Bakı Şəhəri Binəqədi Rayon Məhkəməsi Qərardad — İş №2(001)-2686/2021

Azərbaycan Respublikası adından QƏRARDAD Bakı şəhəri İş № 2(001)-2686/2021 17.03.2021 BAKI ŞƏHƏRİ BİNƏQƏDİ RAYON MƏHKƏMƏSİ hakim Mustafayev Etibar Mustafa oğlunun sədrliyi, Nəsirov Nicat Abbas oğlunun katibliyi, Cavabdeh iştirakı ilə İddiaçı Cavabdeh qarşı pul tələbinə dair mülki işə xx xxxx 2021-ci il tarixdə açıq məhkəmə iclasında baxaraq, M Ü Ə Y Y Ə N E T D İ M: İddiaçı iddia ərizəsi ilə məhkəməyə müraciət edərək, Cavabdeh təbii qazdan qeyriqanuni istifadəyə görə hesablanmış 2061,2 manat məbləğində dəymiş ziyan, pozulmuş hüquqlarının bərpası ilə bağlı çəkdiyi 300 manat xərc, həmçinin 30 manat dövlət rüsumu olmaqla cəmi 2391,2 manat pulun qaydada tutularaq “Azariqaz” İB-nin ABB Sabunçu filialı, Kod 805573, VÖEN **********, M/H: AZ03NABZ********************, SWİFT BİK İBAZAZ2X, Azariqaz İB, VÖEN: **********, İBAN: AZ72İBAZ******************** bank hesabına ödənilməsi barədə qətnamə qəbul edilməsini xahiş etmişdir. Məhkəmə iclasında Cavabdeh izahatında göstərdi ki, eyni əsasla iddiaçı Bakı şəhəri Yasamal Rayon Məhkəməsinə iddia ərizəsi ilə müraciət etmiş, məhkəmə qətnaməsi çıxarılmış və qətnamə qanuni qüvvəyə minmişdir. Buna görə də o, hazırki iş üzrə icraata xitam verilməsini xahiş etdi. İş materiallarına əlavə edilmiş Bakı şəhəri Yasamal Rayon Məkhəməsinin xx xxxxxx 2019-cu il tarixli qətnaməsindən görünür ki, eyni tərəflər arasında eyni predmet barəsində məhkəmənin qanuni qüvvəyə minmiş məhkəmə qətnaməsi mövcuddur və həmin qətnaməyə əsasən, Cavabdeh 500 manat məbləğində pul vəsaitinin İddiaçı İB-nin xeyrinə tutulması qərara alınmışdır. Azərbaycan Respublikasının Mülki Prosessual Məcəlləsinin 261.0 və 261.0.2-ci maddələrinə əsasən, eyni tərəflər arasında, eyni predmet barəsində və eyni əsaslar üzrə məhkəmənin qanuni qüvvəyə minmiş qətnaməsi... olarsa hakim iş üzrə icraata xitam verir. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 259, 263, 264, 267 və 268-ci maddələrini rəhbər tutaraq, məhkəmə Q Ə R A R A A L D İ M: İddiaçı Cavabdeh qarşı pul tələbinə dair iddia ərizəsi üzrə mülki iş üzrə icraata xitam verilsin. Qərardad elan olunduqdan sonra 10 gün müddətində ondan Bakı şəhəri Binəqədi Rayon Məhkəməsinə şikayət verilə bilər. Hakim Etibar Mustafayev