Ali Məhkəmə Qərardad — İş №10(1-8)-176/2026

Azərbaycan Respublikası adından Qərardad Bakı şəhəri İş № 10(1-8)-176/2026 08.07.2026 ALI MƏHKƏMƏ Azərbaycan Respublikası adından Azərbaycan Respublikası Ali Məhkəməsi Mülki kollegiyasının Türkiyə Respublikasının Bozdoğan Asliye Hukuk Məhkəməsinin ##.##.2021-ci il tarixli, ****/*** nömrəli qərarının Azərbaycan Respublikası ərazisində tanınmasına dair iş üzrə QƏRARDADİ (Açar sözlər: xarici dövlətin məhkəmə qərarının tanınması) Azərbaycan Respublikası Ali Məhkəməsinin Mülki Kollegiyası, hakimlər Əliyev Zaur Əli oğlu (məruzəçi hakim), Babayev Zəki Baba oğlu və Baxışova Vüsalə Ələkbər qızından ibarət tərkibdə, Türkiyə Respublikasının Bozdoğan Asliye Hukuk Məhkəməsinin ##.##.2021-ci il tarixli, ****/*** nömrəli qərarının Azərbaycan Respublikası ərazisində tanınması barədə X1 tərəfindən verilmiş vəsatətə Ali Məhkəmənin binasında yazılı icraat qaydasında baxaraq, M Ü Ə Y Y Ə N E T D İ: X1 Məhkəməyə müraciət edərək, Elveda Eldeniz ilə aralarında bağlanmış nikahın pozulması barədə Türkiyə Respublikasının Bozdoğan Asliye Hukuk Məhkəməsinin ##.##.2021-ci il tarixli, ****/*** nömrəli qərarının Azərbaycan Respublikasının ərazisində tanınmasını xahiş etmişdir. Məhkəmə kollegiyası ərizənin dəlillərini və əlavə olunmuş sənədləri araşdıraraq hesab edir ki, ərizə təmin edilməlidir. Iş materiallarından müəyyən olunur ki, tanınması xahiş olunan qərara əsasən ərizəçi ilə Elveda Eldeniz arasında bağlanmış nikah pozulmuş və qərar ##.##.2021-ci il tarixdə qüvvəyə minmişdir. Tanınmaya dair məhkəməyə etiraz daxil olmamışdır. Azərbaycan Respublikası Mülki Prosessual Məcəlləsinin (bundan sonra - MPM) 459.0.2-ci maddəsinə əsasən, nikah ləğv edilən və ya etibarsız hesab edilən vaxt ərarvaddan biri Azərbaycan Respublikasının hüdudlarından kənarda yaşadığı hallarda Azərbaycan Respublikasının vətəndaşları ilə əcnəbilər arasındakı nikahın ləğv edilməsi və etibarsız hesab edilməsi barədə qətnamələr Azərbaycan Respublikasında tanınır. Həmin Məcəllənin 462-ci maddəsinə əsasən, xarici dövlətlərin və arbitrajlarının qətnamələri Azərbaycan Respublikası qanunvericiliyinə zidd deyildirsə və qarşılıqlı təminatlandırılmışsa Azərbaycan Respublikasında tanına və icra edilə bilər. MPM-in 470.1-ci maddəsinə əsasən, əgər xarici dövlətin məhkəmə qətnaməsi ilə nikah pozulmuşsa, etibarlı və yaxud etibarsız hesab edilmişsə, bu qətnamənin icra edilməsi üçün onun Azərbaycan Respublikasının Ali Məhkəməsi tərəfindən tanınması tələb olunur. Bu halda tanınma xarici dövlətin qarşılıqlı təminatından asılı deyildir. Məhkəmə kollegiyası hesab edir ki, Türkiyə Respublikasının Bozdoğan Asliye Hukuk Məhkəməsinin ##.##.2021-ci il tarixli, ****/*** nömrəli qərarı Azərbaycan Respublikası qanunvericiliyinə və hüquq qaydasına zidd olmadığı üçün həmin qərarın nikahın pozulması hissəsində tanınması barədə ərizə təmin edilməlidir. Göstərilənlərə əsasən və MPM-in 459-473-cü maddələrini rəhbər tutaraq, Məhkəmə kollegiyası Q Ə R A R A A L İ R: Vəsatət təmin edilsin. Türkiyə Respublikasının Bozdoğan Asliye Hukuk Məhkəməsinin ##.##.2021-ci il tarixli, ****/*** nömrəli qərarı Elveda Eldeniz ilə X1 arasında arasında bağlanmış nikahın pozulması hissəsində Azərbaycan Respublikasında tanınsın. Qərar qəbul edildiyi andan qüvvəyə minir.