Bakı Şəhəri Binəqədi Rayon Məhkəməsi Qətnamə — İş №2(001)-6435/2021

Azərbaycan Respublikası adından QƏTNAMƏ Bakı şəhəri İş № 2(001)-6435/2021 14.09.2021 BAKI ŞƏHƏRİ BİNƏQƏDİ RAYON MƏHKƏMƏSİ Hakim Əliyev İlkin Əli oğlunun sədrliyi ilə, İddiaçı "xxxx" Məhdud Məsuliyyətli Cəmiyyətinin Cavabdeh qarşı “pul” tələbinə dair iddia ərizəsinə kiçik iddialara dair işlər üzrə sadələşdirilmiş icraat qaydasında məhkəmənin inzibati binasında baxaraq, məhkəmə MÜƏYYƏN ETDİ: İddiaçı "xxxx" MMC Cavabdeh qarşı “pul” tələbinə dair iddia ərizəsi ilə məhkəməyə müraciət edərək, 07.08.2019-cu il tarixli müqaviləsinə əsasən İMEİ kodu **********53435 X2 7 markalı telefon üçün 368 manat ödənilməmiş hissə, 36 manat cərimə, 06.09.2019-cu il tarixli müqaviləsinə əsasən 2 ədəd LG Led televizor üçün 938 manat ödənilməmiş hissə, 93 manat cərimə, 10.12.2019-cu il tarixli müqaviləsinə əsasən Beurer manikur və pedikur dəsti, 2 ədəd Remington Maşa, Philips Fen üçün 380 ödənilməmiş hissə, 38 manat cərimə olmaqla, ümumilikdə 1853 manat borc, 30 manat ödənilmiş dövlət rüsumu Cavabdeh alınaraq "xxxx" MMC-yə ödənilməsi barədə qətnamə qəbul edilməsini xahiş etmişdir. İddia tələbi onunla əsaslandırılmışdır ki, cavabdeh "xxxx" MMC ilə 07.08.2019-cu il tarixli, 06.09.2019-cu il tarixli və 10.12.2019-cu il tarixli müqaviləsinə əsasən, İMEİ kodu **********53435 X2 7 markalı telefon, 2 ədəd LG Led televizor, Beurer manikur və pedikur dəsti, 2 ədəd Remington Maşa, Philips Fen almış və nəticədə 1853 manat borcu yaranmışdır. Cavabdeh müqavilənin şərtlərini pozmuş və nəticədə 07.08.2019-cu il tarixli müqaviləsinə əsasən, alğı-satqı qiyməti 675 manat (15 ay x 45 manat + 0 manat ilkin ödəniş) İMEİ kodu **********53435 X2 7 markalı telefon üçün ümumilikdə 404 manat olmaqla, ondan 368 manat ödənilməmiş hissə, müştəriyə güzəşt olunaraq 36 manat cərimə, 06.09.2019-cu il tarixli müqaviləsinə əsasən alğı-satqı qiyməti 1415 manat, (18 ay x 68 manat + 191 manat ilkin ödəniş) 2 ədəd LG Led televizor üçün ümumilikdə 1031 manat olmaqla, ondan 938 manat ödənilməmiş hissə, müştəriyə güzəşt olunaraq 93 manat cərimə, 10.12.2019-cu il tarixli müqaviləsinə əsasən alğı-satqı qiyməti 456 manat (12 ay x 38 manat + 0 manat ilkin ödəniş) Beurer manikur və pedikur dəsti, 2 ədəd Remington Maşa, Philips fen üçün ümumilikdə, 418 manat olmaqla, ondan 380 manat ödənilməmiş hissə, müştəriyə güzəşt olunaraq 38 manat cərimə miqdarında borc hesablanmışdır. Cavabdehin cəmi ödədiyi məbləğ 860 manat təşkil edir. Ödəniş cədvəlinin 2-ci bəndinə əsasən, ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1 % həcmində mübahisəsiz olaraq penya ödəyir. Göstərilənlərə əsasən iddia tələbinin təmin edilməsi barədə qətnamə qəbul edilməsi məhkəmədən xahiş edilmişdir. Azərbaycan Respublikası MPM-nin 284-1-ci maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəllənin 284-5.1-ci maddəsinə əsasən ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. Həmin Məcəllənin 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Həmin Məcəllənin 284-5.4-cü maddəsinə əsasən tərəflərin təqdim etdiyi sənədlər iş üzrə yekun qərarın çıxarılması üçün kifayət etmirsə, habelə iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurəti yaranırsa məhkəmə işə iddia icraatı qaydasında baxılması haqqında əsaslandırılmış qərardad çıxarır. Bu qərardaddan şikayət verilə bilməz. Məhkəmə tərəfindən cavabdehin həm qeydiyyatda olduğu ünvana, həm də faktiki ünvanına iddiaçının tələbinə dair bildiriş göndərilmiş, lakin cavabdeh tərəfindən iddiaya etiraz məhkəməyə təqdim edilməmişdir. Məhkəməyə təqdim olunmuş sübutları tədqiq edib, iş üzrə əlavə araşdırmaya zərurətin olmamasını nəzərə alaraq məhkəmə iddia ərizəsinin təmin edilməsi qənaətinə gəlir. Belə ki, mülki işin materiallarında tədqiq edilmiş: "xxxx" MMC ilə Cavabdeh arasında bağlanmış 07 avqust 2019-cu il tarixli, №00830542 saylı əşyanın nisyə alğı-satqısına dair müqaviləyə və əlavəyə əsasən Cavabdeh ilkin ödənişsiz İMEİ kodu **********53435 X2 7 telefon almış, 15 ay müddətinə ayda 45 manat ödəniş etməyi öhdəsinə götürmüşdür; 07 avqust 2019-cu il tarixli bildiriş və əşyaların təhvil-təslim aktından görünür ki, X1 №00830542 saylı müqaviləyə əsasən İMEİ kodu **********53435 X2 7 telefonu tam qüsursuz halda "xxxx" MMC-dən təhvil almışdır. 05 iyul 2021-ci il tarixli maliyyə və ödəniş cədvəlindən görünür ki, Cavabdeh İMEİ kodu **********53435 X2 7 telefon üçün əsas borcu 368 manat, cərimə borcu 36 manat olmaqla, cəmi 404 manat məbləğində borcu var. "xxxx" MMC ilə Cavabdeh arasında bağlanmış 06 sentyabr 2019-cu il tarixli, №00892979 saylı əşyanın nisyə alğı-satqısına dair müqaviləyə və əlavəyə əsasən Cavabdeh ilkin ödənişlə 2 ədəd LG Led televizor almış və 18 ay müddətinə ayda 68 manat ödəniş etməyi öhdəsinə götürmüşdür; 06 sentyabr 2019-cu il tarixlib ildiriş və əşyaların təhvil-təslim aktından görünür ki, Cavabdeh №00892979 saylı müqaviləyə əsasən 2 ədəd LG Led televizoru tam qüsursuz halda "xxxx" MMC-dən təhvil almışdır. 05 iyul 2021-ci il tarixli maliyyə və ödəniş cədvəlindən görünür ki, Cavabdeh 2 ədəd LG Led televizor üçün əsas borcu 939 manat, cərimə borcu 93 manat olmaqla, cəmi 1031 manat məbləğində borcu var. "xxxx" MMC ilə Cavabdeh arasında bağlanmış 10 dekabr 2019-cu il tarixli, №01114642 saylı əşyanın nisyə alğı-satqısına dair müqaviləyə və əlavəyə əsasən Cavabdeh ilkin ödənişsiz əsasən Beurer manikur və pedikur dəsti, 2 ədəd Remington Maşa, Philips Fen almış və 12 ay müddətinə ayda 38 manat ödəniş etməyi öhdəsinə götürmüşdür; 10 dekabr 2019-cu il tarixli tarixli bildiriş və əşyaların təhvil-təslim aktından görünür ki, Cavabdeh №01114642 saylı müqaviləyə əsasən Beurer manikur və pedikur dəsti, 2 ədəd Remington Maşa, Philips Feni tam qüsursuz halda "xxxx" MMC-dən təhvil almışdır. 05 iyul 2021-ci il tarixli maliyyə və ödəniş cədvəlindən görünür ki, Cavabdeh Beurer manikur və pedikur dəsti, 2 ədəd Remington Maşa, Philips Fen üçün əsas borcu 380 manat, cərimə borcu 38 manat olmaqla, cəmi 418 manat məbləğində borcu var. Tələbkar tərəfindən borcluya ünvanlanmış 17.08.2020-ci il tarixli xəbərdarlıq məktubunun surətinə əsasən cavabdehdən alğı-satqı müqaviləsi üzrə öhdəliyin yerinə yetirilməsi tələb edilmiş, əks halda müqavilənin qiymətinin ödənilməsi barədə məhkəmədə iddia qaldıracağı barədə cavabdehə xəbardarlıq edilmişdir; 06.07.2021-ci il tarixli mədaxil qəbzinə əsasən iddiaçı Bakı şəhəri Binəqədi Rayon Məhkəməsində iddia qaldırmaq üçün 20 manat dövlət rüsumu ödəmişdir. Tədqiq olunmuş sübutlarla müəyyən edilmişdir ki, iddiaçı ilə cavabdeh arasında üç müxtəlif tarixdə əşyanın nisyə alğı-satqısına dair müqavilə bağlanmışdır. 07 avqust 2019cu il tarixli, №00830542 saylı əşyanın nisyə alqı-satqısına dair müqaviləyə əsasən "xxxx" MMC əşyanı ilk ödənişsiz Cavabdeh nisyə satmağı, cavabdeh isə həmin əşyaları qəbul etməyi və 15 ay müddətinə aylıq ödəniş etməyi, bu şərtləri pozduqda qalıq məbləğinin hər növbəti təqvim gününə hesablanmış 1% həcmində mübahisəsiz olaraq penya ödəməyi barədə öhdəlik götürmüşdür. 06 sentyabr 2019-cu il tarixli, №00892979 saylı əşyanın nisyə alqı-satqısına dair müqaviləyə əsasən "xxxx" MMC əşyanı ilk ödənişsiz Cavabdeh nisyə satmağı, cavabdeh isə həmin əşyanı qəbul etməyi və 18 ay müddətinə aylıq ödəniş etməyi, bu şərtləri pozduqda qalıq məbləğinin hər növbəti təqvim gününə hesablanmış 1% həcmində mübahisəsiz olaraq penya ödəməyi barədə öhdəlik götürmüşdür. 10 dekabr 2019-cu il tarixli, №01114642 saylı əşyanın nisyə alqı-satqısına dair müqaviləyə əsasən "xxxx" MMC əşyanı ilk ödənişsiz Cavabdeh nisyə satmağı, cavabdeh isə həmin əşyanı qəbul etməyi və 12 ay müddətinə aylıq ödəniş etməyi, bu şərtləri pozduqda qalıq məbləğinin hər növbəti təqvim gününə hesablanmış 1% həcmində mübahisəsiz olaraq penya ödəməyi barədə öhdəlik götürmüşdür. Həmin əşyalar iddiaçı tərəfindən cavabdehə təhvil verilmişdir. İddiaçı cavabdeh tərəfindən həmin müqavilələr üzrə borcunun yarandığını iddia edir və bu məbləği cavabdehdən tələb edir. Məhkəməyə müraciət etməkdən əvvəl iddiaçı cavabdehə müvafiq bildiriş göndərməklə yaranmış borcun qaytarılmasını tələb etmiş, əks təqdirdə məsələ ilə bağlı məhkəməyə müraciət ediləcəyi barədə cavabdehə xəbərdarlıq etmişdir, lakin bu bir nəticə verməmişdir. İddiaçı tərəfindən 30 manat məbləğində dövlət rüsumu ödənilmişdir. Azərbaycan Respublikası Mülki Məcəlləsinin 385.1-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 386.1-ci maddəsinə əsasən öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır; 427.3-cü maddəsinə əsasən əgər öhdəlik onun icrası gününü və ya icra edilməli olduğu vaxt dövrünü nəzərdə tutursa və ya müəyyənləşdirməyə imkan verirsə, öhdəlik həmin gün və ya bu cür dövr ərzində istənilən an icra edilməlidir; 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür; 443.1-ci maddəsinə görə öhdəliyini icra etməyən borclu kreditora dəymiş zərərin əvəzini ödəməyə borcludur; 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir; 567-ci maddəsinə əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür; 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyanın nisyə satışının) nəzərdə tutulduğu halda alıcı ödənişi müqavilədə nəzərdə tutulan müdətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; 600.4-cü maddəsinə əsasən əşyanı təhvil almış alıcı onu alğı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; 601.1-ci maddəsinə əsasən əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alğı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Göründüyü kimi, iddiaçı ilə cavabdeh arasında bağlanmış nisyə alğı-satqı müqavilələrinə əsasən iddiaçı müqavilələrin predmeti olan və yuxarıda göstərilən əşyaları müəyyən edilmiş müddətlərdə və məbləğlərdə onların dəyərini ödəmək şərti ilə cavabdehə nisyə satmışdır. Həmin müqavilələrdə əşyaların qiyməti, ödənişin qaydası, müddəti və məbləği göstərilmişdir. Cavabdeh həmin əşyaları qəbul etmiş, lakin müqavilələr üzrə müəyyən edilmiş müddətlərdə və məbləğlərdə ödənişlər etməmişdir. Bununla da müqavilələrin şərtlərini pozmuşdur. Cavabdehin borcu yaranmışdır. Buna görə də cavabdehin hərəkətləri öhdəliyin lazımınca icra edilməməsi kimi qiymətləndirilməli və cavabdeh onun risk dairəsinə daxil olan öhdəliyin icra edilmədiyi bütün hallar üçün cavabdeh olduğundan, öz öhdəliyinin hər bir təqsirli pozuntusuna görə məsuliyyət daşıyaraq, yaranmış borcunu razılaşdırıldığı kimi iddiaçıya ödəməlidir. Azərbaycan Respublikası MPM-nin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın təmin və ya rədd edilməsi haqqında qətnamə qəbul edilir. Azərbaycan Respublikası Mülki Prosessual Məcəllənin: 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir; 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Beləliklə, məhkəmə tədqiq olunmuş sübutlara məcmu halında hüquqi qiymət verərək hesab edir ki, iddia təmin edilməli, Cavabdeh 07 avqust 2019-cu il tarixli, №00830542 saylı əşyanın nisyə alğı-satqısına dair müqavilə üzrə 368 manat ödənilməmiş hissə, 36 manat cərimə pulu, 06 sentyabr 2019-cu il tarixli, №00892979 saylı əşyanın nisyə alğı-satqısına dair müqavilə üzrə 938 manat ödənilməmiş hissə, 93 manat cərimə pulu, 10 dekabr 2019-cu il tarixli, №01114642 saylı əşyanın nisyə alğı-satqısına dair müqavilə üzrə 380 manat ödənilməmiş hissə, 38 manat cərimə olmaqla hər 3 müqavilə üzrə ümumilikdə 1853 manat pul vəsaiti və 30 manat məbləğində dövlət rüsumu "xxxx" MMC-nin xeyrinə tutulmalıdır. Qeyd olanlara əsasən və Azərbaycan Respublikası MPM-nin 119-cu, 216-220-ci maddələrini rəhbər tutaraq, məhkəmə QƏT ETDİ: İddia təmin edilsin. Cavabdeh 07 avqust 2019-cu il tarixli, №00830542 saylı əşyanın nisyə alğısatqısına dair müqavilə üzrə 368 (üç yüz altmış səkkiz) manat ödənilməmiş hissə, 36 (otuz altı) manat cərimə pulu, 06 sentyabr 2019-cu il tarixli, №00892979 saylı əşyanın nisyə alğı-satqısına dair müqavilə üzrə 938 (doqquz yüz otuz səkkiz) manat ödənilməmiş hissə, 93 (doxsan üç) manat cərimə pulu, 10 dekabr 2019-cu il tarixli, №01114642 saylı əşyanın nisyə alğı-satqısına dair müqavilə üzrə 380 (üç yüz səksən) manat ödənilməmiş hissə, 38 (otuz səkkiz) manat cərimə olmaqla hər 3 müqavilə üzrə ümumilikdə 1853 (bir min səkkiz yüz əlli üç) manat pul vəsaiti və 30 (otuz) manat məbləğində dövlət rüsumu "xxxx" Məhdud Məsuliyyətli Cəmiyyətin xeyrinə tutulsun. Qətnamədən onun rəsmi qaydada verildiyi gündən 1 (bir) ay müddətində Bakı şəhəri Binəqədi Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Hakim İlkin Əliyev