Bakı şəhəri Qaradağ Rayon Məhkəməsi Qətnamə — İş №2(002)-2098/2020

Azərbaycan Respublikası adından QƏTNAMƏ Bakı şəhəri İş № 2(002)-2098/2020 21.10.2020 BAKI ŞƏHƏRİ QARADAĞ RAYON MƏHKƏMƏSİ Hakim Hüseynov Fuad Ələsgər oğlunun sədrliyi, Əsədov Cavid Həbib oğlunun katibliyi, iddiaçı Ləğv prosesində olan “xxxxxxx” Açıq Səhmdar Cəmiyyətinin X1 Fondunun etibarnamə üzrə səlahiyyətli nümayəndəsi X2 iştirakı ilə, iddiaçı Ləğv prosesində olan “xxxxxxx” Açıq Səhmdar Cəmiyyətinin X1 Fondunun Cavabdeh qarşıkredit müqaviləsi üzrə yaranmış borcun ödənilməsi tələbinə dair iddiası üzrə mülki işə Bakı şəhəri Qaradağ Rayon Məhkəməsinin binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı Ləğv prosesində olan “xxxxxxx” Açıq Səhmdar Cəmiyyətinin X1 Fondu Cavabdeh qarşıkredit müqaviləsi üzrə yaranmış borcun ödənilməsi tələbinə dair iddia ərizəsi ilə Bakı şəhəri Qaradağ Rayon Məhkəməsinə müraciət edərək, Cavabdeh “xxxxxxx” Açıq Səhmdar Cəmiyyətinin xeyrinə 3254,84 manat məbləğində əsas, 945,37 manat məbləğində faiz, 673,34 manat məbləğində cərimə olmaqla, cəmi 4873,95 manat məbləğində borcun, həmçinin iddia ərizəsi üçün ödənilmiş 30 manat dövlət rüsumunun və 0,40 manat bank xidməti haqqının Ləğv prosesində olan “xxxxxxx” Açıq Səhmdar Cəmiyyətinin xeyrinə tutulması barədə qətnamə qəbul edilməsini xahiş etmişdir. Məhkəmə baxışı zamanı iddiaçı Ləğv prosesində olan “xxxxxxx” Açıq Səhmdar Cəmiyyətinin X1 Fondunun etibarnamə üzrə səlahiyyətli nümayəndəsi X3 izahat verərək bildirdi ki, “xxxxxxx” Açıq Səhmdar Cəmiyyəti ilə Cavabdeh arasında bağlanmış xx xxxx 2016-cı il tarixli 104.LN.1010.140616.00004 saylı kredit müqaviləsinə əsasən “xxxxxxx” ASC tərəfindən Cavabdeh illik 17 faizlə 24 ay müddətinə 9085 manat məbləğində kredit verilmişdir. xx.xx.2017ci il tarixli 2 saylı razılaşmaya əsasən kreditorla borcalan arasında bağlanmış xx.xx.2016-cı il tarixli, 104.LN.1010.140616.00004 saylı kredit müqaviləsinə uyğun ayrılmış kredit (kredit xətti) kreditor tərəfindən restrukturizasiya edilmiş və buna müvafiq olaraq borcalana verilmiş kreditin (ayrılmış kredit xəttinin) məbləği 6704,12 manat təşkil etmişdir. Lakin cavabdeh müqavilə şərtlərini pozaraq, kredit müqaviləsi üzrə yaranmış borcun ödənilməsi öhdəliyini vaxtında və lazımınca icra etməmişdir. xx xxxxxx 2019-cu il tarixə Cavabdeh banka 3254,84 manat əsas, 945,37 manat faiz və 673,74 manat cərimə olmaqla, cəmi 4873,95 manat borcu vardır. Cavabdeh qeyd olunan müqavilə üzrə öhdəliklərini vaxtında və lazımi qaydada icra etmədiyinə görə iddiaçı təşkilat iddia tələbi ilə məhkəməyə müraciət etmişdir. Hazırda o, məhkəmədən iddia tələbinin təmin edilməsini xahiş edir. Cavabdeh məhkəmə iclaslarının vaxtı və yeri barədə qanunvericiliklə müəyyən edilmiş qaydada xəbərdar edilməsinə baxmayaraq, məhkəmə iclaslarına gəlməmiş və səbəbləri barədə məhkəməyə məlumat verməmişdir. Məhkəmə, Azərbaycan Respublikasının MPM-nin 185.5-ci maddəsinin tələblərinə istinad edərək, mülki işə onun iştirakı olmadan baxılmasını mümkün hesab edir. Məhkəmə, iddiaçı təşkilatın nümayəndəsinin izahatını dinləyib, təqdim edilmiş sübutları tədqiq edərək belə qənaətə gəlir ki, iddia tələbi aşağıda göstərilən əsaslara görə qismən əsaslı hesab olunaraq qismən təmin edilməlidir. Belə ki, iş materiallarında olan xx xxxx 2016-cı il tarixli 104.LN.1010.140616.00004 saylı kredit müqaviləsindən və ödəniş cədvəlindən görünür ki, “xxxxxxx” Açıq Səhmdar Cəmiyyəti ilə Cavabdeh arasında bağlanmış həmin kredit müqaviləsinə əsasən Cavabdeh illik faiz dərəcəsi 17 % olmaqla 24 ay müddətinə 9085 manat məbləğində kredit verilmişdir. İş materiallarında olan 104.LN.1010.140616.00004 saylı kredit müqaviləsinə 2 saylı razılaşmadan görünür ki, tərəflər arasında kredit restrukturizasiya olunmuş, kreditin məbləği 6704,12 manat müəyyən edilmişdir. İş materiallarında olan xx.xx.2019-cu il tarixli, 05/467 saylı maliyyə arayışından görünür ki, Cavabdeh kredit müqaviləsi üzrə banka 3254,84 manat məbləğində əsas borcu, 945,37 manat məbləğində faiz borcu və 673,74 manat məbləğində cərimə olmaqla, cəmi 4873,95 manat məbləğində borcu vardır. Məhkəmə iş üzrə sübutlara məcmu halında hüquqi qiymət verərək müəyyən edir ki, iddia qismən əsaslı olduğundan qismən təmin olunmalıdır. Belə ki, Azərbaycan Respublikasının Mülki Məcəlləsinin 385.1-ci maddəsinə əsasən, öhdəliyə əsasən bir şəxs (kredit müqaviləsi üzrə yaranmış borcun ödənilməsilu) başqa şəxsin (kreditorun) xeyrinə müəyyən hərəkətlər etməlidir, məsələn pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətlərdən çəkinməlidir, kreditorun isə kredit müqaviləsi üzrə yaranmış borcun ödənilməsiludan vəzifəsinin icrasını tələb etmək hüququ vardır. Həmin Məcəllənin 739.1-ci maddəsinə əsasən, kredit müqaviləsi üzrə yaranmış borcun ödənilməsi müqaviləsinə görə iştirakçılardan biri (kredit müqaviləsi üzrə yaranmış borcun ödənilməsi verən) pula və ya digər əvəz edilən əşyalara mülkiyyət hüququnu digər iştirakçıya (kredit müqaviləsi üzrə yaranmış borcun ödənilməsi alana) keçirməyi öhdəsinə götürür, digər iştirakçı (kredit müqaviləsi üzrə yaranmış borcun ödənilməsi alan) isə aldıqlarını müvafiq olaraq pul və ya eyni keyfiyyətdə və miqdarda eyni növlü əşyalar şəklində kredit müqaviləsi üzrə yaranmış borcun ödənilməsi verənə qaytarmağı öhdəsinə götürür. Həmin Məcəllənin 739.2-ci maddəsinə əsasən, kredit müqaviləsi üzrə yaranmış borcun ödənilməsi müqaviləsinin predmeti hər hansı pul məbləği olduqda, o kredit müqaviləsi adlandırılır. Həmin Məcəllənin 442-ci maddəsinə əsasən, öhdəliyin icra edilməməsi dedikdə, onun pozulması və ya lazımınca icra edilməməsi başa düşülür (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 448.1ci maddəsinə əsasən, əgər bu Məcəllə ilə və müqavilə ilə ayrı qayda müəyyənləşdirilməyibsə, kredit müqaviləsi üzrə yaranmış borcun ödənilməsilu onun risk dairəsinə daxil olan öhdəliyin icra edilmədiyi bütün hallar üçün cavabdehdir. Həmin Məcəllənin 462.1-ci maddəsinə əsasən, dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən, icranın gecikdirildiyi halda kredit müqaviləsi üzrə yaranmış borcun ödənilməsilunun kreditora ödəməli olduğu pul məbləğidir. Sadalanan hüquq normalarının tələblərinə əsasən məhkəmə müəyyən edir ki, cavabdeh borclu iddiaçı təşkilatdan aldığı kredit üzrə əsas borcu və faiz borcunu iddiaçıya qaytarmalı olmasına dair öhdəliklərin daşıyıcısı olmuşdur. Lakin cavabdeh borclu müqavilə öhdəliklərini icra etməyərək, iddiaçı təşkilat qarşısında həmin pul öhdəliyini yerinə yetirməmişdir. Buna görə də iddiaçı təşkilatın qeyd olunan müqavilə üzrə əsas borc və faiz borcu ilə bağlı tələbləri tam əsaslıdır. Bununla yanaşı, məhkəmə hesab edir ki, iddia tələbi cərimə hissəsində qismən əsassızdır. Belə ki, müqavilədə cərimənin hesablanması qaydası yüksək həddə müəyyən edilmiş və cavabdehin maddi vəziyyəti nəzərə alınmamışdır. Azərbaycan Respublikasının Mülki Məcəlləsinin 467-ci maddəsinə əsasən, məhkəmə işin hallarını nəzərə alaraq tənasübsüz surətdə müəyyən edilmiş yüksək dəbbə pulunu azalda bilər. Azərbaycan Respublikasının Mülki Məcəlləsinin 5.3-cü maddəsinə əsasən, mülki hüquq münasibətlərinin subyektləri öz hüquq və vəzifələrini vicdanla həyata keçirməyə borcludurlar. Odur ki, məhkəmə borclunun və kreditorun əmlak mənafelərini, ümumi borc məbləğini, iddia tələbinin müqavilə müddəti başa çatdıqdan xeyli sonra irəli sürülməklə cərimənin həddən artıq artırılmasına şərait yaradıldığını nəzərə alaraq, mövcud müqavilə üzrə cərimə tələbinin azaldılmasını və 300 manat həddində təmin olunmasını ağlabatan və ədalətli hesab edir. Məhkəmə iddianın dövlət rüsumunun və bank xidməti haqqının tutulması ilə bağlı hissəsini araşdıraraq hesab edir ki, həmin tələb təmin olunmalıdır. Belə ki, Azərbaycan Respublikasının MPM-nin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Beləliklə, məhkəmə iş üzrə təqdim edilmiş sübutları məcmu halında qiymətləndirərək və sadalanan hüquq normalarının tələblərini nəzərə alaraq hesab edir ki, iddia qismən əsaslı olduğundan qismən təmin edilməlidir. Azərbaycan Respublikasının MPM-nin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 78.1-ci maddəsinə əsasən, sübutlar işdə iştirak edən şəxslər tərəfindən birinci instansiya məhkəməsinə təqdim edilir. Həmin Məcəllənin 217.4-cü maddəsinə əsasən, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Yuxarıda göstərilənləri nəzərə alaraq və Azərbaycan Respublikasının MPM-nin 216-220-ci, 360-cı maddələrini rəhbər tutaraq, məhkəmə QƏT ETDİ: İddia qismən təmin edilsin. Cavabdeh 3254,84 manat məbləğində əsas borc, 945,37 manat məbləğində faiz borcu və 300 manat məbləğində cərimə olmaqla, cəmi 4500,21 manat (dörd min beş yüz manat iyirmi bir qəpik) məbləğində borc pul vəsaiti və 30 (otuz) manat dövlət rüsumu, 0,40 manat bank xidməti haqqı tutularaq Ləğv prosesində olan “xxxxxxx” Açıq Səhmdar Cəmiyyətinin xeyrinə ödənilsin. İddia qalan hissədə təmin edilməsin. Qətnamədən rəsmi qaydada verildiyi gündən 1 (bir) ay müddətində Bakı şəhəri Qaradağ Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Sədrlik edən : Fuad Hüseynov