Bakı Şəhəri Binəqədi Rayon Məhkəməsi Qərardad — İş №2(001)-7293/2020

Azərbaycan Respublikası adından QƏRARDAD Bakı şəhəri İş № 2(001)-7293/2020 22.12.2020 BAKI ŞƏHƏRİ BİNƏQƏDİ RAYON MƏHKƏMƏSİ Mən, Bakı şəhəri Binəqədi Rayon Məhkəməsinin hakimi Rüstəmli Məhəmməd Əli oğlu, İddiaçı “xxxx” KB ASC-nin Cavabdeh qarşı pul tələbinə dair sadələşdirilmiş icraat qaydasında verilmiş ərizəni və ona əlavə olunmuş sənədləri nəzərdən keçirərək, m ü ə y y ə n e t d i m: İddiaçı “xxxx” KB ASC Cavabdeh qarşı pul tələbi barədə sadələşdirilmiş icraat qaydasında ərizə ilə məhkəməyə müraciət edərək, cavabdehdən 277,63 manat məbləğində əsas borc, 44,35 manat faiz olmaqla, cəmi 321,98 manat borcun və 20 manat məbləğində ödənilmiş dövlət rüsumunun onun xeyrinə tutulması barədə qətnamə qəbul edilməsini xahiş etmişdir. Ərizə və ona əlavə edilmiş sənədləri nəzərdən keçirərək hesab edirəm ki, kiçik mübahisələr üzrə iddia ərizəsinin qəbul edilməsindən imtina edilməlidir. Belə ki, iddia ərizəsinə əlavə edilmiş tərəflər arasında bağlanmış müqavilədən görünür ki, iddiaçı tərəfindən cavabdehə ilkin limiti 100 manat olmaqla kredit ayrılmışdır. Lakin, hazırda iddiaçı cavabdehdən cəmi 321,98 manat məbləğində borc tələb edir və kredit limitin sonradan artırılmasını təsdiq edən sənədləri (müqavilənin 4.2.14-cü bəndinə uyğun olaraq kreditin məbləği, müddəti, illik faiz dərəcəsi və aylıq ödənişlər əks olunmaqla bu barədə sms-in cavabdehə göndərilməsi, cavabdeh tərəfindən təklifin qəbul olunması barədə təsdiqedici sms-in iddiaçıya göndərilməsi) ərizəsinə əlavə etməmişdir. Azərbaycan Respublikası Mülki-Prosessual Məcəlləsinin: 284-1-ci maddəsinə əsasən mülki işlər üzrə iddianın qiyməti iki min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-4.1.3-cü maddəsinə əsasən verilmiş tələbi təsdiq edən sənədlər təqdim olunmamışdırsa, məhkəmə kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul olunmasından imtina edir. 284-4.2-ci maddəsinə görə bu Məcəllənin 284-4.1-ci maddəsində nəzərdə tutulmuş hallarda məhkəmə ərizənin daxil olduğu gündən 5 (beş) iş günü müddətində onun qəbul edilməsindən imtina haqqında əsaslandırılmış qərardad çıxarır. Məhkəmə bu müddət ərzində ərizəni qəbul etməkdən imtina etməyibsə, o, qəbul edilmiş sayılır. Ərizəni qəbul etməkdən imtina barədə qərardaddan şikayət verilə bilməz. 284-4.3-ci maddəsinə əsasən ərizənin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Yuxarıda qeyd olunan prosessual hüquq normalarına istinad edərək belə nəticəyə gəlirəm ki, iddiaçı “xxxx” KB ASC-nin Cavabdeh qarşı pul tələbinə dair kiçik mübahisələr üzrə iddia ərizəsi və ona əlavə edilmiş sənədlərin qəbul edilməsindən imtina edilməli, iddiaçıya həmin tələb üzrə iddia icraatı qaydasında iddia vermək hüququ izah edilməlidir. Yuxarıda qeyd olunanları nəzərə alaraq və Azərbaycan Respublikası Mülki- Prosessual Məcəlləsinin 263-264, 284-1-284-6-cı maddələrini rəhbər tutaraq q ə r a r a a l d ı m: İddiaçı “xxxx” KB ASC-nin Cavabdeh qarşı pul tələbinə dair sadələşdirilmiş icraat qaydasında verilmiş ərizənin qəbul olunmasından imtina edilsin və ərizə, ona əlavə edilmiş sənədlərlə birlikdə geri qaytarılsın. Ərizənin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Bu halda iddiaçı tərəfindən ödənilmiş dövlət rüsumu ödənilməli olan dövlət rüsumuna hesablanacaqdır. Qərardaddan şikayət verilə bilməz. Hakim Məhəmməd Rüstəmli İş № 2(001)-7293/2020 Məhkəmə iclasından kənar ayrıca prosessual hərəkətlər barədə PROTOKOL Bakı şəhəri Binəqədi Rayon Məhkəməsi xx xxxxxx 2020-ci il Bakı şəhəri Hakim Rüstəmli Məhəmməd Əli oğlu, İddiaçı “xxxx” KB ASC-nin Cavabdeh qarşı pul tələbi barədə sadələşdirilmiş icraat qaydasında verilmiş ərizəyə və ona əlavə olunmuş sənədlərə baxaraq, məhkəmə iclasından kənar ayrıca prosessual hərəkət kimi baxılır. Prosessual hərəkət saat 10:20-də başlandı. Ərizəni, ona əlavə olunmuş sənədləri və mülki işi nəzərdən keçirərək, sadələşdirilmiş icraat qaydasında verilmiş ərizənin qəbul olunmasından imtina haqqında qərardadı qəbul edildi. Prosessual hərəkət saat 10:30-da qurtardı. Protokol 22 dekabr 2020-ci il tarixdə tərtib olunmuş və imzalanmışdır. Hakim Məhəmməd Rüstəmli