Gəncə Şəhər Məhkəməsi Qərar — İş №1(125)-94/2024

Azərbaycan Respublikası adından QƏRAR Gəncə şəhəri İş № 1(125)-94/2024 15.01.2024 GƏNCƏ ŞƏHƏR MƏHKƏMƏSİ Hakim Cəfərli Orxan Nazim oğlunun sədrliyi, Sadıxov Rəşad Şahin oğlunun katibliyi ilə, X2 Azərbaycan Respublikasının Cinayət Məcəlləsinin 147-ci və 148-ci maddələri ilə cinayət məsuliyyətinə cəlb olunmasına dair X1 xüsusi ittiham qaydasında şikayətinə açıq məhkəmə hazırlıq iclasında baxaraq, məhkəmə MÜƏYYƏN ETDİ: X3 xüsusi ittiham qaydasında şikayətlə məhkəməyə müraciət edərək, X2 Azərbaycan Respublikasının Cinayət Məcəlləsinin 147-ci və 148-ci maddələri ilə cinayət məsuliyyətinə cəlb edilməsini xahiş etmişdir. Şikayət onunla əsaslandırılmışdır ki, o, X3 28 fevral 1995-ci il tarixdə Ucar rayonu, Əlikənd kəndində anadan olmuşdur. Hazırda Gəncə şəhərində qadın gözəllik salonu kimi fəaliyyət göstərən “Fors studio”da admistrator kimi fəaliyyət göstərir. X4 onun işlədiyi salona gəlmiş və orada səs-küy salmışdır. Onlar məcbur olub bu barədə hüquq-mühafizə orqanlarına müraciət etmişlər. Polis əməkdaşlarının müdaxiləsi ilə Sevinc Hüseynova oradan uzaqlaşdırılmışdır. Həmin vaxtdan başlayaraq Sevinc Hüseynova onun və işlədiyi “Fors Studionun” barəsində “İnstaqram” sosial şəbəkəsində böhtan və təhqir xarakterli paylaşımlar etməyə başlamışdır. Hazırda da onun barəsində nəlayiq ifadələr və böhtan xarakterli məlumatları sosial şəbəkələrdə yaymağa davam edir. O, bu barədə hüquqmühafizə orqanlarına müraciət edərək Sevinc Hüseynova barəsində tədbir görülməsini xahiş etmiş, oradan ona Sevinc Hüseynova barəsində xüsusi ittiham qaydasında məhkəməyə müraciət etməli olduğu bildirilmişdir. Odur o, X2 Azərbaycan Respublikasının Cinayət Məcəlləsinin 147-ci və 148-ci maddələrini tətbiq edilməklə cinayət məsuliyyətinə cəlb edilməsi barədə qərar qəbul edilməsini xahiş etmişdir. Məhkəmə tərəfindən iclasın vaxtı və yeri haqqında lazımi qaydada məlumatlandırılmış xüsusi ittihamçı X3 bunun səbəbləri barədə məhkəməni əvvəlcədən məlumatlandırmadan hazırlıq iclasına təkrarən gəlməmişdir. Məhkəmə hesab edir ki, xüsusi ittiham qaydasında verilmiş şikayətin məhkəmənin icraatına qəbul olunmasından imtina edilməlidir. Belə ki, Cinayət-Prosessual Məcəlləsinin 299.8-ci maddəsinə görə xüsusi ittihamçının üzrlü səbəblər olmasını əvvəlcədən bildirmədən məhkəmənin hazırlıq iclasına təkrar gəlməməsi ittihamdan imtinaya bərabər tutulur və xüsusi ittiham qaydasında şikayətin öz icraatına qəbul edilməsindən imtina barədə qərar çıxarır. Həmin Məcəllənin 302.1.8-ci maddəsinə görə şikayəti vermiş şəxs şikayətindən imtina etdikdə və təqsirləndirilən şəxslə barışdıqda və ya məhkəmənin hazırlıq iclasına üzrlü səbəb olmadan təkrarən gəlmədikdə məhkəmə xüsusi ittiham qaydasında şikayət üzrə məhkəmənin hazırlıq iclasının nəticələri əsasında məhkəmə baxışının keçirilməsindən imtina edir. İş materialları ilə təsdiq olunur ki, xüsusi ittihamçı X3 məhkəmənin hazırlıq iclasına üzrlü səbəblər olmadan təkrarən gəlməmişdir. Azərbaycan Respublikası Cinayət Prosessual Məcəlləsinin 302.2.3-cü maddələrinə əsasən məhkəmə xüsusi ittiham qaydasında şikayət üzrə məhkəmənin hazırlıq iclasının nəticələri əsasında məhkəmə baxışının keçirilməsindən imtina edərək bu Məcəllənin 302.1.2-302.1.4, 302.1.6-302.1.8-ci maddələrində nəzərdə tutulmuş hallarda xüsusi ittiham qaydasında şikayətin öz icraatına qəbul edilməsindən imtina edilməsi barədə qərar çıxarır. Yuxarıda göstərilənlərə və Azərbaycan Respublikasının Cinayət-Prosessual Məcəlləsinin 300.1.3, 302.2.3 və 384.1.8-ci maddələrinə əsasən, məhkəmə QƏRARA ALDİ: Barəsində xüsusi ittiham qaydasında şikayət verilmiş şəxs X2 Azərbaycan Respublikası Cinayət Məcəlləsinin 147 və 148-ci maddələri ilə cinayət məsuliyyətinə cəlb olunmasına dair xüsusi ittihamçı X1 şikayətinin icraata qəbul edilməsindən imtina edilsin. Qərardan elan olunduğu andan 20 gün müddətində Gəncə Şəhər Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. HAKİM: Orxan Cəfərli