Ali Məhkəmə Qərardad — İş №10(1-8)-99/2026

Azərbaycan Respublikası adından Qərardad Bakı şəhəri İş № 10(1-8)-99/2026 19.05.2026 ALI MƏHKƏMƏ Azərbaycan Respublikası adından Azərbaycan Respublikası Ali Məhkəməsi Mülki kollegiyasının Türkiyə Respublikasının Bakırköy 10. Ailə Məhkəməsinin ## ###### 2023-cü il tarixli qərarının Azərbaycan Respublikası ərazisində tanınmasına dair verilmiş ərizə üzrə QƏRARDADI Kateqoriya (açar sözlər): xarici məhkəmələrin qətnamələrinin tanınması Azərbaycan Respublikası Ali Məhkəməsinin Mülki kollegiyası, hakimlər Nurməmmədov Əhməd Güləhməd oğlu (məruzəçi), Həsənov Rəşad Məhəmməd oğlu və Abbasov Aqil Əzizağa oğlundan ibarət tərkibdə, Türkiyə Respublikasının Bakırköy 10. Ailə Məhkəməsinin ## ###### 2023-cü il tarixli qərarının Azərbaycan Respublikası ərazisində tanınması barədə barəsində məhkəmə tapşırığı verilən şəxs1 etibarnamə üzrə nümayəndəsi barəsində məhkəmə tapşırığı verilən şəxs2 tərəfindən verilmiş ərizəyə ## ### 2026-cı il tarixdə Ali Məhkəmənin inzibati binasında yazılı icraat qaydasında baxaraq, MÜƏYYƏN ETDİ: Türkiyə Respublikasının Bakırköy 10. Ailə Məhkəməsinin ## ###### 2023-cü il tarixli qərarının Azərbaycan Respublikası ərazisində tanınması barədə barəsində məhkəmə tapşırığı verilən şəxs1 etibarnamə üzrə nümayəndəsi barəsində məhkəmə tapşırığı verilən şəxs2 vəsatəti və ona əlavə edilmiş sənədlər Ali Məhkəməyə daxil olmuşdur. Məhkəmə kollegiyası məruzəçini dinləyib, vəsatətdə qoyulan dəlilləri araşdıraraq hesab edir ki, ərizə əsaslı olduğu üçün təmin edilməlidir. Belə ki, qeyd olunan qərara əsasən Mecit İsgəndəroğlu ilə barəsində məhkəmə tapşırığı verilən şəxs1 nikahı Türkiyə Respublikasının Bakırköy 10. Ailə Məhkəməsinin ## ###### 2023-cü il tarixli qərarına əsasən pozulmuş, qərar ## ### 2025-ci il tarixdə qanuni qüvvəyə minmişdir. Tanınmaya dair məhkəməyə etiraz daxil olmamışdır. Ərizəçinin xarici dövlətin qətnaməsinin tanınması tələbinin hüquqi əsaslarını təşkil edən Azərbaycan Respublikası Mülki Prosessual Məcəlləsinin (bundan sonra – “MPM”) 462-ci maddəsinə görə, xarici dövlətlərin məhkəmələrinin qətnamələri Azərbaycan Respublikasının qanunvericiliyinə, hüquq qaydasına zidd deyildirsə və qarşılıqlı təminatlandırılmışdırsa, Azərbaycan Respublikasında icra edilə və tanına bilər. Həmin Məcəllənin 463-cü maddəsinə əsasən xarici dövlətlərin məhkəmələrinin və arbitrajlarının qətnamələri dedikdə, mülki işlər və iqtisadi mübahisələr üzrə qətnamələr, cinayət işləri üzrə hökmlərin cinayət nəticəsində vurulmuş ziyanın ödənilməsi barədə hissələri, arbitraj məhkəmələrinin qətnamələri, habelə xarici dövlətlərin digər aktları başa düşülür. “Davud Bağırovun şikayəti üzrə Azərbaycan Respublikası Ali Məhkəməsinin Mülki Kollegiyasının # ####### 2017-ci il tarixli Qərardadının Azərbaycan Respublikasının Konstitusiyasına və qanunlarına uyğunluğunun yoxlanılmasına dair” Konstitusiya Məhkəməsi Plenumunun ## #### 2018-ci il tarixli Qərarında Konstitusiya Məhkəməsinin Plenumu göstərmişdir ki, mülki prosessual qanunvericiliyin və Beynəlxalq Müqavilənin tələblərinə əsasən, xarici dövlətin məhkəmə qərarı Ali Məhkəmənin Mülki kollegiyası tərəfindən tanınarkən həmin qərarın Azərbaycan Respublikasının qüvvədə olan hər hansı qanununa və ya onun konstitusion qaydalarına, suverenliyi, təhlükəsizliyi və ya ictimai asayiş prinsiplərinə uyğun olub-olmaması yoxlanılmalıdır. ... Məhkəmələr xarici ölkələrin məhkəmə qərarlarının tanınması daxil olmaqla hər hansı məsələyə baxarkən nəzərə almalıdırlar ki, hüquqi müəyyənlik prinsipi digər tələblərlə yanaşı, ən ümumi mənada mövcud hüquqi vəziyyətə aid aydınlığı və müəyyənliyi nəzərdə tutur. Bu baxımdan, məhkəmələr tərəfindən qəbul olunmuş qərarlarda həll olunan işə aid bütün zəruri məsələlərə aydınlıq gətirilməli, ziddiyyətli məqamlar aradan qaldırılmalıdır. Azərbaycan Respublikasının adından çıxarılan məhkəmə aktlarında işin ədalətli həllini şübhə altına alan, ziddiyyətlər yaradan və mübahisə üzrə iştirakçıların konstitusiya məhkəmə müdafiəsi hüququna təsir göstərən müddəalar olmamalıdır (N.Babayevin şikayəti üzrə 2011-ci il ## ###### tarixli Qərarı). MPM-in istinad edilən müddəalarından, habelə Konstitusiya Məhkəməsi Plenumunun nümayiş etdirdiyi hüquqi mövqedən göründüyü kimi tanınması tələb olunan qərar Azərbaycan Respublikası qanunlarına və ya onun konstitusion qaydalarına, suverenliyi, təhlükəsizliyi və ya ictimai asayiş prinsipləri ilə ziddiyyət təşkil etmirsə, onun tanınmasına yol verilir. Hazırda baxılan vəsatət üzrə tanınması tələb edilən məhkəmə qətnaməsi Azərbaycan Respublikası qanunlarına və ya onun konstitusion qaydalarına, suverenliyi, təhlükəsizliyi və ya ictimai asayiş prinsipləri ilə ziddiyyət təşkil etmir. Məhkəmə kollegiyası yuxarıda sadalanan mülki prosessual normaların tələblərini hazırkı məsələyə tətbiq edib, vəsatət və ona əlavə edilmiş sənədləri araşdıraraq hesab edir ki, Türkiyə Respublikasının Bakırköy 10. Ailə Məhkəməsinin ## ###### 2023-cü il tarixli qərarı Azərbaycan Respublikasının qanunvericiliyinə və hüquq qaydasına zidd olmadığından, vəsatət təmin edilməli, sözügedən qərar Azərbaycan Respublikasında tanınmalıdır. Məhkəmə kollegiyası yuxarıda qeyd olunanlara əsasən və Azərbaycan Respublikası MPM-nin 459, 462-465, 469-473-cü maddələrini rəhbər tutaraq, QƏRARA ALDI: Ərizə təmin edilsin. Türkiyə Respublikasının Bakırköy 10. Ailə Məhkəməsinin ## ###### 2023-cü il tarixli qərarı Azərbaycan Respublikasında tanınsın. Qərardad qəbul edildiyi andan qüvvəyə minir.