Bakı Şəhəri Binəqədi Rayon Məhkəməsi Qətnamə — İş №2(001)-3475/2022

Azərbaycan Respublikası adından QƏTNAMƏ Bakı şəhəri İş № 2(001)-3475/2022 02.06.2022 BAKI ŞƏHƏRİ BİNƏQƏDİ RAYON MƏHKƏMƏSİ Hakim Hətəmzadə Fərid Eldar oğlu, Məhkəmə iclas katibi Ağazadə Səbinə Əjdər qızının katibliyi ilə, İddiaçı MMC-nin Cavabdeh qarşı “pulun tutulması” tələbinə dair kiçik mübahisələr üzrə mülki işə baxaraq, məhkəmə MÜƏYYƏN E T D İ: İddiaçı MMC Cavabdeh qarşı “pulun tutulması” tələbinə dair kiçik mübahisələr üzrə iddia ərizəsi ilə məhkəməyə müraciət edərək, cavabdehdən onun xeyrinə 22.04.2020-ci il tarixli müqaviləyə əsasən, Xiaomi Redmi 8A (İMEİ kodu **********37233) markalı telefon üçün 231 manat ödənilməmiş hissə və 23 manat cərimə borcu, 25.06.2020-ci il tarixli müqaviləyə əsasən, Relame C3 (İMEİ kodu **********35717) markalı telefon üçün ödənilməmiş 267 manat və 26 manat cərimə, 26.06.2020-ci il tarixli müqaviləyə əsasən, Hoffmann Ventilyator, Xiaomi Redmi qulaqlıq üçün 89,6 manat ödənilməmiş hissə və 8,4 manat cərimə, 12.07.2020-ci il tarixli müqaviləyə əsasən, BQ-1848 (İMEİ kodu **********74964) markalı telefon üçün 34 manat ödənilməmiş hissə və 3 manat cərimə olmaqla, cəmi 682 manat borcun və 30 manat ödənilmiş dövlət rüsumunun tutulması barədə qətnamə qəbul edilməsini məhkəmədən xahiş etmişdir. Ərizə onunla əsaslandırılmışdır ki, 22.04.2020-ci il, 25.06.2020-ci il, 26.06.2020ci il və 12.07.2020-ci il tarixli müqavilələrə əsasən, Xiaomi Redmi 8A (İMEİ kodu **********37233) markalı telefon, Relame C3 (İMEİ kodu **********35717) markalı telefon, Hoffmann Ventilyator, Xiaomi Redmi qulaqlıq və BQ-1848 (İMEİ kodu **********74964) markalı telefon almış və nəticədə 682 manat borc yaranmışdır. Cavabdeh müqavilənin şərtlərini pozmuş və nəticədə 22.04.2020-ci il tarixli müqaviləyə əsasən, alqı-satqı qiyməti 357 manat olan Xiaomi Redmi 8A (İMEİ kodu **********37233) markalı telefonu ilkin 24 manat, 18 ay müddətinə, ayda 18,5 manat ödəmək şərti ilə almış, nəticədə 231 manat ödənilməmiş hissə və müştəriyə güzəşt olunaraq 23 manat cərimə, 25.06.2020-ci il tarixli müqaviləyə əsasən, alqı-satqı qiyməti 358 manat olan Relame C3 (İMEİ kodu **********35717) markalı telefonu ilkin 7 manat, 18 ay müddətinə, ayda 19,5 manat ödəmək şərti ilə almış, nəticədə 267 manat ödənilməmiş hissə və müştəriyə güzəşt olunaraq 26 manat cərimə, 26.06.2020-ci il tarixli müqaviləyə əsasən, alqı-satqı qiyməti 111,6 manat olan Hoffmann Ventilyator, Xiaomi Redmi qulaqlığı ilkin ödənişsiz, 18 ay müddətinə, ayda 6,2 manat ödəmək şərti ilə almış, nəticədə 89,6 manat ödənilməmiş hissə və müştəriyə güzəşt olunaraq 8,4 manat miqdarında cərimə və 12.07.2020-ci il tarixli müqaviləyə əsasən, alqı-satqı qiyməti 54 manat olan BQ-1848 (İMEİ kodu **********74964) markalı telefonu ilkin ödənişsiz, 18 ay müddətinə, ayda 3 manat ödəmək şərti ilə almış, nəticədə 34 manat ödənilməmiş hissə və müştəriyə güzəşt olunaraq 3 manat miqdarında cərimə borcu yaranmışdır. Cavabdehin cəmi ödədiyi məbləğ 250 manat təşkil edir. Azərbaycan Respublikasının Mülki Prosessual Məcəlləsinin 284-1-ci maddəsinə əsasən, mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Azərbaycan Respublikasının MPM-nin 284-5.1-ci maddəsinə əsasən, 29 aprel 2022-ci il tarixində işə baxan hakim cavabdehə rəsmi qaydada bildiriş göndərmiş, bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilmişdir. Cavabdeh tərəfindən iddiaya etiraz məhkəməyə göndərilməmişdir. Azərbaycan Respublikası MPM-nin 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə iş materiallarını araşdıraraq belə nəticəyə gəlir ki, iddia təmin edilməlidir. Belə ki, iş materiallarında olan İddiaçı ilə Cavabdeh arasında 22.04.2020-ci il tarixdə bağlanmış 20234631 nömrəli malın nisyə alqı-satqı müqaviləsindən görünür ki, İddiaçı Cavabdeh ilkin ödəniş 24 manat olmaqla, 18 ay müddətinə hər ay 18,5 manat ödəmək şərti ilə, dəyəri 357 manat olan Xiaomi Redmi 8A (İMEİ kodu **********37233) markalı telefonu satmışdır. İş materiallarına əlavə edilmiş 22.04.2020-ci il tarixli təhvil-təslim aktından görünür ki, satıcı tərəfindən Xiaomi Redmi 8A (İMEİ kodu **********37233) markalı telefon Cavabdeh təhvil verilmişdir. İş materiallarında olan İddiaçı ilə Cavabdeh arasında 25.06.2020-ci il tarixdə bağlanmış 20370732 nömrəli malın nisyə alqı-satqı müqaviləsindən görünür ki, İddiaçı Cavabdeh ilkin ödəniş 7 manat olmaqla, 18 ay müddətinə hər ay 19,5 manat ödəmək şərti ilə, dəyəri 358 manat olan Relame C3 (İMEİ kodu **********35717) markalı telefon satmışdır. İş materiallarına əlavə edilmiş 25.06.2020-ci il tarixli təhvil-təslim aktından görünür ki, satıcı tərəfindən Relame C3 (İMEİ kodu **********35717) markalı telefon Cavabdeh təhvil verilmişdir. İş materiallarında olan İddiaçı ilə Cavabdeh arasında 26.06.2020-ci il tarixdə bağlanmış 20372748 nömrəli malın nisyə alqı-satqı müqaviləsindən görünür ki, İddiaçı Cavabdeh 18 ay müddətinə, hər ay 6,2 manat ödəmək şərti ilə, dəyəri 111,6 manat olan Hoffmann Ventilyator, Xiaomi Redmi qulaqlıq satmışdır. İş materiallarına əlavə edilmiş 26.06.2020-ci il tarixli təhvil-təslim aktından görünür ki, satıcı tərəfindən Hoffmann Ventilyator, Xiaomi Redmi qulaqlıq Cavabdeh təhvil verilmişdir. İş materiallarında olan İddiaçı ilə Cavabdeh arasında 12.07.2020-ci il tarixdə bağlanmış 21018777 nömrəli malın nisyə alqı-satqı müqaviləsindən görünür ki, İddiaçı Cavabdeh 18 ay müddətinə, hər ay 3 manat ödəmək şərti ilə, dəyəri 54 manat olan BQ- 1848 (İMEİ kodu **********74964) markalı telefon satmışdır. İş materiallarına əlavə edilmiş 12.07.2020-ci il tarixli təhvil-təslim aktından görünür ki, satıcı tərəfindən BQ-1848 (İMEİ kodu **********74964) markalı telefon Cavabdeh təhvil verilmişdir. İş materiallarına əlavə edilmiş 19.04.2022-ci il tarixli maliyyə və ödəniş cədvəlindən müəyyən olunur ki, Cavabdeh İddiaçınə 22.04.2020-ci il tarixli müqavilə üzrə 231 manat əsas borc və 23 manat cərimə, 25.06.2020-ci il tarixli müqavilə üzrə 267 manat əsas borc və 26 manat cərimə, 26.06.2020-ci il tarixli müqavilə üzrə 89,6 manat əsas borc və 8,4 manat cərimə və 12.07.2020-ci il tarixli müqavilə üzrə 34 manat əsas borc və 3 manat cərimə borcu yaranmışdır. İş materiallarında olan bildirişdən və onun cavabdehə göndərilməsini təsdiq edən poçt qəbzindən görünür ki, Cavabdeh İddiaçı ilə bağladığı 22.04.2020-ci il tarixli, 25.06.2020-ci il tarixli, 26.06.2020-ci il tarixli və 12.07.2020-ci il tarixli müqavilələrdən irəli gələn öhdəlikləri ilə bağlı xəbərdarlıq edilmişdir. Azərbaycan Respublikası Mülki Məcəlləsinin 14.2.1-ci maddəsində qanunvericilikdə nəzərdə tutulmuş müqavilələr və başqa əqdlər, habelə qanunvericilikdə nəzərdə tutulmasa da, ona zidd olmayan müqavilələr və başqa əqdlərin bağlanması mülki hüquqların və vəzifələrin əmələ gəlməsi əsaslarından biri kimi təsbit edilmişdir. Həmin Məcəllənin 386.1-ci maddəsinə görə isə öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır. Azərbaycan Respublikası Mülki Məcəlləsinin: -385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; -442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür; -445.2.-ci maddəsinə əsasən öhdəliyin onun icrası üçün müəyyənləşdirilmiş müddətdə icra edilməməsi, icra müdəti çatanadək kreditorun etdiyi xəbərdarlıqdan sonra da icra edilməməsi borclunun icranı gecikdirməsi sayılır; -448.1-ci maddəsinə əsasən əgər bu məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir; -450.1-ci maddəsinə əsasən fiziki və hüquqi şəxslər azad surətdə müqavilələr bağlaya və bu müqavilələrin məzmununu müəyyənləşdirə bilərlər. Onlar bu Məcəllədə nəzərdə tutulmayan, lakin ona zidd olmayan müqavilələr də bağlaya bilərlər. -462.1-ci maddəsinə görə dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir; -598.3-cü maddəsinə əsasən əgər alıcı alqı-satqı müqaviləsinə uyğun olaraq verilmiş əşyanı vaxtında ödəmirsə, satıcı əşyanı ödəməyi və bu Məcəllənin 449-cu maddəsinə uyğun faizləri ödəməyi tələb edə bilər. -600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; -600.2-ci maddəsinə görə əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. -600.4-cü maddəsinə əsasən əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; -601.1-ci maddəsinə əsasən əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Məhkəmə işdə olan sübutlara məcmu halında qiymət verərək hesab edir ki, İddiaçı ilə bağlanmış 22.04.2020-ci il tarixli, 25.06.2020-ci il tarixli, 26.06.2020-ci il tarixli və 12.07.2020-ci il tarixli müqavilələr üzrə Cavabdeh üzərinə götürdüyü öhdəlikləri yerinə yetirmədiyindən, iddia tələbi təmin edilməli və Cavabdeh 22.04.2020-ci il tarixli müqavilə üzrə 231 manat əsas borc və 23 manat cərimə, 25.06.2020-ci il tarixli müqavilə üzrə 267 manat əsas borc və 26 manat cərimə, 26.06.2020-ci il tarixli müqavilə üzrə 89,6 manat əsas borc və 8,4 manat cərimə və 12.07.2020-ci il tarixli müqavilə üzrə 34 manat əsas borc və 3 manat cərimə borcu alınaraq, İddiaçınə verilməlidir. Həmçinin qeyd olunmalıdır ki, Azərbaycan Respublikası Mülki Prosessual Məcəlləsinin 119.1-ci maddəsinə müvafiq olaraq, məhkəmə xərcləri ödənilmiş tələblərə mütənasib olaraq işdə iştirak edən şəxslərə aid edilir. İddia təmin edildiyindən, ödənilmiş 30 manat dövlət rüsumunun əvəzi cavabdehdən tutularaq iddiaçıya ödənilməlidir. Azərbaycan Respublikasının Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Azərbaycan Respublikasının Mülki Prosessual Məcəlləsinin 77.1-ci maddəsinə müvafiq olaraq hər bir tərəf öz tələblərinin və etirazlarının əsası kimi istinad etdiyi halları sübut etməlidir. Yuxarıda göstərilənlərə əsasən və Azərbaycan Respublikası MPM-nin 216-220, 233 və 450-cı maddələrini rəhbər tutaraq məhkəmə, QƏT E T D İ: İddia təmin edilsin. Cavabdeh 22.04.2020-ci il tarixli müqavilə üzrə 231 (iki yüz otuz bir) manat məbləğində əsas borc, 23 (iyirmi üç) manat məbləğində cərimə, 25.06.2020-ci il tarixli müqavilə üzrə 267 (iki yüz altmış yeddi) manat məbləğində əsas borc, 26 (iyirmi altı) manat məbləğində cərimə, 26.06.2020-ci il tarixli müqavilə üzrə 89,6 (səksən doqquz manat, 60 qəpik) manat məbləğində əsas borc, 8,4 (səkkiz manat 40 qəpik) manat məbləğində cərimə, 12.07.2020-ci il tarixli müqavilə üzrə 34 (otuz dörd) manat məbləğində əsas borc, 3 (üç) manat məbləğində cərimə və 30 (otuz) manat məbləğində ödənilmiş dövlət rüsumu olmaqla, cəmi 712 (yeddi yüz on iki) manat məbləğində pul vəsaiti tutularaq, İddiaçınə ödənilsin. Qətnamədən rəsmi qaydada verildiyi gündən 1 (bir) ay müddətində Bakı şəhəri Binəqədi rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Hakim Fərid Hətəmzadə