Ali Məhkəmə Qərardad — İş №10(1-8)-203/2026

Azərbaycan Respublikası adından Qərardad Bakı şəhəri İş № 10(1-8)-203/2026 21.07.2026 ALI MƏHKƏMƏ Azərbaycan Respublikası adından Azərbaycan Respublikası Ali Məhkəməsi Mülki kollegiyasının Məhkəməsi Mülki kollegiyasının QƏRARDADI Açar sözlər: ərizənin geri qaytarılması Azərbaycan Respublikası Ali Məhkəməsinin Mülki kollegiyası, hakimlər Əliyev Zaur Əli oğlu (məruzəçi), Babayev Zəki Baba oğlu və Baxışova Vüsalə Ələkbər qızından ibarət tərkibdə, Müəyyən etdi: Məhkəmə kollegiyası hesab edir ki, ərizə aşağıda qeyd olunan əsaslara görə geri qaytarılmalıdır. Belə ki, Azərbaycan Respublikası Mülki Prosessual Məcəlləsinin (bundan sonra -MPM) 69.1 və 69.1-1-ci maddələrinə əsasən, hər bir fiziki və ya hüquqi şəxs şəxsən, yaxud müvafiq qaydada səlahiyyəti müəyyən edilmiş nümayəndəsi vasitəsi ilə məhkəməyə iddia verə bilər. Fiziki şəxsin nümayəndəsi onun yaxın qohumu və ya vəkil (bu Məcəllənin 71-ci maddəsində nəzərdə tutulan şəxslər istisna olmaqla) ola bilər. Nümayəndənin məhkəmədə iş aparmaq səlahiyyəti lazımi qaydada rəsmiləşdirilməlidir. Həmin Məcəllənin 73.1 və 74-cü maddələrinə görə, nümayəndənin səlahiyyəti qanuna uyğun olaraq verilmiş və rəsmiləşdirilmiş etibarnamədə əks etdirilməlidir. Nümayəndənin məhkəmədə səlahiyyəti təmsil olunanın adından işin müvəffəqiyyətli həlli üçün zəruri olan bütün prosessual hərəkətlərin edilməsini özündə birləşdirir. Iddia ərizəsinin imzalanması, işin münsiflər məhkəməsinə verilməsi, iddia tələblərindən tam və ya qismən imtina edilməsi, iddianın etiraf edilməsi, iddianın predmetinin və ya əsasının dəyişdirilməsi, barışıq sazişi bağlanması səlahiyyətinin başqa şəxsə tapşırılması, mübahisənin mediasiya vasitəsilə həllinə razılıq verilməsi, məhkəmə aktından şikayət verilməsi, məhkəmə aktının məcburi icrası tələbləri, qət olunmuş əmlakın və ya pul məbləğinin alınması ilə əlaqədar nümayəndənin səlahiyyətləri təmsil olunan tərəfin verdiyi etibarnamədə xüsusi göstərilməlidir. Baxılan işdən görünür ki, ərizəçi adından Ali Məhkəməyə ünvanlanmış ərizə yalnız vəkil Vəkil tərəfindən imzalanıb və ərizəyə onun ərizəçinin nümayəndəsi olmasını təsdiq edən sənəd əlavə edilməmişdir. Belə olan halda, ərizəçi adından Ali Məhkəməyə ünvanlanmış ərizə səlahiyyətli şəxs tərəfindən imzalanmış sayıla bilməz. Göstərilənlərə əsasən məhkəmə kollegiyası hesab edir ki, qanunla müəyyən olunmuş bütün sənədlər ərizəyə əlavə olunmadığından ərizə geri qaytarılmalı və izah olunmalıdır ki, hazırkı qərardadda göstərilən nöqsanlar aradan qaldırılmaqla, ərizəçinin təkrarən Azərbaycan Respublikası Ali Məhkəməsinə müraciət etmək hüququ vardır. Yuxarıda qeyd edilənlərə əsasən və MPM-in 73-74-cü maddələrini rəhbər tutaraq, məhkəmə kollegiyası Qərara aldı: Türkiyə Respublikasının Alanya * saylı Asliye Hüquq Məhkəməsinin ##.##.1999-cu il tarixli, 1999/256 (əsas ****/***) nömrəli qərarının Azərbaycan Respublikası ərazisində tanınmasına dair barəsində məhkəmə tapşırığı verilən şəxs1 vəkili və nümayəndəsi qismində Vəkil tərəfindən verilmiş ərizə geri qaytarılsın. Qərardad qəbul edildiyi andan qüvvəyə minir.