Bakı şəhəri Qaradağ Rayon Məhkəməsi Qərardad — İş №2(002)-2795/2020

Azərbaycan Respublikası adından QƏRARDAD Bakı şəhəri İş № 2(002)-2795/2020 26.11.2020 BAKI ŞƏHƏRİ QARADAĞ RAYON MƏHKƏMƏSİ Hakim Əhmədova Gülnar İnqilab qızı, İddiaçı Cavabdeh qarşı «borcun geri qaytarılması» tələbinə dair iddia ərizəsini və ona əlavə olunmuş sənədləri nəzərdən keçirərək, məhkəmə MÜƏYYƏN ETDİ: İddiaçı Cavabdeh qarşı «borcun geri qaytarılması» tələbinə dair iddia ərizəsi ilə məhkəməyə müraciət edərək, Cavabdeh 9740 manat pulun və ödənilmiş 30 manat dövlət rüsumunun alınıb ona verilməsi barədə qətnamə qəbul edilməsini xahiş etmişdir. İddia ərizəsini və ona əlavə edilmiş sənədləri nəzərdən keçirib məhkəmə hesab edir ki, iddia ərizəsi geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 152.1.1-ci maddəsinə əsasən, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə iddia ərizəsini və ona əlavə edilmiş sənədləri geri qaytarılır. Həmin Məcəllənin 149.2-ci, 149.2.2-ci maddələrinə əsasən işdə iştirak edən şəxslərin adları, onların poçt ünvanları ərizədə göstərilməlidir. Həmin Məcəllənin 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir İddia ərizəsi və əna əlavə edilmiş sənədlərdən görünür ki, iddiaçı tərəfindən mülki prosesussal qanunvericiliklə müəyyən olunmuş iddia ərizəsinin forma və məzmuna dair tələblərinə riayət olunmamışdır. Belə ki, iddiaçı iddia ərizəsində cavabdehin adı və ünvanı qeyd etsə də, cavabdehin rəsmi qeydiyyatda olduğu ünvanı təsdiq edən zəruri sənədi iş materiallarına əlavə etməmişdir.Həmçinin, AZEMİS X1 müvafiq axtarış tədbirləri həyata keçirilsə də, cavabdehin rəsmi qeydiyyatda olduğu ünvan barəsində hər hansı məlumat aşkar eidlməmişdir. Bu halda, məhkəmə hesab edir ki, iddia ərizəsinin məhkəmədə baxılmasının mümkünlüyü baxımından mülki prosessual qanunvericiliyin tələbinə əsasən cavabdehin rəsmi qeydə alındığı yerin ərazi aiddiyyətinə görə məhz Qaradağ rayon Məhkəməsinin yurisdiksiyasına aid olduğunu müəyyən etmək mümkün olmamışdır. Ona görə də, məhkəmə hesab edir ki, iddia ərizəsi ona əlavə edilmiş sənədlərlə birlikdə iddiaçıya geri qaytarılmalıdır. Azərbaycan Respublikası Mülki Prosessual Məcəlləsinin 152.2.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Beləliklə, qeyd olunan halları əsas götürərək, məhkəmə hesab edir ki, mülki prosessual qanunvericiliyin tələblərinə əsasən hazırki iş üzrə iddia ərizəsi və ona əlavə edilmiş sənədlərdə cavabdehin rəsmi qeydə alındığı yerə dair məlumatı təsdiq edən müvafiq sənəd olmadığından və X1 bu barədə məlumat aşkar olunmadığından, buna əsasən hazırki iş üzrə ərazi aidiyyətini müəyyən etmək mümkün olmadığından İddiaçı Cavabdeh qarşı «borcun geri qaytarılması» tələbinə dair iddia ərizəsi ona əlavə edilmiş sənədlərlə birlikdə iddiaçıya geri qaytarılmalı, həmçinin, iddiaçıya iddia ərizəsinin geri qaytarılmasına əsas olan nöqsanlar aradan qaldırıldıqdan sonra yenidən məhkəməyə müraciət etmək hüququna malik olması izah edilməlidir. Şərh olunanlara əsasən və Azərbaycan Respublikasının Mülki Prosessual Məcəlləsinin 149, 150, 152.1.5, 152.2 və 152.4-cü maddələrini rəhbər tutaraq, məhkəmə QƏRARA ALDİ: İddiaçı Cavabdeh qarşı «borcun geri qaytarılması» tələbinə dair iddia ərizəsi və ona əlavə olunmuş sənədlər geri qaytarılsın. İddiaçıya izah edilsin ki, iddia ərizəsinin geri qaytarılmasına əsas olan nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət edə bilər. Qərardaddan, qərardad tərəfə rəsmi qaydada verildikdən sonra 10 gün müddətində Bakı şəhəri Qaradağ Rayon Məhkəməsinə şikayət verilə bilər. Hakim: Gülnar Əhmədova