Bakı Şəhəri Xəzər Rayon Məhkəməsi Qərardad — İş №2(003)-2171/2020

Azərbaycan Respublikası adından QƏRARDAD Bakı şəhəri İş № 2(003)-2171/2020 20.07.2020 BAKI ŞƏHƏRİ XƏZƏR RAYON MƏHKƏMƏSİ Bakı şəhəri Xəzər Rayon Məhkəməsinin hakimi Tağıyev Zaur Müzəffər oğlu, iddiaçı x3 Təşkilatı İddiaçı cavabdehlər Cavabdeh1 və Cavabdeh2 qarşı sadələşdirilmiş icraat qaydasında kredit müqaviləsi üzrə borcun tutulması tələbinə dair iddia ərizəsini və ona əlavə edilmiş sənədləri nəzərdən keçirərək, müəyyən etdi: İddiaçı x3 Təşkilatı İddiaçı sadələşdirilmiş icraat qaydasında iddia ərizəsi ilə məhkəməyə müraciət edərək, cavabdehlər Cavabdeh1 və Cavabdeh2 müştərək qaydada «14» fevral 2018-ci il tarixli, LD********** saylı kredit müqaviləsinə əsasən əsas borc üzrə 134,46 (yüz otuz dörd manat, 46 qəpik ) manat, «14» avqust 2019-cu il il tarixə qədər hesablanmış faiz borcu üzrə 0.00 (sıfır) manat, cərimə üzrə 13,45 (on üç 45 qəpik) manat olmaqla ümumilikdə 147,91 (yüz qırx yeddi manat, 91 qəpik) manat və dövlət rüsümu kimi ödənilmiş 20 manat pul vəsaitinin x3 Təşkilatı “xxxxxxxx” MMC-nin xeyrinə tutulması barədə qətnamə qəbul edilməsini xahiş etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsinin qəbulundan imtina edilməlidir. Belə ki, Azərbaycan Respublikası Mülki Prosessual Məcəlləsinin 152.1.6-cı maddəsinə əsasən müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədikdə iddia ərizəsi geri qaytarılır. İş materiallarında olan tərəflar arasında bağlanmış «14» fevral 2018-ci il tarixli, LD********** saylı kredit və zaminlik müqavilələrindən görünür ki, bu müqavilə üzrə yaranan mübahisələr qarşılıqlı anlaşma yolu ilə həllini tapmadıqda, tərəflər məhkəməyə müraciət edə bilərlər. İş materiallarından isə görünür ki, iddiaçı qeyd olunan qanunvericiliyin tələblərinə riayət etməməklə cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etməmişdir. Azərbaycan Respublikası Mülki Prosessual Məcəlləsinin analogiya üzrə tətbiqinin mümkünlüyünü nəzərə alaraq hesab edir ki, iddia ərizəsinin qəbulundan imtina edilməlidir. Belə ki, Mülki Prosessual qanunvericiliyin tələblərinə əsasən iddia ərizəsi verilərkən Azərbaycan Respublikası Mülki Prosessual Məcəlləsinin tələblərinə riayət edilmədiyi üçün onun məhkəmə icraatı qeyri-mümkündür. Göstərilənlərə əsasən məhkəmə hesab edir ki, iddia ərizəsi Azərbaycan Respublikası MPM-nin müəyyən edilmiş tələblərə riayət etməklə məhkəməyə verilmədiyindən iddiaçının ərizəsinin qəbulundan imtina olunmalıdır. Azərbaycan Respublikası Mülki Prosessual Məcəlləsinin 284-4.2-ci maddəsinə əsasən bu Məcəllənin 284-4.1-ci maddəsində nəzərdə tutulmuş hallarda məhkəmə ərizənin daxil olduğu gündən 5 (beş) iş günü müddətində onun qəbul edilməsindən imtina haqqında əsaslandırılmış qərardad çıxarır. Məhkəmə bu müddət ərzində ərizəni qəbul etməkdən imtina etməyibsə, o, qəbul edilmiş sayılır. Ərizəni qəbul etməkdən imtina barədə qərardaddan şikayət verilə bilməz. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 279, 263-264 və 266-268-ci maddələrini rəhbər tutaraq məhkəmə qərara aldı: İddiaçı x3 Təşkilatı İddiaçı cavabdehlər Cavabdeh1 və Cavabdeh2 müştərək qaydada «14» fevral 2018-ci il tarixli, LD********** saylı kredit müqaviləsinə əsasən əsas borc üzrə 134,46 (yüz otuz dörd manat, 46 qəpik ) manat, «14» avqust 2019-cu il il tarixə qədər hesablanmış faiz borcu üzrə 0.00 (sıfır) manat, cərimə üzrə 13,45 (on üç 45 qəpik) manat olmaqla ümumilikdə 147,91 (yüz qırx yeddi manat, 91 qəpik) manat və dövlət rüsümu kimi ödənilmiş 20 manat pul vəsaitinin x3 Təşkilatı “xxxxxxxx” MMC-nin xeyrinə tutulması tələbinə dair iddia ərizəsinin qəbulundan imtina olunsun. Qərardaddan şikayət verilə bilməz. Sədrlik edən Zaur Tağıyev