Bakı Şəhəri Xəzər Rayon Məhkəməsi Qətnamə — İş №2(003)-612/2021

Azərbaycan Respublikası adından QƏTNAMƏ Bakı şəhəri İş № 2(003)-612/2021 31.03.2021 BAKI ŞƏHƏRİ XƏZƏR RAYON MƏHKƏMƏSİ Hakim Tağıyev Zaur Müzəffər oğlunun sədrliyi, Eyvazlı Məhəmməd Asəf oğlunun katibliyi, İddiaçı Açıq Səhmdar Cəmiyyətinin nümayəndəsi X1 iştirakı ilə, İddiaçı Açıq Səhmdar Cəmiyyətinin Cavabdeh qarşı kredit müqaviləsinin ləğvi və borcun tutulması tələbinə dair iddiası üzrə mülki işə məhkəmənin inzibati binasında, açıq məhkəmə iclasında baxaraq, müəyyən etdi: İddiaçı Açıq Səhmdar Cəmiyyəti Cavabdeh qarşı borcun tutulması tələbinə dair iddia ərizəsi ilə məhkəməyə müraciət edərək, Cavabdeh 11 yanvar 2019-cu il tarixli kredit müqaviləsi üzrə 317,99 manat məbləğində əsas, 81,05 manat məbləğində faiz borcu, 46,30 manat cərimə borcu, 28 yanvar 2019-cu il tarixli kredit müqaviləsi üzrə 371,45 manat məbləğində əsas, 94,61 manat məbləğində faiz borcu, 51,37 manat cərimə borcu və 30 (otuz) manat dövlət rüsumunun İddiaçı Açıq Səhmdar Cəmiyyətinin tutulması və "xxxx" İKB ASC ilə Cavabdeh arasında bağlanmış 11.01.2019-cu il tarixli və 28.01.2019-cu il tarixli kredit müqavilələrinin ləğv edilməsi barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, Cavabdeh 31 yanvar 2019-ci il tarixli kredit müqaviləsinə əsasən “FİNtrend” Bank olmayan Kredit təşkilatından illik 35 faizlə 24 ay müddətinə kart vasitəsilə 730 manat , 28 yanvar 2019-ci il tarixli kredit müqaviləsinə əsasən “FİNtrend” Bank olmayan Kredit təşkilatından illik 35 faizlə 24 ay müddətinə kart vasitəsilə 795 manat kredit verilmişdir. “FİNtrend” Bank olmayan Kredit təşkilatı ilə "xxxx" İKB ASC arasında bağlanmış tələbetmə hüququnun güzəşt olunmasına dair 460 Ne-li 10 may 2018-ci il tarixli 004 No-li müqaviləyə 16 yanvar 2019-ci il tarixli və 477 Ne-li 10 may 2018-ci il tarixli 004 Ne-li müqaviləyə 31 yanvar 2019-ci il tarixli hüquqların ötürülməsi barədə sazişə əsasən Cavabdeh ilə “FİNtrend” Bank olmayan Kredit təşkilatı arasında bağlanmış kredit müqaviləsi üzrə borcun tələb etmək hüququ "xxxx" İKB ASC-yə ötürülmüşdür. Lakin borclu müqavilənin şərtlərini pozaraq, borc öhdəliyini icra etməkdən boyun qaçırır. 2020-ci il oktyabrın 05-dək Cavabdeh banka 11 yanvar 2019-ci il tarixli kredit müqaviləsi üzrə 317.99 AZN əsas borc, 81.05 AZN faiz borcu və 46.3 AZN cərimə borcu olmaqla ümumilikdə cəmi 445.34 AZN, 28 yanvar 2019-ci il tarixli kredit müqaviləsi üzrə 371.45 AZN əsas borc, 94.61 AZN faiz borcu və 51.37 AZN cərimə borcu olmaqla ümunilikdə cəmi 517.43 AZN borcu vardır. Xəbərdarlıq edilməsinə baxmayaraq cavabdeh borcu ödəməkdən boyun qaçırır. Məhkəmə iclasında iddiaçının nümayəndəsi iddia tələbini müdafiə edərək onun təmin olunması barədə qətnamə qəbul olunmasını xahiş etdi və iddia ərizəsinin məzmunua uyğun izahat verdi. Cavabdehə məhkəmə iclasının vaxtı və yeri barədə lazımi qaydada məlumat verilməsinə baxmayaraq məhkəmə iclasında iştirak etməmişdir. Məhkəmə, Azərbaycan Respublikası MPM-in 185.5-ci maddəsinə əsasən işə onun iştirakı olmadan baxılmasını mümkün hesab etmişdir. Məhkəmə iş materiallarını araşdıraraq, hesab edir ki, iddia tələbi qismən təmin edilməlidir. İş materiallarında olan 10.05.2018-ci il tarixli, 0004 nömrəli tələb hüquqlarının güzəşt edilməsinə dair müqavilədən görünür ki, FinTrend BOKT ilə Nikoyl İKB ASC arasında tələbin güzəşti ilə bağlı tərəflər arasında müqavilə bağlnamışdır. İş materiallarında olan 11.01.2019-cuil tarixli 220-0119-000062 saylı əvvəlcədən ödənilmiş kartın verilməsi və istifadə üzrə müqavilədən görünür ki, FinTrend MMC ilə Cavabdeh arasında müqavilə bağlanmışdır. İş materiallarında olan 28.01.2019-cuil tarixli 220-0119-000120 saylı əvvəlcədən ödənilmiş kartın verilməsi və istifadə üzrə müqavilədən görünür ki, FinTrend MMC ilə Cavabdeh arasında müqavilə bağlanmışdır. İş materiallarında olan 11.01.2019-cuil tarixli məxaric qəbzinlərindən görünür ki, Cavabdeh 730 manat və 795 manat pul ödənilmişdir. İş materiallarında olan 26.10.2020-ci il tarixli xəbərdarlıqdan görünür ki, borclu Cavabdeh borcun ödənilməsi barədə xəbərdar edilmişdir. İş materiallarında olan 05.10.2020-ci il tarixli maliyyə arayışından görünür ki, həmin tarixə Cavabdehnın İddiaçı Açıq Səhmdar Cəmiyyətinə 317,99 manat əsas, 81,05 manat faiz, 46,30 manat cərimə borcu təşkil etmişdir. İş materiallarında olan 05.10.2020-ci il tarixli maliyyə arayışından görünür ki, həmin tarixə Cavabdehnın İddiaçı Açıq Səhmdar Cəmiyyətinə 371,45 manat əsas, 94,61 manat faiz, 51,37 manat cərimə borcu təşkil etmişdir. İş materiallarından görünür ki, iddiaçı tərəfindən 30 (otuz) manat dövlət rüsumu ödənilmişdir. Azərbaycan Respublikası Mülki Məcəlləsinin 739.1-ci maddəsinə əsasən, borc müqaviləsinə görə iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. Həmin Məcəllənin 739.2-ci maddəsinə əsasən, borc müqaviləsinin predmeti hər hansı pul məbləği olduqda, o, kredit müqaviləsi adlandırılır. Həmin Məcəllənin 385.1-ci maddəsinə qeyd edilir ki, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkətlər etməlidir, məsələn pul ödəməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə əsasən öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Məhkəmə hesab edir ki, Cavabdeh kredit müqaviləsi üzrə öz riski ilə müqaviləni bağladığından həmin müqavilə üzrə öhdəliklərə görə məsuliyyət daşıyır. Göstərilənlərə əsasən məhkəmə hesab edir ki, Cavabdeh kredit müqaviləsi əsasında iddiaçıdan kredit almaq hüququna malik olduğu kimi eyni zamanda göstərilən müqavilə əsasında kredit məbləğini və həmin müqavilə ilə müəyyən edilmiş faizləri iddiaçıya qaytarmalı olmasına dair vəzifələrin daşıyıcısı olmuşdur. Lakin, cavabdeh kredit müqaviləsi əsasında iddiaçıdan kredit vəsaitinin almasına dair hüququndan istifadə etmiş, həmin kreditdən yaranan borcunu ödəməli olmasına dair vəzifəsini isə lazımınca icra etməyərək, pul öhdəliyini lazımınca yerinə yetirməmişdir. Odur ki, iddia tələbi əsas və faiz borcunun tutulması hissəsində əsaslıdır və təmin edilməlidir. İddia tələbinin dəbbə pulu hissəsinə münasibətdə məhkəmə nəzərə alır ki, Mülki Məcəllənin 467-ci maddəsinə əsasən isə məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Hər bir konkret iş üzrə dəbbə pulunun azaldılması meyarları kimi dəbbə pulunun qeyri-mütənasib olması, öhdəliyin pozulması nəticəsində yarana biləcək mümkün zərərin həcmindən əhəmiyyətli dərəcədə artıq olması, öhdəliklərin yerinə yetirilməsindən yayınma müddətləri və s. çıxış edə bilər. Məhkəmə nəzərə alır ki, dəbbə pulunun göstərilən həcmdə tutulması cavabdehin əmlak mənafelərinə xələl gətirə bilər. Dəbbə pulunun məbləğinin azaldılması kreditorun əmlak mənafelərinə əsaslı təsir etmir. Belə ki, dəbbə pulunu əldə edəcəyi gözlənilən qazanc kimi deyil, öhdəliyin icrasının təminatı üsulu kimi nəzərdə tutmuşdur. Qeyd edilənlərə əsasən məhkəmə belə qənaətə gəlir ki, 317,99 manat əsas borca münasibətdə cavabdehdən 46,30 manat dəbbə (cərimə) pulunun tutulması, 371,45 manat əsas borca münasibətdə cavabdehdən 51,37 manat dəbbə pulunun tutulması əsaslı hesab edilə bilməz və azaldılaraq, 317,99 manat əsas borca münasibətdə cavabdehdən 5 manat, 371,45 manat əsas borca münasibətdə cavabdehdən 6 manat məbləğində müəyyən edilməlidir. İddiaaçının iddia tələbinin "xxxx" İKB ASC ilə Cavabdeh arasında bağlanmış 11.01.2019-cu il tarixli 220-0***-******* nömrəli kredit müqaviləsinin və 28.01.2019-cu il tarixli 220-0***-******* nömrəli kredit müqaviləsinin ləğv edilməsi hissəsinə münasibətdə məhkəmə hesab edir ki, iddia tələbi təmin edilməlidir. Belə ki, Azərbaycan Respublikası Mülki Məcəlləsinin 421.2-ci maddəsinə əsasən, tərəflərdən birinin tələbi ilə müqavilə yalnız digər tərəf müqaviləni əhəmiyyətli dərəcədə pozduqda və ya bu Məcəllədə və ya müqavilədə nəzərdə tutulan digər hallarda dəyişdirilə və ya ləğv edilə bilər. Tərəflərdən birinin müqaviləni pozması o zaman əhəmiyyətli pozuntu sayılır ki, bunun digər tərəfə vurduğu zərər nəticəsində o, müqavilə bağlanarkən ümid etməyə haqqı çatanlardan xeyli dərəcədə məhrum olur. Həmin Məcəllənin 423.2-ci maddəsinə əsasən, müqavilənin dəyişdirilməsi və ya ləğv edilməsi tələbini tərəf məhkəməyə yalnız müqaviləni dəyişdirmək və ya ləğv etmək təklifindən digər tərəfin imtinasını aldıqda və ya təklifdə göstərilmiş müddətdə, müddət göstərilmədikdə isə otuz gün müddətində ondan cavab almadıqda irəli sürə bilər. Göstərilənlərə əsasən məhkəmə həmçinin hesab edir ki, müqavilənin ləğv edilməsi tələbini iddiaçı tərəf məhkəməyə müraciət etməzdən əvvəl cavabdeh tərəfə təklif etdiyindən, təklifdə göstərilmiş müddətdə cavabdehdən cavab almadığından, iddiaçı kredit müqaviləsinin və razılaşmaların vaxtından əvvəl ləğv edilməsini tələb etməkdə haqlıdır. Buna görə də məhkəmə hesab edir ki, iddia tələbi həmin hissədə də təmin edilməklə, tərəflər arasında bağlanılmış müqavilə ləğv edilməlidir. Azərbaycan Respublikası MPM-in 107-ci maddəsinə əsasən məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Həmin Məcəllənin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Beləliklə, məhkəmə hesab edir ki, iddia qismən təmin edilməli, "xxxx" İKB ASC ilə Cavabdeh arasında bağlanmış 11.01.2019-cu il tarixli 220-0***-******* nömrəli kredit müqaviləsinin və 28.01.2019-cu il tarixli 220-0***-******* nömrəli kredit müqavilələri ləğv edilməli, cavabdehdən 317,99 manat əsas, 81,05 manat faiz borcu, 5 manat cərimə borcu olmaqla, cəmi 404,04 manat, 28 yanvar 2019-cu il tarixli kredit müqaviləsi üzrə 371,45 manat məbləğində əsas, 94,61 manat məbləğində faiz borcu, 6 manat cərimə borcu olmaqla, cəmi 472,06 manat və 30 (otuz) manat dövlət rüsumu İddiaçı Açıq Səhmdar Cəmiyyətinin xeyrinə tutulmalı, iddia tələbi qalan hissədə təmin edilməməlidir. Qeyd olunanlara və Azərbaycan Respublikası MPM-in 216-220, 227, 233 və 360-cı maddələrinə əsasən, məhkəmə qət etdi: İddia qismən təmin edilsin. Cavabdeh bağlanmış 11.01.2019-cu il tarixli 220-0***-******* nömrəli kredit müqaviləsi üzrə 317,99 manat əsas, 81,05 manat faiz borcu, 5 manat cərimə borcu olmaqla, cəmi 404,04 manat, 28 yanvar 2019-cu il tarixli kredit müqaviləsi üzrə 371,45 manat məbləğində əsas, 94,61 manat məbləğində faiz borcu, 6 manat cərimə borcu olmaqla, cəmi 472,06 manat və 30 (otuz) manat dövlət rüsumu İddiaçı Açıq Səhmdar Cəmiyyətinin xeyrinə tutulsun. "xxxx" İKB ASC ilə Cavabdeh arasında bağlanmış 11 yanvar 2019-cu il tarixli 220- 0***-******* nömrəli və 28 yanvar 2019-cu il tarixli kredit müqaviləsi ləğv edilsin. İddia qalan hissədə rədd edilsin. Qətnamədən onun rəsmi qaydada verildiyi gündən 1 (bir) ay müddətində Bakı şəhəri Xəzər Rayon Məhkəməsi vasitəsi ilə Bakı Apelyasiya Məhkəməsinə apelyasiya şikayəti verilə bilər. Sədrlik edən Zaur Tağıyev