Bakı şəhəri Qaradağ Rayon Məhkəməsi Qərardad — İş №2(002)-1825/2021

Azərbaycan Respublikası adından QƏRARDAD Bakı şəhəri İş № 2(002)-1825/2021 25.05.2021 BAKI ŞƏHƏRİ QARADAĞ RAYON MƏHKƏMƏSİ Mən, Bakı şəhəri Qaradağ Rayon Məhkəməsinin hakimi Hüseynov Fuad Ələsgər oğlu, iddiaçı “xxxx” Kommersiya Bankı ASC-nin Cavabdeh qarşı kiçik iddialara dair işlər üzrə sadələşdirilmiş icraat qaydasında verdiyi ərizəsini və ona əlavə edilən sənədləri araşdıraraq, МÜƏYYƏN ЕТDİМ: İddiaçı “xxxx” Kommersiya Bankı ASC Cavabdeh qarşı kiçik iddialara dair işlər üzrə sadələşdirilmiş icraat qaydasında ərizə ilə məhkəməyə müraciət etmişdir. Məhkəmə, ərizəni və ona əlavə olunmuş sənədləri tədqiq edərkən müəyyən etmişdir ki, iddia ərizəsində cavabdehin poçt ünvanı dəqiq və düzgün göstərilməmişdir. Belə ki, AR DİN-in BPQMİnin MAPS şöbəsinin arayışına və müqavilədə qeyd olunan məlumatlara əsasən, Cavabdeh yaşayış yeri üzrə qeydiyyatda olduğu ünvan ünvan 1dür. İddia ərizəsində isə Cavabdeh poçt ünvanı kimi yalnız “Lökbatan qəsəbəsi, İ.Nəbiyev küçəsi” qeyd olunmuşdur. Belə olan halda, ərizəni qəbul etməkdən imtina barədə qərardad qəbul edilməli, iddiaçıya həmin tələb üzrə iddia icraatı qaydasında qanunamüvafiq qaydada tərtib edilmiş iddia ərizəsi ilə iddia vermək hüququ izah olunmalıdır. Belə ki, Azərbaycan Respublikasının MPM-nin 284-3.1-ci maddəsinə əsasən, ərizə məhkəməyə ümumi qaydada verilir. Həmin Məcəllənin 284-3.2.2-ci maddəsinə əsasən, ərizə ümumi qaydada verildikdə, iddiaçı və cavabdehin adları, onların poçt ünvanları göstərilməlidir. Azərbaycan Respublikasının MPM-nin 284-4.1.4-cü maddəsinə əsasən, ərizənin əsaslandığı tələbetmə hüququ barədə mübahisə vardırsa, məhkəmə kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul olunmasından imtina edir. Azərbaycan Respublikasının Mülki Prosessual Məcəlləsinin 284-4.3-cü maddəsinə əsasən, ərizənin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Qeyd olunanlara əsasən və Azərbaycan Respublikasının Mülki Prosessual Məcəlləsinin 284- 1 – 284-4-cü maddələrini rəhbər tutaraq, QƏRARA ALDİM: İddiaçı “xxxx” Kommersiya Bankı ASC-nin Cavabdeh qarşı kiçik iddialara dair işlər üzrə sadələşdirilmiş icraat qaydasında verdiyi ərizəsinin və ona əlavə edilən sənədlərin qəbul olunmasından imtina edilsin. İddiaçı “xxxx” Kommersiya Bankı ASC-yə izah edilsin ki, onun həmin tələb üzrə iddia icraatı qaydasında qanunamüvafiq qaydada tərtib edilmiş iddia ərizəsi vermək hüququ vardır. Qərardaddan şikayət verilə bilməz. Hakim : Fuad Hüseynov