Bakı Apellyasiya Məhkəməsi Qərar — İş №1(3-6)-745/2026

Azərbaycan Respublikası adından Qərar Bakı şəhəri İş № 1(3-6)-745/2026 18.06.2026 BAKI APELLYASIYA MƏHKƏMƏSI Hakimlər Hümbətov Fəhmin Zaur oğlunun sədrliyi və məruzəsi ilə, X1 və Məmmədov Əli İrfan oğlundan ibarət tərkibdə, Boroyev Əli Əhməd oğlunun katibliyi, Dövlət ittihamçısı – Azərbaycan Respublikası Baş Prokurorluğunun Dövlət ittihamının müdafiəsi üzrə idarəsinin apellyasiya instansiyası məhkəmələrində dövlət ittihamının müdafiəsi üzrə şöbəsinin prokuroru Yusifov İlkin Fərhad oğlunun, Zərərçəkmiş şəxs – Zərərçəkmiş şəxs, Məhkum edilmiş şəxs – Təqsirləndirilən şəxs, Müdafiəçi – Bakı şəhəri ** saylı Vəkil Bürosunun vəkili müdafiəçi1 iştirakları ilə, Təqsirləndirilən şəxs Azərbaycan Respublikası Cinayət Məcəlləsinin 178.1-ci maddəsi ilə təqsirli bilinərək məhkum edilməsinə dair Bakı şəhəri Xətai Rayon Məhkəməsinin ##.##.2026-cı il tarixli, *(***)-***/**** nömrəli hökmündən məhkum edilmiş şəxs tərəfindən verilmiş apelyasiya şikayətinə Bakı Apellyasiya Məhkəməsinin binasında açıq məhkəmə iclasında baxaraq, MÜƏYYƏN ETDİ: Bakı şəhəri Xətai Rayon Məhkəməsinin ##.##.2026-cı il tarixli, 1(011)- ***/**** nömrəli hökmü ilə (hakim Zəfər Ramazanov) Təqsirləndirilən şəxs Azərbaycan Respublikası Cinayət Məcəlləsinin 178.1-ci maddəsində nəzərdə tutulmuş cinayət əməlini törətməkdə təqsirli bilinərək, 6 (altı) ay müddətə azadlıqdan məhrum etmə cəzası təyin edilməsi, CM-in 66.5-ci maddəsinə əsasən Təqsirləndirilən şəxs Abşeron Rayon Məhkəməsinin ##.##.2025-ci il tarixli, *(***)-***/**** saylı hökmü ilə təyin edilmiş 6 (altı) ay müddətinə azadlıqdan məhrum etmə cəzasının çəkilmiş 2 (iki) ay 29 (iyirmi doqquz) gün (2 ay 27 gün çəkilmiş cəza və 2 gün şübhəli şəxs qismində tutulma müddəti) hissəsi hazırkı iş üzrə təyin edilmiş 6 (altı) ay müddətinə azadlıqdan məhrum etmə cəzası ilə qismən toplanmaq yolu ilə ona qəti olaraq 7 (yeddi) ay müddətinə azadlıqdan məhrum etmə cəzasının təyin edilməsi, CM-in 69.3-cü maddəsinə əsasən Təqsirləndirilən şəxs ibtidai istintaq dövründə ##.##.2024-cü il tarixdən ##.##.2024-cü il tarixədək, ##.##.2025-ci il tarixdən ##.##.2025-ci il tarixədək şübhəli şəxs qismində saxlanıldığı 4 (dörd) gün müddət, həmçinin Abşeron Rayon Məhkəməsinin ##.##.2025-ci il tarixli, *(***)-***/**** saylı hökmü üzrə azadlıqdan məhrum etmə cəzasının çəkilmiş 2 (iki) ay 27 (iyirmi yeddi) gün hissəsi ona təyin olunmuş 7 (yeddi) ay müddətinə azadlıqdan məhrum etmə cəzasından çıxılması və üzərində 3 (üç) ay 29 (iyirmi doqquz) gün müddətinə azadlıqdan məhrum etmə cəzasının saxlanılması, cəzasını ümumi rejimli cəzaçəkmə müəssisəsində çəkməsi, cəzaçəkmə müddətinin başlanğıcının ##.##.2026-cı il tarixdən hesablanması hökm edilmişdir. Hökmlə həmçinin maddi sübut, qətimkan tədbiri və məhkəmə məsrəfləri məsələləri də həll edilmişdir. Hökmdən narazı olan məhkum edilmiş şəxs Təqsirləndirilən şəxs apellyasiya şikayəti verərək, işinə düzgün baxılmasını xahiş etmişdir. Verilmiş apellyasiya şikayəti üzrə keçirilən məhkəmə baxış iclasında məhkum edilmiş şəxs Təqsirləndirilən şəxs məhkəmə kollegiyasına ərizə ilə müraciət edərək, apellyasiya şikayətini geri götürdüyünü bildirmiş və apellyasiya şikayətinə baxılmasına xitam verilməsini xahiş etmişdir. Məhkəmə iclasında iştirak edən müdafiəçi apellyasiya şikayətinə baxılmasına xitam verilməsinə etiraz etmədiyini bildirdi. Məhkəmə iclasında iştirak edən dövlət ittihamçısı məhkum edilmiş şəxs tərəfindən verilmiş ərizənin qəbul edilməsini və apellyasiya şikayətinə baxılmasına xitam verilməsini xahiş etdi. Məhkəmə iclasında iştirak edən zərərçəkmiş şəxs məhkum edilmiş şəxs tərəfindən verilmiş ərizənin qəbul edilməsini və apellyasiya şikayətinə baxılmasına xitam verilməsini xahiş etdi. Azərbaycan Respublikası Cinayət-Prosessual Məcəlləsinin 390.1-ci maddəsinə əsasən apellyasiya instansiyası məhkəməsində işə baxılmamışdan əvvəl apellyasiya şikayətini və apellyasiya protestini verən şəxs onu geri götürmək, dəyişdirmək və ya ona əlavələr etmək, habelə cinayət prosesinin digər iştirakçısının apellyasiya şikayətinə, yaxud apellyasiya protestinə öz etirazlarını bildirmək hüququna malikdir. Həmin Məcəllənin 391.11-ci maddəsinə əsasən apellyasiya şikayətini və ya apellyasiya protestini vermiş şəxs öz apellyasiya tələblərindən imtina etdikdə və cinayət prosesinin digər iştirakçılarının apellyasiya şikayəti və ya apellyasiya protesti olmadığı halda, məhkəmə apellyasiya şikayətinə və ya apellyasiya protestinə baxılmasına xitam verilməsi haqqında qərar çıxarır. Apellyasiya şikayətinə və ya apellyasiya protestinə baxılmasına xitam verildiyi andan birinci instansiya məhkəməsinin hökm və ya digər yekun qərarı qanuni qüvvəyə minir. Məhkəmə kollegiyası, məhkumun apellyasiya şikayətinin geri götürülməsi haqqında müraciətini nəzərə alıb, cinayət-prosessual qanunvericiliyinin tələblərinə əsaslanaraq, məhkum tərəfindən verilmiş apellyasiya şikayətinə baxılmasına xitam verilməsini mümkün hesab edir. Məhkəmə kollegiyası həmçinin hesab edir ki, məhkumun hüquqlarının məhkəmə iclaslarında müdafiə xərcləri Azərbaycan Respublikası CPM-in 193.2 və 193.3-cü maddələrinə, habelə Azərbaycan Respublikası Nazirlər Kabinetinin ## ###### 2001-ci il tarixli, ** saylı qərarına əsasən (həmin qərara ##.##.2025-ci il *** saylı dəyişikliklər nəzərə alınmaqla) dövlət büdcəsindən ödənilməlidir. Şərh olunanlara əsaslanaraq və Azərbaycan Respublikası CPM-in 390, 391.3.10, 391.11 və 410-cu maddələrini rəhbər tutaraq, məhkəmə kollegiyası QƏRARA ALDI Bakı şəhəri Xətai Rayon Məhkəməsinin ##.##.2026-cı il tarixli, *(***)-***/**** nömrəli hökmündən məhkum edilmiş şəxs Təqsirləndirilən şəxs tərəfindən verilmiş apellyasiya şikayətinə baxılmasına xitam verilsin. Bakı şəhəri ** saylı Vəkil Bürosunun vəkili müdafiəçi1 tərəfindən məhkum Təqsirləndirilən şəxs hüquqlarının məhkəmədə müdafiə edilməsinə görə sərf etdiyi hər iş saatına görə 11 (on bir) manat hesablanmaqla, 10 (on) saat üçün cəmi 110 (yüz on) manat pul dövlət büdcəsindən tutularaq Bakı şəhəri ** saylı Vəkil Bürosunun hesabına köçürülsün. Qərardan bir ay müddətində Azərbaycan Respublikasının Ali Məhkəməsinə kassasiya şikayəti və ya kassasiya protesti verilə bilər.