq dövlət nəfinə alınmalı əmlak müəyyən edilmədi. Azərbaycan Respublikasının Cinayət-Prosessual Məcəlləsinin 132.1.4-cü maddəsinə əsasən mülki dövriyyəsi məhdudlaşdırılmış (qanuni əsaslarla əldə edilmiş hallar istisna olmaqla) və mülki dövriyyədən çıxarılmış əşyalar müvafiq təşkilatlara verilməli, onların dəyəri olmadıqda isə məhv edilməlidir. Həmin Məcəllənin 132.1.7-ci maddəsinə əsasən dəyəri olmayan digər əşyalar məhv edilməlidir. Azərbaycan Respublikasının Cinayət-Prosessual Məcəlləsinin 132.1.6-cı maddəsinə əsasən, maddi sübut olan sənədlər cinayət təqibi üzrə icraat materiallarının saxlanma müddəti ərzində işdə saxlanılmalıdır. Həmin məcəllənin 135.1-ci maddəsinə əsasən cinayət təqibi üzrə əhəmiyyət kəsb edə bilən məlumatları hərf, rəqəm, qrafika və digər işarə formasında özündə əks etdirən kağız, elektron və ya digər daşıyıcılar sənəd hesab olunur. Göstərilənlərə əsasən məhkəmə hesab edir ki, iş üzrə maddi sübut olub Bakı şəhəri Səbail rayon Polis İdarəsində saxlanılan, ekspert tədqiqatından sonra qalıq çəkisi 2,976 qram və bir ədəd 2 ml-lik şprisdəki təkibində heroin olan 0,3 ml həcmdə məhlul məhv edilməlidir. Təqsirləndirilən şəxs üzərinə şəxsi axtarış keçirilməsinin videogörüntüsünü özündə əks etdirən 01 ədəd DVD disk cinayət işinin materiallarında saxlanılmalıdır. Azərbaycan Respublikasının Cinayət-Prosessual Məcəlləsinə əsasən məhkəmə tərəfindən müşavirə otağında müzakirə edilən (maddə 346.1.21) və ittiham hökmünün nəticəvi hissəsində göstərilən (maddə 353.4.10) məsələlərdən biri də məhkəmə xərclərinin ödənilməsidir. Məhkəmə qeyd edir ki, ibtidai araşdırma zamanı X12, X10 və X2 üzərindən aşkar olunmuş narkotik vasitələrlə bağlı vahid məhkəmə-kimyəvi ekspertizası keçirilmiş və xx.xx.2023-cü il tarixli, 6/685 nömrəli həmin ekspertiza üzrə ekspertiza xərci ümumilikdə 110 (yüz on) manat təşkil etmişdir. Odur ki, məhkəmə hesab edir ki, həmin məhkəmə məsrəfinin tutulması üzrə pay müəyyən edilərək təqsirləndirilən şəxs X9 40 (qırx) manat məbləğində ekspertiza xərci tutularaq dövlət büdcəsinə ödənilməli, ekspertiza xərcinin qalan məbləğinin X10 və X2 barələrində ayrılmış cinayət işləri üzrə həll edilməli olması nəzərə alınmalıdır. Məhkəmə gəldiyi nəticələri “Narkotik vasitələrin, psixotrop maddələrin və onların prekursorlarının dövriyyəsi haqqında” Azərbaycan Respublikasının xx.xx.2005-ci il tarixli Qanununun, həmçinin Azərbaycan Respublikası Ali Məhkəməsi Plenumunun “Məhkəmələr tərəfindən cinayət cəzalarının təyin edilməsi təcrübəsi haqqında” xx.xx.2003cü il tarixli, “Ədalət mühakiməsinin həyata keçirilməsi zamanı “İnsan hüquqlarının və əsas azadlıqların müdafiəsi haqqında” Avropa Konvensiyası müddəalarının və İnsan Hüquqları üzrə Avropa Məhkəməsinin presedentlərinin tətbiqi haqqında” xx.xx.2006-cı il tarixli, “Narkotik vasitələrin, psixotrop maddələrin və ya onların prekursorlarının qanunsuz dövriyyəsinə dair cinayət işləri üzrə məhkəmə təcrübəsi haqqında” xx.xx.2011-ci il tarixli, “Məhkəmə hökmü haqqında” xx.xx.2021-ci il tarixli qərarlarının izah və tövsiyələri baxımından da əsaslı hesab edir. Yuxarıdakılara əsasən və Azərbaycan Respublikasının Cinayət-Prosessual Məcəlləsinin 346-347, 349, 351-353, 356, 358, 384-385-ci maddələrini rəhbər tutaraq, məhkəmə, hökmetdi: Təqsirləndirilən şəxs Azərbaycan Respublikasının Cinayət Məcəlləsinin 234.1-1-ci maddəsi ilə nəzərdə tutulmuş cinayət əməlini törətməkdə təqsirli bilinsin, ona 3 (üç) il müddətinə azadlıqdan məhrum etmə cəzası təyin edilsin. İbtidai həbs müddəti cəzaçəkmə müddətinə daxil edilməklə Təqsirləndirilən şəxs cəzaçəkmə müddətinin başlanğıcı 03 fevral 2023-cü il tarixdən hesablansın. Təqsirləndirilən şəxs barəsində seçilmiş həbs qətimkan tədbiri hökm qanuni qüvvəyə minənədək dəyişdirilməsin. Təqsirləndirilən şəxs ona təyin edilmiş azadlıqdan məhrum etmə növündə cəzanı ümumi rejimli cəzaçəkmə müəssisəsində çəksin. Azərbaycan Respublikasının Cinayət Məcəlləsinin 93.1.2-ci maddəsinə əsasən Təqsirləndirilən şəxs barəsində narkomaniyadan məcburi müalicə növündə tibbi xarakterli məcburi tədbir tətbiq edilsin. İş üzrə maddi sübutlar - Bakı şəhəri Səbail rayon Polis İdarəsində saxlanılan, ekspert tədqiqatından sonra qalıq çəkisi 2,976 qram təşkil edən heroin və bir ədəd 2 ml-lik şprisdəki tərkibində heroin olan 0,3 ml həcmdə məhlul məhv edilsin. Təqsirləndirilən şəxs üzərinə şəxsi axtarış keçirilməsinin görüntülərini özündə əks etdirən bir ədəd DVD disk cinayət işinin materiallarında saxlanılsın. Təqsirləndirilən şəxs 40 (qırx) manat məbləğində ekspertiza xərci tutularaq dövlət büdcəsinə ödənilsin. Hökmdən elan olunduğu, Təqsirləndirilən şəxs isə hökmün surətinin ona verildiyi andan 20 (iyirmi) gün müddətində Bakı Ağır Cinayətlər Məhkəməsi vasitəsi ilə Bakı Apellyasiya Məhkəməsinə apellyasiya şikayəti və ya apellyasiya protesti verilə bilər. Hökmdən, apellyasiya qaydasında şikayət və ya protest verilmədikdə, hökm həmin müddət başa çatdığı vaxtdan sonrakı gün qanuni qüvvəyə minir Sədrlik edən hakim: Faiq Qəniyev Hakimlər: Mahmud Ağalarov Samir Əliyev