Bakı Şəhəri Binəqədi Rayon Məhkəməsi Qətnamə — İş №2(001)-3894/2021

Azərbaycan Respublikası adından QƏTNAMƏ Bakı şəhəri İş № 2(001)-3894/2021 04.06.2021 BAKI ŞƏHƏRİ BİNƏQƏDİ RAYON MƏHKƏMƏSİ Hakim Hətəmzadə Fərid Eldar oğlu, Məhkəmə iclas katibi Ağazadə Səbinə Əjdər qızının katibliyi ilə, İddiaçı MMC-nin Cavabdeh qarşı “pulun tutulması” tələbinə dair kiçik mübahisələr üzrə mülki işə baxaraq, məhkəmə MÜƏYYƏN E T D İ: İddiaçı MMC Cavabdeh qarşı “pulun tutulması” tələbinə dair kiçik mübahisələr üzrə iddia ərizəsi ilə məhkəməyə müraciət edərək, cavabdehdən onun xeyrinə 03 sentyabr 2019-cu il tarixli müqaviləyə əsasən “Samsung LED” markalı televizor,Sonorous Surefix asqı üçün 984 manat ödənilməmiş hissə, 98 manat cərimə, 19 dekabr 2019-cu il tarixli müqaviləyə əsasən İMEİ kodu **********66050 olan “Samsung Galaxy A70” markalı telefon üçün 771,6 manat ödənilməmiş hissə və 77,4 manat cərimə borcu və 30 manat ödənilmiş dövlət rüsumu olmaqla, cəmi 1.961 manat pulun tutulması barədə qətnamə qəbul edilməsini məhkəmədən xahiş etmişdir. Ərizə onunla əsaslandırılmışdır ki, Cavabdeh İddiaçı MMC ilə aralarında bağlanmış 03 sentyabr 2019-cu il tarixli müqaviləyə əsasən, alqı satqı qiyməti 1487 manat olan “Samsung LED” markalı televizoru, Sonorous Surefix asqını 11 manat ilkin ödəniş, 18 ay müddətinə, ayda 82 manat ödəmək şərti ilə almış və nəticədə 1082 manat olmaqla, ondan 984 manat ödənilməmiş hissə, müştəriyə güzəşt olunaraq 98 manat cərimə pulu borcu yaranmışdır. Həmçinin, cavabdehlə bağlanmış 19.12.2019-cu il tarixli müqavilə üzrə alqı-satqı qiyməti 993,6 manat olan İMEİ kodu **********66050 olan “Samsung Galaxy A70” markalı telefonu 18 ay müddətinə, ayda 55 manat ödəniş etmək şərti ilə almış və nəticədə alqı-satqı qiyməti 993,6 manat olan **********66050 olan “Samsung Galaxy A70” markalı telefon üçün ümumilikdə 849 manat olmaqla, ondan 771,6 manat ödənilməmiş hissə, müştəriyə güzəşt olunaraq 77,4 manat cərimə pulu borcu yaranmışdır. Cavabdehin cəmi ödədiyi məbləğ 725 manat təşkil edir. 08 oktyabr 2018-ci ildə bağlanmış nisyə alqı-satqı müqaviləsinə əsasən, iddiaçı cavabdehə 656 manata nisyə “Samsung Galaxy J5” markalı mobil telefon və 17 aprel 2018-ci ildə bağlanmış nisyə alqı-satqı müqaviləsinə əsasən, iddiaçı cavabdehə 486 manata nisyə “Samsung J2” markalı mobil telefon satmışdır. Alıcı müqavilənin şərtlərini pozaraq 08 oktyabr 2018-ci il tarixli müqavilə üzrə 464 manat, 17 aprel 2018-ci il tarixli müqavilə üzrə 378 manat olmaqla, cəmi 842 manat ödədikdən sonra ödənişləri dayandırmış və 08 oktyabr 2018-ci il tarixli müqavilə üzrə 192 manat əsas, 19 manat cərimə, 17 aprel 2018-ci il tarixli müqavilə üzrə 108 manat əsas, 10 manat cərimə olmaqla, qalıq qalmış 329 manat borcu qaytarmamışdır. Cavabdehə borcun ödənilməsinə dair dəfələrlə xəbərdarlıq edilməsinə baxmayaraq borclu borcu ödəməkdən boyun qaçırmışdır. Göstərilənləri nəzərə alaraq iddianın təmin edilməsi barədə qətnamə qəbul edilməsini xahiş edir. Azərbaycan Respublikasının Mülki Prosessual Məcəlləsinin 284.1-ci maddəsinə əsasən, mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Azərbaycan Respublikasının MPM-nin 284-5.1-ci maddəsinə əsasən, 20 aprel 2021-ci il tarixində işə baxan hakim cavabdehə rəsmi qaydada bildiriş göndərmiş, bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilmişdir. Cavabdeh tərəfindən iddiaya etiraz məhkəməyə göndərilməmişdir. Azərbaycan Respublikası MPM-nin 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə iş materiallarını araşdıraraq belə nəticəyə gəlir ki, iddia təmin edilməlidir. Belə ki, iş materiallarında olan İddiaçı ilə Cavabdeh arasında 03 sentyabr 2019-cu il tarixdə bağlanmış 00886020 nömrəli malın nisyə alqı-satqı müqaviləsindən görünür ki, İddiaçı Cavabdeh ilkin ödəniş 11 manat,18 ay müddətinə, hər ay 82 manat ödəmək şərti ilə, dəyəri 1487 manat olan “Samsung LED” markalı televizor,Sonorous Surefix asqını satmışdır. İş materiallarına əlavə edilmiş 03 sentyabr 2019-cu il tarixli təhvil-təslim aktından görünür ki, satıcı tərəfindən “Samsung LED” markalı televizor və Sonorous Surefix asqı Cavabdeh təhvil verilmişdir. İş materiallarında olan İddiaçı ilə Cavabdeh arasında 19 dekabr 2019-cu il tarixdə bağlanmış 01137713 nömrəli malın nisyə alqı-satqı müqaviləsindən görünür ki, İddiaçı Cavabdeh 18 ay müddətinə, hər ay 55,20 manat ödəmək şərti ilə, dəyəri 993,6 manat olan İMEİ kodu **********66050 olan “Samsung Galaxy A70” markalı telefonu satmışdır. İş materiallarına əlavə edilmiş 19 dekabr 2019-cu il tarixli təhvil-təslim aktından görünür ki, satıcı tərəfindən İMEİ kodu **********66050 olan “Samsung Galaxy A70” markalı telefon Cavabdeh təhvil verilmişdir. İşə materiallarına əlavə edilmiş 26 mart 2021-ci il tarixli maliyyə və ödəniş cədvəlindən müəyyən olunur ki, Cavabdehnun İddiaçınə 03 sentyabr 2019-cu il tarixli müqavilə üzrə 984 manat əsas borc və 98 manat cərimə olmaqla, cəmi 1082 manat, 19 dekabr 2019-cu il tarixli müqavilə üzrə 771,6 manat əsas borc və 77,4 manat cərimə olmaqla, cəmi 849 manat məbləğində borcu yaranmışdır. İş materiallarında olan bildirişdən və onun cavabdehə göndərilməsini təsdiq edən poçt qəbzindən görünür ki, Cavabdeh İddiaçı ilə bağladığı 03 sentyabr 2019-cu il və 19 dekabr 2019-cu il tarixli müqavilələrdən irəli gələn öhdəlikləri ilə bağlı xəbərdarlıq edilmişdir. Azərbaycan Respublikası Mülki Məcəlləsinin 14.2.1-ci maddəsində qanunvericilikdə nəzərdə tutulmuş müqavilələr və başqa əqdlər, habelə qanunvericilikdə nəzərdə tutulmasa da, ona zidd olmayan müqavilələr və başqa əqdlərin bağlanması mülki hüquqların və vəzifələrin əmələ gəlməsi əsaslarından biri kimi təsbit edilmişdir. Həmin Məcəllənin 386.1-ci maddəsinə görə isə öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır. Azərbaycan Respublikası Mülki Məcəlləsinin: -385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; -442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür; -445.2.-ci maddəsinə əsasən öhdəliyin onun icrası üçün müəyyənləşdirilmiş müddətdə icra edilməməsi, icra müdəti çatanadək kreditorun etdiyi xəbərdarlıqdan sonra da icra edilməməsi borclunun icranı gecikdirməsi sayılır; -448.1-ci maddəsinə əsasən əgər bu məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir; -450.1-ci maddəsinə əsasən fiziki və hüquqi şəxslər azad surətdə müqavilələr bağlaya və bu müqavilələrin məzmununu müəyyənləşdirə bilərlər. Onlar bu Məcəllədə nəzərdə tutulmayan, lakin ona zidd olmayan müqavilələr də bağlaya bilərlər. -462.1-ci maddəsinə görə dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir; -598.3-cü maddəsinə əsasən əgər alıcı alqı-satqı müqaviləsinə uyğun olaraq verilmiş əşyanı vaxtında ödəmirsə, satıcı əşyanı ödəməyi və bu Məcəllənin 449-cu maddəsinə uyğun faizləri ödəməyi tələb edə bilər. -600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; -600.2-ci maddəsinə görə əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. -600.4-cü maddəsinə əsasən əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; -601.1-ci maddəsinə əsasən əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Məhkəmə işdə olan sübutlara məcmu halında qiymət verərək hesab edir ki, İddiaçı ilə bağlanmış 03 sentyabr 2019-cu il və 19 dekabr 2019-cu il tarixli müqavilələr üzrə Cavabdeh üzərinə götürdüyü öhdəlikləri yerinə yetirmədiyindən, iddia tələbi təmin edilməli və Cavabdeh 03 sentyabr 2019-cu il tarixli müqavilə üzrə 984 manat əsas borc və 98 manat cərimə, 19 dekabr 2019-cu il tarixli müqavilə üzrə 771,6 manat əsas borc və 77,4 manat cərimə borcu alınaraq, İddiaçınə verilməlidir. Həmçinin qeyd olunmalıdır ki, Azərbaycan Respublikası Mülki Prosessual Məcəlləsinin 119.1-ci maddəsinə müvafiq olaraq, məhkəmə xərcləri ödənilmiş tələblərə münasib olaraq işdə iştirak edən şəxslərə aid edilir. İddia təmin edildiyindən, ödənilmiş 30 manat dövlət rüsumunun əvəzi cavabdehdən tutularaq iddiaçıya ödənilməlidir. Azərbaycan Respublikasının Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Azərbaycan Respublikasının Mülki Prosessual Məcəlləsinin 77.1-ci maddəsinə müvafiq olaraq hər bir tərəf öz tələblərinin və etirazlarının əsası kimi istinad etdiyi halları sübut etməlidir. Yuxarıda göstərilənlərə əsasən və Azərbaycan Respublikası MPM-nin 216-220, 233 və 450-cı maddələrini rəhbər tutaraq məhkəmə, Q Ə T E T D İ: İddia təmin edilsin. Cavabdeh 03 sentyabr 2019-cu il tarixli müqavilə üzrə 984 ( doqquz yüz səksən dörd) manat məbləğində əsas borc, 98 (doxsan səkkiz) manat məbləğində cərimə borcu, 19 dekabr 2019-cu il tarixli müqavilə üzrə 771,6 (yeddi yüz yetmiş bir manat 60 qəpik) manat məbləğində əsas borc, 77,4 (yetmiş yeddi manat 40 qəpik) manat məbləğində cərimə borcu və 30 (otuz) manat məbləğində ödənilmiş dövlət rüsumu olmaqla, cəmi 1.961 (min doqquz yüz altmış bir) manat məbləğində pul vəsaiti tutularaq, İddiaçınə ödənilsin. Qətnamədən rəsmi qaydada verildiyi gündən 1 (bir) ay müddətində Bakı şəhəri Binəqədi rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Kiçik iddialara dair işlər üzrə sadələşdirilmiş icraat qaydasında baxılmış işlər üzrə çıxarılmış məhkəmə qətnaməsindən şikayət verilməmişdirsə, qətnamə qəbul edildiyi gündən 1 (bir) ay keçdikdən sonra qanuni qüvvəyə minir. Hakim Fərid Hətəmzadə