Bakı şəhəri Qaradağ Rayon Məhkəməsi Qətnamə — İş №2(002)-1399/2021

Azərbaycan Respublikası adından QƏTNAMƏ Bakı şəhəri İş № 2(002)-1399/2021 11.06.2021 BAKI ŞƏHƏRİ QARADAĞ RAYON MƏHKƏMƏSİ Hakim Əsədov Kamran Bağır oğlunun sədrliyi, İmanov Tural Arif oğlunun katibliyi ilə, İddiaçı "xxxx" MMC Cavabdeh qarşı borc tələbi barədə iddia ərizəsinə kiçik iddialara dair işlər üzrə sadələşdirilmiş icraat qaydasında baxaraq, məhkəmə MÜƏYYƏ N ETDİ: İddiaçı "xxxx" MMC Cavabdeh qarşı borc tələbi barədə kiçik iddialara dair işlər üzrə sadələşdirilmiş icraat qaydasında iddia ərizəsi ilə Bakı şəhəri Qaradağ Rayon Məhkəməsinə müraciət edərək, Cavabdeh 16.12.2019-cu il tarixli müqaviləyə əsasən Philips markalı tozsoran üçün 210 manat ödənilməmiş hissə, 21 manat cərimə, 25 iyul 2019-cu il tarixli müqaviləyə əsasən İMEİ kodu **********00178 olan Nokia 3.1 PLUS İMEİ kodu **********29356 olan Nokia 5.1 markalı telefon üçün 566 manat ödənilməmiş hissə, 56 manat cərimə, 02.10.2019-cu il tarixli müqaviləyə əsasən Soft markalı divan üçün 207 manat ödənilməmiş hissə, 20 manat cərimə, 03.12.2019-cu il tarixli müqaviləyə əsasən Acer Aspire 3 markalı notebook üçün 712 manat ödənilməmiş hissə, 71 manat cərimə, ümumilikdə 1863 manat borc, 30 manat ödənilmiş dövlət rüsumu olmaqla, cəmi 1893 manat Cavabdeh alınaraq, "xxxx" Məhdud Məsuliyyətli Cəmiyyətinə ödənilməsi barədə qətnamə qəbul edilməsini xahiş etmişdir. İddia ərizəsi onunla əsaslandırılmışdır ki, Cavabdeh "xxxx" MMC ilə 16.12.2019-cu il, 25.07.2019-cu il, 02.10.2019-cu il və 03.12.2019-cu il tarixli müqaviləyə əsasən, Philips markalı tozsoran, İMEİ kodu **********00178 olan Nokia 3.1 Plus və İMEİ kodu **********29356 olan Nokia 5.1 markalı telefon, Soft markalı divan, Acer Aspire 3 markalı notebook almış və nəticədə 1863 manat borc yaranmışdır. 16.12.2019-cu il tarixli müqaviləyə əsasən alğı-satqı qiyməti 300 (üç yüz) manat (12 ay X 25 manat + 0 manat ilkin ödəniş) Philips markalı tozsoran üçün ümumilikdə 231 (iki yüz otuz bir) manat olmaqla, ondan 210 (iki yüz on) manat ödənilməmiş hissə, müştəriyə güzəşt olunaraq 21 (iyirmi bir) manat cərimə miqdarında borc yaranmışdır. Bundan başqa, 25.07.2019-cu il tarixli müqaviləyə əsasən alğı-satqı qiyməti 1016 manat (18 ay X 56 manat + 8 manat ilkin ödəniş) İMEİ kodu **********00178 olan NOKİA 3.1 PLUS və İMEİ kodu **********29356 olan NOKİA 5.1 markalı telefon üçün ümumilikdə 622 manat olmaqla, ondan 566 manat ödənilməmiş hissə, müştəriyə güzəşt olunaraq 56 (əlli altı) manat cərimə miqdarında borc yaranmışdır. Bundan əlavə, 02.10.2019-cu il tarixli müqaviləyə əsasən alğı-satqı qiyməti 380 manat (12 ay X 31 manat + 8 manat ilkin ödəniş) Soft markalı divan üçün ümumilikdə 227 manat olmaqla, ondan 207 manat ödənilməmiş hissə, 20 manat cərimə miqdarında borc yaranmışdır. Bundan əlavə, 03.12.2019-cu il tarixli müqaviləyə əsasən alğı-satqı qiyməti 846 manat olan (18 ay X 47 manat + 0 manat ilkin ödəniş) Acer Aspire 3 markalı notebook üçün ümumilikdə 783 manat olmaqla ondan 712 manat ödənilməmiş hissə, 71 manat cərimə miqdarında borc yaranmışdır. Cavabdehin cəmi ödədiyi məbləğ 847 manat təşkil edir. Ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1 faizi həcmində mübahisəsiz olaraq penya ödəyir. Cavabdeh Azərbaycan Respublikası MPM-in 284-5.1 və 284-5.2-ci maddələrinə əsasən ona göndərilmiş rəsmi bildirişlə bağlı müəyyən edilmiş qaydada iddiaya qarşı hər hansı əsaslandırılmış yazılı etiraz bildirməmişdir. Məhkəmə Azərbaycan Respublikası MPM-in 284-5-ci maddəsinə əsasən, iddia ərizəsinə təqdim edilmiş sənədlər əsasında kiçik iddialara dair işlər üzrə sadələşdirilmiş icraat qaydasında baxılmasını mümkün hesab edir. Məhkəmə iş materiallarında olan sübutları tədqiq edərək belə qənaətə gəlir ki, aşağıdakı əsaslara görə iddia təmin edilməlidir. Belə ki, iş materiallarında olan 03.12.2019-cu il tarixli, 01097608 №-li alğı-satqı müqaviləsindən görünür ki, "xxxx" MMC ilə Cavabdeh arasında bağlanmış 03.12.2019-cu il tarixli, 01097608 №-li müqaviləyə əsasən "xxxx" MMC Cavabdeh hissə-hissə ödəniş etmək şərti ilə, Acer Aspire 3 markalı notebook, 02.10.2019-cu il tarixli müqaviləyə əsasən "xxxx" MMC Cavabdeh hissə-hissə ödəniş etmək şərti ilə Soft markalı divan, 25.07.2019-cu il tarixli müqaviləyə əsasən "xxxx" MMC Cavabdeh hissə-hissə ödəniş etmək şərti ilə NOKİA 5.1 markalı telefon, 16.12.2019-cu il tarixli müqaviləyə əsasən "xxxx" MMC Cavabdeh hissə-hissə ödəniş etmək şərti ilə Philips markalı tozsoran satmışdır. İş materiallarında olan maliyyə və ödəniş cədvəlindən görünür ki, 16.12.2019-cu il tarixli alğısatqı müqaviləsinə əsasən Philips markalı tozsoran üçün 210 manat məbləğində ödənilməmiş hissə, 21 manat cərimə, ümumilikdə 231 manat məbləğində borcu vardır. 25.07.2019-cu il tarixli alğı-satqı müqaviləsinə əsasən NOKİA 3.1 PLUS və NOKİA 5.1 markalı telefon üçün 566 manat məbləğində ödənilməmiş hissə, 56 manat cərimə, ümumilikdə 622 manat məbləğində borcu vardır. 02.10.2019-cu il tarixli alğı-satqı müqaviləsinə əsasən Soft markalı divan üçün 207 manat məbləğində ödənilməmiş hissə, 20 manat cərimə, ümumilikdə 227 manat məbləğində borcu vardır. 03.12.2019-cu il tarixli alğı-satqı müqaviləsinə əsasən Acer Aspire 3 markalı notebook üçün 712 manat məbləğində ödənilməmiş hissə, 71 manat cərimə, ümumilikdə 783 manat məbləğində borcu vardır. Məhkəmə iş üzrə sübutlara məcmu halında hüquqi qiymət verərək hesab edir ki, "xxxx" MMC ilə Cavabdeh arasında bağlanmış 16.12.2019-cu il tarixli, 25.07.2019-cu il tarixli, 02.10.2019-cu il tarixli, 03.12.2019-cu il tarixli alğı-satqı müqavilələri mahiyyət etibarilə əşyanın dəyərinin hissəhissə ödənilməsini nəzərdə tutan nisyə alğı-satqı müqavilələridir. Azərbaycan Respublikası Mülki Məcəlləsinin 601-ci maddəsinə əsasən, əşyanın nisyə alınması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmək şərti ilə malın nisyə satılması haqqında müqaviləyə bu Məcəllənin 600.2 və 600.5-ci maddələrində nəzərdə tutulan qaydalar tətbiq edilir. Həmin Məcəllənin 600.4-cü maddəsinə əsasən, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Həmin Məcəllənin 600.5-ci maddəsinə əsasən, müqavilədə alıcının satıcı tərəfindən əşyanın verildiyi gündən başlayaraq əşyanın qiymətinə uyğun məbləğdən faizlər ödəmək vəzifəsi nəzərdə tutula bilər. Həmin Məcəllənin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkətlər etməlidir, məsələn pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətlərdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə əsasən, öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 445.1-ci maddəsinə əsasən, icranı gecikdirmiş borclu gecikdirmə nəticəsində vurduğu zərər üçün kreditor qarşısında məsuliyyət daşıyır. Həmin Məcəllənin 445.2-ci maddəsinə əsasən, öhdəliyin onun icrası üçün müəyyənləşdirilmiş müddətdə icra edilməməsi və icra müddəti çatanadək kreditorun etdiyi xəbərdarlıqdan sonra da öhdəliyin icra edilməməsi borclunun icranı gecikdirməsi sayılır. Həmin Məcəllənin 448.1-ci maddəsinə əsasən, əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliyin icra edilmədiyi bütün hallar üçün cavabdehdir. Sadalanan hüquq normalarının tələblərinə əsasən məhkəmə hesab edir ki, cavabdeh iddiaçıdan müqavilə üzrə aldığı əşyanın dəyərini hissə-hissə ödəmək öhdəliyinin daşıyıcısı olmuş, lakin iddiaçı qarşısında pul öhdəliyini icra etməmişdir. Buna görə də, iddiaçı "xxxx" MMCnin əşyanın dəyərindən ödənilməmiş məbləği tələb etməsi əsaslıdır. Bundan əlavə, ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1 faizi həcmində mübahisəsiz olaraq penya ödəyir. Buna görə də, iddiaçı "xxxx" MMC-nin müddəti keçmiş məbləğin hər növbəti təqvim gününə penyanın tutulmasını tələb etməsi əsaslıdır. Məhkəmə iddianın dövlət rüsumunun tutulması ilə bağlı hissəsini araşdıraraq hesab edir ki, dövlət rüsumu ilə bağlı tələb də təmin olunmalıdır. Belə ki, Azərbaycan Respublikası MPM-in 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Ona görə də, məhkəmədə iddia qaldırılması ilə bağlı ödənilmiş 30 manat dövlət rüsumu Cavabdeh qızından tutularaq, iddiaçı "xxxx" MMC-yə ödənilməlidir. Beləliklə, məhkəmə iş üzrə təqdim edilmiş sübutları məcmu halında qiymətləndirərək və sadalanan hüquq normalarının tələblərini nəzərə alaraq hesab edir ki, iddia təmin edilməlidir. Azərbaycan Respublikası MPM-in 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Göstərilənləri nəzərə alaraq və Azərbaycan Respublikası MPM-in 216-480, 284-1 - 284-6, 360-cı maddələrini rəhbər tutaraq, məhkəmə Q Ə T E T D İ: İddia təmin edilsin. Cavabdeh 16.12.2019-cu tarixli müqaviləyə əsasən 210 manat ödənilməmiş hissə, 21 manat cərimə borcu, 25.07.2019-cu tarixli müqaviləyə əsasən 566 manat ödənilməmiş hissə, 56 manat cərimə borcu, 02.10.2019-cu tarixli müqaviləyə əsasən 207 manat ödənilməmiş hissə, 20 manat cərimə borcu, 03.12.2019-cu tarixli müqaviləyə əsasən 712 manat ödənilməmiş hissə, 71 manat cərimə borcu, ümumilikdə 1863 manat borc, 30 manat ödənilmiş dövlət rüsumu olmaqla, cəmi 1893 manat pul vəsaiti tutularaq, iddiaçı "xxxx" MMC-yə ödənilsin. Qətnamədən rəsmi qaydada verildiyi gündən 1 (bir) ay müddətində Bakı şəhəri Qaradağ Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Hakim:Kamran Əsədov