Bakı şəhəri Qaradağ Rayon Məhkəməsi Qərardad — İş №2(002)-2844/2023

Azərbaycan Respublikası adından QƏRARDAD Bakı şəhəri İş № 2(002)-2844/2023 22.08.2023 BAKI ŞƏHƏRİ QARADAĞ RAYON MƏHKƏMƏSİ Hakim Aslanova Gülnar Faiq qızının sədrliyi ilə, İddiaçı Cavabdehnə qarşı zərərli iş şəraitinə görə əmək haqqında əlavə ödənilən 4% məbləğin xx.xx.2016-xx.xx.2023-cü illər ərzində ödənilməsi tələbinə dair iddia ərizəsinin məhkəmə icraatının mümkünlüyünü nəzərdən keçirərək məhkəmə MÜƏYYƏN ETDİ: İddiaçı Cavabdehnə qarşı Bakı şəhər Qaradağ Rayon Məhkəməsinə iddia ərizəsi ilə müraciət edərək, X1 Təmir-Tikinti İdarəsinin 1 saylı Təmir Quraşdırma Sahəsində yerinə yetirdiyi X2raşdırılması (XBKQ-sı) peşəsi Azərbaycan Respublikası Nazirlər Kabinetinin qərarı ilə zərərli iş olduğundan verilmiş 4% əlavə ödənişin xx.xx.2016xx.xx.2023-cü illər üçün hesablanıb aldığı aylıq əmək haqqına əlavə olunması barədə qətnamə qəbul edilməsini xahiş etmişdir. Məhkəmə aşağıda göstərilənlərə əsasən hesab edir ki, iddia ərizəsi məhkəmə tərəfindən icraata götürülərək baxıla bilməz və ərizə ona əlavə olunmuş sənədlərlə birlikdə geri qaytarılmalıdır. Azərbaycan Respublikası Mülki Prosessual Məcəlləsinin 4.6-cı maddəsinə əsasən, kommersiya mübahisələri, həmçinin ailə və əmək münasibətlərindən irəli gələn mübahisələr üzrə məhkəməyə müraciət etməmişdən əvvəl “Mediasiya haqqında” Azərbaycan Respublikasının Qanunu ilə müəyyən edilmiş qaydada ilkin mediasiya sessiyasında iştirak tələb olunur. “Mediasiya haqqında” Azərbaycan Respublikası Qanunun 28.1-ci maddəsinə əsasən kommersiya mübahisələri, həmçinin ailə və əmək mübahisələrindən irəli gələn mübahisələr üzrə məhkəməyə müraciət etməmişdən əvvəl tərəflər ilkin mediasiya sessiyasında iştirak etməlidirlər. Azərbaycan Respublikası Mülki Prosessual Məcəlləsinin 149.2.4-1-ci maddəsinə əsasən, ərizədə “Mediasiya haqqında” Azərbaycan Respublikasının Qanununa uyğun olaraq tərəflərin məhkəməyə müraciət etməzdən əvvəl mediasiya prosesində iştirakı tələb olunduğu halda həmin tələbə riayət edilməsinə dair məlumat göstərilməlidir; 150.0.8-ci maddəsinə əsasən “Mediasiya haqqında” Azərbaycan Respublikasının Qanununa uyğun olaraq tərəflərin məhkəməyə müraciət etməzdən əvvəl mediasiya prosesində iştirakı tələb olunduğu halda həmin tələbə riayət edilməsini təsdiq edən sənəd iddia ərizəsinə əlavə edilməlidir. Həmin Məcəllənin 152.1.6-1-ci maddəsinə əsasən “Mediasiya haqqında” Azərbaycan Respublikasının Qanununa uyğun olaraq tərəflərin məhkəməyə müraciət etməzdən əvvəl mediasiya prosesində iştirakı tələb olunduğu halda həmin tələbə riayət edilməsini təsdiq edən sənəd təqdim edilmədikdə iddia ərizəsi və ona əlavə olunmuş sənədlər geri qaytarılır. Həmin Məcəllənin 151.1-ci maddəsinə əsasən, iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Məhkəmə qeyd edir ki, iddiaçı məcburi köçkün olması ilə bağlı sənəd əlavə edərək dövlət rüsumu ödəməkdən azad edildiyindən hazırkı ərizə geri qaytarılarkən Mülki Prosessual Məcəllənin 114.1.3-cü maddəsinə əsasən, dövlət rüsumunun geri qaytarılması məsələsinin həlli zərurəti aradan qalxmışdır. Göstərilənlərə əsasən məhkəmə hesab edir ki, hazırkı işdə tərəflərin məhkəməyə müraciət etməzdən əvvəl mediasiya prosesində iştirakı tələb olunduğu halda, qanunun bu tələbinə riayət edilmədiyi üçün iddia ərizəsi iddiaçıya geri qaytarılmalıdır. Məhkəmə qeyd edir ki, Azərbaycan Respublikası Mülki Prosessual Məcəlləsinin 152.4-ci maddəsinin tələbinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh edilənlərə əsasən və Azərbaycan Respublikası Mülki Prosessual Məcəlləsinin 4.6, 149, 152, 263-264, 266-267-ci maddələrini rəhbər tutaraq QƏRARA ALDİ: İddiaçı Cavabdehnə qarşı zərərli iş şəraitinə görə əmək haqqında əlavə ödənilən 4% əlavə ödənişin xx.xx.2016-xx.xx.2023-cü illər ərzində ödənilməsi tələbinə dair iddia ərizəsi geri qaytarılsın. İddiaçıya izah edilsin ki, ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə maaane olmur. Qərardaddan rəsmi qaydada verildikdən sonra tərəflər 10 (on) gün müddətində elektron kabinet vasitəsilə Bakı şəhəri Qaradağ Rayon Məhkəməsinə şikayət verə bilərlər. Sədrlik edən Gülnar Aslanova