Bakı şəhəri Qaradağ Rayon Məhkəməsi Qərardad — İş №2(002)-1765/2020

Azərbaycan Respublikası adından QƏRARDAD Bakı şəhəri İş № 2(002)-1765/2020 29.07.2020 BAKI ŞƏHƏRİ QARADAĞ RAYON MƏHKƏMƏSİ Bakı şəhəri Qaradağ Rayon Məhkəməsinin hakimi Əsədov Kamran Bağır oğlu, İddiaçı cavabdeh Vaqif adlı şəxsə qarşı maddi ziyanın ödənilməsi tələbinə dair iddia ərizəsini və ona əlavə edilmiş sənədləri məhkəmənin inzibati binasında nəzərdən keçirərək, MÜƏYYƏN ETDİM: İddiaçı cavabdeh Vaqif adlı şəxsə qarşı maddi ziyanın ödənilməsi tələbinə dair iddia ərizəsi ilə Bakı şəhəri Qaradağ Rayon Məhkəməsinə müraciət etmişdir. Ərizəni və ona əlavə olunmuş sənədləri nəzərdən keçirərək hesab edirəm ki, aşağıdakı əsaslara görə iddia ərizəsi ona əlavə edilmiş sənədlərlə birlikdə geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 149.2, 149.2.2, 149.2.3, 150.0.1 və 150.0.2-ci maddələrinə əsasən ərizədə işdə iştirak edən şəxslərin adları, onların poçt ünvanları, cavabdehlərin və üçüncü şəxslərin sayına görə iddia ərizəsinin surətləri, habelə dövlət rüsumunun ödənilməsi haqqında sənəd əlavə edilməli, ərizədə iddiaçının tələbi, onların öz tələblərini əsaslandırdıqları hallar göstərilməlidir. Bu halda iddiaçının tələbi qeyri-müəyyəndir. Belə ki, iddiaçı iddia ərizəsində cavabdeh olaraq Vaqif adlı şəxsi göstərsə də, onun tam olaraq adını, habelə poçt ünvanını göstərməmiş, habelə cavabdehin sayına görə iddia ərizəsinin surətini, eləcə də, dövlət rüsumunun ödənilməsi haqqında sənədi ərizəyə əlavə etməmiş, bundan əlavə ərizədə iddiaçının tələbi, onun tələblərini əsaslandırdığı hallar göstərilməmişdir. Azərbaycan Respublikası Mülki Prosessual Məcəlləsinin 152.1 və 152.1.1-ci maddələrinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə olunmuş sənədləri geri qaytarır. Həmin Məcəllənin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh edilənlərə əsasən və Azərbaycan Respublikası Mülki Prosessual Məcəlləsinin 149, 152, 263-264, 266-267-ci maddələrini rəhbər tutaraq, QƏRARA ALDİM: İddiaçı cavabdeh Vaqif adlı şəxsə qarşı maddi ziyanın ödənilməsi tələbinə dair iddia ərizəsi geri qaytarılsın. İddiaçı izah edilsin ki, ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra tərəflər 10 (on) gün müddətində işə baxan Bakı şəhəri Qaradağ Rayon Məhkəməsinə şikayət verə bilərlər. Hakim: Kamran Əsədov