Bakı Şəhəri Yasamal Rayon Məhkəməsi Qərardad — İş №2(004)-1537/2021

Azərbaycan Respublikası adından QƏRARDAD Bakı şəhəri İş № 2(004)-1537/2021 22.01.2021 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal rayon Məhkəməsinin hakimi Hacıyev Vahid Məcid oğlu, İddiaçı cavabdeh “xxxx” ASC-yə qarşı “dəymiş zərərin ödənilməsi” tələbinə dair iddia ərizəsinə və ona əlavə edilmiş sənədlərə baxaraq, MÜƏYYƏN ETDİM: İddiaçı cavabdeh “xxxx” ASC-yə qarşı “dəymiş zərərin ödənilməsi” tələbinə dair iddia ərizəsi ilə xx.xx.2021-ci il tarixdə məhkəməyə müraciət edərək, ona məxsus olan VAZ 21099 markalı 48BB677 dövlət qeydiyyat nişanlı avtomobilə vurulmuş zərərin əvəzi olaraq 735 manat pulun cavabdeh “xxxx” ASC-dən tutularaq ona ödənilməsi barədə qətnamə çıxarılmasını xahiş etmişdir. İddia ərizəsini və ona əlavə edilmiş sənədləri nəzərdən keçirib müəyyən etdim ki, iddia ərizəsi Azərbaycan Respublikası MPM-in 149-cu maddəsinin tələblərinə riayət edilmədən verilmişdir. Belə ki, “AZEMİS” Elektron Sisteminin vergi ödəyicilərinin məlumatları haqqında xx.xx.2021ci il tarixli çıxarışdan müəyyən edilir ki, cavabdeh “xxxx” ASC (VÖEN **********) - hüquqi şəxs kimi ünvan 1 mənzil 4,87 ünvanda xx.xx.2004-cü il tarixdən uçota alınmışdır. Hazırkı iddia ərizəsi Azərbaycan Respublikası MPM-in 149-cu maddəsinin tələblərinə riayət edilmədən tərtib edildiyinə, iddia ərizəsi imzalanmadığına, həmçinin iddiaçı iddia tələbini əsaslandırdığı sübutları - avtomobilin onun mülkiyyətində, sahibliyində və ya istifadəsində olmasını təsdiq edən sənədi və sığorta şəhadətnaməsini, “xxxx” ASC-nin İddiaçı və ya zərərçəkmiş Kərimov Səyyad Ədalət oğluna sığorta ödənişini verməkdən imtina etməsinə dair sübutu iddia ərizəsinə əlavə etməmiş, həmçinin icbari sığota müqaviləsinin tələbinə əsasən icbari sığorta olunan şəxsin üçüncü şəxsə vurduğu zərərin əvəzinin sığorta şirkəti tərəfindən ödəməli olmasını nəzərə almamışdır. Göründüyü kimi, İddiaçı hazırkı iddia ərizəsini aiddiyyət qaydalarını pozmaqla verdiyinə görə və iddiaçı tərəfindən verilmiş iddia ərizəsi iddiaçı və ya onun bunu imza etməyə səlahiyyəti olan nümayəndəsi tərəfindən imzalanmadığından iddia ərizəsi Bakı şəhəri Yasamal rayon Məhkəməsinin icraatına qəbul edilə və baxıla bilməz. İddia ərizəsi iddiaçıya qaytarılmalı, iddiaçı qeyd olunan nöqsanları aradan qaldırmaqla, aidiyyatı üzrə cavabdehin hüquqi ünvanı üzrə Bakı şəhəri Səbail rayon Məhkəməsinə müraciət edə bilər. Çünki, Azərbaycan Respublikası MPM-in 31.1-ci maddəsinə əsasən aidiyyət qaydalarının pozulmasına yol verilmir. Azərbaycan Respublikası MPM-in 35.2-ci maddəsinə əsasən hüquqi şəxsə iddia hüquqi şəxsin ünvanının olduğu yerə görə verilir. Hüquqi şəxsin törəmə müəssisəsinin fəaliyyətindən əmələ gələn iddialar müəssisənin ünvanının olduğu yerə görə verilir. Azərbaycan Respublikası MPM-in 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə onun məhkəmə icraata mümkün deyildir. Azərbaycan Respublikası MPM-in 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Azərbaycan Respublikası MPM-in 152.1.2-ci maddəsinə iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda, hakim iddia ərizəsini və ona əlavə edilmiş sənədləri geri qaytarır. Azərbaycan Respublikası MPM-in 152.1.3-cü maddəsinə əsasən əgər iş ərazi aidiyyəti üzrə həmin məhkəmədə baxılmalı deyildirsə, hakim iddia ərizəsini və ona əlavə edilmiş sənədləri geri qaytarır. Qeyd olunanlara əsasən və Azərbaycan Respublikası MPM-in 31, 35, 151, 152, 263-264, 268-ci maddəsini rəhbər tutaraq, QƏRARA ALDİM: İddiaçı cavabdeh “xxxx” ASC-yə qarşı “dəymiş zərərin ödənilməsi” tələbinə dair iddia ərizəsi və ona əlavə edilmiş sənədlər icraata qəbul edilmədən geri qaytarılsın. Qərardaddan 10 gün müddətində Bakı şəhəri Yasamal rayon Məhkəməsinə şikayət verilə bilər. Məhkəmənin hakimi:Vahid Hacıyev