Bakı Şəhəri Binəqədi Rayon Məhkəməsi Qərardad — İş №2(001)-5069/2021

Azərbaycan Respublikası adından QƏRARDAD Bakı şəhəri İş № 2(001)-5069/2021 04.08.2021 BAKI ŞƏHƏRİ BİNƏQƏDİ RAYON MƏHKƏMƏSİ Hakim Mustafayev Etibar Mustafa oğlunun sədrliyi, X1 katibliyi, İddiaçının nümayəndəsi X2 iştirakı ilə, İddiaçı Açıq Səhmdar Cəmiyyətinin (ASC) Cavabdeh1, Cavabdeh2 qarşı “kredit borcunun qaytarılması” tələbinə dair mülki işə 04 avqust 2021-ci il tarixdə, Bakı şəhəri Binəqədi Rayon Məhkəməsinin inzibati binasında açıq məhkəmə iclasında baxaraq, M Ü Ə Y Y Ə N E T D İ: "xxxx" KB ASC Cavabdeh1, Cavabdeh2 qarşı iddia ərizəsi ilə məhkəməyə müraciət edərək cavabdehdən 3140,48 manat əsas, 191,89 manat faiz borcu olmaqla ümumilikdə 3332,37 manat borcun, eləcə də iddia ərizəsinin verilməsi üçün ödənilmiş dövlət rüsumunun əvəzi kimi 30 manat məbləğində pul vəsaitinin tutularaq banka ödənilməsi barədə qətnamə çıxarılmasını xahiş etmişdir. Məhkəmə iclasında iddiaçının nümayəndəsi 12 iyul 2021-ci il tarixli kredit öhdəliyinin tam icra edilməsi haqqında arayışı məhkəməyə təqdim etmiş, həmin arayışdan görünür ki, İddiaçı ASC ilə Cavabdeh1 arasında 05 oktyabr 2018-ci il tarixdə bağlanmış 200804-586825/1 saylı kredit müqaviləsi üzrə verilmiş 12000 manat kredit tam ödənilmişdir. Azərbaycan Respublikasının Mülki Prosessual Məcəlləsinin 261.0 və 261.0.1-ci maddəsində qeyd olunur ki, iş məhkəmədə baxılmalı deyildirsə hakim iş üzrə icraata xitam verir. Normanın məzmunundan görünür ki, iş üzrə icraata bu əsasla xitam verilməsi o halda mümkündür ki, işə ümumiyyətlə məhkəmədə baxılmalı olmasın. Hazırki halda cavabdehin iddiaçıya kredit borcu mövcud olmadığından, yəni tərəflər arasında mübahisə olmadığından iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 261, 263, 264, 267 və 268-ci maddələrini rəhbər tutaraq, məhkəmə QƏRARA ALDİ: İddiaçı ASC-nin Cavabdeh1 və Cavabdeh2 qarşı “kredit borcunun qaytarılması” tələbinə dair iddia ərizəsi üzrə icraata xitam verilsin. Qərardad rəsmi qaydada verildikdən sonra 10 gün müddətində ondan Bakı şəhəri Binəqədi Rayon Məhkəməsinə şikayət verilə bilər. Hakim Etibar Mustafayev