Bakı Şəhəri Xəzər Rayon Məhkəməsi Qərardad — İş №2(003)-2290/2021

Azərbaycan Respublikası adından QƏRARDAD Bakı şəhəri İş № 2(003)-2290/2021 23.06.2021 BAKI ŞƏHƏRİ XƏZƏR RAYON MƏHKƏMƏSİ Hakim Tağıyev Zaur Müzəffər oğlunun sədrliyi, Eyvazlı Məhəmməd Asəf oğlunun katibliyi ilə İddiaçı Cavabdeh qarşı dəymiş ziyanın ödənilməsi barədə iddiası üzrə mülki işə məhkəmənin inzibati binasında açıq məhkəmə iclasında baxaraq müəyyən etdi: İddiaçı Cavabdeh qarşı vurulmuş maddi ziyanın ödənilməsi tələbinə dair iddia ərizəsi ilə məhkəməyə müraciət edərək, Cavabdeh dəymiş maddi ziyana görə 2780 manat pul və ödənilmiş dövlət rüsumuna görə 30 manat olmaqla, cəmi 2810 (iki min səkkiz yüz on) manat pulun tutularaq iddiaçının hesabına ödənilməsi barədə qətnamə qəbul olunmasını xahiş etmişdir. Bakı şəhəri Xəzər Rayon Məhkəməsinin 07.09.2020-ci il tarixli 2(003)-1583/2020 saylı qiyabi qətnaməsi ilə Cavabdeh dəymiş maddi ziyana görə 2780 manat pul və ödənilmiş dövlət rüsumuna görə 30 manat olmaqla, cəmi 2810 (iki min səkkiz yüz on) manat alınaraq İddiaçı ödənilməsi qət edilmişdir. Sonradan Cavabdeh ərizə ilə məhkəməyə müraciət edərək, Bakı şəhəri Xəzər Rayon Məhkəməsinin 07.09.2020-ci il tarixli 2(003)-1583/2020 saylı qiyabi qətnaməsinin ləğv edilməsini xahiş etmişdir. Bakı şəhəri Xəzər Rayon Məhkəməsinin 30.04.2021-ci il tarixli 2(003)-1583/2020 saylı qərardadı ilə ərizə təmin edilərək, Bakı şəhəri Xəzər Rayon Məhkəməsinin 07.09.2020-ci il tarixli 2(003)-1583/2020 saylı qiyabi qətnaməsi ləğv edilmişdir. Məhkəmə iclaslarının 18.05.2021-ci il, 03.06.2021-ci il tarixə və 23.06.2021-ci il tarixə təyin edilmiş məhkəmə iclasının vaxtı və yeri haqqında tərəflərə lazımi qaydada məlumat verilməsinə baxmayaraq, tərəflər məhkəmə iclasına gəlməmişlər və gəlməmələrinin səbəbi barədə məhkəməyə məlumat daxil olmamış, işə isə onların iştirakı olmadan baxılmasını xahiş etməmişlər. Azərbaycan Respublikası Mülki Prossesual Məcəlləsinin 259.0.6-cı maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə ərizə baxılmamış saxlanır. Göstərilən qanunvericilik aktı normasına əsasən məhkəmə hesab edir ki, tərəflər göstərilən tarixdə məhkəməyə gəlmədiklərindən, işə onların iştirakı olmadan baxılmasını məhkəmədən xahiş etmədiklərindən, iddia ərizələri baxılmamış saxlanmalıdır. Məhkəmə həmçinin qeyd edir ki, Azərbaycan Respublikası Mülki Prossesual Məcəlləsinin 260.0.4-cü maddəsinə əsasən iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Qeyd olunanlara əsaslanaraq və Azərbaycan Respublikası Mülki Prossesual Məcəlləsinin 259, 263-264 və 266-268-ci maddələrini rəhbər tutaraq, məhkəmə qərara aldı: İddiaçı Cavabdeh qarşı Cavabdeh dəymiş maddi ziyana görə 2780 manat pul və ödənilmiş dövlət rüsumuna görə 30 manat olmaqla, cəmi 2810 (iki min səkkiz yüz on) manat pulun tutularaq iddiaçının hesabına ödənilməsi barədə iddia ərizəsi baxılmamış saxlansın. Qərardaddan 10 (on) gün müddətində Bakı şəhəri Xəzər Rayon Məhkəməsinə şikayət verilə bilər. Sədrlik edən Zaur Tağıyev