Şirvan Apellyasiya Məhkəməsi Qərar — İş №1(3-9)-432/2026

Azərbaycan Respublikası adından Qərar Şirvan şəhəri İş № 1(3-9)-432/2026 08.09.2026 ŞIRVAN APELLYASIYA MƏHKƏMƏSI Şirvan Apellyasiya Məhkəməsinin Cinayət Kollegiyası Hakimlər Sultanov Cavid Rizvan oğlu (sədrlik edən), Ağabəyov Nicat Rauf oğlu və Hacıyev Pərviz Vaqif oğlundan ibarət tərkibdə, Məmmədov Məhəmməd Sultan oğlunun katibliyi, Dövlət ittihamçısı Azərbaycan Respublikası Baş Prokurorluğunun Dövlət ittihamının müdafiəsi üzrə idarəsinin Apellyasiya instansiyası məhkəmələrində dövlət ittihamının müdafiəsi üzrə şöbəsinin prokuroru X1, Təqsirləndirilən şəxs İbrəhimov Babakişi Səfər oğlunun (videokonfrans əlaqə sistemi vasitəsilə), Müdafiəçi Müdafiəçi İnqilab oğlunun iştirakları ilə İbrəhimov Babakişi Səfər oğlunun Azərbaycan Respublikası Cinayət Məcəlləsinin 234.1ci maddəsi ilə təqsirləndirilməsinə dair cinayət işi üzrə Hacıqabul Rayon Məhkəməsinin ## #### 2026-ci il tarixli, *(*-***)-*/**** nömrəli hökmündən təqsirləndirilən şəxsin müdafiəçisi Müdafiəçi İnqilab oğlu tərəfindən verilmiş apellyasiya şikayətinə əsasən cinayət işinə Şirvan Apellyasiya Məhkəməsinin inzibati binasında açıq məhkəmə iclasında baxaraq MÜƏYYƏN ETDİ: Hacıqabul Rayon Məhkəməsinin ## #### 2026-ci il tarixli, *(*-***)-*/**** nömrəli hökmü (hakim Orxan Bayramov) ilə ##.##.1958-ci il tarixdə Qazı-Məmməd şəhərində doğulmuş, Azərbaycan Respublikasının vətəndaşı, orta təhsilli, subay, işsiz, III dərəcəli əlillik dərəcəsi olan, Hacıqabul Rayon Məhkəməsinin ##.##.2023cü il tarixli hökmü ilə Cinayət Məcəlləsinin 234.1, 69.3-cü maddələri ilə təqsirli bilinərək 1 il 9 ay 28 gün müddətinə azadlıqdan məhrumetmə cəzasına məhkum edilmiş, məhkumluğu ödənilməmiş, ünvan 1 ünvanında qeydiyyatda olmaqla yaşamış, barəsində polisin nəzarəti altına vermə qətimkan tədbiri seçilmiş İbrəhimov Babakişi Səfər oğlunun Azərbaycan Respublikası Cinayət Məcəlləsinin 234.1-ci maddəsi ilə nəzərdə tutulmuş cinayət əməlini törətməkdə təqsirli bilinərək, 1 (bir) il 6 (altı) ay müddətinə azadlıqdan məhrum etmə cəzasına məhkum edilmiş, İbrəhimov Babakişi Səfər oğlunun şübhəli şəxs qismində tutulduğu iki gün müddət Azərbaycan Respublikası Cinayət Məcəlləsinin 69.3-cü maddəsinə əsasən həbsdə saxlamanın müddəti azadlıqdan məhrum etmənin bir gününə bir gün hesabı ilə hesablanmaqla, cəmi iki gün müddət ona təyin edilmiş cəzadan çıxılmış və üzərində qəti olaraq 1 (bir) il 5 (beş) ay 28 (iyirmi səkkiz) gün müddətə azadlıqdan məhrum etmə cəzası saxlanılmış, İbrəhimov Babakişi Səfər oğlu cəzasını ciddi rejimli cəzaçəkmə müəssisəsində çəkməsi və cəza çəkmə müddətinin əvvəlinin ## #### 2026-cı il tarixdən hesablanması, İbrəhimov Babakişi Səfər oğlu barəsində seçilmiş polisin nəzarəti altına vermə qətimkan tədbirinin ləğv edilməsi, hökm qanuni qüvvəyə minənədək barəsində həbs qətimkan tədbiri seçilməsi və məhkəmə iclas zalında dərhal həbsə alınması hökm edilmişdir. İŞİN HALLARI Məhkəmənin hökmü ilə İbrəhimov Babakişi Səfər oğlu təqsirli bilinmişdir ondan ötrü ki, o, satış məqsədi olmadan özünün istifadəsi üçün şəxsi istehlak miqdarından artıq xeyli miqdarda psixotrop maddə metamfetamini və xeyli miqdarda narkotik vasitə qurudulmuş marixuananı qanunsuz olaraq əldə edib üzərində saxlamaqla Hacıqabul şəhəri S.Qubadov küçəsinə daşımış, ## ###### 2026-cı il tarixdə saat 17 radələrində Hacıqabul rayon polis şöbəsinin əməkdaşları tərəfindən keçirilən əməliyyat-axtarış tədbirləri nəticəsində Hacıqabul şəhəri S.Qubadov küçəsində saxlanılaraq üzərində yoxlama aparılarkən əynindəki tünd göy rəngli qış gödəkçəsinin sol yan cibindən 1 ədəd kağız kəsiyi bükümündə şəxsi istehlak miqdarından artıq, yəni təmiz çəkisi 0,265 qram xeyli miqdarda kustar üsulla hazırlanmış psixotrop maddə metamfetamin, əynindəki tünd göy rəngli qış gödəkçəsinin sağ yan cibindəki 1 ədəd kibrit qutusunun içərisindən təmiz çəkisi 5,15 qram və həmin cibindəki “Prima” markalı siqaret qutusunda olan 1 ədəd siqaret dənəsinin içərisindən təmiz çəkisi 0,26 qram olmaqla, ümumi təmiz çəkisi 5,41 qram xeyli miqdarda orqanoleptik əlamətlərinə və tərkiblərinə görə eyni olan tərkibində narkotik maddələr olan çətənə (kannabis) bitkisindən kustar üsulla hazırlanmış narkotik vasitə qurudulmuş marixuana aşkar edilib götürülmüşdür. APELLYASİYA ŞİKAYƏTİNİN DƏLİLLƏRİ Birinci instansiya məhkəməsinin hökmündən təqsirləndirilən şəxsin müdafiəçisi Müdafiəçi İnqilab oğlu apellyasiya şikayəti verərək, Hacıqabul Rayon Məhkəməsinin ## #### 2026-cı il tarixli *(*-***)-*/**** saylı hökmü cəzanın təyin edilməsi hissəsində dəyişdirilməsini, İbrəhimov Babakişi Səfər oğlunun yaşı, III qrup əlilliyi, ağır sağlamlıq vəziyyəti, sol qolunun funksiyasını itirməsi, təqsirini etiraf etməsi, səmimi peşman olması və narkotik vasitəni şəxsi istifadə məqsədi ilə saxlaması nəzərə alınaraq ona daha yüngül cəza təyin edilməsini xahiş etmişdir. Apellyasiya şikayəti onunla əsaslandırılmışdır ki, müdafiə tərəfi hökmün təqsirləndirmə hissəsini deyil, yalnız cəzanın təyin edilməsi hissəsini mübahisələndirir. İş materiallarından görünür ki, müdafiə olunan şəxs ibtidai istintaqın başlanğıcından etibarən təqsirini tam etiraf etmiş, törətdiyi əmələ görə səmimi peşman olduğunu bildirmiş və iş üzrə həqiqətin müəyyən edilməsinə maneçilik yaratmamışdır. Bu davranış cinayət prosesinin operativ aparılmasına şərait yaratmışdır. Bundan başqa, cinayət predmeti olan narkotik vasitənin satış məqsədi ilə deyil, şəxsi istifadə məqsədi ilə saxlanıldığı iş materialları ilə müəyyən edilmişdir. Məhz bu səbəbdən əməl Azərbaycan Respublikası Cinayət Məcəlləsinin 234.1-ci maddəsi ilə tövsif edilmişdir. Bu hal cəzanın fərdiləşdirilməsi zamanı nəzərə alınmalı mühüm amillərdəndir. Məhkum İbrəhimov Babakişi Səfər oğlu ## ### 1958-ci il təvəllüdlüdür, ahıl yaşdadır, III qrup əlildir və uzun müddətdir ciddi sağlamlıq problemlərindən əziyyət çəkir. Onun sol qolu funksiyasını itirmişdir və gündəlik həyat fəaliyyətində ciddi məhdudiyyətlər mövcuddur. Daimi tibbi nəzarətə və müalicəyə ehtiyac duyması tibbi sənədlərlə təsdiq edilir. Müdafiə tərəfi hesab edir ki, birinci instansiya məhkəməsi hökm çıxararkən bu halları sadəcə sadalamaqla kifayətlənmiş, lakin onların cəzanın növünə və müddətinə real təsirini lazımi qaydada qiymətləndirməmişdir. Halbuki cəzanın fərdiləşdirilməsi prinsipi hər bir iş üzrə məhkumun şəxsiyyətinin və fərdi xüsusiyyətlərinin hərtərəfli nəzərə alınmasını tələb edir. Təyin olunmuş 1 il 5 ay 28 gün müddətinə azadlıqdan məhrum etmə cəzası məhkumun yaşı, sağlamlıq vəziyyəti, iII qrup əlilliyi, sol qolunun işləməməsi, təqsirini etiraf etməsi, səmimi peşmanlığı və əməli şəxsi istifadə məqsədi ilə törətməsi nəzərə alındıqda cəzanın məqsədlərinə nail olmaq üçün zəruri olandan daha ağırdır. Müdafiə tərəfi əvvəlki məhkumluq faktının mövcudluğunu nəzərə alır. Bununla belə, həmin hal iş üzrə mövcud olan digər yüngülləşdirici halların məcmu halda qiymətləndirilməsini istisna etmir və məhkəmə cəzanın fərdiləşdirilməsi zamanı bu halların balansını təmin etməli idi. Hacıqabul Rayon Məhkəməsinin ## #### 2026-cı il tarixli *(*-***)-*/**** saylı hökmü cəzanın təyin edilməsi hissəsində dəyişdirilməsini, İbrəhimov Babakişi Səfər oğlunun yaşı, III qrup əlilliyi, ağır sağlamlıq vəziyyəti, sol qolunun funksiyasını itirməsi, təqsirini etiraf etməsi, səmimi peşman olması və narkotik vasitəni şəxsi istifadə məqsədi ilə saxlaması nəzərə alınaraq ona daha yüngül cəza təyin edilməsini xahiş etmişdir. PROSES İŞTİRAKÇILARININ ÇIXIŞLARI Apellyasiya baxışı zamanı təqsirləndirilən şəxs İbrəhimov Babakişi Səfər oğlunun müdafiəçisi Müdafiəçi İnqilab oğlu apellyasiya şikayətinin dəlillərini müdafiə edərək, şikayətin məzmununa uyğun çıxış edib onun təmin olunmasını məhkəmə kollegiyasından xahiş etdi. Apellyasiya baxışı zamanı təqsirləndirilən şəxs İbrəhimov Babakişi Səfər oğlu müdafiəçisinin çıxışı ilə razı olduğunu bildirib, apellyasiya şikayətinin təmin olunmasını məhkəmə kollegiyasından xahiş etdi. Apellyasiya baxışı zamanı dövlət ittihamçısı X1 apellyasiya şikayətinin dəlilləri ilə razılaşmayaraq, törədilmiş cinayət əməlinin iş materialları ilə tam sübuta yetirildiyini, birinci instansiya məhkəməsinin düzgün olaraq İbrəhimov Babakişi Səfər oğlunun əməlini Azərbaycan Respublikası CM-in 234.1-ci maddəsi ilə tövsif edərək, onu həmin maddədə nəzərdə tutulmuş cinayət əməlini törətməkdə təqsirli bilib barəsində qanunamüvafiq və ədalətli cəza təyin etdiyini, apellyasiya şikayətinin təmin olunmamasını kollegiyadan xahiş etdi. HÜQUQİ MƏSƏLƏLƏR Azərbaycan Respublikası Cinayət-Prosessual Məcəlləsinin 397.1-ci maddəsinə əsasən apellyasiya instansiyası məhkəməsi birinci instansiya məhkəməsi tərəfindən işin faktiki hallarının müəyyən edilməsinin, habelə cinayət qanununun və bu Məcəllənin normalarının tətbiq edilməsinin düzgünlüyünü yoxlayır. CPM-in 397.2-ci maddəsinə görə, birinci instansiya məhkəməsi tərəfindən müəyyən edilmiş faktiki hallar apellyasiya instansiyası məhkəməsi tərəfindən yalnız apellyasiya şikayətinin və ya apellyasiya protestinin hüdudlarında yoxlanılır. Birinci instansiya məhkəməsi tərəfindən cinayət qanununa və bu Məcəllənin normalarına riayət edilməsi apellyasiya instansiyası məhkəməsi tərəfindən apellyasiya şikayətinin və ya apellyasiya protestinin dəlillərindən asılı olmayaraq yoxlanılır. Azərbaycan Respublikası Konstitusiya Məhkəməsinin Plenumu “Azərbaycan Respublikası Cinayət-Prosessual Məcəlləsinin 397.1 və 397.2-ci maddələrinin şərh edilməsinə dair” ## ### 2009-cu il tarixli Qərarında qeyd etmişdir ki, kassasiya icraatından fərqli olaraq apellyasiya icraatı məhz qanuni qüvvəyə minməmiş yekun qərarın (o cümlədən hökmün) qanuniliyinin və əsaslılığının tam və ya qismən yoxlanılması yolu ilə həmin qərarın işin faktiki hallarına və (və ya) cinayət və cinayət-prosessual qanunvericiliyinin tələblərinə uyğunluğu baxımından yenidən araşdırılmasını nəzərdə tutur. Apellyasiya instansiyası məhkəməsi tam hüquqlu məhkəmə kimi çıxış edərək işə təkrarən mahiyyəti üzrə baxmaq, birinci instansiya məhkəməsinin yekun qərarını qüvvədə saxlamaq, onu dəyişdirmək və ya ləğv edərək əvəzinə yeni qərar qəbul etmək səlahiyyətinə malikdir. Plenum daha sonra qeyd etmişdir ki, qanunçuluq prinsipinin əsas mahiyyəti ondan ibarətdir ki, o, nəinki hakimlərin yalnız Konstitusiyaya və qanunlara tabe olmasını bərqərar edir, həm də məhkəmə tərəfindən aşkarlanmış qanun pozuntularının aradan qaldırılması vəzifəsinə və iş üzrə hər kəsin məhkəmə müdafiəsinin təminatına, vətəndaşların hüquq və azadlıqlarının təmin olunmasına xidmət etməklə, ədalətli məhkəmə araşdırmasının digər prinsiplərinin həyata keçirilməsi şərtilə bütövlükdə məhkəmə icraatının məqsədini müəyyənləşdirir. Apellyasiya şikayətindən görünür ki, təqsirləndirilən şəxsin müdafiəçisi işin faktiki hallarını deyil, cəza hissəsini mübahisələndirmişdir. Məhkəmə kollegiyası iş materiallarını nəzərdən keçirib, habelə cinayət prosesinin iştirakçılarını apellyasiya baxışında dinləyib aşağıdakı əsaslara görə hesab edir ki, apellyasiya şikayəti təmin edilməməli, məhkəmənin hökmü isə dəyişdirilmədən saxlanılmalıdır. Azərbaycan Respublikası CM-in 3-cü maddəsinə görə yalnız bu Məcəllə ilə nəzərdə tutulmuş cinayət tərkibinin bütün əlamətlərinin mövcud olduğu əməlin (hərəkət və ya hərəkətsizliyin) törədilməsi cinayət məsuliyyəti yaradır. CM-in 14.1-ci maddəsinə görə bu Məcəllə ilə cəza təhdidi altında qadağan olunmuş ictimai təhlükəli əməlin (hərəkət və ya hərəkətsizliyin) təqsirli olaraq törədilməsi cinayət sayılır. CM-in 24.1-ci maddəsinə görə əməli (hərəkət və ya hərəkətsizliyi) yalnız qəsdən və ya ehtiyatsızlıqdan törətmiş şəxs cinayət törətməkdə təqsirli sayılır. CM-in 25.2-ci maddəsinə görə şəxs öz əməlinin (hərəkət və ya hərəkətsizliyinin) ictimai təhlükəli olduğunu dərk etmiş, onun ictimai təhlükəli nəticələrini qabaqcadan görmüş və bunları arzu etmişdirsə, bu halda cinayət birbaşa qəsdlə törədilmiş hesab olunur. CM-in 234.1-ci maddəsinə əsasən satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma bu maddə ilə nəzərdə tutulmuş cinayətin tərkibini yaradır. “Narkotik vasitələrin, psixotrop maddələrin və onların prekursorlarının dövriyyəsi haqqında” Azərbaycan Respublikasının ## #### 2005-ci il tarixli Qanununun 1.0.9-cu bəndinə əsasən narkotik vasitələrin, psixotrop maddələrin və onların prekursorlarının qanunsuz əldə edilməsi-həyata keçirilməsi üsulundan asılı olmayaraq, Azərbaycan Respublikasının qanunvericiliyi ilə müəyyən edilmiş qaydaları pozmaqla narkotik vasitələrin, psixotrop maddələrin və onların prekursorlarının alınmasına, hədiyyə və ya qarşılıqlı hesablaşma vasitəsi kimi qəbul edilməsinə, başqa mallara və əşyalara dəyişdirilməsinə, mənimsənilməsinə və ya hər hansı digər üsulla onlara yiyələnməyə yönəldilmiş bütün hərəkətlərdir. Onu da qeyd etmək lazımdır ki, törədilən cinayətin tərkib əlamətlərinin müəyyən edilməsi və əməlin Cinayət Qanunu norması üzrə tövsif edilməsi yuxarıda qeyd edilən Cinayət Məcəlləsinin müvafiq normaları əsasında aparılsa da, törədilən əməlin sübuta yetirilməsi Azərbaycan Respublikasının cinayət-prosessual qanunvericiliyi ilə müəyyən edilmiş hüquqi prosedurlar əsasında aparılır. Bu mənada Cinayət-Prosessual Məcəllənin müvafiq normalarının müəyyən etdiyi hüquqi prosedurların xatırladılması da zəruridir. Azərbaycan Respublikası CPM-in 124.1 və 124.2-ci maddələrinə görə məhkəmənin və ya cinayət prosesi tərəflərinin əldə etdiyi mötəbər dəlillər (məlumatlar, sənədlər, əşyalar) cinayət təqibi üzrə sübutlar hesab olunur. Bu sübutlar: cinayət-prosessual qanunvericiliyinin tələblərinə əməl edilməklə insan və vətəndaşın konstitusiya hüquq və azadlıqları məhdudlaşdırılmadan və ya məhkəmənin qərarı əsasında (bu Məcəllə ilə nəzərdə tutulmuş təxirə salına bilməyən hallarda isə müstəntiqin qərarı əsasında) məhdudlaşdırmaqla əldə olunmalı; hadisənin cinayət hadisəsi olub-olmamasını, törədilmiş əməldə cinayətin əlamətlərinin olub-olmamasını, bu əməlin təqsirləndirilən şəxs tərəfindən törədilib-törədilməməsini, onun təqsirli olub-olmamasını, habelə ittihamın düzgün həll edilməsi üçün əhəmiyyət kəsb edən digər hallar göstərilməlidir. Cinayət prosesində şübhəli, təqsirləndirilən və zərər çəkmiş şəxsin və şahidlərin ifadələri, ekspertin rəyi, maddi sübutlar, istintaq və məhkəmə hərəkətlərinin protokolları və digər sənədlər sübut kimi qəbul olunur. CPM-in 125.1-ci maddəsinə əsasən məlumatların, sənədlərin və digər əşyaların həqiqiliyinə, yaranma mənbəyinə və əldə edilməsi hallarına şübhələr olmadıqda onlar sübut kimi qəbul edilə bilərlər. CPM-in 138.1 və 138.2-ci maddələrinə əsasən sübutetmə ittihamın qanuni, əsaslı və ədalətli həlli üçün əhəmiyyət kəsb edən halların müəyyən edilməsi məqsədi ilə sübutların əldə edilməsindən, yoxlanılmasından və qiymətləndirilməsindən ibarətdir. Təqsirləndirilən şəxsin cinayət məsuliyyətinə cəlb olunması əsaslarını və onun təqsirli olub-olmamasını sübutetmə vəzifəsi ittihamçının üzərinə düşür. CPM-in 139.0.1-ci maddəsinə əsasən cinayət təqibi üzrə icraat zamanı cinayət hadisəsinin baş vermə faktı və halları yalnız sübutlara əsasən müəyyən edilir. CPM-in 143.1-ci maddəsində göstərilmişdir ki, sübutların toplanılması ibtidai araşdırma və məhkəmə baxışı zamanı dindirmə, üzləşdirmə, götürmə, axtarış, baxış, ekspertiza, tanınmaya təqdim etmə və digər prosessual hərəkətlərlə həyata keçirilir. CPM-in 144-cü maddəsinə əsasən isə cinayət təqibi üzrə toplanmış sübutlar tam, hərtərəfli və obyektiv yoxlanılmalıdır. Yoxlama zamanı cinayət təqibi üzrə toplanmış sübutlar təhlil olunur və bir-biri ilə müqayisə edilir, yeni sübutlar toplanır, əldə olunmuş sübutların mənbəyinin mötəbərliyi müəyyənləşdirilir. CPM-in 145.1 və 145.2-ci maddələrinə əsasən hər bir sübut mənsubiyyəti, mümkünlüyü, mötəbərliyi üzrə qiymətləndirilməlidir. Cinayət təqibi üzrə toplanmış bütün sübutların məcmusuna isə ittihamın həlli üçün onların kifayət etməsinə əsasən qiymət verilməlidir. Təhqiqatçı, müstəntiq, prokuror, hakim qanunu və vicdanını rəhbər tutaraq sübutların məcmusunun hərtərəfli, tam və obyektiv baxılmasına əsaslanmaqla öz daxili inamına görə sübutları qiymətləndirirlər. CPM-in 146.1-ci maddəsinə görə cinayət təqibi üzrə toplanmış sübutların kifayət etməsi dedikdə, müəyyən edilməli hallar üzrə mümkün sübutların elə bir həcmi nəzərdə tutulur ki, onlar sübut etmə predmetinin müəyyən edilməsi üçün mötəbər və yekun nəticəyə gəlməyə imkan versin. CPM-in 349.3 və 349.5-ci maddələrinə əsasən məhkəmənin hökmü qanuni və əsaslı olmalıdır. Məhkəmənin gəldiyi nəticələr yalnız məhkəmə istintaqında tədqiq edilmiş sübutlara əsaslandıqda, bu sübutlar ittihamın qiymətləndirilməsi üçün kifayət etdikdə və məhkəmənin müəyyən etdiyi hallar onun tədqiq etdiyi sübutlara uyğun gəldikdə məhkəmənin hökmü əsaslı hesab edilir. İnsan Hüquqları üzrə Avropa Məhkəməsi “Barbera, Messegue və Cabardo İspaniyaya qarşı” iş üzrə qərarında da xüsusilə vurğulamışdır ki, təqsirləndirilən şəxsin təqsirliliyi barədə irəli sürülən ittiham həm yetərlilik, həm də inandırıcılıq tələblərinə uyğun olmalıdır. Apellyasiya şikayətinin dəlillərindən asılı olmayaraq təqsirliliklə bağlı məsələni cinayət və cinayət-prosessual qanunvericiliyin yuxarıda qeyd olunan normaların tələbləri baxımından nəzərdən keçirən məhkəmə kollegiyası müəyyən etmişdir ki, İbrəhimov Babakişi Səfər oğluna istinad edilən cinayətin törədilməsində onun təqsiri cinayət işinin materiallarında olan mötəbər sübutlarla tam təsdiq olunur. Təqsirləndirilən şəxs İbrəhimov Babakişi Səfər oğluna istinad edilən cinayətin baş verib-verməməsi, onun həmin cinayəti törətməkdə qəsdinin olub-olmaması kimi mühüm əhəmiyyət kəsb edən əlamətlər yoxlanılarkən müəyyən edilmişdir ki, birinci instansiya məhkəməsində tədqiq edilmiş aşağıdakı sübutlar həm ayrı-ayrılıqda, həm də məcmu şəklində sonuncunun qeyd edilən cinayəti törətməsi nəticəsinə gəlmək üçün əsas verir və kifayət edirlər. Belə ki, birinci instansiya məhkəməsinin hökmündən görünür ki, məhkəmə ittiham hökmü çıxararkən ittiham tərəfinin təqdim etdiyi və məhkəmə istintaqında tədqiq olunmuş sübutlarla, yəni İbrəhimov Babakişi Səfər oğlunun özünün ifadələri ilə yanaşı, şahidlər şahid4, Səlimov İsmayıl Əli oğlunun məhkəmə istintaq zamanı verdikləri ifadələri, “Əməliyyat-axtarış tədbirinin keçirilməsi, şübhəli şəxsin üstünün yoxlanılması və götürmə haqqında” ## ###### 2026-cı il tarixli protokol, Məhkəmə-kimyəvi ekspertizasının ##.##.2026-cı il tarixli 18/63-** №-li rəyi, habelə iş materiallarında olan digər sənədləri nəzərdən keçirib İbrəhimov Babakişi Səfər oğlunun Cinayət Məcəlləsinin 234.1-ci maddəsi ilə müəyyən edilmiş cinayət əməlini törətməsi, həmin cinayət əməlinə aidiyyəti və təqsirliliyinin tam sübuta yetirilməsinə, ona ittiham olunan əməlin cinayət olmasını aradan qaldıran halların, həmçinin Babakişi İbrəhimovun cinayət məsuliyyətindən azad edilməsi üçün əsasların olmamasına görə, onun həmin maddə ilə təqsirili bilinib cəzalandırılmalı olmasına dair yekun nəticəyə gəlmişdir. Məhkəmə kollegiyası iş üzrə mövcud sübutlara və müəyyən edilmiş faktiki hallara tətbiq edilməli qanun normalarına uyğun qiymət verərək hesab edir ki, birinci instansiya məhkəməsinin yuxarıda qeyd olunan qənaəti qanuni, əsaslı və iş üzrə müəyyən edilmiş faktiki hallara uyğun olmuş, təqsirləndirilən şəxs Babakişi İbrəhimovun Cinayət Məcəlləsinin 234.1-ci maddəsi ilə müəyyən edilmiş cinayət əməlini törətməsi və təqsirliliyi yuxarıda qeyd olunan sübutlarla tam təsdiq olunmuşdur. Belə ki, təqsirləndirilən şəxs Babakişi İbrahimova qarşı irəli sürülmüş ittihamdan görünür ki, o, satış məqsədi olmadan özünün istifadəsi üçün şəxsi istehlak miqdarından artıq xeyli miqdarda psixotrop maddə metamfetamini və xeyli miqdarda narkotik vasitə qurudulmuş marixuananı qanunsuz olaraq əldə edib üzərində saxlamaqla Hacıqabul şəhəri S.Qubadov küçəsinə daşımış, ## ###### 2026-cı il tarixdə saat 17 radələrində Hacıqabul rayon polis şöbəsinin əməkdaşları tərəfindən keçirilən əməliyyat-axtarış tədbirləri nəticəsində Hacıqabul şəhəri S.Qubadov küçəsində saxlanılaraq üzərində yoxlama aparılarkən əynindəki tünd göy rəngli qış gödəkçəsinin sol yan cibindən 1 ədəd kağız kəsiyi bükümündə şəxsi istehlak miqdarından artıq, yəni təmiz çəkisi 0,265 qram xeyli miqdarda kustar üsulla hazırlanmış psixotrop maddə metamfetamin, əynindəki tünd göy rəngli qış gödəkçəsinin sağ yan cibindəki 1 ədəd kibrit qutusunun içərisindən təmiz çəkisi 5,15 qram və həmin cibindəki “Prima” markalı siqaret qutusunda olan 1 ədəd siqaret dənəsinin içərisindən təmiz çəkisi 0,26 qram olmaqla, ümumi təmiz çəkisi 5,41 qram xeyli miqdarda orqanoleptik əlamətlərinə və tərkiblərinə görə eyni olan tərkibində narkotik maddələr olan çətənə (kannabis) bitkisindən kustar üsulla hazırlanmış narkotik vasitə qurudulmuş marixuana aşkar edilib götürülmüşdür. Təqsirləndirilən şəxs İbrəhimov Babakişi Səfər oğlu məhkəmə istintaqı dövründə verdiyi ifadələrində özünü ona elan edilmiş ittiham üzrə qismən təqsirli bilərək göstərmişdir ki, ünvan 2 ünvanında bacısı ilə birlikdə yaşayır. Uzun müddət narkotik vasitə marixuanadan istifadə etmiş, hazırda da, istifadə etməyə davam edir. ## ###### 2026-cı il tarixdə saat 17 radələrində əynindəki qış gödəkcəsinin sağ yan cibində içərisində narkotik vasitə qurudulmuş marixuana olan kibrit qutusu olmuşdur. Həmin vaxt Hacıqabul şəhəri S.Qubadov küçəsi ilə piyada hərəkət edərək yaşadığı evə doğru hərəkət edən zaman tanımadığı mülki geyimdə olan şəxslərin avtomobildən yerə düşərək ona tərəf yaxınlaşdıqlarını görmüşdür. Həmin vaxt tapdığı kibrit qutusunda və “Prima” markalı siqaret qutusunun içərisindəki siqaret dənəsində olan narkotik vasitə qurudulmuş marixuana əynindəki qış gödəkçəsinin sağ yan cibində olmuşdur. Həmin şəxlər ilk əvvəl özlərini təqdim edib Hacıqabul rayon polis şöbəsinin əməkdaşları olduqlarını ona bildirmişlər. Polis əməkdaşları onun qanunsuz olaraq narkotik vasitə və psixotrop maddə əldə etməkdə və üzərimdə saxlamaqda şübhəli olduğunu bildirmişdir. Bundan sonra polis əməkdaşları üzərində yoxlama aparılacağını bildirmişlər. Bundan sonra onun üzərində yoxlama aparılması barədə əməliyyatçı məlumat verərək hüquq və vəzifələrini elan etmişdir. Üzərində qanunla qadağan olunmuş hər hansı maddə, predmet və ya əşya varsa, təqdim etməyi ona təklif etmişdir. O, üzərində qadağan olunmuş hər hansı maddə, predmet və ya əşya olmadığını bildirmişdir. Buna baxmayaraq əməliyyatçı üzərində yoxlama aparmağa başlamışdır. Əməliyyatçı tərəfindən əynində olan qış gödəkçəsinin içəri cibindən 1 ədəd “Samsung” markalı mobil telefon aşkar olunaraq götürülmüşdür. Daha sonra əynində olan qış gödəkçəsinin sol yan cibindən meyvə kəsmək üçün üzərində gəzdirdiyi 1 ədəd qatlanan bıçaq və içərisində metamfetamin olan 1 ədəd kağız büküm aşkar olunmuşdur. O, həmin vaxt üzərində marixuana olduğunu bildiyi üçün metamfetaminin onun üzərinə polis əməkdaşları tərəfindən qoyulduğunu billdirmişdir. Daha sonra əynində olan qış gödəkçəsinin sağ yan cibi yoxlanılmış və 1 ədəd kibrit qutusunda və “Prima” markalı siqaret qutusunda olan 1 ədəd siqaret dənəsinin içərisindən marixuana aşkar olunmuşdur. Aşkar olunan metamfetamin və narkotik vasitələr ayrılıqda elektron tərəzidə çəkilmiş və möhürləndikdən sonra qablaşdırılaraq götürülmüşdür. Daha sonra üzərində yoxlama davam etdirilmiş, lakin qanunla qadağan olunan hər hansı bir əşya, predmet və ya maddə aşkar olunmamışdır. Bundan sonra onu polis şöbəsinə dəvət etmişlər. Birlikdə polis şöbəsinə gəldikdən sonra üzərində yoxlama aparılması barədə protokol tərtib olunmuş və imzalarla həmin protokolu təsdiq etmişlər. Polis geyimində olan və özünü təhqiqatçı kimi təqdim edən şəxsin xidməti otağına daxil olmuşlar. Təhqiqatçı, ona qanunsuz olaraq narkotik vasitə və psixotrop maddə əldə etməkdə, üzərində saxlamaqla daşımaqda şübhəli olduğundan tutulduğunu bildirib, şübhəli şəxs kimi hüquq və vəzifələrini ona elan edib bu barədə yazılı bildiriş vermişdir. O, ərizə ilə müraciət edərək maddi imkanı olmadığına görə dövlət hesabına müdafiəçi ilə təmin olunmaq istəyini bildirmişdir. X2 hüquqlarının müdafiəçisi kimi dəvət olunmuşdur. Təhqiqatçı onun üzərindən yoxlama zamanı aşkar olunan əşyalara yenidən baxış keçiriləcəyini və baxış zamanı video-çəkilişdən istifadə olunacağını bildirmişdir. Bundan sonra polis əməkdaşlarının, müdafiəçinin və onun iştirakı ilə üzərindən aşkar olunan və qablaşdırılan əşyaya yenidən baxış keçirilmiş, daha sonra həmin əşya yenidən qablaşdırılıb möhürlənmiş və üzərinə hər biri tərəfindən imzalar edilmişdir. Onun üzərindən aşkar edilmiş psixotrop maddə olan metamfetamin ona məxsus deyil, həmin maddə polis əməkdaşları tərəfindən onun cibinə qoyulmuşdur. Lakin aşkar edilmiş narkotik vasitə qurudulmuş marixuana ona məxsusdur, üzərində saxlamaqda məqsədi sonradan istifadə etmək olmuşdur. Məhkəmə kollegiyası təqsirləndirilən şəxsin həm əvvəlki mərhələlərdə, həm də apellyasiya baxışı zamanı verdiyi ifadələrini iş materialları ilə əlaqəli şəkildə nəzərdən keçirib belə qənaətə gəlir ki, sonuncunun istintaq mərhələsində, habelə birinci instansiya məhkəməsində məhkəmə istintaqı zamanı özünü təqsirli bilməsi, baş vermiş hadisə ilə bağlı etirafedici ifadələr verməsi kollegiyada onun hazırkı mərhələdə artıq cinayət məsuliyyətindən yayınmaq məqsədi güdməsi ilə bağlı qənaət formalaşdırır. Birinci instansiya məhkəməsində şahid qismində dindirilmiş şahid4 ifadəsində göstərmişdir ki, Hacıqabul rayon polis şöbəsinin Narkotiklərlə Mübarizə qrupunun baş əməliyyat müvəkkili vəzifəsində işləyir. ## ###### 2026-cı il tarixdə Hacıqabul şəhər sakini İbrəhimov Babakişi Səfər oğlunun qanunsuz olaraq narkotik vasitə və psixotrop maddə əldə etməsi və üzərində saxlaması barədə ona əməliyyat məlumatı daxil olmuşdur. Daxil olmuş məlumatın yoxlanılması məqsədilə, eləcə də İbrəhimov Babakişi Səfər oğlunun narkotik vasitəni və psixotrop maddəni əldə etdiyi mənbənin ifşa edilməsi, üzərində yoxlama aparılması ilə əlaqədar “təxirə salınmadan əməliyyat-axtarış tədbirlərinin keçirilməsi haqqında” onun tərəfindən qərar qəbul edilmişdir. Həmin gün Hacıqabul rayon polis şöbəsinin rəisinin əmri ilə qrup rəhbəri kimi ondan, qrup üzvü kimi Hacıqabul RPŞ-nin əməkdaşları şahid2, Səlimov İsmayıl Əli oğlu və şahid1 ibarət tərkibdə əməliyyat qrupu yaradılmışdır. Bundan sonra onlar verilən məlumata əsasən Hacıqabul şəhəri ərazisində əməliyyat tədbirini qurmuşlar. ## ###### 2026-cı il tarixdə saat 17 radələrində İbrəhimov Babakişi Səfər oğlunun Hacıqabul şəhəri S.Qubadov küçəsi ilə tək halda piyada şəklində hərəkətdə olmasını görmüşlər. Onlar birlikdə İbrəhimov Babakişi Səfər oğluna tərəf yaxınlaşaraq onu saxlamış, özlərini təqdim edib Hacıqabul rayon polis şöbəsinin əməkdaşları olduqlarını bildirmişlər. Babakişi İbrəhimova qanunsuz olaraq narkotik vasitə və psixotrop maddə əldə etməkdə və üzərində saxlamaqda şübhəli olduğunu bildirib üzərində yoxlama aparılacağını demişdir. Bundan sonra hüquq və vəzifələrini elan edib yoxlama zamanı video-çəkilişdən istifadə olunacağını qeyd etmişdir. O, Babakişi İbrəhimova üzərində qanunla qadağan olunmuş hər hansı maddə, predmet və ya əşya varsa, təqdim etməsini təklif etmişdir. Babakişi İbrəhimov üzərində qanunla qadağan olunan hər hansı əşya olmadığını bildirmişdir. Əvvəlcə Babakişi İbrəhimovun üzərində yoxlama aparılan zaman əynində olan qış gödəkçəsinin sol yan cibindən 1 ədəd qatlanan bıçaq və 1 ədəd kağız büküm aşkar olunmuşdur. Həmin kağız büküm açıldıqda içərisində psixotrop maddə metamfetamin olduğu müəyyən edilmişdir. Bundan sonra aşkar olunan büküm içərisindəki kütlə ilə birlikdə elektron tərəzidə çəkilmiş və çəkisinin 0,45 qram olduğu müəyyən edilmişdir. Sonda həmin kütlə və 1 ədəd bıçaq onun tərəfindən zərfə qoyularaq möhürlənmişdir. Bundan sonra Babakişi İbrəhimovun üzərində yoxlama aparılmağa davam etdirilmiş və əynində olan qış gödəkçəsinin sağ yan cibindən 1 ədəd kibrit qutusu və 1 ədəd “Prima” markalı siqaret qutusu aşkar olunmuşdur. Həmin siqaret qutusunun içərisi yoxlanılan zaman 1 ədəd siqaret dənəsinin içərisində narkotik vasitə qurudulmuş marixuana olduğu müəyyən edilmişdir. Həmin siqaret dənəsi elektron tərəzidə çəkilmiş və çəkisinin 0,79 qram olması müəyyən edilmişdir. Bundan sonra aşkar olunan kibrit qutusu açıldıqda içərisində narkotik vasitə qurudulmuş qurudulmuş marixuana olduğu müəyyən edilmiş və həmin kütlə kibrit qutusu ilə birlikdə elektron tərəzidə çəkilmiş və çəkisinin 6,27 qram olması müəyyən edilmişdir. Sonda aşkar olunan hər iki kütlə zərfə qoyularaq möhürləndikdən sonra onun tərəfindən götürülmüşdür. Bundan başqa Babakişi İbrəhimovun üzərindən aşkar olunmuş Samsung markalı mobil telefon onun tərəfindən qablaşdırılaraq götürülmüşdür. Daha sonra Babakişi İbrəhimovun üzərində yoxlama davam etdirilmiş, lakin üzərindən qanunla qadağan olunan hər hansı bir əşya, predmet və ya maddə aşkar olunmamışdır. Bundan sonra Babakişi İbrəhimovu polis şöbəsinə dəvət edib, birlikdə polis şöbəsinə gəldikdən sonra onun tərəfindən yoxlama aparılması barədə protokol tərtib olunmuş və imzalarla həmin protokolu təsdiq etmişlər. Daha sonra Babakişi İbrəhimovla birlikdə Hacıqabul rayon polis şöbəsinin Təhqiqat Bölməsinin təhqiqatçısı, polis Rı Tural Namazovun xidməti otağına daxil olmuşlar. X3 İbrəhimova qanunsuz olaraq narkotik vasitə və psixotrop maddə əldə etməkdə, üzərində saxlamaqla daşımaqda şübhəli olduğundan tutulduğunu bildirib, şübhəli şəxs kimi hüquq və vəzifələrini ona elan edib bu barədə yazılı bildiriş vermişdir. Babakişi İbrəhimov, ərizə ilə müraciət edərək maddi imkanı olmadığına görə dövlət hesabına müdafiəçi ilə təmin olunmaq istəyini bildirmişdir. Hacıqabul rayonunda fərdi qaydada fəaliyyət göstərən vəkil X2 İbrəhimovun hüquqlarının müdafiəçisi kimi dəvət olunmuşdur. Təhqiqatçı Babakişi İbrəhimov üzərində yoxlama zamanı aşkar olunan əşyalara yenidən baxış keçiriləcəyini və baxış zamanı videoçəkilişdən istifadə olunacağını bildirmişdir. Bundan sonra təhqiqatçının, onun, müdafiəçi və Babakişi İbrəhimovun iştirakları ilə aşkar olunan və qablaşdırılan əşyalara yenidən baxış keçirilmiş, daha sonra həmin əşyalar yenidən qablaşdırılıb möhürlənmiş və üzərinə hər biri tərəfindən imzalar edilmişdir. İş materiallarında olan “Əməliyyat-axtarış tədbirinin keçirilməsi, şübhəli şəxsin üstünün yoxlanılması və götürmə haqqında” ## ###### 2026-cı il tarixli protokoldan və həmin protokola əlavə edilmiş videogörüntüdən görünür ki, İbrəhimov Babakişi Səfər oğlu polis əməkdaşları tərəfindən Hacıqabul şəhəri S.Qubadov küçəsində saxlanılmışdır. İbrəhimov Babakişi Səfər oğlu üzərində keçirilmiş yoxlama zamanı əynindəki qara rəngli qış gödəkcəsinin sol yan cibindən 1 ədəd kağız bükülü aşkar edilmişdir. Büküm açıldıqda icərisində psixotrop maddə metamfetaminə bənzər kütlə aşkar edilmişdir. Həmin kütlə elektron tərəzidə çəkilərkən çəkisinin 0,45 qram olduğu müəyyən edildi. Bundan sonra Babakişi İbrəhimovun üzərindən 1 ədəd bıçaq aşkar edilmişdir. Babakişi İbrəhimovun üzərində yoxlama davam etdirilmiş və yoxlama zamanı əynindəki qara rəngli qış gödəkcəsinin sağ yan cibindən “Prima” markalı siqaret aşkar olunmuş, qutunun içərisinə baxış keçirilərkən 1 ədəd siqaret dənəsinə doldurulmuş 0,79 qram çəkidə narkotik vasitə olan qurudulmuş marixuanaya bənzər kütlə aşkar olunmuşdur. Babakişi İbrəhimovun üzərinə yoxlama davam etdirilmiş, yoxlama zamanı əynindəki qara rəngli qış gödəkcəsinin sağ yan cibindən 1 ədəd kibrit qutusu aşkar edilmiş, qutunun içərisindən 6,27 qram çəkidə narkotik vasitə qurudulmuş marixuanaya bənzər kütlələr aşkar edilmişdir. Bu barədə protokol tərtib edilmiş və iştirakçılar tərəfindən imzalanmışdır. Əməliyyat-axtarış tədbiri nəticəsində götürülmüş və həmin tədbirin gedişatını özündə əks etdirən əşyalara baxış keçirilməsi və onların götürülməsi haqqında” ##.##.2026-cı il tarixli protokoldan və həmin protokola əlavə edilmiş videogörüntüdən görünür ki, İbrəhimov Babakişi Səfər oğlundan aşkar edilmiş 1 ədəd qatlanan bıçaq, 1 ədəd kağız bükümdə içərisində psixotrop maddə metamfetaminə bənzər kütlə, 1 ədəd kibrit qutusunda və siqaretə bükülərək doldurulmuş halda narkotik vasitə qurudulmuş marixuanaya bənzər kütlələrə baxış keçirildi. 1) Məhkəmə-kimyəvi ekspertizasının ##.##.2026-cı il tarixli 18/63-** №-li rəyindən görünür ki, Tədqiqata təqdim edilmiş üzərində: ..Babakişi İbrahimovdan...metamfetaminə bənzər...” sözləri yazılmış kağız paketdə 1 ədəd bükümdə təmiz çəkisi - 0,265 qram olan ağımtıl rəngli, kristallik hissəciklərdən ibarət maddə kustar üsulla hazırlanmış psixotrop maddə metamfetamindir. 2) Tədqiqata təqdim edilmiş üzərində: ..Babakişi İbrəhimovdan...marixuanaya bənzər 1 ədəd siqaret...” sözləri yazılmış kağız paketdə 1 ədəd siqaret dənəsində təmiz çəkisi - 0,26 qram olan bitki mənşəli kütlə tərkibində narkotik maddələr olan çətənə (kannabis) bitkisindən kustar üsulla hazırlanmış narkotik vasitə qurudulmuş marixuanadır. 3) Tədqiqata təqdim edilmiş üzərində: ..B.İbrahimovdan..marixuanaya bənzər...” sözləri yazılmış kağız paketdə 1 ədəd kibrit qutusunda təmiz çəkisi - 5,15 qram olan bitki mənşəli kütlə tərkibində narkotik maddələr olan çətənə (kannabis) bitkisindən kustar üsulla hazırlanmış narkotik vasitə qurudulmuş marixuanadır. Tədqiqata tədim olunmuş narkotik vasitə qurudulmuş marixuanalar orqanoleptik əlamətlərinə və tərkiblərinə görə eyni tərkiblidir. “Şəxsin cinayət məsuliyyətinə cəlb edilməsi üçün kifayət edən narkotik vasitələrin və psixotrop maddələrin miqdarına, habelə onların külli miqdarına görə siyahılarının təsdiq edilməsi” haqqında ## #### 2005-ci il tarixli Azərbaycan Respublikasinin Qanununun İ siyahısının 109-cu bəndində qurudulmuş marixuana adlı narkotik vasitənin şəxsi istehlak miqdarından artıq miqdar daxil olmaqla yuxarı hədinin 5 qram, külli miqdar daxil olmaqla yuxarı həddi isə 500 qram olması, həmin Qanunun II siyahısının 118-ci bəndində metamfetamin adlı psixotrop maddənin şəxsi istehlak miqdarından artıq miqdar daxil olmaqla yuxarı hədinin 0,15 qram, külli miqdar daxil olmaqla yuxarı həddi isə 2 qram olması göstərilmişdir. Məhkəmə-narkoloji ekspertizasının ##.##.2026-cı il tarixli *** nömrəli rəyindən görünür ki, müayinə zamanı İbrəhimov Babakişi Səfər oğlunda kannabinoidlərin qəbul edilməsi nəticəsində yaranan asılılıq sindromu (Narkomaniya xəstəliyi) aşkar olunur. Narkomaniyadan məcburi müalicəyə ehtiyacı vardır. Lakin, İbrəhimov Babakişi Səfər oğlunun III qrup əlil olması ilə əlaqədar ona narkomaniyadan məcburi müalicə tətbiq edilməsi mümkün deyildir. Ərazi narkoloji tibb müəssisəsində dispanser qeydiyyata alınması məsləhət görülür. Əməliyyat tapşırığına verilmiş cavab raportundan görünür ki, İbrəhimov Babakişi Səfər oğlunun üzərindən aşkar edilmiş narkotik vasitə olan qurudulmuş marixuananı və psixotrop maddə olan metamfetamini haradan və kimdən əldə etməsini əməliyyat yolu ilə müəyyən etmək mümkün olmamışdır. “Sübutların qiymətləndirilməsi haqqında” ##.##.2026-cı il tarixli qərardan görünür ki, İbrəhimov Babakişi Səfər oğlunun üzərindən aşkar olunaraq götürülmüş və tədqiqata sərf etdikdən sonra təmiz çəkisi 5,37 qram qalan narkotik vasitə qurudulmuş marixuana, 0,215 qram psixotrop maddə metamfetamin, 1 ədəd bıçaq və 2 ədəd DVD disk maddi sübut kimi tanınmışdır. “Təqsirləndirilən şəxs qismində cəlb etmək haqqında” ##.##.2026-cı il tarixli qərardan görünür ki, İbrəhimov Babakişi Səfər oğlu ##.##.2026-cı il tarixdə təqsirləndirilən şəxs qismində cəlb edilmiş və ona Cinayət Məcəlləsinin 234.1-ci maddəsi ilə ittiham elan edilmişdir. “Tutulmuş şəxsin azad edilməsinə dair” ##.##.2026-cı il tarixli qərardan görünür ki, İbrəhimov Babakişi Səfər oğlu ##.##.2026-cı il tarixdə MSY-dən azad edilmiş və onun barəsində polisin nəzarəti altına vermə qətimkan tədbiri seçilmişdir. Məhkəmə-ballistik ekspertizasının ##.##.2026-cı il tarixli **/** nömrəli rəyindən görünür ki, tədqiqata təqdim edilmiş bıçaq kustar üsul ilə hazırlanmış, bir tərəfi kəsici, ucu batıcı xassəyə malik olan, təsərrüfat-məişət təyinatlı cib bıçağıdır, üzərində təyinatını dəyişdirən əlavə və dəyişiklik edilməmişdir, istifadəyə yararlıdır, soyuq silah hesab edilmir. “Hacıqabul Rayon Mərkəzi Xəstəxanası” PHŞ-dən daxil olmuş **-*-**/*-**/**** saylı ##.##.2026-cı il tarixli məktubdan görünür ki, İbrəhimov Babakişi Səfər oğlu “Hacıqabul Rayon Mərkəzi Xəstəxanası” PHŞ-nin konsultativ-poliklinika şöbəsinin narkoloji kabinetində ##.##.2012-ci il tarixdən “F12.2 zərərli istifadə, asılılıq sindromu” diaqnozu ilə qeydiyyatdadır. Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial və Reabilitasiya Agentliyi tərəfindən verilmiş *-**-*/*-****/**** saylı ##.##.2026-cı il tarixli məktubdan görünür ki, İbrəhimov Babakişi Səfər oğlunun ##.##.2021- ci il tarixdən müddətsiz olaraq III dərəcə əlilliyi qüvvədədir. Hacıqabul rayon İHB-nın Hacıqabul şəhər İƏD üzrə nümayəndəliyi tərəfindən verilmiş ##.##.2026-cı il tarixli arayışdan görünür ki, İbrəhimov X8 şəhəri M.Müşfiq küçəsi ev 162 ünvanında yaşayır. Hacıqabul rayon İHB-nın Hacıqabul şəhər İƏD üzrə nümayəndəliyi tərəfindən verilmiş xasiyyətnamədən görünür ki, İbrəhimov Babakişi Səfər oğlu yaşadığı yer üzrə mənfi xarakterizə olunmuşdur. Göründüyü kimi İbrəhimov Babakişi Səfər oğlu şübhəli şəxs qismində tutularaq 2 gün ərzində Hacıqabul RPŞ-nin MSY-də saxlanılmışdır. Apellyasiya baxışı zamanı məhkəmə kollegiyası cinayət işinin materiallarını bir daha təhlil edərək belə nəticəyə gəlir ki, ibtidai araşdırma zamanı qanuni üsullarla toplanmış, birinci instansiya məhkəməsinin məhkəmə iclasında isə iş üçün mühüm əhəmiyyət kəsb edən bütün hallar aydınlaşdırılmaqla tam, hərtərəfli və obyektiv araşdırılmış, mənbəyinin mötəbərliyi və əldə edilməsinin qanuniliyi şübhə doğurmayan və ## #### 2026-cı il tarixli hökmdə qanunamüvafiq qaydada qiymətləndirilməklə ətraflı şərh edilmiş sübutlar əsasında məhkəmə əsaslı olaraq Babakişi İbrəhimovun ittiham olunduğu cinayət əməlini törətməsi barədə işin faktiki hallarına uygun nəticəyə gəlmiş, onun əməlini düzgün olaraq CM-in 234.1-ci maddəsi ilə tövsif etmiş, habelə işə baxılarkən cinayət və cinayət-prosessual hüquq normaları düzgün tətbiq olunmuşdur. Həmçinin iş materiallarına əlavə edilmiş “Cinayət törətməkdə şübhəli olan şəxsin tutulması haqqında” ##.##.2026-cı il tarixli protokoldan görünür ki, İbrəhimov Babakişi Səfər oğlunun ##.##.2026-cı il tarixdə saat 16:40-dan etibarən faktiki azadlığı məhdudlaşdırılmış, həmin tarixdə saat 18:00-da Hacıqabul Rayon Polis Şöbəsinin inzibati binasında tutulmuşdur. İş materiallarında olan “Tutulmuş şəxsin azad edilməsinə dair” ##.##.2026-cı il tarixli qərardan görünür ki, İbrəhimov Babakişi Səfər oğlu ##.##.2026-cı il tarixdə MSY-dən azad edilmiş və onun barəsində polisin nəzarəti altına vermə qətimkan tədbiri seçilmişdir. Beləliklə, məhkəmə kollegiyası hesab edir ki, apellyasiya şikayətində qeyd olunan xüsusatlarla bağlı dəlilləri obyektiv sübutlarla təsdiq olunmayan, ehtimal və fərziyyələrə əsaslanan mülahizələr olmaqla təqsirləndirilən şəxsin təqsirliliyinə dair iş üzrə toplanmış mötəbər sübutların məcmusunu şübhə altına almaq üçün kifayət etmir. Beləliklə, məhkəmə kollegiyası yuxarıda qeyd edilənlərə əsasən hesab edir ki, apellyasiya şikayətinin dəlilləri formal xarakterli dəlillər olmaqla əsassızdır. Təqsirləndirilən şəxs və müdafiəçisi məhkəmənin gəldiyi nəticələrlə razılaşmasa da, bununla bağlı hər hansı təkzibedici dəlil, təqsirləndirilən şəxsin təqsirsizliyinə dəlalət edən tutarlı və mötəbər sübutu məhkəməyə təqdim edə bilməmişdir. Şikayətdə irəli sürülən iddialar hər hansı obyektiv sübutla təsdiq olunmur və yalnız ehtimal və mülahizələrinə əsaslanır. Babakişi İbrəhimovun ona istinad edilən cinayəti törətməsi işdə olan mötəbər sübutlarla tam təsdiq olunur. Həmin sübutlar Azərbaycan Respublikasının cinayət-prosessual qanunvericiliyi ilə müəyyən edilmiş qaydada qanuni üsullarla əldə edilmişdir, mənbələri, habelə mənsubiyyəti məlumdur, təqsirliliklə bağlı hissədə müəyyən nəticəyə gəlmək üçün kifayət edirlər. Bu baxımdan həmin sübutlar CPM-in 125-ci maddəsinə əsasən mötəbər sübutlar kimi qəbul olunmalıdır. Odur ki, kollegiya belə nəticəyə gəlir ki, təqsirləndirilən şəxsin əməli düzgün olaraq Cinayət Məcəlləsinin 234.1-ci maddəsi ilə tövsif olunmuşdur və işə baxılarkən cinayət və cinayətprosessual hüquq normaları düzgün tətbiq edilmişdir, işin faktiki halları və əməlin hüquqi tövsifi barədə birinci instansiya məhkəməsinin gəldiyi nəticə qanuni və əsaslıdır. Həmin əməlin cinayət olmasını aradan qaldıran hallar, həmçinin təqsirləndirilən şəxsin cinayət məsuliyyətindən azad edilməsi, habelə əməlin hüquqi tövsifinin dəyişdirilməsi üçün əsaslar mövcud deyildir. Azərbaycan Respublikası Konstitusiya Məhkəməsinin Plenumu “Cinayət Məcəlləsinin 244.1-ci maddəsinin şərh edilməsinə dair” ## #### 2011-ci il tarixli Qərarında qeyd etmişdir ki, ictimai təhlükəli əməlin həm qanunvericilik, həm də doktrinal aspektdə müəyyən edilməsi hər bir cinayətə xas olan hüquqi və sosial əlamətləri üzə çıxarır. Cinayət tərkibini təşkil edən əlamətlərin (obyekt, obyektiv tərəf, subyekt, subyektiv tərəf) mövcudluğu məhz konkret əməlin digər cinayət əməllərindən, o cümlədən, başqa hüquqpozmalardan fərqləndirilməsinə xidmət edir. Belə ki, cinayət tərkibi ictimai təhlükəli əməli konkret cinayət kimi xarakterizə edən cinayət qanunu ilə müəyyən edilmiş obyektiv və subyektiv əlamətlərin məcmusudur. Cinayətin tövsifi törədilən konkret cinayət əməlinin cəhətləri ilə cinayət-hüquq normasının dispozisiyasında nəzərdə tutulan tərkib əlamətləri arasında uyğunluğu müəyyən etməklə, müvafiq prosessual sənəddə öz əksini tapan və cinayət-hüquqi nəticələrə səbəb olan əmələ verilən cinayət hüquqi qiymətdir. Konstitusiya Məhkəməsinin Plenumu qeyd etməyi zəruri hesab edir ki, hər bir cinayət əməli araşdırılarkən onun tərkibinin düzgün müəyyən edilməsi və düzgün tövsif edilməsi cinayət əlamətlərini əks etdirən əməllərin cinayət olub-olmamasını, cinayət törətməkdə təqsirləndirilən şəxsin təqsiri olub-olmamasını müəyyənləşdirməyə, habelə həmin cinayətə görə təqsirləndirilən şəxsə ədalətli cəza təyin edilməsinə yönəlmişdir. Əks hal təqsiri olmayan şəxsin məsuliyyətə alınmasına, yaxud da cinayət törətməkdə təqsirli olan şəxsin məsuliyyətdən kənarda qalmasına, cəzanın düzgün olmayan tətbiqinə səbəb ola bilər. Bu isə öz növbəsində Cinayət Məcəlləsinin əsaslandığı qanunçuluq, qanun qarşısında bərabərlik, təqsirə görə məsuliyyət, ədalət və humanizm prinsiplərinin pozulmasına gətirib çıxara bilər. Cəza məsələsinə gəldikdə isə kollegiya aşağıdakıların qeyd olunmasını məqsədəuyğun hesab edir. Azərbaycan Respublikasının cinayət qanunu cəza təyin edərkən, habelə cəzanın və digər cinayət-hüquqi xarakterli tədbirlərin ədalətliliyini müəyyən edərkən diqqəti törədilmiş cinayətin xarakterinə və ictimai təhlükəlilik dərəcəsinə, təqsirkarın şəxsiyyətinə, təyin olunmuş cəzanın şəxsin islah olunmasına, onun ailəsinin həyat şəraitinə ola biləcək təsirinə, o cümlədən cəzanı yüngülləşdirən və ağırlaşdıran hallara yönəltmiş, bu halların nəzərə alınmasının vacibliyini önə çəkmişdir. Cinayət Qanununun mənasına görə, yalnız CM-in 8.1 və 58.3-cü maddəsində göstərilən cinayət-hüquqi kriteriyalara əməl edilməklə təyin edilən və CM-in 41.2-ci maddəsində göstərilən məqsədlərə cavab verən cəzanın ədalətli olmasından söhbət gedə bilər. Belə ki, CM-in 8.1-ci maddəsinə görə cinayət törətmiş şəxs haqqında tətbiq edilən cəza və ya digər cinayət-hüquqi xarakterli tədbirlər ədalətli olmalıdır, yəni cinayətin xarakterinə və ictimai təhlükəlilik dərəcəsinə, onun törədilməsi hallarına və cinayət törətməkdə təqsirli bilinən şəxsin şəxsiyyətinə uyğun olmalıdır. CM-in 41.2-ci maddəsinə görə cəza sosial ədalətin bərpası, məhkumun islah edilməsi və həm məhkumlar, həm də başqa şəxslər tərəfindən yeni cinayətlərin törədilməsinin qarşısını almaq məqsədi ilə tətbiq edilir. CM-in 58.3-cü maddəsində göstərilmişdir ki, cəza təyin edilərkən törədilmiş cinayətin xarakteri və ictimai təhlükəlilik dərəcəsi, təqsirkarın şəxsiyyəti, o cümlədən cəzanı yüngülləşdirən və ağırlaşdıran hallar, habelə təyin olunmuş cəzanın şəxsin islah olunmasına və onun ailəsinin həyat şəraitinə təsiri nəzərə alınır. Beləliklə, Cinayət Qanununun yuxarıda sadalanan müddəaları cəza təyini zamanı məhkəmənin üzərinə vəzifə qoyur ki, təqsirkara elə cəza təyin etsin ki, bu cəzanın məqsədlərinə cavab versin, o cümlədən məhkumun islah edilməsini təmin etsin, sosial ədalətin bərpa etsin, həm məhkumlar, həm də başqa şəxslər tərəfindən yeni cinayətlərin törədilməsinin qarşısını almağa xidmət etsin. Cəzanın məqsədləri barədə Cinayət Qanununun müddəaları mövcud məhkəmə təcrübəsini əks etdirən Azərbaycan Respublikası Ali Məhkəməsi Plenumunun Qərarında da öz əksini tapmışdır. Belə ki, “Məhkəmələr tərəfindən cinayət cəzalarının təyin edilməsi təcrübəsi haqqında” Ali Məhkəmə Plenumunun ## #### 2003-cü il tarixli, * saylı Qərarının 1-ci bəndində tövsiyə olunmuşdur ki, hər bir konkret halda məhkəmələr təqsirləndirilən şəxslərə cəzaların təyin edilməsinə fərdi yanaşılmalı, cinayət qanunun vəzifələri və cəzanın məqsədindən bəhs edən CM-in 2 və 41-ci maddələrinin müddəalarının həyata keçirilməsini sözsüz təmin etməlidirlər. Cinayət qanununun ədalət prinsipindən bəhs edən CM-in 8-ci maddəsinə görə cinayət törətmiş şəxs haqqında tətbiq edilən cəza cinayətin xarakterinə və ictimai təhlükəlilik dərəcəsinə, onun törədilməsi şəraitinə, təqsirkarın şəxsiyyətinə uyğun olmalıdır. Azərbaycan Respublikası CM-in 18.1-ci maddəsinə əsasən qəsdən cinayət törətməyə görə əvvəllər məhkum olunmuş şəxs tərəfindən yenidən qəsdən cinayətin törədilməsi cinayətin residivini yaradır. Həmin Məcəllənin 83.3.3-cü maddəsinə əsasən az ağır cinayət törətməyə görə azadlıqdan məhrum etməyə məhkum edilmiş şəxslər barəsində onlar cəzanı çəkib qurtardıqları gündən iki il keçdikdə məhkumluq ödənilmiş hesab edilir. Həmin Məcəllənin 83.4-cü maddəsinə əsasən məhkum edilmiş şəxs qanunla müəyyən edilmiş qaydada vaxtından əvvəl cəza çəkməkdən azad edildikdə və yaxud cəzanın çəkilməmiş hissəsi daha yüngül cəza növü ilə əvəz edildikdə, məhkumluğun ödənilməsi müddəti əsas və əlavə cəzanı çəkməkdən azad edildiyi vaxtdan hesablanır. Məhkəmə qeyd edir ki, İbrəhimov Babakişi Səfər oğlu tərəfindən hazırkı cinayət əməli törədilərkən Hacıqabul Rayon Məhkəməsinin ##.##.2023-cü il tarixli hökmünə əsasən təqsirli bilindiyi cinayət əməlinə görə onun məhkumluğu ödənilməmişdir. Bu səbəbdən hazırki, cinayət əməli törədilərkən təqsirləndirilən şəxsin əməlində cinayətlərin residivinin olması məlum olur. Təqsirləndirilən şəxs İbrəhimov Babakişi Səfər oğluna birinci instansiya məhkəməsi tərəfindən təyin edilmiş cəzanın cinayətin ağırlığına və təqsirləndirilən şəxsin şəxsiyyətinə uyğun olub-olmaması məsələsini də müzakirə edərək, məhkəmə kollegiyası hesab edir ki, birinci instansiya məhkəməsi bu məsələnin həlli zamanı Azərbaycan Respublikası CM-in 58-ci maddəsinin tələblərinə əməl etməklə, törədilmiş cinayətin xarakterini və ictimai təhlükəlilik dərəcəsini, təqsirkar şəxsin şəxsiyyətini, habelə cəzanı yüngülləşdirən və ağırlaşdıran halları nəzərə almış, Azərbaycan Respublikası CM-in 41.2-ci maddəsinin tələblərinə uyğun qanuni və ədalətli cəza təyin etmişdir. Azərbaycan Respublikası DİN-in BƏSİİ-dən alınmış ##.##.2026-cı il tarixli tələbnaməyə cavabdan və məhkəmə hökmünün surətlərindən görünür ki, İbrəhimov Babakişi Səfər oğlu əvvəllər dəfələrlə Cinayət Məcəlləsinin müxtəlif maddələrilə nəzərdə tutulmuş cinayət əməllərini törətməkdə təqsirli bilinərək cinayət məsuliyyətinə cəlb edilmişdir. Sonuncu dəfə Hacıqabul Rayon Məhkəməsinin ##.##.2023-cü il tarixli hökmünə əsasən Azərbaycan Respublikası Cinayət Məcəlləsinin 234.1, 69.3-cü maddələri ilə təqsirli bilinərək 1 il 9 ay 28 gün müddətinə azadlıqdan məhrumetmə cəzasına məhkum edilmiş, Bakı şəhər Nizami rayon məhkəməsinin ##.##.2024-cü il tarixli qərarı ilə 2 ay 12 gün müddətinə cəzadan şərti olaraq vaxtından əvvəl azad edilmişdir. Azərbaycan Respublikası CM-in 83.3.3-cü maddəsinə əsasən, az ağır cinayət törətməyə görə azadlıqdan məhrum etməyə məhkum edilmiş şəxslər barəsində onlar cəzasını çəkib qurtardığı gündən 2 il keçdikdə; həmin Məcəllənin 83.3.4-cü maddəsinə əsasən isə ağır cinayət törətməyə görə azadlıqdan məhrum etməyə məhkum edilmiş şəxslər barəsində onlar cəzasını çəkib qurtardığı gündən 6 il keçdikdə məhkumluq ödənilmiş hesab olunur. Azərbaycan Respublikası CM-in 234.1-cü maddəsinin sanksiyasında bir ildən üç ilədək müddətə azadlığın məhdudlaşdırılması və ya üç ilədək müddətə azadlıqdan məhrum etmə cəzaları nəzərdə tutulmuşdur. Hökmdən görünür ki, birinci instansiya məhkəməsi tərəfindən İbrəhimov Babakişi Səfər oğlu CM-in 234.1-ci maddəsi ilə təqsirli bilinib 1 (bir) il 6 (altı) ay müddətə azadlıqdan məhrumetmə cəzasına məhkum edilmişdir. Məhkəmə kollegiyası törədilmiş cinayətin xarakterini və ictimai təhlükəlilik dərəcəsini, təqsirkarın şəxsiyyətini, cəzanı yüngülləşdirən və ağırlaşdıran halları, habelə təyin olunacaq cəzanın təqsirləndirilən şəxsin islah olunmasına və onun ailəsinin həyat şəraitinə təsirini nəzərə alaraq hesab edir ki, birinci instansiya məhkəməsi Babakişi İbrəhimova düzgün olaraq azadlıqdan məhrum etmə növündə cəza təyin edilmişdir. Məhkəmə bu cəza növünü seçməklə işin faktiki hallarını düzgün qiymətləndirmiş, cəzanın məqsədlərini təmin edən növdə və həddə cəza təyin etmiş, ümumilikdə cəza təyini məsələsində CM-in 8.1-ci maddəsinə tam əməl etməklə qanuni və əsaslı cəzanın təyin edilməsinə nail olmuş, cəzanın həddini müvafiq normalara əsasən təyin edilməsi mümkün olan ən aşağı həddə yaxın müəyyən etməklə təqsirkarın barəsində kifayət qədər ədalətli davranmışdır. Göründüyü kimi, birinci instansiya məhkəməsi cəza məsələsində də düzgün nəticəyə gəlmiş, bu hissədə cinayət və cinayət-prosessual qanunvericiliyi düzgün tətbiq etmişdir. Beləliklə, məhkəmə kollegiyası yuxarıda qeyd olunanlara məcmuj halında qiymət verərək hesab edir ki, apellyasiya şikayəti təmin edilməməli, Hacıqabul Rayon Məhkəməsinin ## #### 2026-ci il tarixli, *(*-***)-*/**** nömrəli hökmü dəyişdirilmədən saxlanılmalıdır. Qeyd olunanlara əsasən və Azərbaycan Respublikası CPM-in 397-399, 404-405, 407 və 410-cu maddələrini rəhbər tutaraq, məhkəmə kollegiyası QƏRARA ALDI: Təqsirləndirilən şəxs İbrəhimov Babakişi Səfər oğlunun müdafiəçisi Müdafiəçi İnqilab oğlu tərəfindən verilmiş apellyasiya şikayəti təmin edilməsin. Hacıqabul Rayon Məhkəməsinin ## #### 2026-ci il tarixli, *(*-***)-*/**** nömrəli hökmü həmin apellyasiya şikayətinə münasibətdə dəyişdirilmədən saxlanılsın. Qərar elan olunduğu andan dərhal sonra qanuni qüvvəyə minir. Qərardan elan olunduğu (azadlıqdan məhrum etmə növündə cəza çəkən məhkuma münasibətdə isə qərarın surəti ona verildiyi) gündən Azərbaycan Respublikası Cinayət- Prosessual Məcəlləsinin 410-cu maddəsində göstərilən müddətlərdə Şirvan Apellyasiya Məhkəməsinin vasitəsi ilə Azərbaycan Respublikası Ali Məhkəməsinin Cinayət Kollegiyasına kassasiya şikayəti və kassasiya protesti verilə bilər.