Bakı Şəhəri Binəqədi Rayon Məhkəməsi Qərardad — İş №2(001)-7897/2021

Azərbaycan Respublikası adından QƏRARDAD Bakı şəhəri İş № 2(001)-7897/2021 04.10.2021 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Hətəmzadə Fərid Eldar oğlu, İddiaçı ASC-nin Cavabdeh qarşı “borcun tutulması” tələbi barədə kiçik mübahisələr üzrə iddia ərizəsini və ona əlavə olunmuş sənədləri nəzərdən keçirərək, M Ü Ə Y Y Ə N E T D İ M: 30 sentyabr 2021-ci il tarixdə məhkəmənin icraatına daxi olmuş İddiaçı ASC-nin Cavabdeh qarşı “borcun tutulması” tələbi barədə kiçik mübahisələr üzrə 29 sentyabr 2021-ci il tarixli iddia ərizəsi ilə məhkəməyə müraciət edərək, borclu Cavabdeh 2.347,9 manat məbləğində əsas borc, 150,66 manat məbləğində faiz borcu və 664,04 manat cərimə borcu olmaqla, cəmi 3.162,6 manat məbləğində borc və 30 manat məbləğində ödənilmiş dövlət rüsumunun İddiaçı ASC-nin xeyrinə tutulmasını xahiş etmişdir. Məhkəmə iddia ərizəsini və ona əlavə olunmuş sənədləri nəzərdən keçirərək hesab edir ki, iddia ərizəsinin icraata qəbul edilməsindən imtina edilməlidir. Belə ki, iddia tələbini 12.347,9 manat məbləğində əsas borc, 150,66 manat məbləğində faiz borcu və 664,04 manat cərimə borcu olmaqla, cəmi 3.162,6 manat məbləğində borcun cavabdehdən iddiaçının xeyrinə tutulması təşkil edir ki, bu da iddianın qiymətinin iki min manatdan çox olduğunu göstərir. Mülki Prosesual Məcəllənin 01 oktyabr 2021-ci il tarixədək qüvvədə olan normalarına əsasən, iddianın qiyməti iki min manatdan çox olduqda işə sadələşdirilmiş icraat qaydasında baxılmasına yol verilmir. Azərbaycan Respublikası Mülki Prosessual Məcəlləsinin: - 01 oktyabr 2021-ci il tarixədək qüvvədə olan 284-1-ci maddəsinə əsasən, mülki iş üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti 10.000 manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. - 284-4.1.2-ci maddəsinə əsasən, verilmiş tələb bu Məcəllənin 284-1-ci maddəsinə uyğun deyildirsə məhkəmə kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul edilməsindən imtina edir. - 284-4.2-ci maddəsinə əsasən 284-4.1-ci maddəsində nəzərdə tutulmuş hallarda məhkəmə ərizənin daxil olduğu gündən 5 (beş) iş günü müddətində onun qəbul edilməsindən imtina haqqında əsaslandırılmış qərardad çıxarır. - 284-4.3-cü maddəsinə əsasən ərizənin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Bu halda iddiaçı tərəfindən ödənilmiş dövlət rüsumu ödənilməli olan dövlət rüsumuna hesablanır. Qeyd olunanlara əsasən və Azərbaycan Respublikasının Mülki Prosessual Məcəlləsinin 108, 263-264, 266-268, 284-cü maddələrini rəhbər tutaraq QƏRARA A L D İ M: İddiaçı ASC-nin Cavabdeh qarşı “borcun tutulması” tələbi barədə kiçik mübahisələr üzrə iddia ərizəsinin icraata qəbul edilməsindən imtina edilsin, iddia ərizəsi və ona əlavə edilmiş sənədlər geri qaytarılsın. Qərardaddan şikayət verilə bilməz. Hakim: Fərid Hətəmzadə