Bakı şəhəri Qaradağ Rayon Məhkəməsi Qərardad — İş №2(002)-1508/2022

Azərbaycan Respublikası adından QƏRARDAD Bakı şəhəri İş № 2(002)-1508/2022 25.05.2022 BAKI ŞƏHƏRİ QARADAĞ RAYON MƏHKƏMƏSİ Hakim Əsədov Kamran Bağır oğlunun sədrliyi, İmanov Tural Arif oğlunun katibliyi ilə, İddiaçı Cavabdeh qarşı alimentin miqdarının artırılması tələbinə dair iddia ərizəsi üzrə mülki işə Bakı şəhəri Qaradağ Rayon Məhkəməsinin binasında açıq məhkəmə iclasında baxaraq, M ü ə y y ə n e t d i: İddiaçı Cavabdeh qarşı iddia ərizəsi ilə məhkəməyə müraciət edərək, Qaradağ Rayon Məhkəməsinin 20.08.2020-ci il tarixli, 2(002)-1543/2020 saylı qətnaməsi ilə birgə nikahdan olan uşağı 01.11.2017-ci il təvəllüdlü X1 üçün cavabdehdən onun xeyrinə tutulmuş 170 manat sabit pul məbləğində alimentin miqdarının artırılaraq hər ay üçün yaşayış minimumu miqdarından az olmayan həddə, yəni 193 manat miqdarında tutulması barədə qətnamə qəbul edilməsini xahiş etmişdir. Məhkəmədə müəyyən olmuşdur ki, iddia ərizəsi İddiaçı tərəfindən imzlanmamışdır. Azərbaycan Respublikası MPM-in 259.0.3-cü maddəsinə əsasən işə ərizə imzalanmadıqda, yaxud buna səlahiyyəti olmayan şəxs və ya vəzifəsi göstərilməyən şəxs tərəfindən imzalandıqda məhkəmə ərizəni baxılmamış saxlayır. Göstərilənlərə əsasən və Azərbaycan Respublikası MPM-in 259.0.3-cü, 263-264-cü və 266-269-cu maddələrini rəhbər tutaraq məhkəmə, Q ə r a r a a l d ı: İddiaçı Cavabdeh qarşı alimentin miqdarının artırılması tələbinə dair iddia ərizəsi baxılmamış saxlanılsın. Qərardaddan rəsmi qaydada verildikdən sonra tərəflər 10 (on) gün müddətində işə baxan Bakı şəhəri Qaradağ Rayon Məhkəməsinə şikayət verə bilərlər. HAKİM: KAMRAN ƏSƏDOV