Şəki Apellyasiya Məhkəməsi Qərar — İş №1(107)-218/2022

Azərbaycan Respublikası adından QƏRAR Şəki şəhəri İş № 1(107)-218/2022 13.05.2022 ŞƏKİ APELLYASİYA MƏHKƏMƏSİ Şəki Apellyasiya Məhkəməsinin sədri Quliyev Nuru Nadir oğlu, Təqsirləndirilən şəxs Azərbaycan Respublikası Cinayət Məcəlləsinin (bundan sonra mətndə CM-in) 178.2.3, 32.4, 312.1-ci maddələri ilə təqsirləndirilməsinə dair cinayət işi üzrə Zərdab Rayon Məhkəməsinin hakimi və sədri X1 özü-özünə etdiyi etirаzın təmin olunması barədə Şəki Apellyasiya Məhkəməsi hakiminin qərarını nəzərdən keçirərək, MÜƏYYƏN ETDİM: Zərdab Rayon Məhkəməsinin hakimi və sədri X2 öz-özünə etiraz etmiş və Zərdab Rayon Məhkəməsinin 25 aprel 2022-ci il tarixli protokolu ilə etirаz məsələsinə baxılması üçün iş materialları Şəki Apellyasiya Məhkəməsinə göndərilmişdir. Şəki Apellyasiya Məhkəməsinin hakimi Şükürov İmanverdi Həşimxan oğlunun 10 may 2022-ci il tarixli qərarı ilə Zərdab Rayon Məhkəməsinin hakimi və sədri X1 özü-özünə etdiyi etirаz təmin edilmiş və həmin qərar ərazi üzrə məhkəmə aidiyyətinin dəyişdirilməsi məsələsinin həll edilməsi məqsədilə Şəki Apellyasiya Məhkəməsinin sədrinə təqdim edilmişdir. İş materiallarını araşdırıb hesab edirəm ki, Şəki Apellyasiya Məhkəməsinin 10 may 2022-ci il tarixli qərarı ilə Zərdab Rayon Məhkəməsinin hakimi və sədri X1 özü-özünə etdiyi etirаz təmin edildiyindən, ərazi üzrə məhkəmə aidiyyəti dəyişdirilməlidir. Azərbaycan Respublikası Cinayət Prosessual Məcəlləsinin: 76.1-ci maddəsinə əsasən cinayət işinin və ya digər materialın ərazi üzrə məhkəmə aidiyyəti bu Məcəllənin 107, 109-cu maddələrinin müddəalarına əsasən, aşağıdakı hallarda dəyişdirilə bilər: 76.1.1-ci maddəsinə əsasən bir hakimdən ibarət olan məhkəmənin fəaliyyət göstərdiyi ərazidə həmin hakimin özü-özünə verdiyi və ya ona edilmiş etiraz təmin edildikdə; 76.1.2. məhkəmənin bütün hakimləri özü-özlərinə verdikləri və ya onlara edilmiş etiraz təmin edildikdə; 76.2-ci maddəsinə əsasən bu Məcəllənin 76.1.2-ci maddəsində nəzərdə tutulmuş hallarda məhkəmə aidiyyətinin dəyişdirilməsinə dair qərar müvafiq apellyasiya instansiyası məhkəməsinin sədri tərəfindən qəbul edilir. Göstərilənlərə əsasən, belə qənaətə gəlirəm ki, Şəki Apellyasiya Məhkəməsinin 10 may 2022-ci il tarixli qərarı ilə etiraz təmin olunduğundan məhkəmənin ərazi aidiyyəti dəyişdirilməli, Təqsirləndirilən şəxs CM-in 178.2.3, 32.4, 312.1-ci maddələri ilə təqsirləndirilməsinə dair cinayət işi baxılması üçün ərazi baxımından Zərdab rayonuna daha yaxın olan Ucar Rayon Məhkəməsinə göndərilməlidir. Şərh оlunаnlаrı və CPM-in 76-cı mаddəsini rəhbər tutаrаq, QƏRARA ALDİM: Təqsirləndirilən şəxs CM-in 178.2.3, 32.4, 312.1-ci maddələri ilə təqsirləndirilməsinə dair cinayət işi baxılması üçün Ucar Rayon Məhkəməsinə göndərilsin. Qərar elan olunduğu andan qanuni qüvvəyə minir. Qərardan kassasiya şikayəti və ya kassasiya protesti verilə bilməz.